كرونيك زوجتي لا تحبني

كرونيك زوجتي لا تحبني

عدد الحلقات : 92 حلقة

الحلقة 01

انا زيد عمري 25 سنة عندي خويا توأم اسمه زياد كنا نسخة طبق الاصل عن بعضنا لكن عقليتنا تختلف تماما، انا كنت طايش مانيش تاع قراية وخاطيني هذا شي، كنت تاع مشاكل بصح في جيهة لخرة خويا كان قراي وسيريو، قرا وخدم و بنا دار ورتبط مع وحدة ورح يخطبها و انا مزلت طايش، رغم ان عقليتنا مختلفة كنا نحبو بعضنا ياسر واحد مايحقد عن اخر.

نهار قبل الحادثة رحت عند بابا قلتله بابا نحتاج طاكسي رح ندي مفاتح خزر فيا مليح باه تعرف اذا انا زيد ولا زياد، شافني مكستم و لابس شوي سيريو قالي زياد معليش بني بلا ماتسقسي.

ضحكت ومشيت هاذي خدعة نصحني بيها زياد، اني نلبس قشه ونطلب اشياء باسمه باه يعطوهالي، رحت هزيت طاكسي و رحت حتي عيطلي زياد

زياد : يارخيييس ديت طاكسي

زيد : هههه شكون قالك علمني الخدعة هذيك

زياد : يلا برك اك عارف لازم ندي مدامتي تخدم ونجيبها مطولش

زيد : حتى انا عندي موعد مع مدامتي

زياد : ويناهي منهم امال رشا نغم ياسمين دنيا شكون بضبط

زيد : لا وحدة جديدة متعرفهاش هههه

ضحكنا وكوبا قلت لازم نرجع طاكسي لانه يحتاجها، انا نمشي نحس بوجع في قلبي و عاودت عيطت لزياد لقيته مغلق رجعت لدار نسمع في عياط و بكاء.

ماما تقول راااح زيد راااح انا لي خليته يطيش انا لي خليته على رااايه حتى قتل روحه، تحضنتها قلتلها ماما شكاين، قالتلي اديييني باباك محبش يديني اديني نشوف زيد قالو ضرباته طاكسي، الكل كانو حاسبين انه زيد لي مات بصح لي مات في الحقيقة كان زياد و كان موته صدمة ليا، كانه ضربة لي جاتني باه نفيق على روحي.

كملت الجنازة كل حاط انه زيد لي هو انا مات، انا منعرف علاه مكنتش حاب نهدر نقول انه لي مات زياد مش زيد، ممكن لانه زياد هو لي فرح العائلة اما انا كنت مداير غير المشاكل، كان يعرفو زياد هو لي مات تكون صدمتهم اقوى، سكتت و قررت نعيش كزياد.

الحلقة 02

_ في الجنازة _

حنا كنا اربع خاوة، انا و زياد لي توفى و خالد و جواد، زياد راح وخلانا و جواد تحبس بسبب قضية.

بقينا غير انا وخالد، كان يشوف فيا و راني متأكد انه عارفني اني زيد مش زياد كيما راني نتظاهر، محبيتش نقوله رغم اني عارفه انه يحبنا في زوج كيف كيف.

رحت دخلت لدار تقابلني شهيناز (حبيبة زياد)، شافتني جات عندي قالتلي عظم الله اجرك

زيد : شكر الله سعيك

شهيناز : لباس حبي تبان تعبان

مجرد وقفة معاها خلاتني نحس اني نخون في خويا، كرهت روحي، خويا مازال ما نشفش قبره و انا واقف مع حبيبته ونتظاهر اني حبيبها.

ثم نهرت بالبكاء وين راني بيها عدت نقول انا زيد انا زييد ونعيط زياااد واحد ماكان يفهم، جاتني يما حضنتني

يما : بسم الله على بني

شهيناز : زياااد انت لبااس

خرجت وقتها داوني سبيطار درت سيروم كنت شبه دايخ، خالد همسلي في وذني اني معاك يا زيد اني عارف وفاهمك

(خالد يهدر في قلبو) كنت نشوف في زيد يعاني و هو يمثل في دور زياد، محبيتش نكشفه قلت نشوف وين حاب يوصل، كان قلبي محطم على الحالة لي راهي فيها عايلتنا، تليفوني يصوني بإسم رنيم لهي خطيبتي زعما، هزيت عليها ...

رنيم : الو خالد

خالد : الو

رنيم : عظم الله اجرك والله هذا وين سمعت

خالد : عادي عادي مش مهم

رنيم : اي جات يما للجنازة

خالد : ونتي علاه مجيتيش

رنيم : عندي خدمة منقدرش

خالد : الخدمة اهم ...!

رنيم : وش؟

خالد : والو عندي ضرك دفن لازم نكوبي

عارفها مش حابتني ولا متقبلتني وتسيف على روحها غير علجال ...

<><>

الحلقة 03

رنيم تحكي _

مش قادرة نشووف فيه ولا نحكي معاه حاسة بضغط وانا يقولولي خطيبته، مش متقبلاته حتى كي سمعت بجنازة تاع خوه رفضت نروحلها غير علجال اني مش حابة نقابله مش حابة ناس تقلي ااه نتي خطيبة خالد اوووف.

القصة كلها بدات وقت جاء واحد قال عليا لدارنا مكنتش نعرفه نعرفه بالاسم برك، بصح كيما كانت تحكي عليه ماما تقلي حسب ونسب و عنده دراهم مكنتش مهتمة قلت حتان نشوفه ونحكم، لقيته باعثلي انفيت في فيسبوك قرعجت في فيس مالقيت حتى فوطو.

قبلته حكينا عقليته مليحة بصح حبيت نشوفو، انا كنت نخدم في حانوت بيع حوايج تاع نساء قتله نخرج من خدمة نتلاقاو في كافتيريا فولانية قالي معليش.

روحت هذاك نهار تزينت كملت خدمة وصلت بلاصة قعدت، بقيت نسنى نص ساعة، عيطتله قالي معنديش جرءة نجي ونقابلك قتله كييفاه كوبيت عليه، جيت نايضة وانا خارجة حكمني واحد من يدي درت نلقى واحد هز ورد سمين وعنده كرش ...

خالد : رنيم معليش تقعدي انا خالد

بقيت نخزر فيه من شدة الشوك، كنت متوقعة راجل طويل (هو طويل بصح كي عاد سمين يبان قصير) عضلات لابس كوستيم وساعة وكذا شوكاني، بصح قعدت محبيتش نحشمه.

خالد : حشمت مجاتنيش جرءة في اول نوقف بحذاك

رنيم : عادي

خالد : تشربي كاش حاجة؟

رنيم : تأخرت على الدار لازمني نروح

نضت وخليته معرف متقبلتش هذا الشكل خاصة اني من مدمنة مسلسلات تركية، نحلم بإنسان طويل كيما كمال ولا مهند، مع العلم انا كنت زييينة روحت لدار فيسبوك معادش نفتحه قلت ماما مانيش قابلة بيه، بصح خويا قالي خممي انا كنت مصرة حتى خويا صارحني انه مداين معاه و قالو لوكان نقبل بيه يسمحله فالدين.

عدت نخمم قبلت بيه فوق قلبي، وصلني مرة لخدمتي شافوه صحباتي في خدمة ايا ناضو يعلقو خيار ما خيرتي ههه وضرك هذا نتي لي تهزي حمر منه ولا هو، خبطت عليهم طابلة قلتلهم يزيكم اصلا قبلته علجال دراهم لا بيا حبه لا وااالو، لقيتهم كل ساكتين حسيت حاجة ورايا مع نتلفت نلقاه هو هز ساكي هدر بصوت مغصوص و قالي نسيتيه في طاكسي.

<><>

الحلقة 04

من وقتها مهدرناش حتى صرات جنازة تاع خوه هو ما قالي والو مبينش انه مقلق خلاني على راحتي بصح انا محبيتش نهدر منعرف علاه، محبيتش نهدر باه منكونش في موقف نكون انا غالطة.

لي زاد مشاعري اتجاهه تكون معدومة هو انو كان كاين واحد يبيع مقابلنا ديما نحسه من نجي خارجة يخرج باه يشوف معايا و كان شخصية و كور عجبني صراحة بصح مكانش اعتراف منه،  مرة درت روحي شريت من عنده خلى لي جايين يشرو كل شاف معايا واش نحتاج، قالي اديها بلاش قتله لااا بسيف ماقبل نسلكه حسيت شوي كاين شي بينا.

بصح مكانش هك اعتراف، على هاديك معادش نشوف في خالد اصلا كي نوصل بلاصة خدمتي نح خاتم غير قدام خالد نلبسه نتحججله انه نخاف يطيحلي.

_ بعد مرور اربع اشهر _

زيد انتحل شخصية زياد، بصح دار روحه فقد ذاكرة وقت لي داوه سبيطار انه كي شغل صراتله صدمة باه ميفيقش حتى واحد بيه كي يغلط او ينسى، وحيد لي كان عارف انه زياد هو لي مات مش زيد هو خالد.

اما خالد فكان عايش على امل انه رنيم تخزر فيه بصح هي كانت مدايرة رايها وعينها على واحد اخر رغم انه يحاول يخليها تنجذب ليه بصح والو.

اما الاخ الرابع لي محكيتلكمش عليه خلاص هو جواد لي كان في السجن و ليلة يخرج، كان يستنى في النهار لي يخرج فيه بفارغ الصبر باسكو كانو عنده بزااف حسابات مع ناس.

<><>

الحلقة 05

جواد يحكي _

كنت نرقد في هذاك الحبس ونعد الايام غير باه نتلاقى مع واحد الكلب، في حياتي محسيت بمهانة لي راني فيها، طفلة لي كنت حاط عليها عيني لي دخلني لسجن هو نفسه لي راح تزوجها و خويا مات ومخلاونيش نحضر جنازته كنت نبكي كي بيبي صغير في الحبس حبيت غير نشوف وجهه ونودعه، حلفت في أي واحد كان سبب نشربله المرار.

سبابي وحد العبد، ديما مين نجي راجع لدار يقلقني، قلت هاذي المرة نحطله حد، جيت فايت بدا يلوح عليا في الكلام، دراهم لحرام ومنعرف واش، هزيت موس ورحتله بديت نعارك فيه معادش شفت قدامي، ضربته بكف جات هابطة اخته و كي وصلت سمعتها قالت ماكش راجل، رجعتلها قلتلها واش قلتي، عاودت نفس كلمة بكل جرءة، عطيتها بكف طاحت داخت و كملت طريقي.

شكات بيا طبعا بعدما كسرتلها فكها، دخلت ستة اشهر حبس مالقري ترجاوها دارنا باش تسحب الشكوي و هي رفضت، بسببها مات خويا وانا في الحبس مقدرتش نحضر جنازته و صرات ياسر مشاكل في دارنا.

هاديك هي اكثر طفلة كرهتها في حياتي، كي خرجت من الحبس اول حاجة درتها رحت هزيت ساطور ومشييت لخوها صدمت عليه في قهوة تاعه، شافني هز ساطور نخلع قتله انا ولد حلال منحبش نلعب ببنات ناس و راني جيت انا و الساطور تاعي نطلب يد اختك للحلال ومذابيييك توافق سينو نقتلككك يلا مأذون جاااي مكلاااه نتأخرو، خوها كان اسمه عمران ( نفسه لي خطب لي كنت حاط عيني عليها).

عمران : اسمع اختي راهي ...

جواد : اسمع انت كنت حاط عينك على بنت مش ليك و بلعاني دخلتي حبس باه تعرف تجبدها ليك، ضرك كيما خلقك ربي تزوجني اختك بسيف برضايتك الله يسهل.

عمران : اختي مريضة شوي وناقصة مقصدتش ...

جواد: هههه مريضة ثاني مالا هك نتسلى ... يلا نفهمك تزوجني

عمران : مكاش شي بالإجبار، نشكي بيك

جواد : المرة لي فاتت كنا برا وكان كاين شهود وللاسف اختك تضربت بصح هاذي مرة نضربك ضربة بساطور تتقسم نصين شكون حيفيق بيك

عمران : دقيقة نطلع لفوق نخبرهم

جواد : لاااااا كلمها قدامي قلها راني تحت التهديد وقلها امام ضرك يطلعلك ياخذ موافقتك

عمران: بصح اختييي مرييضة وتخاف

جواد: الله يسهلللل يلا

الهم في النهاية درت رايي، جا الامام زوجنا بقيت نسناها تهبط، كانت تصرفاتها غريبة قالي مريضة شوي متلازمة اسبرغر توحد بصح نوع اول (يعني لي مريض بيه يكون قادر يهدر مع ناس بصح ميحملش فوضى زايدة وعنده مشكلة في التواصل).

<><>

الحلقة 06

_ زيد يحكي _

كنا قاعدين في دار جاو خالاتي يطمنو على ماما بعدما تأزمت حالتها بموت زياد، رغم اني انتحلت شخصيته علجالها، قاعدين نضت انا رحت شمبرتي قديمة فتحتها نلقى بنت خالتي "جيهان" راقدة متحضنة مخدة خزرت فيها لقيتها كانت تبكي خرجت وخليتها، قلت بلاك تعبت ملقاتش وين ترقد.

قعدت انا وخالد نقصرو شوي

خالد : مزالك مش رح تعترف

زيد : نقص صوتك ناوي تفضحنا

خالد : اوكي رح نسكت بصح الشي لي راك تدير فيه غلط

زيد : شوووف يما كيفاه تازمت حالتها هذا كل مداير انه انا لي متت مش زياد كان تسمع بلي زياااد واقرب واحد لقلبها مات واش تحبها تتصرف تحبها تموت

خالد : وشهيناز (حبيية زياد)

زيد : مش عارف كيفاه نتصرف معاها والله مش قادر نتظاهر اني زيد قدامها ونتظاهر اني نحبها كل يوم نلكيديها اني مزالت مرتحتش من موت خويا ... والله ماني عارف

خالد : الله يعينك ...

زيد : اسمع نقلك شي قبيل دخلت شمبرتي قصدي لي كانت شمبرتي زعما كي متت معادش شمبرتي، لقيت جيهان راقدة متحضنة مخدة وتبكي، زعما وش يكون بيها

قال منعرف بصح ملامح حسيته عارف الف حاجة

زيد : انطق ...

خالد : مدخلنييش بينك بينها ...

زيد : واش كاين يعني موضوع يخصني

خالد : اذا حبت تحكيلك تحكيلك هي ...

جيت ننطقو بالسيف حتى سمعنا صوت جواد داخل لدار، فرحة ماوسعتنيش رحت نجري ليه عنقته و قاعد نبوس فيه ... حسيتو رجع الفرحة لهاذي دار

خالد : درتها بينا ومخبرتناش انهم خرجوك

جواد : والله محبيتش نتعبكم لي فيكم يكيفكم

راح جواد يتحضن في ماما رجعلها روح بعدما كانت مريضة، كانت كاينة بنت معاه حاكمة باب و خايفة او حشمانة تدخل مافهمتش، ضربت خالد لكتفه باه يشوف بنت

خالد : شكون هاذي

جواد خزر لينا قالنا شبيكم

اشارلنا للبنت

جواد : اااه هاذي مرتي

انصدمنا نحسبوه يتمسخر بصح قالنا والله مرتي راح دخلها لشمبرته

جواد : مرتي شوي مريضة كيما علبالكم

خالد : هبللللت ولاواش! خرجت اليوم تزوجت

يما : واااش كاين ديمااا هك طااايش مكفاااكش اني خسرت زيد من وراء طيش تاااعه تزيدني نتا

شديت يديي بقوة وحكمني خالد

<><>

الحلقة 07

_ جواد يحكي _

يما : طلقهااا يزيك من لعب ببنات الناس

جواد : مش مطلقها

شدلي خالد يدي قالي اقعد اقعد ريح يما مهيش مليحة متزيدش عليها، سكتت باه منقلقهاش حتى هدات قلتلها يما مانيش حاب نطلقها

يما : يااابنيي شكووون هاذي اصلا علاه تتزوج زواجة هك

جواد : راهي غير اخت جارنا مولا قهوة

يما : متقولييش هذيك مهبولة

جواد : مش مهبولة

يما : مهبولة شفتها هذيك نهار ...

خرجت هبة (مرتي) من شمبرا و هي مهبطة راسها وتقول انا مش مهبولة انا مش مهبولة انا مش مهبولة، انا مريضة توحد توحد توحد توحد

راحتلها جيهان باه تهديها، خزرت فيها كيفاه منهارة ودور تقول انا مش مهبولة، خليتها قلت ليما انا خارج شوي اهتمو فيها (رايح قبر خويا باه نشوفو)

خالد : استنى انا ثاني خارج نجيب خطيبتي من خدمة

جواد : يلا

خرج جواد و خالد، بقيت انا وحدي في دار رحت نريح يما نقلها انه جواد مش صغير صح هو عصبي بصح يعرف يتصرف متخافيش، كانت تقلي اسكت انت ماك متفكر والو من لي دارهولي، ماكش متفكر خوك زيد كان طاايش على هك مات.

كل ماتقول هاذي الكلمة نحب نقلها انا زيييد انا زيد بصح نلم فمي ونعاود نسكت، شوي هك جات جيهان جايبة ماء و دواء.

جيهان : خالتي لازمك تشربي هذا دواء باه تريحي

يما : راني مزلت مش مصدقة انه زيد مكانش معادش يقلقني، راني كي نشوفك نتفكره

بدات تبكي معاها جيهان بصفة مش طبيعية حتى شوي قريب داخت شديتها

زيد : جيهان راكي لباس؟

جيهان : مليحة شوي برك تعبانة

زيد : نديك عند الطبيب

يماها : متسمعش كلامها راهي من نهار مات زيد وهي لا ماكلة مريقلة لا رقاد مريقل، مات مكتوبه ادعيله برحمة

جيهان : خللللوني برككك خلوني

راحت تجري لشمبرتي لقديمة، بقيت نخزر فيها مستغرب

<><>

الحلقة 08

وانا في قمة تركيزي مع جيهان عيطتلي شهيناز، هزيت عليها

شهيناز : الو وينك

زيد : كيفاه ويني اني في دار

شهيناز : اني طيبت لغداء ليكم تحب تجي تديه ولا نجي

زيد : لا اقعدي وييين تجي دقيقة ونكون عندك

رحت لبست و ريقلت روحي هزيت مفتاح تاع طاكسي وطلعت لشهيناز، مكانتش بعيدة دارنا على دارها، وصلت سلمت عليها قالتلي فوت يما هنا برك ...

زيد : لاا

شهيناز : زياد اذا مش متفكر يما عارفة بعلاقتنا و حكيت معاها قبل قلتلها ناوي تخطبني بعد عرس خالد يعني عارفة كل شي فوت برك

زيد : لا فكيني اصلا مكلاه تضالي تعبي روحك وطيبي فهمتي

جيت رايح حكمتني

شهيناز : طيبت لانه هاذي ايام مش خلاص نشوف فيك انت تقلي متجيش لدار توحشتك

منعرف علاه انفعلت فيها

زيد : شهيناز خويا ميت من اشهر برك و نتي جايبتني على جال تتغزلي

شهيناز : زياد شبيك عدت غريب مصدومة فيك مش قادر حتى تحط عينك في عيني اي كلمة نقولها تفهمها بالغالط، تأففت عليها قلتلها الهدرة معاك ولات متعبة والله، ركبت في طاكسي وحتى بلا ماندي لغداء ديماريت

سمعتها تعيطلي بصح تجاهلتها على خاطر تعبت من التمثيل، كي نكون نهدر معاها لازم نمثل فوق طاقتي ...

_ جواد يحكي _

دخلت شافني زياد قالي رجعت بكري قتله راني رحت ندور شوي ورجعت، رحت دخلت شافتني جيهان قالتلي عندي هدرة معاك

زياد : وش كاين

جيهان : لا مع جواد برك

زياد : ااه اوكي

راح زياد قعدت انا وجيهان وحدنا

جيهان : نعرفك متحشمش وجهكك صحيح على هك رح نبرد وجهي ونقولهالك قلت يما او يماك يقولهالك قالولي لا محبوش يقتنعو، اسمع هبة راها عندها مرض مهيش كيما نحس متحبش عبد يمسها ياسر على هك مذابيك تتفادى تدخل معاها في علاقة ...

جواد : ههه وجهك صحيح

جيهان : مش نتمسخررر جواد

جواد : كملي كملي ههه

جيهان : راهي صغيرة ممكن يجيها انهيار عصبي ويصرالها شي

طلعت حاجب وهبطت حاجب قلتلها منديرش دخلتي ولا كيفاه

جيهان : طلقها خليها ترجع لدارها مذنبهاش في سجن تاعك ...

جواد : مدخلكش مرتي وانا حر على مرضها نعرف نتصرف معاه ...

نضت وخليتها ورحت لشمبرتي لقيت هبة راقدة في فراشي خليتها ودخلت لدوش نريح شوي

<><>

الحلقة 09

كملت دوش وخرجت وانا مدور منشفة على روحي برك، شافت فيا قالت عيب عيب ... رحت هزيت قشي

جواد : علبالك انه حنا متزوجين

هبة : علبالي

جواد : ايواه علبالك وش يديرو عرسان في ليلتهم اولى ليلة دخلة

ناضت قالت انا انا ...

جواد : واش ههه تعرفي ولالا

هبة : ماما خبرتني خبرتني انه واش يديرو

هي متحبش عبد يمسها حطيت يدي على كتفها

هبة : منحبششش تمسني منحبش تمسنيي عيب عيب ماما قالتلي عييب عيب عيب عيب عيب

جواد : هههه يليق يحطوك معلق في بيان سبور هههه هدف هدف هدف هدف تبقي تعاودي فيها هك

هبة : هبة متحبش تبوس

جواد : ارب عالي مراحشش نبوسك

حاولت نحط عيني في عينها كل ماحاولت كانت تبدلها اتجاه اخر

جواد : كي ضربتييني جاتك عادي وضرك تحشمي حتى تحطي عينك في عيني

هبة : لا هذا مررض اسمه توحد بالاخص متلازمة اسبرغر مريض به يكون عنده صعوبة في اتصال بصري مباشر

جواد : مش غير اتصال بصري ههه

عاودت مسيتها بعدتني ... ضحكت قلت رح نتسلى ههه

هبة : منحبببش

جواد : اوكي ارقدي ههه مراحش نمسك

هبة : احلف

جواد : والله مارح نمسك

اطمنت هي رجعت تغطات ورقدت

_ عند خالد _

رحت شريت ورد و شيكولا ورحت لرنيم، قربت شوي حتى نشوفها تهدر مع واحد وتضحك مباعد تفارقو هم يضحكو في زوج، هبطت من طاكسي، كي شافتني توترت خزرت ليدها شفت خاتم مكانش ... خزرت لهذاك لي كان واقف معاها ...

جيت رايحله حكمتني رنيم

رنيم : ماتتهورش ماتتهورش ماكان والو

خالد : علاه راكي تهدري معاااه وعلاه مكيييش لابسة الخاتم

رنيم : ماكان والو

تحضنتني و باستني من خد

رنيم : توحشتك

دارت هكاك وقلبي تخطف مصدقتش هي لي دارت هك، بقيت نخزر فيها وتايه في جمالها

رنيم : ويين رحت

خالد : جبتلك شيكولا و ورد

ابتسمت

رنيم : نجيب ساكي ونجي

خالد : اوكي راني نسنى فيك

(رنيم تحكي) دخلت للحانوت لي نبيع فيه حاكمة قلبي ميتة بخوف انه خالد يروح يحكم مراد ( لي عاجبني)، رحت هزيت ساكي و حكمت في يد خالد باه ينسى لي صرا ميركزش هو كان فرحان ركبنا في طاكسي قلع بيا، حبسنا عند دار ... جاء يهدر

خالد : وش رايك نجيبك تتعشاي عندنا اليوم

رنيم : لا تعبانة صراحة من خدمة

خالد : اوكي كيما تحبي

جيت هابطة

خالد : مقلتليش شكون هذاك

رنيم : ولا نقلك نجي نتعشى عندكم ارواح ...

خالد : راكي سيريو

رنيم : اييه اذا تحب يعني ...

خالد : اكيييد نحب تواجدك

خالد خزرلي بفرحة خزرت معاه باعد قربلي بشوي ... قربلي كثر عطيته كف وهبطت ... هبط يجري من ورايا حكم يدي بقوة ...

خالد : شبيييك

رنيم : علاه قربتلي ... تحسبني بنت حرام تبوس على كيفك

خالد : اولا نحن مخطوبين ثانيا فهمتييني غلط كانت في يدي سلسلة حبيت نلبسهالك ... هاكي

شديتها من يده كان فيها اسمي ...

رنيم : اسفة ... كنت متخيلة شي اخر

خالد : عادي اطلعي فوق اتهلي في روحك

رجعت طلعت في طاكسي تنهدت تنهيدة وجع مخلطة مع كل شي تحسبني مش فاهم تصرفها وتجاهلها لسؤال هذاك شكون

رجعت لدار مغبون كالعادة

_ عند جواد _

حبيت ننوضها تتغدا بصح تفكرت انه متحبش نمسها ... عيطتلها مناضتش هزيت مخدة ولحتها فيها ... ناضت مخطوفة ... تعاود تقول ماما ماما ماما ويني ويني انا ... غلقت وذنيها بيديها

جواد : اهدي راكي هنا في دارك ثاني ... جيت نحكمها ناضت تعيط

تقول ماما ماما

معرفتش نتصرف معاها

خرجت عيطت لجيهان حمدلله بقات هنا جات تجري، عادت تهدر معاها جيهان وتهدي فيها حتان عادت تسمع شوي

جيهان : نتي و جواد راكم متزوجين متجيش ماما تجيك هنا

هبة : انا و جواد متزوجين ... متزوجين انا وجواد متزوجين ... هبة و وجواد متزوجين

ناضت باه تتغدا معانا وهي تعاود في نفس جملة

جيهان : مش على اساس تعرف تتصرف وش درتلها

جواد : قالت ماتمسنيش كيفاه نوضها ... مالا رميت فيها مخدة

جيهان : غبي

جواد : شكرا

هبة جبدت جيهان لجيهة و قالتلها

هبة : انا و جواد متزوجين؟

<><>

الحلقة 10

_ عند زيد _

رحت للشومبرا تاع خالد لقيته يوجد في روحه قالي جاية خطيبتي تتعشى معانا، بقيت نخيرله في قش ونعاون فيه

زيد : خالد تعرفني نثق غير فيك، حاس بشي وخايف نحكيه

خالد : واش هو هادا الشي

زيد : حاس بجيهان تحبني منعرف تصرفاتها و يوم كل في شمبرتي لقديمة تصدق

سكت عليا ماقال والو، سكوته زاد شكوكي

زيد : خالد انت عارف شي اكيد

خالد : نتا شكون ضرك

زيد : وش قصدك انا شكون

خالد : انت زيد ولا زياد

زيد : بيني وبينك زيد و برا الغرفة هاذي زياد

خالد : اوكي بيني وبينك ... ايه تحبك مكانش لي مش عارف انها تحبك على فكرة حتى زياد كان عارف

زيد : زياد كان عارف وخبى عليا

خالد : ايه زياد كان عارف يسنى فيك انت تلاحظ بصحح انت محبيتش تلاحظها الا وقت اخترت تكون زياد ... اسمعني زيد برا غرفة هاذي جيهان متعنيلك والو راك زياد بالنسبة ليها مش زيد ... شهيناز هي لي تعنيلك اذا كنت تحب زياد صح ناوي تكون كيفه فإياك تلعب بمشاعر شهيناز

زيد : بصح حاس روحي نخون فيه

خالد : مزال عندك فرصة تعترف

زيد : لااااا رح نكمل، مشفتش يما كيفاه كل يوم ااه زيد بسبب طيش تاعه مات تخيل نقله زياد تنجلط

خالد : الله يهديك، مهم قلي هذا خير ولا هذا

كملت نخير معاه ... مباعد سمعت تليفوني يصوني ... هزيت

شهيناز : الو

زيد : اهلين

شهيناز : اني عند باب

هبطت نجري رحت فتحت باب

زيد : واش وين

شهيناز : ما جيتش ليك جيت ليماك

جات داخلة حكمتها

زيد : وش صاير شبيك

شهيناز : جايبة غداء و مروحة

دخلت شافت مع جيهان

جيهان : اهلا شهيناز وش حالك لباس

شهيناز : حمدلله ... جبت لغداء بعثاته ماما

جيهان : بعثاته لينا كل ولا لزياد برك ههههه

شهيناز : لا ليكم كل هههه

جات شهيناز مروحة قالتلها جيهان اقعدي وحلفتلها، قعدو مع بعضهم يقصرو ويضحكو بقيت نخزر فيهم لزوج نفكر في كلام خالد قاعد نقول شكون انا، لازمني نكون عبد واحد، نخزر في جيهان ونقول انا زيد ... نرجع نخزر في شهيناز نقول لااا انا زياد ... مباعد نضت قلت لشهيناز هيا نوصلك.

جيهان : هههه خليها تريح معانا

زيد : لالا

جيهان : كنت رح تاكلها بعينيك

شهيناز حشمت

شيهناز : انا نروح مال

حكمت يدها ومشيتها معايا، وصلتها لدارهم جات داخلة قلتلها شاهيناز خلينا نتسيبارو

_ عند جواد _

سمعت يما تعيط لجيهان، جيهان دات معاها هبة باه تشوفها يما، رحت انا غسلت يديا، قعدنا انا وجيهان و يما وجات خطيبة خالد ...

همست لجيهان قلتلها وينها هبة

جيهان : قالت متحبش تاكل في مجامع تعرف توحد حطيتلها في شمبرتكم

نضت ليها، دخلت شمبرا لقيتها قاعدة ماكان لا غداء لا والو

جواد : مش رح تتغداي

سكتت

جواد : نهدر معاك

هبة : هل يجوز لي كذب

جواد : نعرف متوحدين ميكذبوش قولي حقيقة

هبة : امك قالتلي جايين ضيوف، محبتش نقعد في طابلة قالتلي اسني هنا نجيبولك تاكلي

حكمتها من يدها مشيتها

جات تنحي يدها

خزرت في عينيها خلعتها بخزرتي

جواد : امشي لنكسرلك فكك

هبة : هبة متحبش عبد يمسها

نسيت روحي نحيت يدي قلتلها امشي قدامي مشات

جبتلها كرسي وقعدتها

خزرت لخطيبة خالد قلتلها هاذي مرتي

جيهان : والله كنت نحسبك تكذب بصح باين ضارب فيها عشقة

جواد : نتي حسابك معايااا مباعد

(خالد يحكي) قاعدين ناكلو قلتلها عجبك لغداء، قالتلي ايه شكرا ليكم، همستلها مش خسارة فيك بعدت عليا بطريقة محبيتهاش، سكتت عليها كملت ناكل شفت تليفونها جاه اشعار جات تشوف نحيتولها من يدها، قريت اسم لي بعثلها ميساج كان مراد ... جيت نثبت مع فوطو تاعو حتى خطفتلي التليفون من يدي، وتوترت بقيت على اعصابي زعما توصل بيها تخوني صح!

ناضت قالت ان امها مريضة لازم ترجع للدار نضت وصلتها طريق كل وانا ساكت خفت نضلمها، وصلتها ورجعت لدار قعدت نكسر في حوايج مقلق، جاني جواد كي سمع تكسير قالي شبيك

خالد : وش شعورك اذا تحس خطيبتك تخون فيك بصح انت مش قادر تكشف هذا شي

جواد : نفورسيها ونخليها تنطق

قعدت حطيت يدي على راسي

جواد : خالد كيفاه شاك فيها

خالد : تخون فيا تكلم فيه اصبر ضرك نعيطلها قدامك تخرج اوناطونت

عيطلتلها خرجت اوناطونت ...

خالد : على اساس تعاون في امها شدير بتليفون

جواد : مش سبب منطقي بلاك تليفونها يكلم بيه خوها او اي عبد ...

خالد : يكلم فيها فيسبوك فاتحة فيسبوك اخر باسم ثاني وتهدر معاه

جواد : تعرفه

خالد : شاك في واحد

جواد : شكون هو

جواد : واحد يبيع حذا حانوت تخدم فيه اسمه مراد

جواد ناض قالي خليها عليا

خالد : متتهورش

جواد : لا غير حنسقسي عليه ونجيب خبر

خالد : مذابيك حاب تريحني

راح وخلاني مع اني مرتحتش لواش راح يدير بصح خلاص كان عندي مهم نعرف واش يدور من ورايا باه منضلمهاش في تصرف

_ عند شهيناز _

صديتله وانا مصدومة ... قلت ممكن ماسمعتش مليح او اي شي، قلت وش؟ على اساس باه يصححلي الفهم ... جاوبني بنفس الكلمة ... خلينا نتسيبارو ... ديت نفس عميق حسيت بغصة جات فيا وبكية حصلتلي في رقبتي ماعرفت نطلقها ماعرفت نكتمها ...

شهيناز : وشيه لي راك تقول فيه مش فاهمة شبييك زياد شبيك وشيه لي تبدل

زيد : مش قادر نكمل في هاذي علاقة

قربتله تلمست خده

شهيناز : نعرف كل نمرو بظروف منقدروش نديرو اي شي نكرهو كل شي متفهمة

نحالي يدي بعد عليا

زيد : صدقينيي مارحش نقدر نكمل معاك، مش رح تفهمي لي راني نحس بيه، غير روحي كملي حياتك وسامحيني

جبد عليا بزربة وطلع في طاكسي وقلع، انا ثم طحت في لرض نبكي حتان فاقت بيا ماما جات دخلتني بسيف.

<><>

الحلقة 11

_ جواد يحكي _

رحت لبست لبسة كل كحلة سروال اكحل و فاست و تريكو كحلة و كسكات كحلة و كمامة كحلة شافتني هبة تخلعت

هبة : مش مليح تلبس هك

جواد : هههه بنات كي يشوفوني هك يباتو يكحلو عليا هه

هبة : هبة و جواد متزوجين

خزرت لها فهمتها علاه تكرر في كلمة هاذي ياسر

جواد : تغاري

هبة : واش معنى الغيرة

جواد : هههه انت يعني متحبيش بنت تقربلي

هبة : قالتلي ماما منخليش بنت تقربلك لانه تخطفك مني و نساء سرقات و خطافات

جواد : هههههه نحسبك غرتي

هبة : منفهمش معنى غيرة

جواد : انا مثلا نبوس طفلة غيرك واش تحسي

هبة : نحس ... نحس .. نحس بالحشمة ... نحشم نشوف عباد يبوسو في بعض

ضحكت عليها وعلى نيتها مباعد رحت خرجت باه نفري موضوع مراد، هزيت سلاح معايا ورحت مع زوج نعرفهم مافيا استنينا، شوي جيهة تاع حوانت تفرغ هي فرغت رحنا دخلنا عنده هزيت سلاح ديراكت فيه قتله نتا مراد؟ مات بالخلعة

مراد : ايييه انا مراد

سكرت الباب حطيت سلاح على طاولة

جواد : جيت نقصر معاك متوحشك

مراد : وششش تحوس

جواد : متعيطش احسن من نخسر عليك رصاصة

بلع ريقه وجهه صفار عاد مريقل في هدرته

جواد : انا مش جاي نأذيك جاي نسال سؤال ونقلع

مراد : واش

جواد : تعرف رنيم لي تخدم من قالي لا

هزيت سلاح ديراكت وجهته على راسه وطلقت مات بالخلعة

جواد : اوبس فارغ نسيت مركبتش رصاصة

خزرت فيه خزرة صارمة و ركبت رصاصة

جواد : اخر فرصة ليك

مراد : والله هي لي لاحت روحها عليا بدات تتدصر قالتلي خطيبي سامط منحبوش ونطلقو نتزوجو انا وانت وانا خليتها في نيتها

هزيت مسدس في راسه قتله افتح محادثات فتحها، صورت كل شيي حتى فوكالاتها هزيتهم، مباعد ضربته قتله هذا لانك حطيت عينك على وحدة مخطوبة ورحت.

مكنتش عارف كيفاه نواجه خالد ونخبره بعثتله كل شي في مسانجر و وبعثتله فوكال لي مسجل فيه هدرة مراد يقول في حقيقة و فوكالات خطيبته مع مراد كل شي كل شي وخليته هو يشوف و يفهم وحده.

_ شهيناز تحكي _

قعدت نهار هذاك على اعصابي رح نهبل كيفاه وعلاه مقدرتش راسي كان رح ينفجر من تخيلات... محكيت والو لماما هزيت قشي و كل شي رحت لخالد كان اقرب واحد لزياد هو يفهمني او يساعدني منعرف، رحت ليه عيطتله قتله معليش نشوفك قالي ايه تلقانا برا

خالد : اهلين

شهيناز : اهلين لباس؟

خالد : حمدلله ونتي متبانيش لباس

شهيناز : والله خاالد ريحنييي شبييه زياد شبيييه والله راني تعبت قالي نتسيبارو وجبد عليا ضربة وحدة مافهمتش

خالد : شهيناز اختي والله زياد احسنله يحبس

شهيناز : احسنلله، علاااه احسن واش درت ؟؟؟

خالد : قصدي أحسن ليك و ليه

جاء يكمل هدرة جاه ميساج تقلب بيه وجهه

شهيناز : معليش تركز معايا

تقلق فجأة قالي شوفي ابنت ناس خويا قرر يخليك مارحش نديرله والو مش حابك بسيف نجبره

نصدمت من هدرته قالي اسمحيلي وراح.

<><>

الحلقة 12

_ خالد يحكي _

رجعت لدار في ظرف دقيقة، مش مصدق لقيت جواد حكمته قتله واش هذا

جواد : اهدأ

خالد : واش من نهدأ وكيفاه نهدأ، هاااذي رنيييم قلي انه مش هي رااه عقلي معادش فيه عقل

جواد : رحت لعند هذاك مراد وهددته حتى ورالي محادثة و هدرة كل فوكالاتها عليها

بديت نضغط على راسي ... قعدني جواد فوق كرسي

جواد : ارتاح تأثر غير على صحتك

نضت فرغت قرعة ماء على وجهي، جواد قالي متروحش وانت هك بصحح انا حبيت نروح، رحت طلعت في طاكسي و رحت لخدمتها ... لقيتها ثم قلتلها اخرجي

جات وقفت عندي خزرتلي بنظرة فيها كل وقاحة وجراءة، كيفاه قادرة تخزر لعينيا ... ديت نفس باه نشد اعصابي

رنيم : شبيك

خالد : اطلعي نروحو شوي

رنيم : عندي خدمة

قلتلها بقلقة اطلعييي

ثما فهمت بلي راني خلااص بعد راحت جابت ساكها وجات طلعت

عدت نمشي طاير حست بلي كاين شي مش نورمال ...

رنيم : بيك شي خالد ... مقلق مني

خالد : علاه نتي درتي شي يخليني نتقلق منك !!!

رنيم : واش تقصد ... حساتك تمعني

خالد : لا برك يوم قررت نقضو يوم رومانسي في اوتال

رنيم : لاااا مستحييل

خالد : علاه

رنيم : اهلي ميقبلوش

خالد : قلتلهم و وافقو كللل

رنيم : لالا ناس واش يقولو

خالد : مخطوبين وعاقدين و برك تاجل عرس على جال وفاة خويا عادي لي يهدر نسكته

رنيم : لالالا منقدرش

خالد : علاااه

حبست طاكسي و خزرت فيها قلتلها ولا مراد ميقبلش، خزرت فيا بصدمة مستوعبتش كلمة لي قلتلها

رنيم : وش هاذي هدرة

خالد : ههه مزالك تنكري ... عندي كل شي مكلاه نكران ...

رنيم : مراحششش نننكر بمانك عرفت خليني نقلك اني مش حابة نكمل معاك غير انه خويا مدين منك انجبرت حاولت نلكيديك بصححح انت محبييتش تفهم روحك مكنتش رح نخلي هذا زواج يتواصل ...

خالد : لااا كنتييي رح تخليييه لانه عاجبك انا ننصرففف علييك كل صباح و ليل وعشوة انتي انسانة رخيييسة لي جاء يشريك بارخس سعررر ماتقوليلي عجبك كيفاه نصرف كنتي رح تتزوجيني و تكملي معاه في سرر صوصيالة

رنيم : احترررم نفسك خالد

خالد : محترم نفسي برك نقول في الحقيقة باينة عليك احمدي ربي اني مدرتش كثررر من هكك ومراااحش نفضحك لاهلك نخليك عار بنسبة

رنيم : متحطشش لوم عليااا شوووف رووحك شكل واحد عنده درااهم لاا اطاي لا لبسة مريقلة ديما مبهدللل تحوسني انا نطيح فيك ... لمهم اهبطيي من طاكسي

رنيم : خالدد وين نهبط

خالد : قتلك اهبطييي

هبطت فتحت كارو قلتلها عيطي كلب تاعك يجيي يوصلك ... باه تشوفيي شكون كان كي تعيطييله يخلي كل شييي ويجييك

ديمارييت بطاكسي شفتها من مرايا تجري وتعيط ... بكيت وقتها اني عطيتها فرص ومصدقتش عينيا ... بعدت شوي على دار قعدت نخبط في طاكسي ونادم على كل لحظات لي كنت نحلل فيها واني حبيت انسانة مزورة كيفها.

<><>

الحلقة 13

 _ بعد مرور ستة اشهر _

ابطالنا كلهم كانت حالتهم متأزمة، لي حاير ولي عايش اكتئاب ولي ضايع بين هذا وهذاك ... ولي حب جاه بعد اربعينيات ... هبة تعلقت بجواد تعلق كبير ... هو لي عرف يسيطر عليها وعرف يحتويها وقت نوباتها ... لي كان كل متخيل انه كي يتزوجها رح يطيشها ميهمتش بيها بالصح خرج العكس ...

اما جيهان رغم فات قريب عام على وفاة زيد مقدرتش تعيش حياتها رغم انه جاو خطبوها بصح رفضت ... أما زيد كان يشوف فيها يقعد معاها و يقصر معاها على اساس انه زياد ... مقدرش يقرب منها او يدير جاست يبين انه يحبها خاف ردة فعلها خاصة انها معتبراته زياد خوها ...

اما خالد بعد كلام قاسي و صدمة لي صراتله قرر يسافر شوي ... يشوف حياته و يهتم لنفسه فقط ...

اما شهيناز بعد لي صرالها امها فقدت ثقة فيها عادت ماتخليها تخرج ما والو (خاطر حسبت انه كانو سيريو باعد ولاو يتمسخرو) عادت تعايرها تقلها حنا منخزروش لطبقة اعلى منا مندوش من عايلات متعلمة و عندها دراهم مكلاه تعولي هاذي اعبارات قعدت تضرب في نفسية شهيناز حتى خلاتها تفكر في انتقام منهم كل زياد لانه تركها و خالد لانه تجاهلها ... حتى جواد لانه اصلا عيطتله عيطتله مهزش عليها بعد الحادثة ... و ام زياد تازمت حالتها قد ماحاولو يسعفوها مقدروش حتى فارقت الحياة و ماتت.

_ جواد يحكي _

نضت صباح لقيت هبة تسرح في شعرها ... بقيت نخزر فيها شافتني ابتسمت ...

هبة : صباح الخير

جواد : صباح النور

بقات تخزر فيا بشوي عرفتها تحوس حاجة

جواد : قليلي واش تحبي

هبة : أمي قالت بارحة ... كيفاه ليك فترة متزوجة ... ماجبتيش ولاد

جواد : هههه وش قلتيلها

هبة : قلتلها انه انت وانا ... انت وانا مصراش بينا علاقة

جواد : واااااش من نيتك قلتيلها

هبة : حرام نكذب

عليت شوي صوتي عليها قلتلها هبة هاذي اسرار زوجية ماتتقالش حتى لامك

خلعت وحطت يديها على وذنيها و ضمت روحها ... عادت تقول كذب حرام كذب حرام كذب حرام

رحت بحذاها قلتلها اسمعيني هبة بقات تعاود في نفس كلمة وتبعد عليا

جواد : اسف معاك حق مش مليح صح كذب بصح احيانا عيب تقولي اسرار لو مديتلك انا سر وقتلك احفظيه تبعيه ...

بعدت بشوي يديها بدات تركز معايا

هبة : لا نحفظه

جواد : شفتي كيفاه حتى علاقة زوجية هك هي كل لي يصرا فيها اسرار

هبة : فهمت ...

جواد : صحيتي وش قالتلك امك مباعد

هبة : سألتني مشكلة مني أو منك

جواد : واش جاوبتيها

هبة : منك

<><>

الحلقة 14

انصدمت كي قالتلي منك، ضحكت شوي

هبة : علاه تضحك

جواد : صدمتيني كي قلتيلي بلي المشكل مني ههه

هبة : نسأل سؤال ممكن

جواد : هيه اسألي

هبة : هل تزوجتني باه نكون ام لأولادك

سكتت عليها ... قالتلي سكوتك يخوف ... بدات تبكي تقول نعرف انه انا مش زوجة مليحة مش رح نكون أم ...

جواد : هبة أهدي مكاين والو انا برك خايف اني نمسك نعرف انك متحبيش عبد يمسك

هبة حطت بيدها على قلبها : نقدر نمسك وتمسني ...

قربت تحضنتها خلتني براحتي ... استغربت كيفاه خلاتني نمسها ... جبدت روحي خزرت في عينيها دات عينيها اتجاه اخر ... ماعرفت نفرح انه قدرت نتقرب منها او اني نخاف من مجهول

هبة : المشكلة منكك ... المشكلة منك ... المشكلة منك

جواد : هبة اقعدي

قعدت

جواد : انتي مش مريضة بالتوحد و المتوحد اصلا ميخلييش انسان يقرب ليه

هزت راسها و قالت ايه

جواد : كيفاه هاذي تحولتي فجاة و راحلك المرض نعرف انه ميروحش

هبة : قالولي واش يديرو الراجل و المراة المتزوجين عجبتني حبيت ندير كيفهم حسيت اني حارمة نفسي

فتحت عينيا فيها مصدوم من تقول فيه ماعرفت نضحك نبكي ... درت لور وضحكت خبطت راسي درتلها

جواد : زواج صعييب عليك هبة، لا مكاش علاقة

هبة : لااا كل الناس يتزوجو يديرو علاقة من يوم اول

جواد : هبة هذوووك النااااس حنا لااا انتهى نقاش خلاص

مع عياط سحبت كلامها قالت انتهى النقاش

جواد : يلااا نتغدووو

_ زيد يحكي _

بعد موت يمانا بعد شهر كنا ملمومين فاجئنا بابا انه ناوي يتزوج انصدمنا صح بصح قلنا هذا حقه شرعي زيد على الاقل تكون وحدة تهتم فيه ... بصح تقلبت طاولة وقت ذكر اسم المراة لي راح ناوي يتزوجها

انا نضت نعيط قتله الااا هاذي انسانة، خبط طاولة قالي لااا الا هاذي إنسانة لي رح نتزوجها مادخلكش في حياتي ... مجيتش ندي موافقتكم جيت نبلغكم فقط باه متسمعوش من برا.

<><>

الحلقة 15

_ جواد يحكي _

ناض علينا زياد مقلق ناض لحقه بابا ... محبيتش ناقش بابا من حقه يتزوج يشوف حياته رغم انه مزال بكري بصح منلوموش ... اموا وحدة تهتم فيه ... حكمت في يدي هبة همستلي في وذني

هبة : عمو رح يتزوج

جواد : ايه هبة علاه

هبة : كي يتزوج ... يتزوج وحدة ويدير معاها علاقة

جواد : وش هذا سؤال

هبة : نحوس جواب

جواد : اكييد ... يحب يدير معاها

هبة : وانت علاه متحبش

خزرتها وابتسمت سلمت على راسها قلتلها مزلتي صغيرة على علاقة

سلمت على راسي وابتسمت قالتلي لا كبيرة ونفهم

ضحكت عليها كي قلدتني ... قلتلها باين تصرفات بيبي صغير ومدلل

هبة : دييير معايا علاقة ... دير معايا علاقة ...

بقات تعاود جاءت جيهان داخلة

جواد : اهلين جيهان

جيهان : اطلقلها فهمها

طلقتها خزرت في جيهان

جيهان : وشحوالك هبة

هبة : جواد محبش يدير معايا علاقة

خزرنا انا وجيهان لبعضنا وهبطت راسها من حشمة صح انا مسوفج بصحح منحكييش حذاهم ... وبيني وبين جيهان غير قدر

جواد همس لهبة : خلاص وعد اذا سكتي ماقلتي شي ندير معاك لي تحبيه

هبة : رح نسكت طول نهار

جواد : لا اهدري الا في موضوع هذاك

هبة : خلاص جيهان انساي موضوع

ناضت هبة فرحانة قالتلي نروح نكلم ماما خليتها براحتها ... جات جيهان نايضة قتلها نحتاجك

جيهان : خير خلعتني

جواد : اقعدي

جيهان قعدت تدعي في قلبها انه مش ناوي يطلق هبة

جيهان : هيه احكي

جواد : سامحيني حنحكي بوضوح هاذو ايام هبة مصرة على العلاقة ... وانا خايف في نفس وقت مش حاب حابك انتي تقنعيها انه تبطل تخيلات لفي مخها

جيهان : علاه حلالك و .. !

جواد : منكذبش عليك نعزها و منحبش نوجعها بصح الحب لا

جيهان : طلقها خليها تشوف حياتها وانت شوف حياتك

جواد : انا تزوجتها باه يرفع علينا خوها بلاه ويبعدنا... تقوليلي طلقها

جيهان : مش عارفة وش نقلك ... رح نحاول معاها ونشوف

جواد : اييه صحيتي

<><>

الحلقة 16

خالد ❤️

وقفت قدام باب ... وانا نتفكر اخر مرة خرجت من دار كيفاه كانت حالتي طبطبت على باب ... فتحتلي جيهان ... خزرت فيا مطولا

جيهان: متقوليييش خالد!!!

هزيت راسي ايه سلمت عليا وهي فرحانة ... جاء زيد خزر فيا من بعيد هو مقلق

زيد: طولت غيبة ياخو حتى امك مشفتهاش تدفن

خالد: متزييدنيش لي عليا

زيد: لااا نزيدك ونبقى نزيدك هاك بدلت من روووحك وليت بنات كل يحلمو بيك بصحح ماكش انت خالد خونا

خالد: مقدرررتش نجي اوراقي مكانتش كاملة ... حبيت نشوف يما نتحضنها اخر مرة متزيدش عليا راك مش عارف واش عقبت وانا وحدي لهيه هاني رجعت باه تكونو معاي

جيهان: يلااا تحضنو بعضكم يزوونا

تحضنته بقوة هو ثاني تحضني قالي توحشتككك معادش تغيب

شوي هك جاء جواد قفز علينا من فرحة

جواد: جيت يااكلب ضاارب حطة ههه

كنا فرحانين اول مرة نفرحو هك بعد موت ماما ... رحنا قعدنا مع بعض نقصرو كيفاه رجعت هك قالتلهم بسبور يوميا ستة سوايع و انا في نادي و محافظ على ماكلة صحية ... باعد هدرنا على يما من موضوع لموضوع جبدت موضوع بابا قلتلهم طول وين راح باه نشوفه ... سكتو كل

جواد: خلااص والله من حقه يعييش حياته

زيد: يعيييش حياته مع كللل الا مع هذيك

خالد: واش صاير

جواد: قاعد يلوم في بابا لانه حب يتزوج

خالد: خليه يتزوج علااه يتحرم مسكين ....

زيد: سقسيه شكون رح يتزوجها

خالد: تعرفووها !!... شكون

زيد: شهيناز

نصدمت معرفت نقول والو شهيناز مع بابا .... مخي حبس ماركا ايرور كبيرة

زيد: مششش جاية بالخير تاعها اكيييد

خالد: ربي يستر

🌹🌹🌹🌹🌹🌹🌹🌹🌹🌹🌹🌹

جيهان 🌹

رحت لهبة لقيتها قاعدة تشوف في لبستها

جيهان: هبة وش ديري

هبة: كنت حابة نقلك بصح ... وعدت جواد منحكييش ... بصح تقدري تخيري معايا لبسة لليلة ..

جيهان: رح ديري علاقة انتي وجواد

هبة سكتت

جيهان: نعرفك متكذبيش

هبة: ايه ...

جيهان؛ حابة انتي دريها

هبة: مش عاارفة اول مرة

جيهان: شكون قالك انه دريها يعني

هبة: ماما قالتلي انه اذا متزوجتيش صح متدخليش لداري ومش بنتها انا

<><>

الحلقة 17

جيهان: متديش كلامها حرفيا

هبة: نتصل فيها ماتردش

جيهان: ممكن مشغولة ممكن اي شي ...

هبة سكتت ... معرفتش كيفاه نقنعها ... حبيت نلطف جو

جيهان: تحبي جواد هبة

هبة: يااااسر نحبه ... جيهان نسقسيك ؟

جيهان: ايه حبيبتي سقسي

هبة: هل ممكن يتزوج عليا جواد أو يطلقني

عدت نأمم ونتأتت معرفتش واش نجاوب ... حتى دخل جواد

جواد: لااا مش ممكن

خزرتله وابتسمت جاء لعندها ... وتحضنها شفتها كيفاه غمضت عينيها ودخلت في حضنه كأنها تبين انه حضنها يعنيلها كل شي

جواد: وشش حابتني نطلقك

هبة: لااا لااا لااا. .... منحبش طلاق ...

جواد: اوووش متبدايش تكرار كلام

رجعت تحضناته ... جيت خارجة بعد جواد عن هبة قالي جواد نسحقك ... حكمتله هبة يده قالتله لا ابقى معايا

جواد: نهدر مع جيهان ونجيك

هبة: نورمالمو متزوجين ميخبوش شي عن بعض لازم تقلي قدامي

جيهان: ماكاين والو هبة ...

جواد: هبة منعاودش هدرة مرتين نسحق جيهان في امر خاص

خلتنا هبة بصح حسيتها تقلقت ...

قعدنا انا جواد نهدرو

جيهان: حكيت معاها على موضوع ... راهم يضغطو عليها نفسيا وهي متعرفش تكذب تقول راني درت و درت ... مالا مصرة عليك دير علاقة معاها باه تقول صح

جواد: اهلها ؟

جيهان: اييه

ناض جواد قالي انا نتفاهم معاهم

جيهان: اقعدددد مش كل شي يتحل بالعنف ... زيد حقها عليك ... مش شايفها كيفاه ولات تحبك اذا مش حاب تكمل معاها غير طلقها مشاعرها مش كيف مشاعرنا حرام تأذي وحدة كيفها جواد

جواد: مااذيتهاش

جيهان: مجرد انك تعطيها اهتمام و انت مش حاس بشي هذا وحده اذاء هي راهي تتخيل فيك تموت فيك علاه توعدها انك مراحش طلقها ....

جواد: صححح مراحش نطلقها

جيهان: رح تبقاو هك علاقتكم

جواد: ايه

جيهان: نسكت خير عرفاتك متفهمش

ناض راح ليها قعدت نخمم في هبة مسكينة ... حتى جاء زياد قعد بحذايا شميت فيه ريحة يديرها ديما زيد

جيهان: زينة ريحة درتها ليوم

زياد: مالا نعود ديما نديرها في خاطرك

جيهان: ههه ياريت ... هيا انا نروح

زياد: ويين بيها

جيهان: طوولت اصلا ماما قالتلي روحي دقيقة وارجعي غير انا حبيت نقعد شوي في شمبرا تاع زيد

هزيت قشي وساكتي وتليفوني وجيت مروحة انا خارجة جات داخلة شهيناز مع عمو احمد سلمت على عمي ... هي مقيمتنيش خلاص منعرف شبيها خليتها براحتها ورحت

<><>

الحلقة 18

( رح نبدل اسم احمد لأسم عمران خاطر جاني ثقيل في نطق )

شهيناز ❤️

دخلت لدار تمنييت من زمان ندخلها عروسة ... تحقق حلم بصح عريس كان شخص اخر ... كان باباه جاتني خطوات نتراجع ... بصح كل مانتفكر اي كلمة سمعتها منهم كل ... نقول منخرجش من دار هاذي الا وانا مقلبة ساسها عللى راسها ... جات جيهان فايتة علينا سلمت على عمران (اب زياد) دخلت انا مش حابة نشوف نفاق تاعها ... شوي هك لحقني عمران ...

عمران: شهيناز

شهيناز: هاه

عمران: شبيك مسلمتيش على جيهان

شهيناز: لا والو برك محسيتهاش رح تتقبل تسلم عليا خاطر انا ضرة خالتها

عمران: لا جيهان تربيتي من كانت صغيرة متربية عندي انا باباها ثاني حتى كي خبرتها مجاتش ابدات انه مقلقة

شهيناز: معليش

عمران: هيا نطلعو شمبرتنا

طلعنا لفوق لشمبرتنا كانت كبيرة ... فيها كل شي مريقل حتى اثاث تاعها يبان غاالي

عمران: درتلك شمبرا جديدة محبيتش ترقدي في شمبرا لوخرة تاع ام زياد ... نتمنى عجباتك اذا كاين حاجة ناقصة قوليلي

شهييناز: لا عجبتني كل شي فيها مليح ...

عمران: انتي روحي ريحي بدلي قشك وديري دوش كان تحبي ضرك نقلهم يحطو لغداء

شيهناز: اوكي

خرج عمران سكرت باب ... خزرت في شمبرا كبييرة تفكرت شمبرتي لي في دارنا لفيها غير شبر ... حكمتني بكية انه رغم كل شي يعاني منه اهلي من فقر و مزيرية مكنتش انا لي خدعت زياد .... وهو رغم شابع هو لي خدعني .... مسحت دموعي قلت لروحي خلاص شهيناز مش رح طيحلك دمعة بعد يوم رح ندمهم كل .... مسحت دموعي و رحت دخلت دوش

🌹🌹🌹🌹🌹🌹🌹🌹🌹🌹🌹🌹

عمران 🌹

عمران ( اب زيد): راني جبتها يوم معايا ... ضرك هابطة تتغدا معانا مذابيكم مانسمع حتى تجريح وتعاملوها كيف امكم

زيد: هههه نعاملها كيف امي وهي اقل مني من وينتا صرات هاذي

عمران : زيااد انت بذات منحب نسمع منك وااالو

زيد: رح نسكت برك فهمنا كيفاه هاااذي جايبها بلا زواج بلا حتى حاجة

عمران : انا كنت متزوجها حتى قبل ماتموت يماكم

نضنا كللل وانصدمنا

جواد: تفهمنيييييي انه انت كنت خاين ماما

خالد: أهدأ جواد

جواد: متقوووليش اهدأ كيفاه تزوجها قبل يعني يما اكيد عرفت هو سبابها هك ماتت

عمران : بلللع اقعد في بلاصتكك امك كانت عااارفة مرفضتش بركك محبتش تجيبها لدار واحترمتها انااا مجبتهاش

زيد: ليك جراءة تخبرها ثاني

جواد: انا صدقتك شوووف معاهم انا نتفاااهم مع هذيك كلبة انا نربيها

<><>

الحلقة 19

كي سمعته قال كلبة سكت بصح كي قال نربيها هزيت يدي وعطيته كف ....

عمران: تربيها علااه انت متربييي نسييت اني باباك وعيب تحكي قدامي بهاذي طريقة ولا تحسب رووحك كبرررت عدت تقدر دير اي شي ... كيفاااه تهدر هاذي هدرة

خالد: بابا سامحه تعرفه ميقصدش

عمران: انت وقت تزوجتت هذيييك

اشرت لهبة

عمران: واحد قالك لا امك جبتلها جلطة وجاي تقول انا قتلت امك راجعوو تصرفاتكم مباعد اهدرو ... لي مش عاجبه يخبط راسه على حيط

طلقته راح هو مقلق لحقه خالد و زياد.... هبطت شهيناز لقات حالة فارغة ...

شهيناز: وش فرغتلي حالة ول؟

عمران: اقعدي تغداي في هدوء احسن

شهيناز قعدت وتغدينا مع بعض

🌹🌹🌹🌹🌹🌹🌹🌹🌹🌹🌹🌹

جواد ❤️

حكموني زياد وخالد قالولي اقعد ريح في دار متخرجش ... بسيف ماقعدت مكنتش حامل نقعد في دار دخلوني لشمبرتي قعدت نخبط في حوايج كل مانتفكر كف لي عطاهولي نزيد نكسرر حوايج كثر ... نحسب روحي وحدي ... حتى نسمع في صوت بكاء عارفها هبة بصح وينها منعرف ... حوست في خزانة في اي بلاصة ملقيتهاش هبطت شوي شوي تحت سرير لقيتها ...

جواد: علاه راكي هنا

دورت وجها لجيهة اخرى

دخلت لعندها

جواد: هبة

حطيت يدي عليها بعدت

جواد: مقلقة مني اني كسرت حوايج ... انا اسف نعرفك تخافي هك بصح كنت معصب اسف ... محملتش بابا كي ضربني ... محبيتش كي تزوج على ماما وهي حية كنت ديما نشوف علاقته هو ماما احسن علاقة ونتفاخر بيها صدمني كي قال تزوجت عليها ... من بكري منامنش بالحب ضرك خلاني نكرهو

هبة: يعني مراحش تحبني

<><>

الحلقة 20

سكتت معرفتش واش نجاوب ... دخلت هبة في بعضها اكثر ضمت رجليها لبعضهم قربتهم من كرشها وتحضنتهم ...

هبة: انا بابا ثاني كان يضربني بصح خويا ديما يحميني منه ... هك كي شفت انه ضربك خفت انه تحس كيفي انا منحبش تحس انه باباك ميحبكش ... يحبك برك انت عصبته ...

جواد: هبة علاه دايرة جيهة اخرة اخزري فيا وكلميني

هبة: نفضل نحكي هك

جواد: مزالك تحبي انعزال حتى عليا ... وش رايك دوريلي ونخرجو من تحت سرير وتحكيلي انتي في حضني احسن ... نديك العالم بعيد عن عالم انعزالك عالم جديد

سكتت محبيتش نضغط عليا جيت خارج ... حكمتني

هبة: مش حابة نبعد عن عالمي بصح حباتك تبقى فيه معايا

خرجت جبت مخدتين ورجعتلها

هبة: كنت عارفة انك رح ترجع

جواد: ههه كيفاه عرفتي

هبة: هك قلبي قالي نعرفك متخلنيش

حطيت مخدات رقدتها فوقي باه متوجعهاش صلابة تاع لارض شحال من مرة كانت تتخبط مع سرير ....يعني لا ساعدتها لارض لا سرير لي فوقنا ... خرجتها وهي شبه راقدة رجعتها لسرير ... قالتلي وهي رايحة فيها خليني راقدة فوقك خلييني راقدة فوقك ... بقات تكرر فيا قعدتت نخمم مباعد رقدت بحذاها وجبدتها فوقي ... حاوطت رجلي برجليها شدتني من رقبتي .... معرفتش نرقد وهي شلتلي حركة تاعي هك ... بقيت ساعتين وانا نحاول نرقد شوي هك جاني نعاس ناضت هي

هبة: نقدرو نبقاو نهار كل هك

جواد: لااا مستحيل

هبة: علااااه

جواد: مخلتنيش نرقد هك

بعدتها بشوي ...

هبة: حابة نعودوا طول نرقدو هك

جواد: لا

جيت رايح لدوش انا نقول لنفسي ياجواد متخزرلهاش متخزرلهاش ... مقدرتش خزرتلها لقيتها تخزر فيا خزرة بريئة

هبة: هبة عجبتها رقدة هكاك

رحت ليها جبدتها من رجليها سطحتها على سرير ... وجيت فوقها طلقت روحي عليها كل ... تنفست بصعوبة تخلعت عليها

جواد: شبيييك

هبة: حسيت بشي غريب

جبدت روحي عليا

جواد: انا كان هدفي نبينلك انه عبد كي يرقد فوقك مش مريحة

هبة بقات ساكتة وتمس في جسدها

جواد: شبييك تخوفي فيا

هبة: حاسة بسخانة وقلبي يضرب بقوة انا مرضت اديني طبيب

انصدمت انه رقدت فوقي ماحست بوالو رقدت فوقها ثانية هاجت

جواد: لا مابيك والو ضرك تريحي

هزيت قشي ورحت لدوش ندوش وانا نخمم فيها مخي مركا ايرور

<><>

الحلقة 21

خالد❤️

جيت خارج قالي زيد وين رايح ... قتله راني ليا شهر متواصل مع عباد فاتح مشروع تاع صال دو سبور رايح نشوفو يوم نشرف عليه بنفسي ... قالي بتوفيق ... رحت انا مليار بالمئة متحمس .... رحت شفت صال دو سبور كنت فخور بنفسي بالمشروع لي درته نشوف ناس مقدمة على طلب ياسر ... كنت سعيد كثر ... قعدت نراجع في مستندات و الورق وناس لي دافعة وناس لي لا .... وحالات صحية لكل واحد ... حتى طلعت عيني للبرا عند باب ... شفت وحدة جاية من بعيد تتبختر و نفسها يروح ويجي سمييينة لابسة جلباب تقول خيمة متنقلة ... دخلت قالتلي معليش نريح قلتلها ريحي

طفلة: انا جيت نشترك في صال دو سبور هاذي

خالد: بصححح راهي تاع رجال برك

طفلة: علااااه مكتبتش قاااطعة طريق تاع خمس دقائق جهدي راااح فيها تقلي تاع رجال الله يسهل انا رااجل مكانش صال دو سبور الا ملقاوش سبب رفضوني رجاء رفق بكتلة دهون هاذي

حكمت ضحكتي عليها

خالد: واش اسمك ضرك نسجلك في صال دو سبور اخرى

طفلة: اسمي ريان ...

خالد: ريان مش اسم راجل

ريان: زيد عليااا جاتني من وزن زائد ولا اسمي

خالد: تقدري تطلعي فوق ميزان

ريان: ضروري هذا اجراء ؟؟

خالد: ايه ضروري

ريان: شوف نقلك صراحة انا وزني 90 كيلو ميغركش جلباب

خالد: معليش ميزان يبين

ريان: خلاص خلااص نقلك صراحة وزني 93 منحبش نكذب

خالد: لازم ميزان

ريان: علاه احراج ... مكانش مراءة لهنا تقيس نح قشي باسكو اك عارف قش يزييد 10 كيلو

خالد: قشك يزيدك عشرة كيلوو هيا نوزنك

وقفت على ميزان خرج 110 كيلو

خالد: قنطار وزنك وزايد ...

ريان: لو سمحت بلااا اهانة

قعدت نسجل فيها قلتلها رح نبعثلك كي نلقى ممكن رقمك ... سكتت قالتلي معليش نعطيك فيسبوك بدال رقم رقمي حاليا معطل ... وفيه مشكل ...استغربت قلتلها اوكي

خالد: واش اسمه فيس

ريان: اكتب دبدوبة ظريفة

خزرتها قلتلها اااااا بصدمة

ريان: معليش ناس كل تغلط وفيس قالي تبدليه بعد 60 يوم

خالد: هههه اوكي

<><>

الحلقة 22

زيد ❤️

خالد خرج من دار و جواد في شمبرته و جيهان ثاني روحت ... شهيناز في دار دار عادت تخنق فيا قلت نخرج حتى انا شوي ...جيت خارج ... حتى نشوف شهيناز هابطة من شمبرتها دورت طريقي ديراكت ...

شهيناز: زياد

حبست في مكاني

شهيناز: وش مش حاب تسلم على مرت باباك

معرفتش واش نرد عليها

شهيناز: هههه شبيك مصدوم ...

درتلها قلتلها علاه راكي هنا زعما تحبي بابا حتقنعيني انك تحبيه وجاية على جاله

شهيناز: والله حاجة متخصكش

زيد: مالا بعدي علينا انا و جواد و خالد والهاي ب بابا لحاجة وحيدة لي تخصك هنا

شهيناز: والله انا حرة ....

جيت نرد عليها فجاة بدلت هدرتها عادت تهدر بتسيتيت

شهيناز: علاه راك تهدر معايا هك جيت نسلم عليك برك

درت ورايا شفت بابا

عمران: شكاين

شهيناز: منعرف بصح باين ولادك مش حابين وجودي جيت سلمت عليه عاد يهدد فيا يقلي متهدريش معانا ونتي حدك حد شمبرا تاع بابا

عمران: زيااااد

سكتت معرفتش نصدمت من موقف وكمية كذب

زيد: بابا ....

عمران: اعتذرلهاااا بدون نقااش يلاا

زيد: انا اسف

شهيناز حكمت يد عمران ... خرجت وانا نضغط في راسي باه نستوعب لي صرا

معرفتش بقيت تايه ندور برا حتى لقيت روحي نعيط لجيهان هزت عليا وهي شبه راقدة

جيهان: وش كاين زياد

زيد: منعرف كنت مهموم شوي حبيت نكلمك

جيهان: ااا بيك شي

زيد: وش رايك نخرجو شوي ضرك ونحكو

جيهان: صراحة كارهة خرجات ... ارواح انت لدار منه تشوف خالتك منه نقصرو

زيد: اوكي

ديماريت لعندها

🌹🌹🌹🌹🌹🌹🌹🌹🌹🌹🌹🌹🌹🌹

جواد 🌹

خرجت من دوش نشف في شعري ... تخزر فيا هبة دور وجهها كي نشوفها

جواد: وش

جاتني قالتلي قيس درجة حرارتي بيديك

حطيت يدي على جبتها قلتلها نورمال

هبة: كلمت ماما حكيتلها ...

جواد: هببببة مش اي شييي تحكيه عيييب ... بطلييي هذي عادة حذرتك منها محبتييش تفهمي بالعقل اخر مرة تزيدي تعاوديها نديك عندك ماماك ابقاي عندها احسن

لقيت حاطة يديها على وذنيها و دور باتجاهات مختلفة تحوس تشوف بلاصة تتخبى فيها

شديتها

هبة: حكيتلها اني مريضة ... اني مريضة برك برك ... والله والله

جواد : انا اسف حقك عليا ...

هبة: انت متحبش ماما و خويا نعرفك

جواد: مش هك بصح انه تنقلي اي شي بتفصيل لامك عيب حرام شرعا على هك نتعصب

هبة: وعدتني اذا محكيتش دير معايا علاقة وانا كنت عند وعدي

جواد: اااا منعرف

خزرت فيا خزرة بريئة قالتلي كذبت عني صح !؟

<><>

الحلقة 23

قربت منها بشوي بلاك نقدر نقضي ليلة ... قربت منها مغمضتش عينيها بقات تخزر فيا

جواد: نورمالمو كي نجي نبوسك تغمضي عينيك غمضيي

هبة: بصح بداية غالطة

جواد: بداية معجبتكش حابة تبدي بشي اقوى

هبة: لاا نورمالمو نصلو ...

ابتسمت على تفكيرها ... صونا تليفوني لقيته خالد

خالد: وش كاين علاه كتبتلي عيطلي

جواد: في واش تحتاجني

خالد: انت قتلي عيطلي

جواد: خلاااص اني فهمتك اني جاااي مسافة طريق ونكون عندك

سكرت تليفون

جواد: هبة خالد بحتاجني

هبة بقات تخزر فيا وساكتة

جواد: شبيك

هبة: والو

جواد: مضطر نخرج

هزت براسها ايه

خرجت قلبي مش مطاوعني كي كذبت عنها ... خرجت برا ركبت في طاكسي بديت نتخبط ...

<><>

الحلقة 24

شهيناز 🌹

لبست بيجاما حرير قرونا ... متسطحة على سرير .... نخمم في الف حاجة ... اولهم ليلة دخلة صح لينا فترة انا وعمران متزوجين بصح مكانش يقدر يدخل عليا ... جاء خزر فيا ابتسم قرب مني وقعد بحذايا حط يده على خدي

عمران: تعشيتي

شهيناز: اييه

ابتسملي هو يتلمس في خدي ... خزر فيا ابتسمتله ابتسامة ممزوجة بخوف توتر

<><>

الحلقة 25

جواد 🌹

مهانش عليا نكذب على هبة ونخرج رجعت لقيت قاعدة فوق سرير ... تخزر هك في سقف غرفة ....

جواد: هبة

مردتش عليا

جواد: هبببة

دارتلي ناضت قالتلي انت قلت خالد يحتاجك

جواد: بطل يحتاجني

جيت نقرب منها بعدت قالتلي حابة نرقد نعست

جواد: هبة شبيك

هبة: هبة تكره الكذب

راحت تكات وهي تعاود في هاذي كلمة هبة تكره كذب ... ندمت عارفها تتضرر هك ... رقدت حذاها لمست شعرها نحتلي يدي

هبة: هبة متحبش واحد يمسلها شعرها متحبش

سكتت خليتها في راحتها حتى شفت انه بطلت تكرر في كلام ... طليت عليها لقيتها رقدت

🌹🌹🌹🌹🌹🌹🌹🌹🌹🌹🌹🌹

شهيناز 🌹

عمران: شهيناز نتي عارفة واش نديرو اليوم

شهيناز: واش

كنت متوترة وخايفة

عمران: صراحة ليا فترة مستني لحظة هاذي ... حاب نرجع لشبابي معاك

هو يهدر كانت يده تروح وتجي على ظهري ... حاول يبوس منعته

عمران: متوترة؟

شهيناز: ما ... مانيش جاهزة

عمران: نفسيا او جسديا

شهيناز: لزوج

عمران: نفسيا نقدرلها جسديا ميهمش

بدا يحكي معايا ويشرحلي في ليلة دخلة باه منخافش ...انا مع كل حرف منه نتوتر كثر لانه هو لي رح يدخل عليا ...

عمران: ارتحتي هك موضوع ممتع وبسيط هههه منحسبكش خوافة شهيناز

شهيناز بلعت ريقي : لا مش هك

طفى ضو كبير شعل ضوء صغير لحذا سريرنا

<><>

الحلقة 26

جيهان 🌹

قعدنا نقصرو انا ويما و زياد ... تفكرنا كي كنا صغار ... مشاغبتنا و عاركاتنا وقصص طفولة لي تضحك ... راح حال زياد وقف قالنا شكرا على هاذي قصرة ... جبد يما ( خالته) على انفراد ... سمعت غير قالها هنيني فيها وسمعيني خبر حلو .... مافهمتش بصح ماما عينيها كانو فرحانييين .... قلتلها وش تباني فرحانة

حكمت يديا قعدتني على فوتاي قعدت معايا

ماما: جيهان

جيهان: يا روح جيهان

ماما: كبرتي وانا كيما اي ام نحلم نشوف بنتي عروس

تقلقت من موضوع

جيهان: ماما

ماما: جيهان خليني نكمل

جيهان: اوكي

ماما: شوفي انا كيما اي حابة نتهنى عليك في دار راجلك سمعتيني هذا تاع انه زيد مات منتزوجش

جيهان: ماما مانييش حابة مانيش قادرة نتخيل روحي مع غير زيد افهميني

ماما: مراحش تكون مع غير زيد انسان يشبه زيد ...

جيهان: مكانش لي رح يشبهله

ماما: كااين يشبهله نسخة طبق اصل

خزرت في ماما ... هي تحوسني نستنتج شكون

🌹🌹🌹🌹🌹🌹🌹🌹🌹🌹🌹🌹

جواد 🔥

حكمتها دورتها ليا ... بقات تعاود في كلمة هبة تكره كذب

جواد: اسف ...

هبة: كنت نسمع خالد واش كان يحكي

جواد: والله اني خايف عليك اكثر من روحي نحس جسدك مش رح يتحمل هذا شي

هبة: حتى اذني معادش تتحمل مضايقة ماما واهلي ليا ... منعرفش نكذب جواد

جواد: معادش نبعثك ليهم

هبة: انا نحب نروحلهم

جواد: شوفي رح نشرحلك بتفصيل واش رح يصرا وانتي شوفي تتحملي اول لا

<><>

الحلقة 27

ناضت عدلت روحها وتربعت فوق لفراش وقالتلي اوكي احكي انا جاهزة .... ضحكت عليها قلتلها اسمعي ياسيدي ...

هبة: مع اني نعرف

جواد: واش تعرفي

هبة : انه تبوسني و مباعد تمسني مباعد تسخني ومباعد دخل ....

جواد: هههههه منين تعرفي

هبة: حكاولي وقريت في google حطين صور ثاني

جواد: ههههههه هبة هذوك مش تاع ليلة دخلة ... ليلة دخلة راهي فيها وجع

هبة: نعرف ثاني ... غشاء عذرية قالولي انه وجع تاعه كي شكة ابرة

جواد: يكذبو عليك تتوجعي اكثر

هبة: نجربو نقلك شكون يكذب هم او انت

سكتتني معرفتش نرد عليها ...

جواد: شوفي هبة نتي برك حالتك نفسيا مش كيفنا

حسيتها غضبت حكمت يديها

جواد: متفهميش اني نقلك انك متوحدة او شي بالعكس يعجبني انك مختلفة عن اي بنت شفتها في حياتي ... بصح كي نبوسك مراحش تتحملي

هبة: نتحمل

جواد: مصرة ؟؟

هبة: ايه

جواد: اوكي

حطيت يدي على خصرها ... خزرت في يدي طلعت راسها بيدي ... جيت نبوسها

هبة: نسأل سؤال

جواد: ههه اوكي

هبة: هل ممكن ناخذ هدنة نص ساعة كي تبوسني

جواد: ههه هك تحوسي نحكمو نهارين باه نفروها

هبة: خلاااص نبوسووو بدون توقف

جيت نقرب منها حبستني

جواد: هبة شبيك

هبة: منعرف تقرب مني بهاذي طريقة نحس بشي قاوي جرب طريقة اخرى

نضت وخليتها نحيت تريكو تاعي

هبة: مارحش تقدر تساعدني

جواد: هبة حبيبتي ... متضغطيش روحك لازمك وقت نرقدو ضرك ريحي اعصابك

درت ليها

هبة: يعني حنرقدو ضرك

قعد حذاها قلتلها لازمك تريحي

🌹🌹🌹🌹🌹🌹🌹🌹🌹🌹🌹🌹🌹

جيهان 🌹

كان كاين اسم في بالي خفت ننطقه ... اصلا معنديش قدرة ننطقه ...

ماما: جاء خطبك زياد مني

تنشعت لانه نفس اسم لي كان في بالي ... نضت قلت لماما لالالا مستحييل مراحش نتزووج انساي موضوع ... رحت نجري لشمبرتي وقفلت باب

<><>

الحلقة 28

شهيناز ❤️

حط يده على كتفي .... بهذيك لمسة بدات عينيا تتعمر دموع ... خفت وتوترت وقلت واش داني ... شاف فيا طلعلي راسي قالي تبكي

عمران: خايفة؟؟

شهيناز: ايه

عمران: فكنا من ليلة دخلة ... منحبكش متوترة ونعرفك خايفة مني اكثر شي خايفة من علاقة معايا

هبطت راسي كي عرف واش بيا

رفعلي راسي

عمران: خليك رافعة راسك نحب نشوف عينيك ... شوفي شهيناز مش رح نغصبك خلاص على علاقة ارتاحي ارتاحيي حتى لو بعد عام مش رح نجبرك

تحضنته حط يده على شعري

شهيناز: انا حباتك ديرها ليلة حابة نتجاوز

عمران: تتجاوزي واش

كنت نخمم في زياد قلت نتجاوزه الا بهاذي ليلة كي نديير علاقة مع باباه نولي حراام عليه مئة بمئة

عمران: شبيك وين شاردة

شهيناز: عمران لهاذي درجة انا نتقاوم تقدر تقاومني عام كل

عمران: لالا مستحيل قلتها باه ترتاحي ...

باس جبيني ... مباعد خدي .... مباعد راح لاشياء عيب ننطقها ... كنت احيانا نقاومه مباعد نطلق روحي ليه كي نتفكر انه خلااص اني مرته وحلاله حرام نرفض ... وصلنا للخر توقعتش نتمتع معاه بصح صرا عكس ... تمتعت ممكن لانه كانت تجربتي اولى

كانت متحضني ... قعد يطمن على حالتي خاف اني منكونش تمتعت واو يكون وجعني

عمران: توجعتي شهيناز

شهيناز كنت شبه نعسانة وانا نجاوب فيه: لااا

تحضني كثر وكثر .... طفى ضوء ورقدنا

🌹🌹🌹🌹🌹🌹🌹🌹🌹🌹🌹🌹

جواد 🌹

قعدت حذاها قلتلها نعطيك بوسة نوم للخد ... حزنت قالت اوكي توقعتها تكون اكبر ... قربت منها بستها لفمها جمدت حتى شفايفها لصقتهم في بعض معرفتش حتى نبوسها ...شديتها من خصرها ويد شادة فكها قلتلها ارخفي باه تجربي بوسة

محبتش جمدت عدت نلعبلها على اعصابها بست رقبتها ... عادت تمس في رقبتها ... كي رخفت روحها شوي ... رجعت بوستها خلاتني ندير رايي هي غير مغمضة عينيها وتحس ... حتى عادت تتنفس بصعوبة ... عادت تخبط فيا تقلي هدنة هدنة هدنة مفهمتهاش من لول مباعد حبست ... تكات على ظهرها حطت مخدة فوق وجهها بقات ترجف ... تتنفس بشوي... حطيت يدي على يدها قلتلها هبة تعبتي؟

نحت يدها وضربتني ليدي باه نبعدها

بقيت نخزر فيها وخايف عليها ... قلت مكانش لازم نطاوعها

<><>

الحلقة 29

زيد ❤️

رجعت لدار انا خايف من ردة فعل جيهان ... مهم خليت امها هي تتكفل بمهمة تخبرها ... كنت نسنى في امها تكلمني ... ماكلمتنيش فاتت ساعة ساعتين ... ديقوتيت معرفتش نرقد ... واش يصبرني صباح باه ... انا قاعد نتفرج ... جاني ميساج من تليفوني مكنتش حاب نفتحه بصح كي شفت اشعار من فوق من جيهان انصدمت ...

جيهان: انتتت هبلت اكيد ... مش لانه شهيناز تزوجت جاي تشوف فيا انا تقوول نعذب شهيناز بيا انا نحب غير زيد مش رح نحب ولا نتزوج غيره ... برك قلي لو كان زيد عايش كيفاه كنت رح تحط عينك في عينه ... كنت نحسبك عاقل ... بصحح طلعت مدي شيعة بركك ... متزيدش تقرب مني ولا تتصل بيا ...

قريت ميساج وانا مصدوم ... ماعرفت نفرح انه تحبني او نغضب انه كرهتني حاليا جيت نرد عليها لقيتها عطاتني بلوك ... نضت مقلق رحت لجواد طبطبت عليه مليار مرة قريب نكسر باب ...

ناض بسيف فتح باب

جواد: علاااه يازياد بذراع مجاني نوم

زيد: وييينه تليفونككك نحتاج نحكييي مع جيهان

عطاني قالي متدخلش لصور عندك غير فيس ومحادثة جيهان فقط

قتله اوكي خليته يرقد

بعثتلها ميساج قلتلها اياك تبلوكي من حقي نهدر معاك تفهمييني

كتبلها ميساج طويييل عريض فيه اعترفت بالحقيقة كل باعد تراجعت محييييته وانا نمحي فيه مفقتش ضغطت على بعث تبعثلها نص جملة مكتوب فيها والله غير حبيبك زيد ماماتش .... تخلعت حذفتها بزربة ... مشكلة مش هنا انه قراتها ... عيطتلي في تليفوني رجعت شمبرتي معرفتش توترت ... خليتها تصوني عاودتلي شحال في من مرة في اخر قررت نهز عليها ... صوتها كان تاع وحدة تبكي

جيهان: اني نرجففف من لي قلته زيد عايش ولالا قلييي حق ... نعرفك ازياد اذا حلفت مستحيل تكون تكذب

زيد: اييه عايش

ناضت تعيط تقوول كنتتت عااارفة والله قلبي حاسس والله ديما نحسه قريييب

زيد: اياك تخبريييي اي واحد

جيهان: منقولش بصح قلي وييينه علااه درته هككك اكييد دار مصيبة باه تهربوه قلتو انه ميت صححح ... قلي بركك

زيد: مش رح نقلك الا اذا تزوجنا

<><>

الحلقة 30

جواد ❤️

بقيت نخزر فيها ... هدات رجفتها وتنفسها ولى طبيعي ... ارتحت واطمنت غطيتها وخليتها في حالتها ... قعدت نخزر فيها حتى داتني عيني ورقدت مانضت الا وهي تخصخص فيا ... سمعت باب يطبطب على ساعتين ونص .... نضت مش نشوف قدامي ... كان زيد حتاج تليفوني مديتهولو وسكرت باب ... رجعت حطيت راسي على مخدة بقات هبة تخزر فيا بلا ماترمش ...

جواد: متخزرنيييش هك مااغتصبتك رااها بوسة وكان برضاك تام وانتي اصريتي ...

هبة: نحوس وحدة اخرى

جواد: مستحييييل هذا كل تحوسي وحدة اخرى انا نحسبك موتي للحظة

هبة: عجبتني نحوووس وحدة اخرى

جواد: مكانش تعبان نحوس نرقد

هبة: كانت حاجة جديدة عليا طبيعية ردة فعلي

جواد: علاااه انا شايفتني مالف نبوس لبنات .... ربما بست وحدة ولا زوج كنت صغييير وطايش ونسيتهم

هبة: شكون بوستهم احلى انا ولا هم

جواد: هممم هم كي بستهم مطاحوش تغشاو

هبة: مقلق مني جواد

جواد: متستعمليييش اساليب براءة منحبهاش

هبة: سكتت

درت لجيهة لخرة... مجاش في خاطري نخليها تخمم اني زعفان منها ... درتلها لقيتها تمس في شفايفها ... كي شافتني هبطت يديها

جواد: علاه تمسي في شفايفك

هبة: كي تفكرت بوسة مسيتهم عجبتني والله

جواد: اااه ربي صبرني عايش مع بيبي انا ؟؟

هبة: علاه مقلق مني ... زيد متقلييش بيبي انا واعية برك عندي مشكلة في تعبير و تعامل مع ناس ...

جواد: مكيش بيبي ... اسمعيني هبة ردة فعلك مش طبيعية مقارنة بأي بنت اخرى منقدرش نريسكي بيك كل مرة تخوفيني هك

هبة: هاذي انا هك منقدرش نتغير صعيبة عليا تمسني فجاة نقدر نتأقلم معاك ... صعبة بصح نوعدك نتعلمها

غاضتني ديتها في حضني

جواد: مش شرط تتعلميها ...

هبة: لا لازم باه تبوسني ...

وضحكت خزرت فيها وخبطت راسي سلمت على خدها قلتلها ضرك ارقدي يزينا ... رجعت سلمت على خدي ورقدت

🌹🌹🌹🌹🌹🌹🌹🌹🌹🌹🌹🌹🌹

جيهان 🌹

قلبي ينبض بسرعة ... وجسمي يرجف ... مصدقتش لي نسمع فيه مرتين هو يحكي معايا نشرب في ماء باه نصدق... كنت ندور في ارجاء غرفة يمين شمال طالعة هابطة محبستش من كثرة موضوع فرحنيييي .... مصدقتش ... بصح كي قال نتزوجك باه نقلك لهن تقلبت حالتي

جيهان: زياد ... كيفاااه نتزوجو كي يرجع زيييد واش نقله نقله اااه تزوجت خوك سامحنييي متصلحش

زياد: اني قتلككك نتزوجو نقلك غير هك معنديش كلام اخر

جيهان: ربي يعييشك متلعبش بيا هك رجعت فيا رووح كي قتلي هككك ...

زياد: اني قتلك مش رح نكررر كلامي

جيهان: زياد ... والله نخبر كل

زياد: شكوون حيصدقك مكانش لي يعرف غير انا ... متحاوليش تلعبي معايا لانه تخرجي غير نتي مجنونة

جيهان: مش رح نسااامحك

كوبيت عليه قعدت نسب فيه

<><>

الحلقة 31

بعد مرور ايام ❤️

جيهان رضخت للامر واقع ... قررت تتزوج زياد باه يقلها وينه زيد ... و شهيناز كي سمعت موضوع متحملتش ... خممت كيفاه تخلي عمران يرفض هاذي زواجة عادت تعطيه يوميا الف سيئة في جيهان باه يعود ميحبهاش ... اما جواد من بعد هذيك بوسة حرم يقرب من هبة ... رغم هي تترجى فيه ... اما هو كان رافض خاصة بعدما شاف ردة فعلها على بوسة .... اما خالد فكان كل همه مشروعه يربح ... مكانش همه في علاقات و الحب وخرطي هذاك ...

🌹🌹🌹🌹🌹🌹🌹🌹🌹🌹🌹

زيد ❤️

زيد: بابا انا حاب نتزوج ... جيهان

كي قلت نتزوج ترسمت ملامح فرحة وجه بابا بضح بعدما نطقت اسم راحت هذيك فرحة

زيد: شبيك ابابا

بابا: مستحييل نقبل

زيد: علاااه

بابا: زيد الله يرحمه كان حاب جيهان من صغره ... انت فاهم واش معنى تتزوج وحدة كانت قبل حبيبة خوك

زيد: انت قلتها زيد الله يرحمه ... مات مانيش رح نتزوجها وهو عايش

بابا: انا قلت رأيي تحب تعارضه عارضه

نضت انا مقلق قتله من ويينتا تهتم بواش يحب زيد بواش يكره ولا قالتلك معلمة متخليهش يتزووج

بابا: زياااد انتبه لهدرتككك راك تهدر مع باباك

زيد: قريب ننسى راااك بابا حمدلله فكرتنييي ...

هز يده عطاني كف

بابا: هاذي اول مرة نرفع يديي عليك ازياد ونتمنى تكون لخرة ... جيهان كان حتدخل لداري عروس لزيد مش زياد افهمها هاذي

زيد: حتى شهيناز كانت حتدخل لدارك عروس لزياد مش ليك

بابا انصدم من كلامي دارلي وعطاني كف اخر حكمني من لبستي

بابا: عارف واش راك تقووول زياااد

زيد: انااا مش زياد انا زييد اناا زييد جيت نلعب دور زياد بصح محملتششش لي راه يصرا ... انا متأكد من لي نقووله كللل عارفييين ماما الله يرحمها ... خالد جواد جيهان كلل كل عارفين انه زياد كان يحب شهيناز ناوي يخطبها غير نتااا مسمعتش ... كيي بعدت عليها على اساس متصلحش ندي مرت خويا ... رحت انتتت تزوجتها تزوجت عروسة ابنك

بابا حسيته تبكم معرفش واش يهدر ... بانت عليه حيرة وقلقة حسيت روحي زودتها معاه وقللت احترام

زيد: بابا ...

بابا: زياد او زيد اخرج وخلييني ... مش حاب نشوفك قدامي

مشيت للور شوي وانا نمشي شفته تعب و طلق روحه على فوتاي عاد يحاول يتنفس

<><>

الحلقة 32

شفته طاح متت بالخلعة رحت نجريله نخبطله في وجهه .... رشيت عليه شوي ماء مباعد عيطت لخاالد و جواد ديناه لسبيطار .... ندمت وعدت نخبط في روحي ...خالد يسقسي فيا واش صرا ... جواد متحير ... تليفوني اول مرة بعد اشهر يصوني باسم شهيناز ... جيت نكوبي عليها نحلي خالد تليفوني قالي من حقها تعرف مش كل شي رح تخبيه عليها ... رد عليها خالد صوتها كان متوتر ...

شهيناز: الووو وش صاااري ... وش كاين

خالد: شهيناز ضرك ديناه لسبيطار كان تعبان ... يصرا اي شي نخبروك متخافيش

شهيناز: ربي يعييشك بلغني بأي شي متنسانيش

خالد: ان شاء الله

بعد فترة طويلة هك جاء طبيب قالنا جاته جلطة ... درنا لي علينا وباقي على الله ... حاليا حالته مستقرة بصح في اي لحظة ممكن تجيه جلطة اخرى لازم يبقى هنا ... دخلو عنده خالد و جواد يطمنوا ... انا مقدرتش حتى نشوف فيه حشمت كيفاه انا نكون سبب في انه بابا راقد فوق فراش سبيطار ... تمنيت لو نقص لساني او كان يرجع بيا زمن نتصرف تصرف غير هك ندمت ... شوي هك جاني خالد قالي بابا يحتاجك وحدك

زيد: انا

جواد: ايه قالنا جيبولي شهيناز ثاني رايحين نجيبوها

ديت نفس ودخلت لعنده ... كان حالته تعبانة خزرت فيه وحصرة بين عينيا

بابا: قرب يا زيد

زيد: عارفني شكون

بابا: اييه قرب

زيد: بابا سامحني والله ماقصدي نهدر هكاك

بابا: نعرفك ديما طايش مستحيل زياد يهدر هك

حكمت يده وسلمت عليها

زيد: قابل بأي شي تقولهولي متحبش نتزوج جيهان منتزوجهاش اي شي تقوله نديره مهم ترضى عني

بابا: راضي عنك ... وتزوج لي تحبها حابك تقلي

زيد: واش

جاء يسألني دخلت شهيناز علينا ... شافت في بابا جات عنده تحضناته قدامي ... بابا قالي اخرج بيده خرجت ...

🌹🌹🌹🌹🌹🌹🌹🌹🌹🌹🌹🌹

عمران 🌹

كانت تتحضن فيا وتبكي ... تقلي متمرضش هك نخاف عليك والله ... كنت موجوع اني لي قدامي كان حابها بني انا متزوجها ... بأي وجه نقابل بيه بني بعدما نموت ... كي فكرت هك زاد عليا مرض وجعني قلبي

عمران: شهيناز بعديني مش حامل روحي معاك

بعدتني مصدومة زاد بكاها

<><>

الحلقة 33

انصدمت كيفاه قالي هك .... بعدت عليه قتله شبيك ... محبش يرد كان غير يتوجع ... حكمت يده قتله عمران انت الامان بالنسبة ليا ... متخلنيش

عمران: الامان !! ... وبني ز .. زياد وش

كان يهدر ونفسه يروح ويجي

شهيناز بلعت ريقي: وشبيه زياد

عمران: كنتي معاه كان رح رح يخطبك صح

شهيناز: عمران ... ماكش في حالة نهدرو عن هذا سوجي

عمران: جاوبي

شهيناز: زياد ماضي ... ونسيته وراح في حاله انت حاضر تاعي نعتبره ضرك ...

عمران: علاه مكيش تخزري لعينيا ونتي تهدري

قعدت على لارض ونبكي معرفتش نقول اني منحبش زياد مزال حبه يسري فيا

شهيناز: والله عمري ماخممت نخونك

عمران: مجرد انه مشاعرك مع ابني راهي خيانة ... اخرجي برا كي نخرج من سبيطار نبعثلك ورقة تاع طلاقك

شهيناز: عمراان

بدا يتوجع اكثررر واكثر خرجت نجري عيطت لطبيب ... خرجوني لقيت غير زياد لبرا خزرتله بخزرة تاع اشمئزاز بعدت عليه لانه اكيد هو لي حكاله ....

اما خالد و جواد خرجو منعرف لوين

❤️❤️❤️❤️❤️❤️❤️❤️❤️❤️❤️

خالد ❤️

كنت تعبان رحت ندي مفتاح تاع لاصال ونسكرها هاذي فترة حتى تستقر حالة تاع بابا ... وصلت قدقد لقيت طفلة حذا باب تسنى فيا ... هبطت قلتلها تسناي في لاصال تفتح

ريان: اهلااا تفكرتني انا ريان ... لي جيتك بعثتلك فيسبوك مرديتش عليا

خالد: اسف مكنتش لاهي

ريان: لقيتلي لاصال تاع بنات؟

خالد: لا ملقيتش

ريان: ستنيتك ياااسر باه تقلي ملقيتش

مش عارف علاه انفعلت عليها: اسمعييي مش قاعد غير ليك ودرت فيك بليزير كي حوست اصلا متبدايش تلعبي انه لازم عليا نحوسلك ...

ريان: علاه تعيييط نجم نسمعك مانيش طرشة

خالد: رووحي من هنا تعيشي

خرجت من ساكها 100 الف قالت باه متقولش درت فيا بليزير كي حوست هذا حقك وزايد

مدتهالي قلتلها امشييي من هنا

حطتها فوق طاكسي ومشات

<><>

الحلقة 34

حطتها فوق طاكسي ومشات

بقيت نخزر فيا قريب نكفر على جدها شوي هك شفت واحد قرب يهدر معاها حسيت هدرة مش نورمال لانه كانت تبعد منه رحت عندها لقيتها تبكي

خالد: تحتاج منها شي ؟؟

راجل: لاااا والو

دور طريقه وراح

خزرتها ترعش وتبكي قلتلها نوصلك قالتلي لا

خالد: اسف ... والله اني ماقصدت قليلي نوصلك

مكنتش مركزة معايا تخزر في راجل من بعيد ... مع راح دورت طريقها وراحت تمشي بزربة وخايفة

ندمت كي قلتلها هك قلت نعتذر منها في فيسبوك وخلاص

<><>

الحلقة 35

جواد ❤️

رحت دار غير باه نطمن على هبة شوي ونرجع ... مع دخلت جاتني دخلت في حضني

هبة: وين كنت غايب عني ... مقتليش حتى صباح خير ... رحت تخدم

جواد: لا هبة بابا مريييض جيت نقلك تهلي في روحك رح نبقى معاه في سبيطار مش رح نتحرك من ثم

هبة: اديني معاك نطمن عليه

جواد: لااا ميقبلوش

هبة: لأني مريضة؟

جواد: لااا مش هك وقت يتحسن تروحي تشوفيه

هبة: نخاف نبقى من غيرك في بيت

جواد: من واش تخافي

هبة: انك ...

صونا تليفوني قلتلها دقيقة

شهيناز: الحق باباك في حالة خطييرة وطبيب يقول مكانش امل

كوبيت وخرجت نجري ومخلوع اول مرة نحس بالاحساس خوف

<><>

الحلقة 36

بعد مرور خمس اشهر ❤️

وصية جات ضد جواد و زيد و خالد ... كانت عكس تماما ماتوقعو ... ولات شهيناز مشاركتهم في كل شي ... خدمتهم لي كان باباهم مشاركهم فيها ولات مشاركتهم فيها... وحتى دار ... بسبب انه ثاني هي طلعت بالحمل ... جواد وهبة بقاو حالتهم كيف ماهي ... يهتم بيها وكل شي بصح مابينهم حتى علاقة زوجية ...و زيد و جيهان خطبو خطبة عادية ساكتة ... وهي لي تسعجلت فيها لانه معادش قادرة تصبر باه تشوف زيد .... اما خالد حياته كانت مدمرة بعد ووفاة باباه زاد شاف رنيم زادت دمرت كثر تفكر كيفاه كانت تعامله وخيانتها وضعف لي كان فيه حس بالذل هي حاولت تقربله خاصة انه شحال من مرة شاهيناز تستقبلها في دار ... رغم رفضه انه تدخل لدارهم بصح لانه عندها حق في دار كيفهم معرفش كيفاه يتصرف معاها

❤️❤️❤️❤️❤️❤️❤️❤️❤️❤️❤️

خالد ❤️

جيت هابط بزربة قابلتني شهيناز ... مسلمتش حتى عليها ...

شهيناز: خالد وشبيك

خالد: بعدييني يرحم لي جابك

شهيناز: رنيم حابة تهدر معاك ...

خالد درت ليها قربتلها ...

خالد: تعرفي حاجة

شهيناز: واش

خالد: متدخليش في حاجة ماتعنيك حتى متتفاجئيش بكف يعميك ... اخر مرة نقلك بعديني نتي ورنيم انا نقرر وانا قررت انه مراحش ترجع حياتي متلعبيهاش يما اختي صديقتي ... راني محترمك برك لانه لفي كرشك خويا ... فهمتي

جواد: خاالد خلاااص

بعدني جواد عليها قالي يصرالها اي شي تكون في رقبتك مالا خليها بعدها انت وصايي رانا كل على اعصابنا

خالد: اني نحاول والله ... اني رايح لاصال ضرك معليش

رحت وصلني ميساج من ريان قالتلي قلي مبروك. ( هاذي فترة كل قاعد غير نحكي معاها كي نهدر معاها نحس بطاقة اجابية و نضحك حتى وانا في عز حزني مناش داخلين في بعضنا ياسر بصح نضحكو ديما قصة بدات من اعتذاري ليها على سوء تصرفي داتها هي بضحكة وكانت توصفلي في شكلي وتضحك فيا وانتهت انه ولات صديقة )

خالد: مبروك بصح علاه

ريان: لقيت وين ندير سبور ...

خالد: متسجليش ربما رح نفتح جزء نسائي قريبا غير اصبري

ريان: بصح راح حال

خالد: قتلك متسجليش

<><>

الحلقة 37

ريان : لا شكرا حابة نسجل ...

منعرف علاه تقلقت محبتهاش تسجل في صال دو سبور اخرى ... قلتلها اعطيني اسمها لي سجلتي فيها ... مدتهالي بنيتها رحت هدرت مع لي شدها وخليته يحذف اسمها ... بلا مانقلها واش رح ندير ...شوي هك كلمتني تبكي قالتلي انه حذفو اسمها زكارة هك برك بلا ميعطوها سبب ...

خالد: اني قتلك نسجلك عندي عجبني اصرارك انك حابة تضعفي

ريان: مجاش بساهل هذا اصرار

خالد: علاه نحس في صوتك ديما حزن حتى ونتي تضحكي

سكتت قالتلي مباعد ان شاء الله نحكو ... ديما نحس ياسر حوايج مخبيتهم ... مهيش تقولي عليهم بصح تاركها على راحتها لانه مابيني بينها والو غير خير وهدرة حلوة ... بصح حبيت هك تعطيني مجال وتقرب مني اكثر ممكن نساعدها ... ممكن نريحها بصح هي حتى مقالتليش شكون هذاك راجل لي هربت منه فقط اكتفت قالتلي واحد حب رقمي وحب يتمسخر انا متاكد كذب مش لدرجة توصل واحد يطلبها رقمها تبكي ...

جواد 💕

هبة: جواد حابة نكون بالحمل كيما شهيناز

جواد: مزالك صغيرة

هبة خزرتني وسكتت دارت جيهة اخرى

جواد: شبيك

هبة: والو نفضل نرقد وحدي

جواد: اوكي ضرك نوض

هزيت مخدة قالتلي خليها حطيتها ورحت رقدت في فوتاي

ناضت وجات عندي

هبة: انت مقلق مني جواد

حطيت يدي على خدها قلتلها لا

هبة: مالف تعاملني بطريقة ألطف

جواد: عليا ضغووط وتعبان ... مش قادر نخمم حاس اني تايه

حطت يدها على كتفي قعدت تتلمس قلتلها وش ديري قالتلي هكا يواسو صح

ابتسمت ابتسامة تاع تعب وتحضنتها

<><>

الحلقة 38

زيد ❤️

لقيتهم كل قاعدين على طاولة لغداء ... كل كل شهيناز و جواد و هبة و جيهان جيت قعدت حذا جيهان ... خزرت فيا شهيناز خزرة رح تقتلني

زيد: بماانكم مجمولين حاب نحكي شي

جواد: يارب يكون خبر زين

زيد: ايه خبر زين

حكمت يد جيهان قلتهم انا وجيهان قررنا نتزوجو

ناضت شهيناز تسعل وقالت مستحييل

زيد: واش لي مستحيل

شهيناز: تتزوجو لسع باباك مدارش عام

زيد: كانت كلمة لخرة من بابا انه نتزوج جيهان تعتبر وصية هاذي اولا ثانيا عرس بساكت وصايي انا رافض نتناقشو بهذا موضوع

شهيناز: جواد احكي مع خوك ...

جواد: والله هو حر يدير واش حب زواجه او عدمه مش رح يرجع بابا للحياة ... مبروك عليكم عقوبة ذرية صالحة

ناضت شهيناز مقلقة

جيهان: ناوووي تقتلها وهي حامل ... باينة مزالها تحبك

زيد: يخي نتي همك تعرفي وينه زيد خلااص مدخلكش في امور اخرى

ناضت جيهان راحت لشهيناز ... بقيت انا و جواد نقصرو

جواد: عارف انه زيد كان يحب جيهان

اخذت نفس عميق قتله ايه

جواد: عارف جيهان بلي تحبه ثاني

هزيت براسي ايه

جواد: حبيت نخبرك برك ...

هبة: جيهان تتزوج

جواد: ايه

هبة: حمدلله

جواد: هههه علاه فرحتي اكثر منها

هبة: ديما انت تقصر معاها هك تروح لدار راجلها

جواد: هههه مشكلة رح تتزوج خويا يعني ديما معايا هنا

هبة انصدمت ... ضحكنا عليها انا و جواد

<><>

الحلقة 39

جيهان 💕

طلعت فوق لشهيناز ... طبطبت عليها ... ودخلت لقيتها قاعدة تبكي ... مسحت دموعها

شهيناز: واش جابك

جيهان: انا ماشي عدوتك حتى نتعاملو هك ... جيت نطمن عليك ...

شهيناز: حمدلله راني لباس والف لباس

جيهان: شهيناز انا معنديش اي دخل في انه زياد قرر انفصال عنك ... ولا دخلت بينكم بالعكس كنت نتمنى نشوفك مرته

شهيناز: متكمليش هدرتك واخرجي

جيهان: لااا مش رح نخرج لازمك تعرفي صح ...

شهيناز: عن اي صح تحكي .... يجييك لي كنتي تتمنايه سنين ينفصل عنك فجاة و يتزوج بنت خاله لي كانت صديقتك و تجي هي بكل وقاحة تقول معنديش دخل ... مش نتي وافقتي ولا حديريلي كيف افلام هندية تزوجني غصب مباعد حبينا بعض ... كل كيما راكم عائلة تاع كذب ونفاق و تملعيب ... لازم يجيكم عبد يغسلكم من عفن لي راكم فيه

بعدت عليها كانت على اعصابها محبيتش نزيد نهدر ... يزيد طين بل .... جبدت روحي قلتلها مع وقت تعرفي انه كلامي صح

شهيناز: اخرجيي

خرجت انا نتأسف على حالتها

💕💕💕💕💕💕💕💕💕💕💕💕💕

خالد 💕

رحت خدمة لقيت رنيم تسنى فيا جيت حندور طريقي شافتني ... جاتني تهدر معايا

رنيم: ممكن نحكو دقيقة من وقتك

محبيتش نحشمها

خالد: ايه تفضلي

رنيم: خالد صراحة انا ... توحشتك من وقت رحت وانا نخمم فيك ...

خالد: عندك هدرة غير هاذي

رنيم: خالد ... اسمعني

شفت ريان جاية من بعيد تتبختر قلت لرنيم ازربي خطيبتي جاية منحبش تشوفنا واقفين هاذي وقفة

رنيم دارت شافت مع ريان قالتلي هاذي

قلتلها ايه

رنيم: اكييد تتمسخر ... خالد شوف معايا ومعاها انا رنيمم

خالد: عارفك رنيم عارف ... عمرك مارح تكوني ريان

<><>

الحلقة 40

شافت فيا رنيم ورفعت شنوفتها ... رحت لريان وحكمت يدها جات تجبدها ... قلتلها اصبريلي دقيقة برك تعفني هاذي مخلوقة ... سكتت ماقالت والو

رنيم: هاذي خطيبتك

ريان استغربت قلتلها اييه نتوالمو صح ...

رنيم: ان شاء الله متكملش علاقتكم

ريان: وشبيه جدك نتي ... تحوسي نغسلك في شارع امشي هنا خير مانرتكب فيك جريمة ... دعوة شر كي موالها خ * را ... يخيي لفعى اذا مش متربية انا نربيك اختي ... رووحي شوفي مين يلمك خير ماراكي تخزري في رجالة تاع ناس ... يخي صوصيالة

تقلقت رنيم وراحت ... خزرت لريان قلتلها وش علاه تقلقتي

ريان: فهمت انه حبيتني نلعب دور خطيبتك ولعبته هههه من بكري حابة نفرغ غشي في وحدة وهاهي جات

ضحكت عليها قلتلها شكرا

خزرت ليدها طلقتها قلتلها ادخلي لاصال

دخلنا جبتلها قهوة ... حسيت حزن في عينيها رغم ضحكها

خالد: علاه حاسك مش نورمال

ريان: نطلب منك شي ... مترجعنيش بقيتلي غيير نتا نتااا

عادت تبكي خفت عليها

جيت قعدت حذاها حكمت مسحت دموعها قلتلها اطلبي عينيا ...

ريان: علاه تعاملني هك بلاك راني مش ناس ملاح

خالد: انا ماشفت منك غير خير ...

زاد بكاها كثر قالتلي محتاجة دراهم الله يخليك نرجعهملك نخدم عندك لي تحب ربي يعطييك ...

خالد: خلاص متبكيش

حطيت يدي على خدها ومسحت دموعها ... دموعك غاليين عليا ...

قعدت نكلم في جواد و خالد وقدرت نامنلها مبلغ كان كبير شوي بصح قدام دموعها ضعفت

قعدت عطيتلها ماء

قربت منها بزايد خافت هي مني

ريان: ممكن فهمتني غلط انه كي تدملي دراهم تقدر دير فيا اي شي لا انا مش من هذوك لبنات

شديت يدها

خالد: عااارف على هك حاب نكونو مع بعضنا و تكمل علاقتنا بزواج

بلعت ريقها وناضت

خالد: شبيك

ريان: منقدروش منقدروش نكونو مع بعض

خالد: اعطيني سبب

غير نشوف في دموعها تهبط ... تشير براسها لا

ريان: لا منقدروش نكونو مع بعض خالد

خالد: علاااه بصحح علاااه اعطيني سبب

ريان: لأني متزوجة وعندي بنت

جاتني صدمة من كلامها ... ضحكت ضحكة استهزاء بكلامها... قلتلها تتمسخري ولا راكي من نيتك

ريان: اسفة

خبطت عليها بيرو تخلعت ...

خالد: كيفاااه وحدة متزوجة تهدر مع قسااامي انا ... وشداك تقربييلي ... متزوجة تتمسخري معايا قااعدة تشربي معايا في قهوة و تعيطيلي في تليفون و تهدري معايا فيسبوك ...

ريان: سامحني والله مندريش امور توصل هنا

قريب نخنقها ... قلتلها برا عليا براا ...

ريان: خالد ...

دفعتها قلتلها اخرجي

<><>

الحلقة 41

بعد مرور ايام

يوم عرس ❤️

جواد ❤️

قعدت نجبد في شعر هبة ونريقلها فيه ... خيرتلها لبسة زينة ومستورة في نفس وقت ... شريتهالها جبدتلها شعرها كل قلتلها البسي لبسة

هبة : رح تكون انت تحت معايا

جواد: ايه مراحش نخليك

هبة: مراحش تخليني

حسيتها تتهرب باه تهبط لبستها انا نحيتلها بيجاما ... حاولت منشوفش قدر مستطاع ... لبستها بالخف ...

جواد: جاتك تهبلل... بنات ياسر تحت اذا مهبطتيش رح يتقربو مني لازم تبقاي حذايا باه تقوليلهم انك مرتي

رجعت ريقتلها شعرها قلتلها ضرك تجيك وحدة ديرلك تسريحة بسيطة

جواد: رح نهبط تحت نسناك

خليت خالتي طالعتلها اطمئنيت

🌹🌹🌹🌹🌹🌹🌹🌹🌹🌹🌹🌹🌹

جيهان 🌹

لبست غوب بلونش ... زياد قاعد غير يبعث في ميساجات خايفني نهرب او نتراجع ... لانه عارف لي راني ندير فيه فوق طاقتي ... قاعدين يتصورو معايا يقولولي شبيك مشنفة في صور ... مباعد بدات طيحلي دموع كي تفكرت زيد ... حسبوني كي عدت خارجة من دار بابا نبكي هك عادو يمسحولي في دموعي يقولولي باب عند باب وينتا ماتتقلقي ارواحي ... حسيت كل شي يخنق فيا ... حتى لاغوب بلونش حسيتها كفن من غوب ... جاو داوني بساكت طلعت معاه وانا مش حابة حتى نشوف في وجهه جاء يسلم على يدي جبدتها قتله بركا من تفسدها ... وصلنا لدار دخلوني قعدو حذايا مكانش ني غناء ني والو غير قصرة حسيتها جنازتي بدال عرسي ... انا نقول ونتخيل يجي زيد ويهربني ... ندعي مالغري حاسة روحي هبلت صايي ...

<><>

الحلقة 42

جواد ❤️

رحنا جبدنا جيهان ... ورجعنا قعدت نسنى في هبة تهبط ... قعدت نحوس عليها بعيني ملقيتهاش سقسيت خالتي قالتلي معرف ... انشغلت بامور رحت خالد نطمن عليه لانه حالته شوي كان تعبان حتى انه مهبطلناش والو ... رحتله

جواد: عرس خوك وانت راقد هك

خالد: كاره ومش قادر وعايف ناس

جواد: كل هذا علجال بنت

خالد: حبيييتها طلعتتتت متزوووجة عارف واش معنى متزوجة يعني مكانش امل مكانششش خلاص ...

جواد: اهدأ اهدأ ...

خالد: رانيييي كرهتتت روحي ... حبيتها ياربي راني حبيتها

جواد: قلي على اسم راجلها وانا نقتله

خالد: جواد مش وقت تمسخيرك نار لي شاعلة في قلبي قادرة تحرق دزاير كلل

جواد: نحكي سيريو

خالد: لا شكرا خليني في حالي ايام ونتعافى

خرجت خليته في حاله خاصة في شفت دموع في عينيه ويخبي فيهم عليا عرفت انه وصل للخر تاعه قلت نخليه يرتاح بلاك شوي هك يشوف جو مليح يهبط يقصر وانا هابط حوست على هبة ملقيتهاش تقلقت عليها بقيت نحوس في بلايص كل ماخليت وحدة مسقسيتهاش ... رحت حتى لجيهان قالتلي مجاتنيش هبة ... طلعت فوق طبطبت عليها رحت جبت مفتاح دوبل فتحت باب لقيتها داخلة بحذا سرير وتبكي ... سكرت باب رحتلها مسحتلها دموعها

جواد: اذا مقدرتيش تهبطي خلاص عادي متبكيش برك

دورت وجهها جيهة ملهيه دخلت في بعضها بقات تبكي

جواد: هبة اني معاك شبيك واجعك شي

هبة: علاه ناس متحبنيش

فهمت انه كاين عبد هدرت معاها.... دورتها ليا قلتلها شبييك شكون هدر معاك

بعدتني ناضت

هبة: وحدي ...وحدي نبقى وحدي

جواد: مكانش وحدك انا وحدك ...

قعدت نهدي فيها ... حتى حطت راسها على كتفي عادت تبكي

هبة: حابة نشوف جيهان برك ماحبيت والو

جواد: تشوفييييها ياروحي انت نوضتها جيت نمشيها برا باب لصقت في باب ناضت تعيط

جواد: مكاين والو امشي برك

هبة: لاااااا هبة متحبش تروووح

كي حسيت ناس رح تتلم دخلت وسكرت باب

جواد: صباح تفاهمنا شبيك

هبة: قالولي متهبطيش

جواد: شكوووون قالك قوولي

هبة: سكرو عني باب ... حبسوني ... منحبش يحبسوني حبيت نشوف جيهان برك ... خفت ياسر جواد ... ناس متحبنيش

تقلقت بعثت وحدة لجيهان قلتلها تهز عليا نعيطلها كام عيطتلها... كان في شمبرا وحدها

جيهان: وشش بيكم بعد مقدرتوش تجو

هبة: جيتي تهبلي الف مبروك عقوبة ذرية صالحة ...

خزرتني هبة قالتلي قلتها صح بارح تعلمتها هاذي

جواد: صحح صححح هههه

جيهان: انتي ثاني جيتي تهبلي مخلتنيش نشوفك ونسلم عليك

هبة: لبست لبسة شرهالي جواد ... وهو لي مشطلي شعري و هو بدلي قشي

حكمت فمها ديراكت

جيهان: واش مسمعتكش

جواد: هياا باي جيهان مباعد

كوبيت خزرت لهبة

هبة: واش قلت شي عيب

جواد: تحوسيني نضربك

ضحكت عليا

هبة: نحبك كي تكون حذايا

تحضنتها

<><>

الحلقة 43

زيد ❤️

شاد روحي بسيف رح نعيط من فرحة ولات مرتي صايي ... قاعد نخزر فيها وندقق في تفصيلها ملامحها عارفها مش فرحانة ... باسكو تحسبني زياد ... نوعد فيها في قلبي انه يكون يوم اخر احزانها .... داتلي عقلي وانا نخمم غير فيها ... حسيت بعبد يخزر فيا من لور درت لقيتها شهيناز مع درت دارت جيهة اخرى ... بصح شفتها في مرايا مقابلتها كانت تمسح في عينيها ( كانت تبكي) ... ديت نفس قلت سامحني يازياد جرحتلك قلبك ... انا سبابها انه تحولت لعبد هك ... نضت كي شفتها طلعت لحقتها قلت نصلح لي قدرت ... بلاك نحاول نخفف عليها طلعت عندها ... طبطبت

شهيناز: شكوون ثاني

زيد: انا زياد

شهيناز: تفضل ... وش كاين

دخلت حاولت تكون قوية قدامي بصح دموعها كانت طيح منها لا اراديا

زيد: شهيناز ... اني نعرف انه ...

شهيناز: لا عمرككك مارح تعرف شي ...

زيد: شهيناز اهدي

شهيناز: واااش تعرف عن هدوء انت ... انت كرهتنييي في حاجة اسمها حب كرهتني في كل شي خليتني نتعلق بكل شي فيك ... عيشتني دمار نفسي بسبب حبك تجي تقلي اهدي في يوم عرسك ... لضرك نحاول نوض من كابوس لي عيشتني فيه بصح مش قادرة معدتش انا شهيناز لي اي شي يضحكها اي شي يفرحها ... انت قتلتني ببساطة متجيش تهدر على هدوء مع عبد ميت

معرفتش واش نهدر بعدت عليها مع خرجت شفتها طاحت تبكي ... سمعتها قالت ان شاء الله ماتشوف خير يازياد في هاذي زواااجة يارب

.... راسي وجعني هبطت لتحت باه نطلع مورالي قابلتني جيهان قالتلي وينه زييد ضرككك نحوس زيد

زيد: اصبرييي واسكتي يسمعوك ناس

قعدنا حذا بعضنا باعد هي هزت روحها وطلعت لشمبرا

❤️❤️❤️❤️❤️❤️❤️❤️❤️❤️❤️❤️

خالد ❤️

فتحت فيسبوك ... لقيت ميساج من ريان ...

ريان: سامحني مقصدتش نغلط في حقك شكرا على كل شي

وبلوكاتني بعد هذا ميساج قريب نهبل

نضت هزيت روحي ... بحالتي هذيك رحت ليها

شفت عناونها في ورق تسجيل ... رحت سقسيت ثم وراولي دارها ... طبطبت عليها مع انه كان وقت متاخر شوي جوايه سبعة

ريان: شكون ؟؟

محبيتش نقول انا باه تفتح

ريان: شكون اذا مقلتش شكون منفتحش

خالد: انا خالد افتحي دقيقة

فتحتلي باب ... مع فتحتلي بقيت نخزر فيها ... مباعد مفقتش لروحي تحضنتها بقوة

ريان: استغفر الله ... خااالد

خالد: طلقيه وعد نعيشك كي اميرة... راجل لي يقبل على مرته تطلب هو قاعد مش راجل

<><>

الحلقة 44

ماجيت نطلع هذيك شمبرا قريب طلعت روحي ... لقيتهم مزينينها ... طلعتلي ماما توصي فيا انا مش لاهية خلاص ... مخي يخمم غير في لحظة نشوف زيد حذايا بعد غيااب طويييل توحشته توحشت سماطته طيشه ... سماطت دار بلا بيه سماط كل شي بلاه ... حطيت راسي انا نتخيل لو كان هو عريس ... قعدت نتخيل في رومانسيات حتى دخل عليا زياد خلعت ...

جيهان: طبطب على اقل

قفل باب علينا

زياد: مش محتاج نطبطب على شمبرتي

جيهان: زيااااد

قرب مني هزيت كاس ورميتو عليه بلا تردد

جيهان: والله تزيد تقرررب ندخل فيك موس

قرب مني لدرجة انفاسه حسيت عدت نحس بيها

زيد: دخلي روحي فداك جينو

خزرت في عينيه ... كي قال جينو

جيهان: زييد !!! ... ضرب مخي زيد ولا زياد ... غير زيد يعيطلي هك ... خفت بعدت عليه

وترني ياسر معامن راني

جيهان: شوف زياد مش رح تدي مني والو اياك تلعبها انك زيد باه تدي مني شي والله منسامحك وانت وعدتني نورمالمو تفي بوعدك

زياد: هههه قتلك كي نتزوجو

جيهان: تزوووجنا مش تشوف

زيد: لا زواج مش كامل هذا

حسيت بالخوف و خبث في زياد حسيته ناوي على شي اكبر ... شوي هك لارض عادت تروح بيا وتجي ... طحت دايخة

❤️❤️❤️❤️❤️❤️❤️❤️❤️❤️❤️

ريان ❤️

كنت مخلوعة كان يبان شارب شي ... بعدته مدلي دراهم لي طلبتها في يدي

خالد: خمي في موضوع طلقي راااني نتزوجك

ريان: خالد عارف وش راك دير ضرك

خالد: محال نخليك لغيري واحد ميستاهلك

قتله شد دراهمك و روح من هنا ...

خالد: اني نسنى فيي راجلك يوم نثبتلك انه مش رااجل كان نمدله دراهم كل يضحي بيييك انا مستعد نشريك منه

قلقتني هدرته عطيته كف قتله افطن على روحك خمم واش راك تقول ... برا ضرك مش كل شي بدراهم كي طلبتك كنت ناوية نرجعهم

طاح على ركبتيه ... قدامي

خالد: قليلي واش ندير ندير اي شي باه تتركيه ... حتى بنتك نربيييها

ريان: راك تجيبلي في هدرة هنا روح روح رجاء

<><>

الحلقة 45

زيد ❤️

طاحت في يدي ... كنت حاطلها منوم لانه علبالي لازم ترقد سينو مارحش تريح حتى تنطقني ....حكمتها بيدي وبقيت نخزر فيها كيفاه راقدة كي اميرات حطيتها على سرير ... بقيت نمسلها في شعرها جبت ساعة ونص وانا نقصر معاها وهي راقدة ... مباعد نضت جبدتلها بيجامتها ... لقطة لي كنت متمنيها من صغري ...

زيد: درتي درتي ويوم رح نعريك انا ...

فتحتلها لاغوب بلونش ... عدت نهبط فيها بشوي انا نهبط وقلبي يطلع معاها ... حبست عند صدرها والله نحوس نشوفه بصح نعرفك كان تفيقي انه نحيتلك والله ماترحميني جاية ايام وتولي توريهولي برضاك موضوع قصة صبر برك ... مع نهبط شوي نلقاها كاتبة زيد بحرقوس مش زياد ضحكت ... جيت نهبط كثر ... هي بدات تتحرك ناضت تخلعت ... حكمتني بالمس خزرت روحها تفجعت

ديراكت بلا هدرة عطاتني كف

زيد: نستاهل انا لي كان لازم نزيدك حبوب منومة

جيهان: انت انسان رخييس

جات تنوض هي حاكمة قندورتها شديتها

زيد: انا راااجلك

جيهان: في احلااامك يامرييض انا لزيد برك نتمنى يعرف خوه واش راه يدييير باه يعافه زيد مش رح يسكتلك تحسب انك خوه توأم يفوتهالك

بقيت شدها انا عاجبتني هدرتها

زيد: خبريه قليله راني درت كذا وكذا

جيهان: انت وعدتني يلااا اوفي بوعدك وينه زيد يلاااا

زيد: انسيه وعد هذا وتصرفي كأنك مرتي لازم تعطيني حقي

قربت منها باه نشوف ردة فعلها ... هزت كأس وكسراته على راسي ... حسيت دنيا دارت بيا

جيهان: انت انسان سادي مغتصب ... مرييض تقرب مني والله مانرحمك ...

مسيت راسي وين ماضربتني ملقيتش دم .. بصح كانت توجع فيا بعدت عليها تزيد تضربني

زيد: انتي مريييضة تضربيني هك

جيهان: واكثر ثاني لو حاولت تتقرب مني

بعدت عنها دخلت لدوش سمعتها تبكي و تقول زيد توحشتك وينك ... رديت عليها في قلبي لو تعرفي انه لي ضربتيه هو نفسه لي حباته حذاك

❤️❤️❤️❤️❤️❤️❤️❤️❤️❤️❤️❤️

جواد ❤️

بقيت نشوف فيها تخزر في روحها في مرايا ...

جواد: عجبتك لبسة

هبة: ايه لانها منك

جواد: ههههه حترقدي بيها ؟؟

هبة: بدلي قشي

ضحكت عليها قلتلها لازم يدخلوك موسوعة جنس على وجه صحيح لي عندك

هبة: علاه هاك بدلتلي صباح

قلتلها جيبي بيجامتك و ارواحي فرحت راحت تجيبها

<><>

الحلقة 46

خالد ❤️

خالد: خلينا نتزوجو نوعدك ندير اي شي علجالك

ريان: خالد مديرش هك مستحيل هذا شي

خالد: لا مستحيل نخليك مستحيل مش متقبل فكرة رفض

سكتت عليا فتحتلي باب خرجت وانا نخزر في عينيها

خالد: ريان

ريان: خالد لو سمحت خلاص راني تعبت

جيت خارج شفت راجل طالع عندها جبدتني من يدي دخلتني وسكرت ب باب

خالد: كاين راجل جاي هنا

ماتت بالخلعة

ريان: ياااربي شنديير ضرك اخرج من تاقة

رحت حاولت نخرج بصح كانت عالية ... دخل مالا تخبيت وراء خزانة من جيهة اخرى وغطيت روحي بريدو

دخل واحد

ريان: توحشتك طولت ماجيت يوم ...

راجل: كنت مقلق شوي من دار خلينا منهم كي نشوف لقمر ننسى دنيا كل وشحالك نتي لباس توحشتك

غيرة شعلت فيا ....

راجل: يوم راني نخدم في ليل

ريان: يعني حتروح

راجل: متخافيش ميقدر حتى واحد يقربلك اكي في بلاصة امنة

ريان: القالي حل مع احمد من نشوفه يقلقني

راجل: نتلاقى بيه نفهمه اصله متخافيش

سمعته راح ... خرجت انا مقلق حكمتها من كتفها

خالد: هذااا هو راجلك يجييك مرة في نص ليل هك حابة تعيشييي

ريان: علاااه مرحتشش

خالد: طلقيه

ريان: اخرج متخلنيش ننسى خير لي بينا ونعيط بوليس

خرجت هاذي مرة بصح في راسي الف حاجة حابة نقتل حاب نولي مجرم ... حاب نشرب باه ننساها .. حاب نخطفها

❤️❤️❤️❤️❤️❤️❤️❤️❤️❤️❤️❤️

جواد قعدت حذايا نحيتلها قشها ... مخزرتش فيها خلاص ... قعدت نريقلها في بيجامتها باه نلبسها ... جيت نلبسها بعدتها

هبة: جواد

خزرت فيها هبطتلي اشارتلي لصدرها قالتلي اخزر ...

جواد: هبة ...

هبة: اخزززررر

خزرت بسيف لقيتها كاتبة جواد ... عيني راحت لاتجاهات اخرى

هبة: عجباتك

جواد: كل شي عجبني ... ااا عجبتنيي ياسر

جيت نلبسها قالتلي خليك شوفها اكثر

لبستها بسيف قلتلها شي شفتها

هبة: معجبتكش باينة

جواد: عجبتني

خبطت راسي لانه كنت مركز في شي اخر

<><>

الحلقة 47

جيهان ❤️

دخل لدوش ... رجعت ريقلت لاغوب بلونش ولبستها ... بقيت نبكي ونقول علاه صدقته باين يكذب عليا ... عيطت لخالد هز عليا بعد عشرين ابال

خالد: اسف جيهان كنت نسوق مقدرتش نرد هذا وين وصلت لدار

بقيت نبكي سمع صوت بكاء تاعي

خالد: شبيييك تبكي صايرلك حاجة جيهان

جيهان: ارواح خرجني خوك يحوس يعتدي عليا

خالد: شكون جواد ؟؟؟

جيهان: لا زياد

خالد: اااا ... جيهان مش تزوجتيه بارادتك

جيهان: خالد والله تزوجته برك لانه قالي انه زيد مزال عايش نوصلك ليه اذا تزوجتيني و منعرف من قوة حبي لزيد صدقته منعرف كيفاه

خالد: جيهان ... اسمعيني

جيهان: ربي يعيشك خالد عاوني

خالد: انا تعبت من مشاكل هاذي زيد مزاله عايش وراه قريب منك يااااسر ...

جيهان: ويييينه خالد انت عااارف ثاني

خالد: مارحش نقلك وينه بصح اقربلك من اي عبد في هاذي دار على اغلب هو معاك في شمبرا ركزي حاير فيك كيفاه مشفتيهش لضرك

جيهان: متخلنيييش هك قلي وينه

كوبا عليا ... فتحت خزانة .. حوست هبطت نشوف تحت سرير ... تحت بيرو ... قلت اكيد رااه في دوش مع زياد ... عدت نطبطب بقوة

جيهان: زياااااد افتح ضركككك

زيد: راني عريااان اصبري دقيقة

جيهان: افتححح ميهمنيييش افتحححح

❤️❤️❤️❤️❤️❤️❤️❤️❤️❤️❤️❤️

جواد ❤️

هبة: حبيتك تشوفها كثر ...

نحيتلها بيجاما انا نحيتهالها لاني حبيت نشوف جسمها ... خزرتها من فوق تحت

هبة: وش راك تخزر

جواد: خليني مرة يكون وجهي صحيح معاك ... هبة كي تتعرايلي هك مستحيل نركز وين انتي مركزة كاين حوايج اهم

هبة: واش

جواد: مثلا ....

<><>

الحلقة 48

جيهان 💕

فتحلي باب دفعته ودخلت كان لابس غير شرط ... دخلت لدوش سكر باب ملهيتش ... قعدت نحوس ملقيتش

زيد: وشش شبيك

جيهان: انا تعبت خلاااص زيد وينه زياااد اني عارفة انه هنا وقريب مني ... اني حاسة بييه تعبت قله يزي هاذي لعبة

عدت نبكي بشكل هستيري كانه يوم اول تاع جنازته ... حتى يدي ترجف من قلقة ... جبدني زياد ليه

زياد: متبكيش تحرقيلي قلبي هك ... ايام وتشوفيه تتحسن اوضاع برك

دفعته وخرجت

قتله استغلالي

زيد: والله ماني فاهمك ... ساعة تبعديني ساعة تقربيني وش عندك انفصام

اصبري نجيبلك ماء تريحي

.... درتله ركزت على وشم لفي ظهره ... حكمتني دوخة كي شفته ... تفكرت كي قالي جينو ... بدات افكار تتلخبط في مخي ... بديت نخمم في الف حاجة وحاجة ...

جيهان: زيد

دارلي متت بالفرحة كي دار

جيهان: انت زيد قول والله انك زيد ... زيد انت زيد

عيطت من فرحة جاء يجري عندي شدي فمي

زيد: اووووش مانيش زيد واش راكي تخلطي

جيهان: علاااه خايف نعيط ونقولها مال انتتت زيد

زيد: جيهان

جيهان: زيد خلاااص ارحمني اذا قدرت تمحي كل شي الا وشم تاعك ... قتلي انا وحيدة لي عارفة بموضوع وشم قتلي حتى زياد ميعرفووش ... زيد نحبك معادش تخلييني

ضعف قدام نحبك تاعي

زيد: اااه ياربي

تحضنتها بقوة ليا

جيهان: حرام عليك مغضتكش وانا نبكي عليك يوميا

زيد: اسف والله ماكنتش قادر نقربلك

جيهان: فكرت شحال من خطرة انتحار

رفعتلها راسها حطت عينها في عيني

زيد: اياااك تفكري بيه حتى لو مت

جيهان: بعيد شر عليك

زيد: بصح هك تأكدت انك فيدال ليا هههه كاتبة اسمي في صدرك وحالة واعرة ههههه

جيهان: شفت صدري

زيد: لاااا نتي منوم مفادش فيك

جيهان: ههههه مرة جاية كثر

زيد قرب من وذني قالي نحبك نايضة ونتي توريلي مذذابيا ضرك

لهبت بهدرته رجع نحلي لاغوب دار فيا رايه وانا درت فيه راييي

❤️❤️❤️❤️❤️❤️❤️❤️❤️❤️❤️❤️

جواد ❤️

جواد: مثلا لقماش تاع ستيانك يأتيرني نحسه زين هك نقدر نشوفه نحيه

هبة: نحه؟؟

جواد: ايه

تقول دارتها زكارة فيا رفعت لقطة ونحاته وبقات شادة لقطة على صدرها

وعطاتني

هبة: ماما شرتهولي نقلها تشوفلك واحد بصح لواش تستعمله !! ...

جواد: لالاااا ... خزرته مبعدها رميته

هبة: كيفاه نجيبه ؟

جواد: اعطيني غطاء

هبة: جواد اني عريانة

جواد: هاتي برك

مدتلي بقات مغطية بديها حتى شعرها جبدته قدام باه متبانش بقيت مركز فيها قلت ضرك نسحب يدها بشوي مباعد معرفتش كيفاه

هبة: علاه حاسة انك حاب تشوف صدري

<><>

الحلقة 49

جواد ❤️

جواد: حاستني حاب نشوف صدرك

هبة: ايه حساتك حاب

قربتها مني لمستها من من كتفها حتى خصرها بقات مغطية صدرها بيديها ... لو مراءة غيرها كانت تركت ونسات روحها ... حبست عند خصرها حوطه بيديا

جواد: هبة مفروض تفهمي من هاذو حركات واش راني حاب نوصل

هبة: نسنى انك تقول واش حاب

جواد: احيانا مش لازم تدي مني اذن في هاذي امور

بوست رقبتها بقات نفس جاست مدايرتها

جواد: شبيك

هبة: مش عارفة كيفاه نتصرف قلي انت نحسب يدي او لا

جواد: تصرفي على شي شيفاته مناسب

جيت نبوسها بعدتني ...

هبة: انا منعرفش نتصرف انا سييئة في هاذي امور انا سيئة ... سيئة ... انا ..

جواد: اهدي هبة

هبة: سيئة انا ... انا منعرفش نتصرف ... انا منعرفش نتصرف

جواد: هببة حبسييي

عيطت عليها

هبة: متعيطش ... متعيطش

جبتلها بيجامتها قلتلها البسي ... بقات تخزر فيا ....

هبة: علاه تقلقت

جواد: والو هبببة

تكيت على سرير وخليتها تبدل قشها .... لسع رح نرقد راحت تريستي ... استغربت كيي شفت ضوء تاع شارع كاين عرفت مشكل من دارنا ... هبطت نشوف مشكل وهبطت معايا هبة خافت ... شوي هك جات شهيناز

جواد: هبة ابقاي مع شهيناز ضرك نجي

شهيناز: رح تخرج وحدك تشوف تريستي بلاك صرالك حاجة نوض زياد معاك

جواد: لااا خلوهم متنوضهمش ... نحلها وحدي

وخرجت

❤️❤️❤️❤️❤️❤️❤️❤️❤️❤️❤️❤️

شهيناز ❤️

شهيناز: هبة شوفي جواد متهور ضرك راح وحده كان يصراله حاجة منعرفوش

هبة: بعيد الشر عليه

شهيناز: روحي نوضي زياد

هبة: ايه

راحت هبة نوضاته نشوف فيه من بعيد شوي شعره مبربش ... نحوس على اي علامة تبينلي انه دار علاقة معاها

خرج زياد خرجت ثاني جيهان كان لابسة بيجامة تاع حرير ان شاء الله تتحرق هي وياها

شوي هك رجعت تريستي ... رجعوا زياد و جواد

جواد: يخي قلتلكم متنوضهمش مابردتش دودتك حتى نوضتيهم اشهيناز

شهيناز: خاطيني مرتك هي نوضتهم

خزر جواد لهبة قالها يلا نروحو لشمبرتنا

زياد خزر فيا قالي اياك تدخلي بين جواد وهبة

شهيناز: واش دخلني انا هي لي نوضتكم

جيهان: روح قله انه ماكاين والو يعود يعيط عليها

زيد: اييه ضرك

راح زياد

شهيناز: بلاك لعبتيها راكي مرته وصايي كله يوم راه عشتيه هنا

جيهان: واحسن يوم بنسبالي راقدة في حضن راجلي كاش كيفي

شنفت عليهة ورحت

<><>

الحلقة 50

جواد ❤️

دخلت شمبرا هي دخلت ورايا ... بدات تقلي خفت عليك ... قلتلها اووووش تعبان وحاب نرقد ... تكيت وغمضت عينيا شوي هك هي رقدت حذايا ثاني... نضت صباح بكري لقيتها نايضة دخلت دوشت دوشت لبست قشي وخرجت ... كانت مزالت راقدة خليتها تريح خرجت ... قعدت هبطت تحت نسمع في شوي صوت عياط بين خالد ورنيم

رنيم: اااه مش رخس انك تبع وحدة متزوجة

خنقها بقوة رحت نجري جبدتها منه بعدتها جات واريا وحكمت فيا

جواد : خالد عيب ... خلاص فكنا

خالد: خرجهااا من دار اذا رجعت ولقيتها نقتلها

رااح خالد هو يتحلف فيها ... درت رنيم كانت حاكمة يدي خزرت ليدي

رنيم: ااه اسمحلي مقصدتش خفت

جواد: واش قلتيله

رنيم: هو يتبع في وحدة متزوجة يحوس يتزوجها ويطلقها من راجلها كي قتله صح متحملش

ناضت تبكي ... معرفتش كيفاه نتصرف معاها قعدتها في كرسي وعطيتلها ماء

جواد: رنيم روحي شوفي حياتك ... خالد مش حابك ...

رنيم: ندمت غلطت صح بصح ...

هبة: جواد

خزرت فيها هبطت حكمت يدي قعدت تجبد فيا

جواد: هبة اني نهدر معاها

هبة: هبة متحبش

انفعلت من كلامها

جواد: هببببة

تخلعت هي شدت وذنيها وطلعت تجري ....

رنيم: جواد ممكن سؤال ... ماكش ضارب حساب لحياتك مستقبلية يعني هبة اسكو تقدر تجيبلك ولاد اسكو تقدر تربيهم يعني ماكش حاب تشوف بنتك وتتحضنها تلعب معاها ؟؟!!

ديت نفس قلتلها اولا معطيتكش اذن باه تسألي ... ثانيا منحتاجش نجيب ولاد هبة معوضتني هي حبيبتي وبنتي وكل شي في حياتي ... نتمنى وصلك جواب

مشيت وخليتها معرفت نكذب على روحي بهذا جواب ولا عليها

❤️❤️❤️❤️❤️❤️❤️❤️❤️❤️

زيد ❤️

راقدة في حضني كي اميرة ... بست رقبتها عضيت خدها جبدت شعرها ... كل ومناضتش ... بصح وقت جيت نهبط يدي شوي على رقبتها حبستني ... حكمت فمي

جيهان: ماتتعبش ...

زيد: لا مخلتنيش بارح ناخذ راحتي

جيهان: هذا كل مخلتيكش ... لو خليتك كيفاه

زيد: كان خليتك تهزي سقف من عياط

جيهان: باه تسمعنا شهيناز تجي تيري علينا

زيد: واش جاب اسمها ضرك

جيهان: زييد روح قلها

زيد: مستحيل

جيهان: رح تبقى هك ؟؟ وشيه لا زيد راك تغلط ... انا منقدرش نمشي معاك في غلط هذا

زيد: خلينا نفوتو موضوع انا نتصرف متقلقيش

جيت نبوسها بعدت

جيهان: زيييد ... لااا ...

زيد: مارحششش نقول ليها والو

جيهان: انا منمشيش بهاذي كذبة اذا اضطر انا نخبرها

زيد: متخلنيش نندم اني نخبرك مانيش حاب نولي نكذبك قدامهم كل ونقول انا زياد مالا متدخليش

جيهان: اااه هكا

بعدتني وناضت راحت دوش

زيد: جيهان

جيهان: متهدرش معايا

<><>

الحلقة 51

خالد ❤️

رحت صباح لجيهة دار ريان ... بقيت بعيد خرجت تمشي مباعد كي شغل... قريب طاحت رحت عندها قلتلها لباس

ريان: خالد !

خالد: كنت فايت من هنا ...

ريان: خالد تبع فيا

خالد: انا اسف محقيش صح بصح مقدرتش نبعد عليك ... نوعدك نبعد معادش نقلقك

بعدت عليها خطوتين دورت لور نقول في قلبي حبسيني حبسيني

ريان: خالد

درتلها رح نموت بالفرحة

خالد: ممكن تعقبني هاذي طريق كاين عبد ديما يقلقني

مشيت معاها في زوج ساكتين حاب نهدر معاها بصح حاسها تتهرب من هذا شي ... سكتت كملت طريق معاها ... حتى شاف فيها واحد حبست دارت رجعت تجري ... رحت نجري وراها

خالد: ريان ااسنيي

محبتش تسنى كان تجري بأقصى سرعتها محبستش حتى تدي نفس

حكمتها ... عادت تتنفس بسرعة

ريان: وصلنيي لدااار لازم نرجع

خالد: اشبيك اهدي مكانش عبد يتعرضلك وانا هنا اطمني

ريان: فشلتتت رجليا مش هازيني

قعدتها على كرسي

ريان: نحوس ماء

دخلت سوبيرات اونفاس لينا جبتلها ماء ورجعت ... يدها ترجف مقدرتش حتى تهز قرعة ماء ...

خالد: ريان شبيك

ريان: والو لازمني نرجع لدار ...

قعدت حذاها قلتلها تقدري تأمني فيا والله مانديرلك شي احكيلي

ريان ناضت تبكي هكاك في شارع حكمتها تحضنتها بقوة

خالد: منحبش نشوف دموع لفي عينيك ... منحبش ناس تشوفهم لي قلقك قليلي عليه برك ...

ريان: اديني من هنا خالد

مشيتها لدارها دخلتها لدار ... حسيتها مش حابتني ندخل جبت روحي من عند باب

خالد: اني نروح اذا ....

ريان: لاا ادخل ابقى شوي ...

<><>

الحلقة 52

خالد: شبيك ريان تباني مخلوعة

ريان: لا هك خفت على بنتي ... منعرف ...

راحت طلت من تاقة قالت ياربي ... رحتلها شديتها قلتلها شبيكي مش رايح من هنا حتى تحكيلي

ريان: انا خايفة ... بنتيي

راحت تجري لبنتها تحضنتها ( بنتها عمرها عامين ونص )

ريان: ياروح لماما ... اديها معاك هربها وانا اذا خرجت سالمة نجي نديها ...

خالد: شبييكي راكي تحيري فيااا عليك وشيه هاذي انا اذا خرجت سالمة .... مكانش واحد يمسك وانا معاك غير رييحي

ريان: اني خااايفة

خالد: واش مخوفك احكيلي

لسع رح تتشجع وتحكيلي طبطب باب كانه هذيك طبطيبة جات في قلبها تخلعت حكمت يدي قالتلي متهدرش ...

🌹🌹🌹🌹🌹🌹🌹🌹🌹🌹🌹🌹

زيد 🌹

قاعد نكلم فيها هي متجاهلتني كليا ... قلقتني قربت منها ... حكمتها من لور قرب لوذنها

زيد: انت زعلان مني مانك سألان عني ...

جيهان: زيد خليني

زيد: مش حاب قمر يرضى علينا خفي عليا راه يوم ثاني يوم من عرسنا تنوضي زعفانة مني ...

جيهان: انت عارف لي دير فيه مش صح

زيد: عارف اييه بصح مجبر عليه عندي اسباب

جيهان: اااقنعني ياسيدي

<><>

الحلقة 53

خالد 🌹

بقى يطبطب شوي هك و راح ... كي راح راحت طلت من باب ... قالت هوو هوو عرف داري ليلة يقتلني ... ياربي لازمني نهرب

خالد: وش صاااير شكاين شكون يحوس يأذيييك احكيلي بديت نتحير عليك

ريان: ربي يعيشك عاوني ...

قعدتها قلتلها استغفري سع

ريان: استغفر الله علي عظيم و اتوب اليه ...

خالد: نعاونك اكيد برك احكيلي

ريان: من صغري كان بابا يخدم عند عايلة عندها دراهم يخدملهم جنايني في ارضهم .... ماتت يما خلاتني مع بابا كان ساعات يديني معاه كان ديما بن هذيك عايلة يخزرلي احيانا كان يتحرش بيا بصح مكنتش نقول خوفا بابا يصراله شي ... بعدما توفى بابا عايلة هاذي قالتلي كان تخدمي عندنا وانا قبلت لانه معنديش ملجا اخر بقيت نخدم عندهم في نفس وقت نقرا كان بنهم ديما يتقرب مني ... حتى منعرف كيفاه وقعني في حبه هو كان نيته غير حاجة لحرام بصح انا مقبلتش قتله نتزوجو حتى شرعا كذب عليا قالي بابا و يما مقبلوش هو اصلا محكالهمش قالي نتزوجك عرفي ونصدموهم ... وافقت تزوجني بشيخ كاذب و زواج عرفي بورقة مش صح ... دار معايا حرام شحال من خطرة ... كل ماكنت نقله نواجهو باباك يماك يهرب ... حتى نهار طحت اونسانت ... قتله حاول يشربني دواء ... قالي نزليه بسيف قتله نقول يماك و باباك قالي شيخ مش صح كل شي مش صح صدمني ... ودمرني وقتها حاول يشربني بسيف دواء انا هربت منه بصح مزال يلاحق فيا يبعثلي ويهدد فيا يقلي منخليكش في حال ... وانا والله ندمت وكرهت رووحي لي قررت نكون معاك ...

خالد: راجلك وينه مايحلكش قصة ؟؟

ريان: مانيش متزوجة خفتت نقلك اني مش متزوجة تستغلني كيما هو خفت سامحني لاني كذب والله اني كنت خايفة

خالد: متفهمك

هبطت راسها قعدت تبكي ... رفعتلها راسها بشوي قلتلها متبكيش نتي بنت اصل وفاميليا لو كانت وحدة اخرى كان راحت باعت روحها لازم تكوني فخورة بنفسك اما عن هذاك راجل مش حيقيسك ابدا بصح قليلي شكون هذاك لي كان هنا بارح

ريان: خويا برضاعة .... يجيني برك احيانا مش ديما انا تظاهرت بحذاك انه راجلي باه تخطيني حسبتك راح تستغلني

تحضنتها بقوة ... قلتلها مستحيل نستغلك مستحيل

🌹🌹🌹🌹🌹🌹🌹🌹🌹🌹🌹🌹

زيد 🌹

زيد: شوفي صح انا اذيت شهيناز ياسر ... بصح مكنتش حاب يصرا هك ولا تمنيت دمعة تنزل منها .... بصح ضرك راهي حامل تخيلي نقلها انه زياد هو لي مات وهي بالحمل والله ماتتحمل ... هي مجنونة بزياد تخيلي لي دراته كل علجاله ... نجي في لخر نقلها انه مات وكذبت عليه وهي في مرحلة متتحملش ... مانيش حاب ضميري يأنبني اكثر و يموت جنين ونكون انا سبابه والله مانيش قادر

جيهان؛ خلاص اسفة زيد ضغطت عليك

تحضنا بعض

زيد: عارف انه غلط راكبني من ساسي لراسي بصح مش حاب نصلح غلط بغلط اكبر منه

<><>

الحلقة 54

شهيناز 🌹

هبطت لقيت زياد و جيهان هبطو لسع هبطت معاهم ... قعدت نخزر فيهم رح ناكلهم بعينيا قعدو يشربو في قهوتهم مع رنيم و جواد ... هبطت قعدت نشرب فوق قلبي ...

جيهان : هبة وينها

جواد: تعبانة مهيش حابة تنزل

جيهان: اييي معليش ...

جواد: زياد حاب نحكي معاك على انفراد وحدنا

ناض زياد و جواد قعدو بعيد علينا شوي يدردشو ...

رنيم: وش ا لعروسة ليلة بارح

شهيناز قلبي غلى فجاة ...

جيهان ضحكت ضحكة صفراء : قلتلها عادي

عاودت عمرت كاس كب قهوة باه ندير روحي نشرب مش لاهية بحديثها

رنيم: جيهان احكيلي على اقل نتعلم هههه هيا

جيهان: ماصرا شي

ضحكت انا لا اراديا خزرتلي جيهان وشنفت

جيهان: نقلك صح كان شوي واعر معايا بصح هذا كل من كثرة حبه ليا ...

شهيناز: بلعي خليني نشرب قهوتي في رحبة

جيهان: مكيش حابة تسمعي واش دارلي زياد ....

هزيت قهوة ورميتها عليها حرقتها تهجمت عليها وخنقتها جاء جبدني جواد عليها و زياد وقفها

زيد: راكي مليحة .... نتييي مهبولة ولا هبلتي ولا كيفاااه

جيهان: خلااص فوتوها حاجة بين نساء برك

جواد كان حاكمني خايفني نرجع نتهجم عليها ... زياد تحضنها قدامي وهزها ... حكمتني قنطة ثم وغصة مع خنقة حتى دمعة معرفتش تهبطلي ... عدت غير نتنفس بصعوبة ...

جواد: راكي مليحة

خزرت فيه جيت دايخة على يده ... مافتحتش عينيا الا واحد يمس فيا ... تخلعت جبدت روحي شفت رنيم حذايا

رنيم: متخافيش هذا طبيب برك

ضغطت على راسي

شهيناز: واش صرالي

رنيم: دختي فجاة ...

طبيب: لباس حمدلله كل شي لباس حتى جنين لباس و غمزلي

مافهمتش غمزة هذيك بصح خلعتني

طبطب جواد قتله ادخل

جواد: راكي مليحة ريحتي

شهيناز: زعما راك مهتم مانتم تحوسو موتي

جواد: لا بعيد شر تبقاي مرت بابانا و لفي كرشك خونا مذابيا نعرف حالتك

شهيناز: حمدلله ريحت

جواد: حمدلله

بعدما طمن عليا خرج هو وطبيب

<><>

الحلقة 55

ريان 🌹

مشيت معاه وانا خايفة في نفس وقت عندي نسبة من الامان في قلبي اتجاهه ... خاطرت خاطر علبالي نبقى في هذيك دار يلقاني يقتلني ... كنت نخزر في خالد يقابلني بابتسامة مليانة بالحب بصح انا مقدرتش نوثق بعد لي صرالي مقدرتش نعطيه فرصته ممكن نكون ظلمت نفسي اني نلقى حب صح ... بصح تجربة لي مريت فيها تكفيني وتوفيني ... حبس طاكسي لقيت وقف عند دار كبيرة هبطت هبطني معاه ... هبطت وانا متحضنة بنتي مش مخليتها خلاص ... فتح باب دخلنا ...

خالد: جواااد زيياد

ريان: شكون هاذو

خالد: ضرك تعرفي

هبطو زوج وحدة مراءة سلمت عليا مراءة

جيهان: اهلا انا جيهان

ريان: وانا ريان

خالد: هذا زياد و لاخر جواد خاوتي ...

ردولي سلام ...

خالد : هاذي ريان خطيبتي

انصدمت انا و تعقنت معرفتش نكذبه ولا نمشي في خط بقيت ساكتة وصايي

🌹🌹🌹🌹🌹🌹🌹🌹🌹🌹🌹🌹

شهيناز 🌹

بقيت نمشي يمين شمال يمين شمال ظفاري قريب ناكلهم كل

شهيناز: مافهمتش علاه قلتيله

رنيم: هو طبيب خفت يديرلك فحص او اي شي يعرفك مش بالحمل يكشفك قدامهم مالا اضطرست نعطيله دراهم ونقله احفظ سر مشدش مني دراهم قالي رح نحفظ

شهيناز: مريحنيييش ... تعرفيه شكون ؟؟

رنيم: ولد عمهم

شهيناز: ههههه كملت معايا انا .... اووووف طبيب كشفني وطلع ولد عمهم ... لازمني نحكي معاه هذا واش اسمه

رنيم: اسمه انيس

<><>

الحلقة 56

خالد ❤️

كنت فرحان ميت بالسعادة انه ريان معايا كنت هاز بنتها تقول بنتي انا ... قعدت تتعرف على جيهان وشفت ضحكة فيها عينيها كي تضحك

زيد: شبيكم تعلمتو تخطبو وتتزوجو بلا ماتقولولنا

خالد: جاء كل شي صدفة

جواد: هههه خايف نعينوه

زيد: بصح اك عارف مسؤولية تدي وحدة مطلقة وعندها بنت

خالد: ايه انا لي عارف مستحيل نسمع فيها

جواد: بالبراكة عليك مالا

تحضنوني ...

حنا فرحانين جات هابطة رنيم

خالد: ياربي واش جابها

جواد: من صباح هنا مع شهيناز

رنيم: جواد نحتاجك ...

خزرنا انا وزيد في جواد باستغراب.... راحلها جواد حسيناه حاب يروح يهدر معاها

خالد: واش صاري؟؟

زيد: والله ماني فاهم والو

🌹🌹🌹🌹🌹🌹🌹🌹🌹🌹🌹🌹

رنيم 🌹

شهيناز كانت طل من بعيد عليهم ...

شهيناز: شكون هذيك سمينة لي جاية مع خالد

رنيم: بففف خطيبته

شهيناز: اااا ههههه راحت عليك خالد وراح

رنيم: امممم

شهيناز: وش تباني مش متقلقة

رنيم: صراحة ... عجبني جواد ونحسه يبادلني نفس شعور والله اول مرة نحس بهاذي كيمياء بينا

حكمت يد شهيناز وحطيتها على قلبي

رنيم: تسمعي في دقات قلبي

شهيناز: جواد مستحيل معندوش في حب وهاذو حوايج دليل شوفي شكون متزوج

خزرت ليه قلتلها ضرك تشوفي كي يوقف معايا كيفاه يتصرف

وهبطت تحت عيطتله

<><>

الحلقة 57

وقف معايا كان عاقد يديه .... مهبط راسه تحت مش يخزر فيا كانه حاشم

رنيم نطقت اسمه بكل دلع: جواد

تنشع مني وخزر فيا خزرة حادة

رنيم: وش كاين

جواد: احكييي واش كاين

رنيم: صراحة شهيناز حالتها تعبانة وتعرف لهن مكانش لي يعتني بيها انا حابة نجي نبات هنا معاها ...

جواد: باتي نورمال

رنيم: مجبتش قشي حابة نروح نجيبه قلت بلاك ...

جواد: وجدي روحك ضرك نوصلك تجيبيه ونرجعو

❤️❤️❤️❤️❤️❤️❤️❤️❤️❤️❤️

جيهان ❤️

دخلت انا و زيد لشمبرا

جيهان: كواتني الله لا يتربحها

زيد: وين رجات عليك قهوة

جيهان: رماته ديراكت على صدري

زيد: اااا مستلي اعز لحوايج لي عندي

ضحكت قرب مني

زيد: خليني نشوف وين كواتك

جيهان: لا لا

بقى زيد يقرب مني وانا نرجع للور حتى شدني على سرير ...

زيد: حاب نعاود ليلة احلام تاع بارح

خزر لشفايفي وخزرت لشفايفه لصقنا في بعضنا ... مكانش خمس دقائق بدا ينحلي في قشي

يغطس في جسدي يذوب فيا معاه

<><>

الحلقة 58

زيد: واش هذا جسد حلو سكر مايشبعش منه

قاعد ينحنلي في قشي بزربة

جيهان: هههه بشوي برك

زيد: امبوسي ميمكنش بشوي

هو لسع حط شفايف على صدري تفتح باب علينا ...

هبة: جيهااان

تنشعنا انا و زيد مش عارفة كيفاه دفعته ... شافتنا هبة قلبت وجهها ملهيه

هبة: هبة اسسفة اسفة هبة لقات باب مفتوح

جيهان: انتت خليته مفتوح

زيد: متعودتش نقفل باب شمبرتي

جيهان: تفوووه

عدت نلبس في لبستي مقلبة معرف كيفاه لبست

خرجت هبة تجري

زيد: نسييت جيهان

جيهان: انا كنتتت عريانة

زيد: هذا لي همك ... مشافتنيش انا نبوس فيك مثلا

جيهان: فشلت دم حبس فيا تخيل لو دخل جواد او غيره

زيد: لا خاوتي يطبطبو

لبسنا قشنا

جيهان: عيطلي هبة

زيد: علاه

جيهان: نفهمها موضوع

زيد: باين غير مكلاه تكذبي على مخلوقة اصلا خليها هك ممكن بعد اي شفاته تقرر تخرج من توحدها تولي اجتماعية هههه

هزيت مخدة ورميتها فيه على تفاهة تاعه قتله رووح اخرج

شوي هك جاتني هبة

جيهان: هبة اهلين فوتي علاه عند باب

هبة: حشمانة منك

جيهان: انا لي لازم نكون حشمانة مش نتي هههه فوتي

هبة : انا لقيت باب مفتوح صدقيني صدقيني

جيهان: مصدقاتك كان غلط علينا مش منك

هبة: انا اسفة قطعت عليك اجمل لحظاتك

جيهان: ههههه هبة

هبة: حتى انا نتمنى نكون مع جواد هك

جيهان: ان شاء الله كي يوم حبيبتي ... بصح راهي متعبة تبانلك حلوة وهي متعبة اكثر

هبة: انا حابة نتعب

جيهان: هههه مصرة يلا حبيبتي نوضي نتغداو و متخميش فيها

هبة: اوكي

خرجنا انا وياها مباعد هي قالتلي ممكن جواد مش حابني نهبط نتغدا

جيهان: لا جواد يحبك كيفاه ميحبكش تاكلي

هبة: جواد يحبني ؟

جيهان: اكييد يحبك ... يلا

<><>

الحلقة 59

جواد ❤️

هبطو كل يتغداو حتى هبة رغم اننا كنا متزاعفين شوي ... قعدت حذايا كالعادة ... وانا كنت قاعد في طرف ... و جات شهيناز و رنيم و ريان و خالد وجيهان و زيد ... قعدنا

خالد: ريحتي شهيناز انتي مليحة ؟؟

شهيناز: حمدلله ... لانه حمل متعبني هاذو ايام ... رنيم حتبات معايا باه تعاوني ...

خالد: علاااه تبات معاك ...متباتش تشد دارهم

جواد: خليها تبات هنا

خزرولي كل بتعجب مش فاهمين والو

جواد: جيهان مستحيل رح تساعد شهيناز اذا احتاجت ... وهبة متقدرش و ريان لسع جات جديدة عيب نخدموها ... مالا خليها تبات وخلاص

جيهان: انا رايي من رأي جواد خير من نعشي نخدمها

شهيناز: معرف شكون طلب رايك

جيهان: حبيبتي ....

زيد: خلااااااااص متبداوش عراك على غداء خلينا نتغداو برك

قعدنا نتغداو وانا نشوف هبة عينها مهبطتش خلاص من جيهان ... محبتش حتى تتغدا من لول نحسبها لانها زعفانة مني ... حتى كل لاحظو

شهيناز: هبة وش مش عجباتك جيهان تخزري فيها هك نقدر احساسك

جيهان: تقدري تبلعي نتي وش دخلك ... هبة شبيك ؟؟

هبة هبطت راسها قعدت تحرك في ماكلة : قلتيلي متخميش في موضوع بصح أنا مقدرتش ننساه

جيهان: وينا موضوع تقصدي

هبة: وقت دخلت عنك انت و زيد تبوسو في بعض كنتو عريانين

خالد قال اااااا

رنيم رجعت ماء من فمها

ريان: انا نوض نشوف بنتي

وراحت تجري ... انا تقلقت خاصة كي خزرت لجيهان ولقيتها حشمت لخر قدامنا وزيد حكم يدها باه ينقص عليها

جواد: هبببة وش قتلك انه تحكي هاذو حوايج في مجامع

كنت نهدر بتعصب كبير

هبة: هي سألتني

نضت قلبت ماعن لي حذاها

جواد: اذاااا سألاتك تحرجيها هككك

جيهان: ماصرا والو عادي

هبة: متعيطش

جواد: انتتت تخليني نعيط تصرفاتك مستفزززة

زيد: جواد ماصرا والو قلنا

جواد: نعلبوووو لي يتغدا معاك لازم تتغداي وحدك كيما عايلتك يديرولك

هبة: نتغدا وحدي ... نتغدا وحدي

خرجت برا وخليتها هي لحقتني رنيم ...

رنيم: جواد اسنى

جواد: هاه

رنيم: متفهمة لي راك حاس بيه ...

جواد: يلا نروحو مع بعض في طاكسي مش حاب نقعد هنا

رنيم: اوكييي افضل

<><>

الحلقة 60

جيهان ❤️

كسرت قلبي خاصة كي طلعت تجري وهي تبكي ... مع ندور نلقى شهيناز تخزر فيا وحد خزرة رح تقتلني بيها ... دورت وجهي درت روحي مشفتهاش

زيد: يالا جيهان روحي شوفي هبة و واسيها

خالد: ماتكون غير رنيم وراء هذا شي نهار كلبة وديرها

جيهان: ان شاء الله تكون عركة وفايتة

طلعت لهبة جات ريان معايا ... دخلنا بعدما طبطبنا مردتش علينا ... سمعنا بكاء تاعها تحت سرير

جيهان: هبة وش ديري تم هيا اخرجي نحكو

هبة: جواد يكره هبة ... جواد يكره هبة ....

جيهان: ياربي ...

دخلت باه نخرجها حكمت يدها عيطت بكل قوتها في وجهي .... تخلعت خرجت ديراكت ....

ريان: مش مليح متوحد تسيفي عليه كي يعود يعاني من حالته ....

جيهان: نخلوها هك

ريان: حاولي تهدري معاها عن شي تحبه او اي شي

جيهان: هبة حبيبتي ... جواد يحبك برك يمر بفترة صعبة ... محتاجك هذي فترة حذاه ... كل نعرفو جواد يعيط بلا سبب و...

هبة: جواد يكره هبة جواد يكره هبة ....

جيهان: مش تسمع فيا

ريان: تسمع بصح مش رح تقتنع لازم نخلوها في حالتها شوي

جيهان: نخليها وهي بهاذي حالة وحدها ؟؟

ريان: افضل شي للمتوحدين انه تخليهم وحدهم ومتحاربيهمش

نضت وخليتها قلبي صراحة كان معاها

❤️❤️❤️❤️❤️❤️❤️❤️❤️❤️❤️❤️❤️

شهيناز ❤️

بقات كلمة هبة " كان يبوسو في بعضهم وهم عريانين" تتردد في مخي لدرجة عدت نخبط في راسي على حيط باه ننساها فاتت سوايع وانا نحاول بلا فايدة ... مقدرتش عدت نتخيل فيهم هم هكاك متمتعيين وانا نبات ليل كل نبكي ... كسرت كل شي في هذيك شمبرا ... تفكرت وقت كان يجيني يقلي والله واحد يرميك بالورد برك نقتله ... ضرك عاد هو لي ياذي فيا كأنه مش هو نفسه لي كان يقول ليما نديها غير هي ونبنيلها قصور ونعيشها اميرة .... ضيعني ودمرني خلاني نعيش كي شيطان بلا قلب وبلا رحمة ... وصلتني صورة من رنيم ... فرحت كي شفتها ... قلت حان وقت الانتقام شديت تليفوني ورحت لهبة ... دخلت لقيتها قاعدة تبكي فوق سريرها ... سكرت باب

شهيناز: نقدر نحكي معاك

مردتش رحت قعدت عندها

في سرير

شهيناز: نعرف انك حزينة مجربة شعور انه عبد تحبيه يتبدل عنك فجاة بصح انا مش حباتك تبكي ... حباتك تفوقي عن روحك جواد راهو مع بنت اخرى ...

مكانتش عاطيتني اي اهتمام لواش نقول غير راقدة وتبكي ... فتحت فوطو وريتهالها

<><>

الحلقة 61

ريان ❤️

كنت قاعدة نرقد في بنتي ... طبطب خالد باب قتله فوت ... دخل خزر فيا

خالد: جيت بوقت مش مناسب

ريان: لا اصلا رقدت تفضل ...

قعدت بحذاها في سرير ... حسيتها توترت كي قربت منها رجعت قعدت في فوتاي باه تحس براحة

خالد: مرتاحة عجباتك شمبرا ؟

ريان: وي بزاف عجبتني مش عارفة كيفاه نشكرك

خالد: مش حابك تشكريني ... قليلي وش تحتاجي نجيبلك ... اي شي ناقصك

ريان: والله ماكانش داعي عادي ...

خالد: ريان مش عارف كيفاه نقولها ... بصح نتي عاجبتني حاب نطلبك لزواج ...

ريان: انا خايفة

خالد: نوعدك انه شهود تختاريهم نتي ونروحو جامع ونديرو عرس يسمعو بيه ناس كل ... مش رح نخدعك اوثقي فيا ...

هبطت راسها معرفتش واش تقول

خالد: خممي مليح نوعدك بنتك نحطها في عينيا ...

ريان: خليني فترة نخمم ... وبليز متضغطش عليا وتبقى تقلي مرديتليش خبر انا وقت نرتاح لقرار نقولهولك بلا تردد

خالد: ادي وقتك سمانا سمانتين زوج ربعة لي يحبلك مهم خممي مليح ودار دارك راكي في حساب خطيبتي قدامهم يعني واحد مارح يقرب ليك غير ارتاحي

ابتسمت ابتسامة شكر ... نضت وخليتها وصلت للباب ... درتلها

خالد: ريان

ريان: هاه ...

خالد: علاه كنتي حابة تدخلي صال دو سبور ... نتي ظروفك ماتسمحلك لا من جيها بنتك ولا من جيهة ماديات

هبطت راسها ... قالي قلت بلاك اذا نقصت ياسر امه تقبل بيا و هو يزيد ينعجب ويرجعلي ...

ضغطت على مقبض تاع باب ... مباعد قلتلها اوكي وخرجت

❤️❤️❤️❤️❤️❤️❤️❤️❤️❤️❤️❤️

شهيناز ❤️

شافت هبة صورة رنيم و جواد يبوسو في بعضهم ... حكمتلي تليفون قعدت تخزر و قاعدة تقول جواد يكره هبة جواد يكره هبة

شهيناز: هبة تسمعي فيا اهدري معايا

مبعدها ناضت تعيط بقوة ... قاعدة تتكرز على تليفون و حاطة يديها على وذنيها ... وتعيط حاولت نهديها معرفتش حتى جاء جيهان و زياد يجرو كي سمعو عياط ... فتحتلهم باب

زياد: واااش ديري عندها واش قلتيلها

جيهان: هبة تسمعي فيا ... خلاااص ماكان والو

جيهان جبدت تليفوني من يد هبة و شافت صورة

جيهان: ورتيلها هاذي فوطو؟؟؟

خزر زياد للفوطو ثاني

جيهان: اي قلبببب عندك انتي مش عااارفتها مريضة ....

شهيناز: وريتلها صح و لي لازم تعرفه

جيهان: نتي انسانة مرييضة في مخك بعد مرض

شهيناز: علاااه تلومو فيا انا علاه متلوموش جواد ولا تعرفو تلومو غير عبد لي يحوس يبين حقيقة و لي يتضر ... كاين عباد ياااسر هنا خيانة تمشي في دمها مش حابة هبة تعيش لي عشته

جيهان: انتييي وش تعرفي اصلا زياد ...

زياد: جيهااان اسكتييي ...

<><>

الحلقة 62

جواد ❤️

رجعت لدار مع دخلت نسمع في عياط هبة .... اول مرة نسمع صوتها يعلى لهاذي درجة .... طلعت نجري لقيت جيهان تحاول تهدي فيها معاها شهيناز و زياد

بعدت جيهان وحكمت هبة وتحضنتها

جواد: هبة وشبيك أني هنا وشكاين على قبيل حقك عليا اسف

بعدتني قالتلي نكرهك نكرهك قعدت تقول و تخرج فيها من قلبها ... معرفتش وشبيها بقيت شدها وهي تضرب فيا

زياد : جواد راها شافت صورتك وانت تبوس في رنيم

خزرت لعينين هبة لي كانت مليانة دموع ... بعدتني وراحت تجري رحت نجري وراها خرجت لبرا قعدت في لارض كي سمعت صوت طاكسيات وناس محملتش عادت مسكرة وذنها

قعدت حذاها

جواد: اهدي ماكاين والو اهدي برك ...

رجعت ناضت ودفعتني راحت تجري ... متت بالخلعة عليها وهي تمشي في شارع هكاك

زياد: انا وجيهان نلحقوها مهيش حابة تشوفك اقعد هنا

راحو زياد و جيهان وراها انا كنت نشوف فيها من بعيد

جيهان: خلاااص مندوكش لجواد ... ندوك لداركم وعد اوثقي فيا ...

هبة: ماما مش جواد

جيهان: وعد نديك لأمك وعد

بذراع مااقنعوها تروح معاهم قالولي رح ندوها لامها ... محبيتهاش تروح بصح افضل ليها في وقت حالي ...

داوها ... رجعت انا لدار ... رحت لشمبرا شهيناز طبطبت عليها

مردتش خبطت باب كسرته ... لقيتها واقفة مخلوعة

شهيناز: انتتتت مريض

حكمتها خبطتها على حيط و خنقتها

جواد: شكووون وصل صورة لهبة

شهيناز: انا كان لازم تعرف بخيانتك يا خاين ...

بديت نعطي فيها كفوف كف يدي وكف يجيب حمرتلها خدها ومبردش قلبي غير جاء خالد جبدها مني

جواد: ياويلك تزييييدي تدخلي في حياتي مزال مكملش حسابي معاك ... نخليك ترقدي ونتي خايفة نقتلك بلاك تحسبي روحك كي عدتي مراءة نخطيك ... بالعكس اذا مرباوكش داركم انا نربيييك .... وكل دمعة طاحت من عين هبة ندفعك ثمنها غالي اصبريلي برك ...

خرجت من شمبرتها ... كلمت زياد الف مرة بذراع مارد عليا

زياد: هبة تأزمت حالتها و اضطرينا ندوها لسبيطار ...

كوبيت عليه و رحت

<><>

الحلقة 63

رحت بصح منعوني ندخل خوفا عليها شفتها مركبينلها سيروم ورابطيلها يدها باه ماتنحوش اكثر موقف ضرني ... حبيت نهدر معاها قالتلي جيهان مش وقته ورجعوني لدار .... دخلت شمبرتي غاضتني هبة ولي تفوت فيه بسبب حركة غبية مني ...رحت هزيت سلاحي هك قعدت في لارض ونخزر فيه ...دخلت عليا جيهان

جيهان: جوااااد

جواد: متخافيش مارح ندير والو

مسحت دمعتي لي طاحت

جيهان: شبيك هازه

جواد: حاب نفرغه في راسي بصح مقدرتش

نحتهولي من يدي ورجعاته

جيهان: مافهمتش انت جامي قلت انك تحب هبة بصح ديما تقول مستحيل نطلقها او تتزوج غيرها ... ضرك كي راحت علااه راك بهاذي حالة مكتئب

جواد: مستحيل تفهمي ...

جيهان: سيي برك ممكن نفهمك

جواد خزر فيا بحصرة : واالفتها ... ولف اصعب من الحب ... والفت جنانها حالاتها كي تبقى تكرر في كلمة كي تاخذ كلامي بطريقة حرفية ... والفت مانصبحش الا بيها وهي معايا... الحب كلمة قليلة فيها حب يجي مرة يبرد قلبك يجي مرة تكرهي تملي من الحب ... بصح مستحيل تقدري تبعدي على انسان والفتيه ...

سكتت جيهان مباعد قالت جواد انا مش فهماتك اذا كانت تهمك هبة لهاذي درجة علاه رحت مع رنيم

جواد: ماتجبدليش اسم هذيك رخي سة هنا ... والله سمعتها مرة يهدرو هي وشهيناز عن حمل حسيت انه وضع فيه ريحة كذب حبيت نتأكد قلت نقرب منها شوي باه نكشف شهيناز برك ... كلبة مافهمتش كيفاه لصقت فيا كنت نسوق قالتلي اخزر فيا باستني متوقعتش تكون منحطة لهاذي درجة ... بعدها خرجتها من طاكسي وقتلتها ضرب انا نبدل هبة بوحدة كيفها مريضة كون علبالي كانت تصور تليفونها نكسره ثم بصح من قوة صدمة ومااستوعبتش لي صرا مقدرتش نركز واش كانت دير ... شهيناز هذيك جايها نهار برك موتها على يدي

جيهان: شهيناز باينة بالحمل

جواد: واش لي باينة!

جيهان: ولد عمك جاء بذاته قال بحمل

جواد: هذاك انسان اقزاكت منصدقوش ... راها في شهر ثالث كرشها مسطحة كثر من كرشي ... انا ناكل عشاء برك كرشي تتنفخ ...هي والوووو ... بصح خليها تلعب جاي نهار نكشفها والله نخليها تدخل حبس

<><>

الحلقة 64

شهيناز ❤️

كنت جاية نعتذر من جواد نقله انا مستعدة نروح لهبة ونقلها انه هاذي صورة فوتوشوب لانه صراحة انبني ضميري بعدما على حالة هبة رحت عنده عند باب ... سمعته يهدر عني مع جيهان سمعت كل حرف قاله جواد ... خفت من تهديده خاصة انه انسان شوي مريض في مخه وعصبي ... قلت يستاهل هو حب يلعبها فايق يكشفني دا ضربة على راسه .... ربطها بيديه يفكها بسنانه ... رجعت شمبرا وانا غير نخمم في انتقام جاي كيفاه يكون .... ندمت اني خممت نكون طيبة معاهم مرة اخرى وقت يظلموني هم ميكونوش طيبين ميفكروش واش نحس ...بصح وقت نرد انا لازم نخمم فيهم ... قلت غدوة نروح للبوليس نشتكي على جواد بضرب .... و حلفت ندخله حبس كيما حلف يدخلني ... نضت غدوة صباح لبست كل شي اكحل رحت ... رفعت شكوى تاعي حتى اثار ضرب تاعه كانت في وجهي ... ولي فادني تقرير حمل زاد من قابلية يحبسوه ... درت روحي نبكي ثم راحو يجيبوه ... استمتعت بمنظر هم جايبينه هكاك مكلبش ...

جواد شافني استغفر : انتي ضرككك واش تحوسي مني برك

قربت منه قتله انت تهدد بالحبس وانا نحبسك ديراكت شايف فرق بينا شايف فرق بين قول و فعل

وخليته

جواد: انتي مريضة لازمك تتعالجي ... عارف روحي مضلوم ورح نخرج بصح نتي ههه كان تدخلي حبس تتعفني هنا ...

شهيناز: ابقى اهدر هكاك بلا فايدة

خرجت وخليتهم حطوه في حبس رجعت دار لقيتهم رايحينله

جاتني جيهان تجري

جيهان: نتي سببب اكيد لفعى...

شهيناز: شبيك تبكي عليه تقول حبيبك

خزرت لزياد قتله لم مرتك شوي على خوك ولا معندكش غيرة

جبد جيهان قالها هاذي معندناش هدرة معاها

جيت نستفزه استفزني ببروده ديما من جيهتي

شهيناز: رح دووور دور يا زياد وتجي عندي تحلل اشهد على كلامي

كنت نهدر ولا تلفتلي حتى طلعت لدار ... انا حاسة روحي نتغير للاسوء بكيت على حالتي لي وصلوني ليها لي مكنتش حابة نوصلها

<><>

الحلقة 65

ريان ❤️

على صباح ربي جاء يطبطب عليا خالد ... لبست حاجة فوق بيجامتي وخرجتله ...

خالد خزر فيا قال ماشاء الله ... حشمني قدامه ...

خالد ابتسم كي شاف خدودي توردو قالي جيت نقلك برك انه صرات مشكلة لجواد و هو دخل حبس

خلعني قتله حبس علاه و كيفاه بصح ؟

خالد: تعارك هو وشهيناز وصرا مشكل

ريان: شهيناز؟؟

خالد: ايه ... اسمعي انا خارج راهي باقية معاك هي مش حباتك تقربي منها ياسر وتفدايها ...

ريان: حاضر

جاء ماشي مباعد دارلي حكمني من كتافي وسلم على جبيني ... قالي تهلاي في روحك ... قلبي طاح مع هذيك بوسة راح غلقت شمبرا مسيت جبيني ... رحت تكيت حذا بنتي قلتلها امك خايفة انها تعشق بصح شكلها بدات طيح ... قعدت نهدر معاها نشكيلها وهي راقدة هكاك ... حتى سمعت تكسار خرجت نشوف واش كاين تبعت صوت وصلت شمبرا تاع شهيناز ... لقيتها تلاوح في حوايج و تبكي بشكل هستيري رحت عندها قلتلها شهيناز اهدي والله ماكاين شي يستاهل تدمري هك ...

شهيناز: انا رح ندمرهم كللل هم سباب رواحهم هم عطاوني اسباب باه ناذيهم هم بداو بأذيتي

ريان: علاه متكونيش احسن منهم علاه لازم تولي كيفهم و تكوني مؤذية هك .... تقدري تسامحي مش علجالهم علجال يرتاح بالك

شهيناز قعدت على سرير : مانيش قادرة ننسى ريان حاجة توجع

قعدت حذاها في سرير وضميتها ليا

ريان: راكي حتولي ام ... ام من صفاتها حنية ... حاولي تعتبري جواد خوك كنتي دخليه حبس

شهيناز: مستحيل

ريان: هاه يعني علاه اعتبريه خوك وغلط معاك وسامحيه وفوتي شذنبه هو مرته مريضة و ظروفه معقدة ض

شهيناز: راني نغلط

ريان: مزال كاين وقت لتصحيح ... دقيقة نجيبلك حاجة ...

رحت هزيت بنتي ديتها ليها حطيتها في حجرها تخلعت قالتلي منعرفش نهز ذراري صغار علمتها ...

كي هزتها قعدت تخزر فيها ولمعة في عينيها ...

شهيناز: واش اسمها

ريان: أمل

شهيناز: تهبل الله يبارك

تحضنتها ليها ... قعدت تبوس فيها

شهيناز: خليها عندي شوي

ريان: ايه رايحة نديرلها حليب تاعها ونجيك اقعدي العبي معاها واهدري

خرجت قلت نخليها معاها باه هك تحن شوي و يلين قلبها قعدت تلعب معاها وفرحانة بيها ...

رحت نطيب وخليتها معاها دخل خالد ماانتبهتلوش حتى سمعته يتعياط مع شهيناز رحت نجري

لقيت أمل في يده قاعد يقول شهيناز متقربيش منها ... حتى بيبي صغير مش رح ترحميه

ريان: خالد ...

خالد: نتي مليحة ريان دارتلك شي

ريان: لاااا انا ....

خالد: يلااا امشي معايا منخليكش معاها ديرلك شي

شهيناز: خليلي نشوف امل اخر مرة

بعدها خالد علينا ومشاني معاها

<><>

الحلقة 66

جواد ❤️

جيهان: راه مكانش حل اخر الا انه تعتذر من شهيناز

جواد: مستحيل مش غالط حتى نعتذر

زياد: جواد موووضوع مش لعب راك اعتديت على وحدة بالحمل ... مهبووول انت

جواد: ميهمنيش مانيش مصدق انها بالحمل

هم يترجاو فيا اني نعتذر باه شهيناز تتنازل على قضية ... بصح انا مخي كل كان مع هبة حبيت نطمن عليها

جواد: رحتو لهبة شفتوها

جيهان: لا

جواد: روحيلها شوفيها قليلي حالتها بتفصيل حاب نشوفها تكون مريضة ياسر خايف عليها وهي وحدها مش مالفة تقدر تبعدني

جيهان: مالا خمم تخرج من هنا باه تشوفها تبقى قريب منها

زياد حط يده على كتفي يواسي فيا

❤️❤️❤️❤️❤️❤️❤️❤️❤️❤️❤️❤️

مراد ( اخ هبة )

بعد مرور ايام

رجعت هبة لدار ... وحاجة لي مأكدتلنا راهي عايشة غير انها ترمش بعينيها ... عادت كي جثة لا تهدر لا تسمع لا تاكل ... دخلتها شمبرتها بعدما نحيت كل صور لي كانت معلقتهم تاع جواد ... رجعت بذاكرتي وقت جات هبة لاول مرة عندنا بعد زواجها باه تبات

❤️ ذكريات ❤️

جاتني هبة تجري ...

هبة: انا مش عارفة نرقد من غير جواد نقدر تعيطله يجي يرقد معايا

خزرنا فيها انا و ماما وضحكنا

مراد: مايجيش هبة ترقدي مع جواد في دارنا هو مايقبلش

هبة: بصح انا مالفة نرقد ونشوف فيه

مراد: ايه انا فاهمك

هبة: مالا رجعني نحبش نرقد لهنا

مراد: لازمك تباتي اسبوع جواد عنده شوي شغل ...

هبة: اوف ماما نحوس نروح انا لجواد ... نروح ...

مراد: خلاص عندي حل

رحت جبت طابعة وطبعتلها صور جواد لي كاينة في فيسبوك ولصقناهم في حيط و في كل جوانب شمبرتها

مراد: هكا وين ماتدوري تلقي جواد

كانت فرحانة بيهم .... لاحظتها هذيك ليلة كل مرقدتش من فرحة وهي تخزر في صور

<><>

الحلقة 67

نحيت صور هذيك كل قبل ماتجي باه ماتتضرش ... كي دخلت شافت شمبرا قعدت تمس في حيط و دموعها طيح ... قعدت على لارض حطت وذنها على حيط بقات تتلمس فيه تقول تتحضن فيه

مراد: هبة نوضي

هبة: مايحبنييش ...

مراد: خلااااص نعلبو اسمه

جيت نوضها محبتش بقات هكاك تتحضن في حيط ... حتى جات ماما نوضتها رجعتها لسرير

قعدت حذاها نتلمس في شعرها ... هي قاعدة تردد في كلمة وحدها " مايحبنيش" ... حتى رقدت حسيت بتأنيب ضمير كي زوجته اختي ... تفكرت وقت شفاته يضرب فيا محملتش جات تفك ... تحضنتها قلتلها عندك خو معاك مش رح يخليك والله نبكيه كيما بكاك ... ونضت وخليتها

❤️❤️❤️❤️❤️❤️❤️❤️❤️❤️❤️❤️

ريان ❤️

برغم انه خالد حذرني الف مرة من شهيناز ... بصح انا كنت ندردش معاها ونقصر معاها عادي ... حسيت انه ناس ملاح غير ظروف لي مرت بيها خلاتها هك ... قعدت انا وياها نحكو

شهيناز: ريان علاه مسمعتيش لخالد وبعدتي عليا

ريان: منعرف هك ارتحتلك

شهيناز: شكرااا مقدرة هذا شي

ريان: نسألك انا سؤال

شهيناز: تفضلي

ريان: علاه تعذبي في جواد و هبة بعدتيهم و جواد سجنتيه

شهيناز: يستاهلو قليل لي داروه فيا

ريان: رح تقنعيني انه هبة دارتلك شي يضرك؟

شهيناز: لا اما جواد ايه

ريان: هبة شذنبها تاذيها مهيش عبد لازم تحسي بيه

شهيناز سكتت مباعد قالتلي افضل ليها تبعد على هاذي عايلة تشوف حياتها من جيهة اخرى لانه رح ياذوها ياذوها انا درت مزية بعدتها

ريان: مش لازم عليك تقرري في بلاصة هبة ... انت تعرفي انه هبة عرفت حب غير مع جواد ... زيد شكون رح يخزر فيها حرام عليك راهي متوحدة ... تعاني ضرك عارفة انه احساسها ضرك اضعاف احساسك

بدات تبكي شهيناز

شهيناز: حبسي هاذي هدرة عرفاتك مصاحبتني باه تخليني يحن قلبي عليهم مهوش راح يحن فخليني في حالي لو سمحتي متزيديش تقربي مني

ريان: انا مش نتقرب منك باه تتنازلي عن قضية او اي شي انا حباتك تكوني مريحة في قلبك ضرك هاه جواد مسجون و هبة بعدت عن جواد مرتاحة ضرك

شهيناز عيطت قالتلي ايييه مرتاحة راحة كبيرة مزال مش رح نرتاح حتان نزيد نكمل على خالد و زياد

خزرت فيها بخوف

ريان: خالد يحبني ناوية دمريني انا ثاني ؟؟

سكتت شهيناز

ريان: تبالي خالد كان معاه حق

خرجت وخليتها

<><>

الحلقة 68

زيد 🌹

زيد: جيهان لازمني نحكي مع شهيناز حالة بدات تخوف ... جواد لازم يخرج يوم قبل غدوة

جيهان: منظنش تقبل

وحنا نهدرو شفتها من بعيد رحت ليها ... لحقتني جيهان

زيد: حاب نحكي معاك

خزرت في جيهان من فوق لتحت باشمئزاز

شهيناز: على انفراد يلا

جيهان: واااش انفراد تاع جدك هذا

زيد: جيهان اتحملي في خاطر جواد برككك لازمه يخررج

رحت معاها قعدنا وحدنا ... قعدت حاطة عينيها في عيني تقلي زياد عارفني انا شكون

زيد: مجيتش نحكي عنهم

شهيناز: انا شهيناز خوك ضربنييي مدافعتش عليا شبيك زياااد شبييك زعما صححح تنساني لدرجة هك نعود انا نحامي على روحي من ناس اوكي حبيت اخرى غيري ... بصح تنساني هكك هنت عليك

بدات تبكي ... قالتلي راني معادش قادرة والله .... اذا هذا كابوس حابة نفيق منه تعبني ودالي جهدي ...

شهيناز: مزالني نحبك هاه حاب تسمعها ايه وكل لدرته علجالك انت اذيتهم كلل بصح انت مقدررتش ...

ديتها في حضني ...

زيد: حتى انا نحبك

خزرت فيا فرحت

زيد: بصح مش كيما تحوسي نحبك كأخت ليا عزيزة والله ماحبيت انه جواد يضربك ... بصح جواد مايتلامش راه كان مضرور

شهيناز جبدت روحها عليا قالتلي اذا نقلك طلق جيهان مقابل يخرج خوك تقبل... خزرت فيها خزرة تاع واش راكي تهدري وقلتلها اسمعي اني جايك بالقدر تحبي تنحي شكوة االلهم بارك متحبيش دبراسك ثاني حاجة تخصك بصح باه نطلق جيهان مستحيل غير انساي .... خرجت وخليتها عرفت انه مكانش حل معاها

❤️❤️❤️❤️❤️❤️❤️❤️❤️❤️❤️❤️

شهيناز 🌹

بقيت نخمم معرفتش واش ندير حسيت روحي وحدي ... معرفتش شكون نستشير مباعد طلعلي في راسي طبيب ولد عمهم هذاك لي اسمه انيس لي خبى عليهم اني مش حامل حسيت انه ممكن يساعدني ... سالت وين يخدم حتى لقيت عيادته ورحت عنده

<><>

الحلقة 69

رحت عنده لقيت ناس ياسر ... قعدت نسنى في دوري ... مع دخلت مشافش فيا قالي واش عندك مدام قتله انا شهيناز خزرني وابتسم توسوست لابتسامته ... قالي تفضلي قعدت مقابلاته ...

انيس: طولتي باه جيتي وش حمل تاعك

شهيناز: يزينا اك عارفني مش حامل .. جيت لهنا باه تقلي علاااه مقلتش صح

انيس: خاطر نحس يجي نهار كيما عاونتك تعاونيني صح ولالا لازمني نوقف معاك

شهيناز: ضرك هدرتك هاذي لازم تريحني ولا تخوفني

انيس: منعرف بصح من يوم اذا احتجتي شي هاني هنا

كتبلي رقمه و فيس تاعه

شهيناز: مافهمتش علاه دير هك يعني علاه موقفتش مع ولاد عمك

انيس : مكانش سبب وقفت مع شي لي حسيته يريحني

نضت هزيت رقمه قتله شكرا وصلت للباب

انيس: ننصحك تتنازلي على شكوة قضائية لي رفعتيها عن جواد خاطر لا وصلت محكمة راح يضطرو تاكيد حملك بطبيب من عندهم اذا ملقاوكش بالحمل راح يرفعو عليك قضية نصب واحتيال

خرزت فيه حسيت بلي رح يعاونس ياسر

شهيناز : شكرا

🌹🌹🌹🌹🌹🌹🌹🌹🌹🌹🌹

جواد ❤️

ماصدقتش انه خرجوني من حبس ... تفكرت اول مرة دخلت حبس كي خرجت منه رحت ديت قرار نتزوج هبة ... قلت هاذي مرة ثاني حندير نفس شي رحت عندها ... طبطبت فتحلي خوها باب

مراد: واش تحوس

جواد: بعد نحوس على مرتي

مراد: مكانش مرتك حنرفعو عليك خلع

جواد: واش ترفع ... ارفع سروال برك مباعد ابدا ارفع في قضايا

جيت داخل منعني بديت نتعارك معاه ... خرجت هبة شفت فيها نسيت كل همومي

مشيت عندها جيت نتحضنها بعدتني قالتلي هبة تحوس طلاق ... نحوس نطلق ... نطلق

شديتها من كتافها قلتلها مكااانش طلااق مكانش فاهمة ... لي شفتيه غالط مكنتش نبوس فيها

كي تفكرت بدات تضرب في روحها مقلقة وتعيط جيت نتحضنها كانت تبعدني حتى جبدها مراد مني وتحضنها

هبة: اخررج ... روح من هنا

رجعت للور انا باقي نشوف فيها خرجت وقلبي خليته معاها طاحتلي دمعة بعدما كانت هبة عفوية نية مجنونة لي وجهها يضوي من كثرة براءة لي فيها تقلبت بين يوم و ليلة بسببي ولات تضرب في روحها وتبكي هالات سوداء وجهها اصفر

<><>

الحلقة 70

جيت راجع عيطتلي امها حبست ... جات عندي كنت نسنى تعايرني تضربني ...

جواد: خالتي انا ... والله مش عارف واش نقلك بأي وجه نقابلك بيه

خالتي : جواد بني مزالك حاب ترجع هبة ؟

جواد: ايييه اكييد

خالتي: ضرك نوجدلها حوايجها وهيا اديها

جواد: لااااا خالتي متضغطيش عليا

سكتت قالتلي استناني ... طلعت فوق ... بقيت نسنى كي سمعت عياط هبة ولى اقوى ... طلعت لقيت امها تسحب فيها لبرا هبة قاعدة على لارض ... يماها تقلها اخرجي ومراد يحكم فيها هي تبعد فيه

جواد: لاااا متضغطييش عليها خالتي

ام هبة: مارحش تقعد عندي يا تديها يا خليها في شارع

مراد: يما واااش تحكي منخلييهاش في شاارع

ام هبة: دار داري وانا حرة وهبة مش رح تقعد معايا مش حابتها هنا

هبة تسمع مصدوم غير مسكرة وذنيها جات تسحبها

مراد: يما خلينا نتفاهمو بشوي مش قدام هبة تتضر هك

ام هبة : خرجها من هنا

مراد: تخرج هي نخرج معاها انا

ام هبة : حاب تخرج انت نغضببب عليك .... يلا جواد اديها

هبة: ماما خليني معاك ... خليني مش حابة نروح

سحبتها من يدها لبرا قالتلي تحب تخليها معاك ولا تخليها برا كيما يحبلك مراد عاد يحلل في ماماه بصح هي سكرت في وجهي انا وهبة لباب ... هبة بقات طبطب تعاود شديتها باه نديها معايا

جواد: هبة امشي معايا

هبة: نكرهككك نكررهك

تعيط بأعلى صوتها حتى عروق رقبتها بانت ... باعد ضعفت قريب طاحت شديتها حسيتها حدوخ هزيتها

هبة: ماما نحوس على ماما

جواد: ضرك نديك ليها متخافيش

رجعتها معايا لدار ... حطيتها على سرير جاتني جيهان تجري مش مصدقة اني خرجت واني جايب هبة ثاني معايا ...

جيهان: شبيييها هك

جواد: خليك معاها نعيط لانيس يجي يشوفها

جيهان: حاضر

❤️❤️❤️❤️❤️❤️❤️❤️❤️❤️❤️❤️❤️

ريان ❤️

كنت قاعد نتفرج مدايرة كيتمان بنتي حذايا راقدة ... لابسة بيجامتي جاء داخل عليا خالد لا احم ولا دستور تنشعت نضت هو محشمش بقى يخزر فيا جاء عندي مس خدي ... قالي من قبيل نطبطب مرديتيش عليا تحيرت عليك ...

ريان: لباس ماا ... كنت مدايرة كيت

مبعدها ركز مع لبستي قالي حبيت نقلك انه جواد خرج و جاب هبة كان تحبي تجي تطمني

قتله اوكي مشى وصل عند باب قالي عجبتني بيجامتك

سكر باب وخرج رحت خزرت روحي في مرايا .... استغفرت قلت رح يخرجني من مخي

<><>

الحلقة 71

مراد ❤️

اول مرة طيحلي دمعة بكيت وانا نسمع في هبة تعيط برا ...

مراد: يما شبيييك بنتك هاااذي ترمي فيييها لناس علاااه معندهاش اهل نصرف عليها انا يما متحييريش خليني نفتحلها باب متخليهاش تروح معاك

امي: مراد مانيش عارفة وينتا يدي ربي امانته حابة نطمن على هبة مع جواد

مراد: مع جواااد لي دارلها هككك علاه مكيش مطمنة عليها معايا

يما: اييه اختك مريضة برغم هذا شي مزال صابر عليها و على افعالها مزال حابها مايكون غير حب هذا مانيش حنخلي سوء فهم يدمرلها حياتها يبعدها على جواد ....

مراد: يما انا نقدر ....

يما: متقدرش يا مراد يجي نهار و تتزوج و مرتك تنسيك في روحك مش غير في هبة وهبة تبقى وحدها لا منرضلهاش هك ... ماصدقت انه لقات واحد يحبها تحوسني نحرمها منه صايي

بقيت ساكت معرفتش واش نرد

❤️❤️❤️❤️❤️❤️❤️❤️❤️❤️❤️❤️❤️

انيس ❤️

دخلت لدار من بعيد ضربت عيني في وحدة مع هبة بقيت نخزر فيها وابتسمت وقلت سنين وانا نحوس عليك وانتي غير حذايا ... محبيتهاش تشوفني قلت لجواد يخليني غير انا وهو مع هبة سينو منعالجش خرجهم كل طلعت ... ميت بسعادة كي شفت هذيك مراءة ... خزرت لخالد هز بيبي صغير خزرت في بيبي وضحكت

خالد: بنتي هاذي

انيس: ربي يحفظهالك ... واش اسمها

خالد: امل

ابتسمت قتله ربي يحفظها ويخليها قعدت نشوف في هبة ضربتلها ابرة مهدأ خرجت ... انا خارج خلاص لحقتني شهيناز

شهيناز: انيس

انيس: اذا كنتي رح تلحقيني قدامهم ف رح يعرفو انه بينا شي

شهيناز: اذا سالوني نقول عن حمل

انيس: واش تحتاجي

شهيناز: نحتاج تعاوني في كل شي ... منعرف علاه ارتحتلك كي تكلمت معاك حساتك ...

انيس: نكلمك كي نرجع لدار نقلك واش ديري

شهيناز: شكرا

روحت وانا ضارب عصفورين بحجر واحد خليت شهيناز تثق فيا و بنت ثانية لقيتها ضرك نلعب خطتي وانا مرتاح

<><>

الحلقة 72

جواد ❤️

قعدت مقابلتني

شيخ : قولي ورايا يا بنتي ... إني ابرأتك يا زوجي

هبة: اني ابرأتك يا زوجي

شيخ: من مؤخر صداقي

هبة ولو دموعها يهبطو كان حاكمة يد خوها بقوة : من مؤخر صداقي

شيخ: ونفقة عدتي ...

هبة سكتت ضغط خوها على يدها: ونفقة عدتي ....

شيخ: و متعتي حتى تنتهي شرعا

هبة: وم و مم ...

مراد ( خوها ) : متعتي

هبة: متعتي حتى تنتهي شرعا

شيخ: وطلقني يا جواد على ذلك

هبة: وطلقنيي يا جواد على ذلك

تخنقت نضت مخطوووف ومخلوع ... لقيت روحي راقد في صالة ديت نفس وشربت ماء قلت كابوس برك ... من كثرة ماخممت انه يمكن هبة تطلب طلاق عشيت نحلم بهذا شي نضت مخنوق كنت حاب نروح عند هبة بصح كي عادت جيهان راقدة معاها محبيتش نقلقها رحت للكوزينة نطيب قهوة نسهر بيها ... نلقى شهيناز ثم وتكلم في واحد بالي واحد مش وحدة حسيتها تهدر بصيغة مذكر دخلت تخلعت وسكرت تليفوني

شهيناز: بسم الله

جواد: ردة فعلك هاذي تاع وحدة باينة دير في حاجة

شهيناز: حاجة متخصكش

جواد: كوني متاكدة ياشهيناز اني مش رح نرحمك اذا لقيت طرف خيط يخليني نوصلك للحبس رح نوصلك وانا فرحان ...

رججعت لشمبرتي مقلق كي شفتها

❤️❤️❤️❤️❤️❤️❤️❤️❤️❤️❤️❤️❤️

ريان ❤️

جابلي خالد امل كانت عنده وقعد معايا ... حكمتها باه نرقدها بقيت نرقد فيها وهو يخزر فيا

خالد: ريان مارديتليش خببرض

ريان: خبر تاع واش؟

خالد: باين انك مفكرتيش في موضوع حتى

هبطت راسي معرفتش واش نقول

ريان: خالد انا حاليا ... خايفة غير على بنتي مش مركزة في شي اخر ... مش عارفة نخمم في شي اخر ... حاولت ...

خالد: ريان .... بنتك رح نعيشها احسن معيشة مايخصها والو

ريان: سهل لكلام سهل تقلي كذا وكذا ... خالد انا عانيت من ثقة في رجال صعيب عليا نرجع نثق بسهولة هاذي ... انت عارف لي صرالي مع اب امل مش حابة سيناريو يتعاود

خالد: اذا كان هذاك مش راجل ماتعميهش عليا انا مسكنك في دارنا قايل انك خطيبتي قدام اهلي ماخبيت شي كي توافقي غدوة نديرلك عرس بشهود من طرفي و طرفك و في بلدية و عند شيخ ونديرلك عرس مكانش كيفه ... برك نحتاج كلمة منك

<><>

الحلقة 73

جيهان ❤️

حسيت بهبة تتحرك مالا نضت ... شفتها نايضة ...

جيهان: هبة ... وين بيها ...

هبة: ماما ...

جيهان: حبيبتي هبة ارتاحي ماما تجي تشوفك غدوة هكا قالتلنا

قعدت تبكيي تبكي قطعتلي قلبي ... عدت نحاول نواسيها بصح هي كانت تبعدلي في يدي

هبة: جيهان ... علاه كل يكرهني انا وش درت

جيهان: لاااا مش كل يكرهك لااا ثم لا ... متحطيش في راسك هك هاني انا معاك ونحبك منكفيكش

هبة: انا نحب ماما .... و نحب جواد و ....

جيهان: يحبوك

هبة: تقلي ماما لي يحبك مايأذيكش ... جواد مايحبنيش يحب رنيم ...

جيهان: نفترض هذا كلام صح علاه رجعك معاه علاه اذا كان مايحبكش مستحيل كان يديك معاه

هبة: ربما شفقة برك... اني صرت بلا بيت

رجعت تبكي اسوء قلتلها هبة جربي تحضنيني مارح تخسري والو

هبة: نخاف تاذيني نخاف نحبك وتروحي .... نحب نبقى وحدي مرتاحة في وحدة تاعي

بقيت معاها رجعت رقدت بلا ماتحكي معايا كلمت جواد عن حالتها في فيس ... كان ينصح فيا كيفاه نتعامل

جواد: حبست بكاء ولالا

جيهان: رقدت

جواد: رقدت وهي تبكي

جيهان: اييه ... جواد علاه متقولهاش انك تحبها وتفض موضوع علاه راك تعذب فيها هك مافهمتش سبب يخليك تكتم مشاعرك حتى وهبة في هاذي حالة

دارلي vu عرفته معندوش جواب يتهرب من مشاعره خايف من حب ديما يحوس يبرر لنفسه انه موقعش في حب بصح طلعت هبة مجرجراته ...

❤️❤️❤️❤️❤️❤️❤️❤️❤️❤️❤️❤️❤️

ريان ❤️

ريان: مش عارفة واش نقلك خالد

خالد: فهمتك انتي رافضة

ريان: لا ماني رافضة ماني قابلة اعطيني فرصة نتعرف عليك نثق فيك مزالت وين بداية علاقتنا ... هذا وين تعرفت على اهلك خليني شوي فترة نتعرف عليك بطريقة اقرب ...

خالد: مثلا واش تحبي تعرفي

ريان: مثلا انا نعرف رنيم كانت خطيبتك سابقة بصح مقتليش علاه انفصلتو

خالد: اااه ... نحكيلك قصة من بداية انا ضرك تشوفي فيا بهذا جسم وعضلات مش لله في الله انا كنت نوزن قنطار و زايد كيلو ...

خزرت فيا مصدومة قالتلي احلففف

ريان: هههه كنت قدي

خالد: كنت اسمن بشوي

مقدرتش نكتم ضحكتي ضحكت في وجهه قتله بفففف كنت تقلي اوقفي على ميزان وزنك قنطار وتضال تهين فيا هههه وريني صورك قبل بالييز

وريتلها في تليفون تشوفيهم وتضحك تحط تليفون حذايا تقلي مستحيل نصدقكك

ريان: واش خلاك تضعف هك

خالد: رنيم سبب ... كنت نحبها و هي مكنتش عاجبها راحت ضربت عشقة في واحد اخر تجرحت وقررت نتغير

ريان: متقوليش وانت خاطبها وهي معجبة بأخر

خالد: وي

ريان : مستاهلكش صوصيالة ... فتحتلك جرح اسفة؟

خالد: لااا عادي لي فات مات ... نتي ضرك حاضر مستقبل تاعي ...

قرب مني حنا كنا في سرير معرفتش وين نبعد

ريان: انت حبيتني لاني نشبهك كي كنت سمين

ضحك قالي انا منشوفكش سمينة نشوفك عريضة

ريان: ههه منين جاني عرض ... مكنتش سمينة هك الا بعد ولادة زدت

وريتله تصاوري كي كنت ضعيفة

خالد: ضرك خير

ريان: هههه طلعلي في مورال

خالد: عجبوني عينيك وانت تضحكي

خزرت في عينيه قتله حتى انت عينيك زينين منعرف كيفاه تجاذبنا وصلت عند شفايفه قدقد سحبت روحي وديت نفس

ريان: يارب استر

بديت نرجف نتفكر كيفاه كان يستغل فيا راجلي لول كيفاه يجذبني ليه

ريان: معليش تخرج من شمبرتي

خالد: شبيييك

ريان: اخرررج لو سمحت

قعد ساعة يسقسي فيا شبيا انا نقله غير اخررج ... خرج بطلوع روح كي خرج سكرت باب وديت نفس

<><>

الحلقة 74

جيهان ❤️

كنت قاعدة و هبة راقدة عيطلي زيد ... هزيت عليه

زيد: توحشتك ابنت ناس توحشتككك راه عندك حق على راجلك اذا ناسية

ضحكت قتله معليش تكبر وتنسى ...

زيد: متوحشك ابنت ناس هيا ارواحي .... ( قاعد يقلي كلام فاحش مخل بحياء)

مقدرتش نحكم ضحكتي

جيهان: مش وقتها نخلي هبة ونجيك متصلحش جواد مأمني عليها

زيد: نص ساعة ونطلقك

جيهان: زيييد لا

هبة: اووووف روووحي وخلاص نقدر نهتم لروحي

تعقنت خزرت فيها وقتلها كنتي تسمعي

هبة: دار كل سمعاتك مش غير انا روحي ماتهتميش انا لباس

جيهان: لااا عادي اني باقية معاك ... زيد مباعد نعيطلك

كوبيت بقى يعاود انا نكوبي ... خزرتني هبة قالتلي كيفاه زياد يتوحشك انتي في نفس بيت معاه

ضحكت قلتلها اي حبيب يتوحش حبيبته ... كيف جواد اكيد يكون متوحشك

هبة: ماتتعبوش من علاقة جسدية انتم ديما ديرو فيها

جيهان: ههههه شكون قالك ديما ندير فيها ههه مين ذاك برك

هبة: ديما زياد تكوني تقصري معايا ييعيطلك يقلك هيا يقلك مطوليش و ميخليكش معانا

جيهان: اااا ... ههه ... اي متزوجين في بداية زواجهم هك عادي ... ههه

هبة: انا و جواد مادرنا حتى علاقة كانت بوسة وحدة فقط كان ديما يرفض ميحبش انتي تقوليلي يحبني منين يحبني اذا كان ميتوحشنيش مايعيطليش ويقلي ارواحي طولتي ...

جيهان: كل واحد وطريقة حب تاعه ... ممكن زياد يحب يعبر عن حبه عن طريق علاقة او انه يتكلم ياسر عن حب ... ممكن جواد عكس مايحبش يقول بصح افعاله تفضحه... من قبيل يسقسيني عليك يقلي اذا طلبت شي قوليلي متخليش هذا شيطان يدخل مابينكم

هبة: واش دخل شيطان هو دارها بيده هو باسها علاه زياد ما باسش غيرك علاه هو .... قلبي يوجع فيا كي نتفكر فوطو لي شفتها نحس انه نار خارجة مني انا حبيته هو لا هو يبوس ... فيها يبوس

كي حسيتها بدات تقلق بديت نسكت فيها ونغير في موضوع .... بسيف ماحبست بكاء و رجعت رقدت .... بعثلي جواد ميساج يطمن قتله راهي لباس منعرف كيفاه جبدنا سوجي عن زيد تالمون نعاس قابضني وتخلطت عليا ميساجات كل نقله زيد مش زياد هو يطاوع فيها حتى غلبني نعاس ورقدت

<><>

الحلقة 75

جواد

نضت صباح على جيهان تعيطلي خلعت قلت اكيد هبة بها شي ... هزيت تليفون

جيهان: الو جواد لباس ؟

جواد: شبيييكي عيطيليي هبة بها شييي

جيهان: لا حمدالله غير حبيت نسال عليك ...

سكتت من قلقة خفت نسبها

جيهان: الو وينك

جواد: امشي لنسبك

جيهان: برك كنت حنقلك انه بارح كنت نقلك زيد زيد ...

جواد: عااادي انساي قصة صايي

جيهان: شكرااا اسفة نوضتك

كوبات رحت انا غسلت وجهيي ...

❤️❤️❤️❤️❤️❤️❤️❤️❤️❤️❤️❤️

زيد ❤️

جات جيهان مع دخلت جات لحضني قالتلي توحشتك بكل ما لي كلمة من معنى ...بستها وبقيت نتفنن في شفايفها ... شدتني قالتلي متشبعش حتى بارح فضحتنا قدام هبة

زيد: بعيييدة عنيي تحوسي نصبر منحبش تبعديني

جيهان: يوووم هاك مامتتش ...

جابني على سرير بدا ينح في قشي يقلي بطلي دلع وهيا ....

جيهان: قبل ماتبدا عندي موضوع مهم ... جواد بارح نحكي معاه عن موضوع هبة منعرف كيفاه جبدناك وبديت نغلط في بلاصة مانقول زياد قلت زيد مش مرة ومش زوج كلمته صباح قالي عادي ماكاين والو ... بصح انا جاء في بالي تخبره خير مهما كان خوك ولازم يعرف

زيد: والله مانعرف حاير

جيهان: لاااازم تخبره زيد انا عدت خايفة نغلط و رايحة رايحة نغلط باينة

زيد: اممم

جيهان: زيييد

زيد: حاضر ان شاء الله هاذو ايام نحكيله اذا مصراش ظرف

.... درت معاها علاقة مباعد دوشت ... رقدت شوي ونضت هبطت لصالون باه نكلم جواد

<><>

الحلقة 76

جواد ❤️

كي نضت طار عليا نوم قعدت نشوف في تصاور هبة في تليفون جاء داخل عليا خالد

خالد: صباح خير وش مزالك راقد اكسول

جواد: والله ضايق خاطري حتى خدمة مانيش نروح ...

خالد: ااااه حب صعيب

جواد: مزقلي شاشي هاهي صمور الهيب

خالد: ياو ما يطفاشي اهييي الفين طبيب اهي حارو فيا ومنبراشيييي

عندنا نطبلو نقولو ابرا رووح اهيي ... دخل علينا زيد عاد يصفقلنا قالنا نتم لي رح نعول عليكم تهزو دار

خالد: والله ديقوطاج كبير عبد كره حياته

جواد: انا مش رايح خدمة تعبان انسى زياد اني نروح

زيد: اصلا مش جاي باه نقلك روح حاب نحكي معاك في موضوع

جاء خالد خارج مالا قاله زياد اقعد ديجا انت تعرفه ... قعدنا ياسيدي خزر فيا قالي نتمنى انك ماتقلقش ... انا من هاذي كلمة قلقت لا اراديا

جواد: راك وترتني وش كاين

زيد: شوف انا مش عارف كيفاه نبدالك سوجي ... بصح حبيت نقلك بلي انا مش زياد

ضحكت قتله انت مش زياد ههه انت فلان اخر منتحل شخصية صح

زيد: مش نتمسخر انا زيد مش زياد

ضحكت باستهزاء

زيد: جواد

جواد: واااش جواد انت تتمسخر

زيد: انا حكيتلك مش باه تتصرف معايا هكك ...

جواد: انت مريييض في مخككك مخك حابس شوي وشيييه حابني نتصرف معاك نتحضنك نقلك اااه زييد عايش

خالد: جواد مش هكك عارف انك مقلق بصح مش هك

جواد: واش مش هككك ... مشااكل هاذي كل من تحت راسك ... تقلي ضرك سوبرايز انا زيد مش زياد ... مشاكلنا مع شهيناز مجاتش بسببك انت ...

خالد: جواد

جواد: متقوليش اسكت راني عندي اشهر ساكت نقول خلي خويا يدير لي يحبله بصحح خلاص فاض كاس موت يما و موت بابا و حقد شهيناز و رنيم ... كل بسببه هو بسبب كذبة كذبهااا متسكتونيييش انا خسرت هبة بسببه ... واش دا برككك كي كذب هاذي كذبة انتتت ساكتله مشكلة انك كنت عارف اول مرة نحس اني عاقل فيكم ... تعرفو حاجة نعلبو اخوة تاعكم ... ياريتك متت انت صحح لانه نعرف زياد عمره ماكان طايش هك ولا عمره كان يوصلنا حالة لي رانا فيها

خرجت وخليتهم كان خالد يعيطلي بصح محبيتش نرد عليه خليته و رحت

❤️❤️❤️❤️❤️❤️❤️❤️❤️❤️

جيهان ❤️

كنا قاعدين انا وهبة ريان مع بعض قلنا نفطرو مع هبة باه منخلوهاش وحدها قعدنا سمعنا عياط جواد و زيد و خالد ...هبطنا نجرو حتى هبة هبطت

جيهان: واش كاين

زيد: تعارك معانا جواد

جيهان: على هذاك موضوع

زيد: ايه

هبة: وينا موضوع

جيهان :على خدمة برك زياد كان حابه يرجع يخدم و جواد محبش

ريان: بصح جواد مزال يبان تعبان كون خليتوه يريح شوي

خالد: صحح زياد كان لازم تخلي موضوع مرة اخرى

زيد تنفس نفس تاع تاع تعبااان مش قادر نخمم وطلع لشمبرا

هبة: جواد وين راح

خالد: الله اعلم

هبة: كلمه شوفه

منعرف علاه هبة توترت على جواد مع انه جواد ديما يخرج يطول في خرجة فاتت ساعة ساعتين حتى طاح ليل هبة كل دقيقة تقلنا عيطو لجواد هو مكانش يرد علينا حتى مباعد صونالا واحد قالنا راه شاف طاكسي جواد مقلبة و داوه لسبيطار

<><>

الحلقة 77

خالد ❤️

مافقتش انا قلت قدام هبة لي صرا .... هبة جنت عادت تقلنا نرووح نرووح ... ماسكتتش دقيقة اضطرينا ندوها معاها ... وصلنا دخلت وحدي زيد قعد مع هبة وجيهان في طاكسي .... قعدت نسقسي قالولي صح جاوبو واحد رحت نجري لفرملي كان يعرف جواد مليح قتله ادخل شوفلي اسكو جواد ولالا ... دخل قالي جواد ايه متنا بالخلعة ... قالنا راه طبيب يشوف فيه ان شاء الله خير ... عيطلي زيد سمعت هبة تقول واش كاين وش كاين وتبكي ...

خالد: اصبر يطمننا طبيب و نقلك

قعدت نسنى خرج طبيب سقسيته قالي لباس ...كي قالي هك ارتحتتتت واحد رااحة ....

طبيب: غير رضوض بسيطة

خالد: يعننيي كل شي مليح

طبيب: مليح او كان يهدر معايا

خالد: فاااطن ؟؟؟

طبيب: ايه تقدر تدخل تشوفه بصح مطولش عليه برك

شكرته عيطت لزيد نخبره ماتو بفرحة قالولي ضرك نجو

دخلت عنده خزرني بعد تقلق وشنف عليا

خالد: مزالك زعفان منا؟

جواد: اربي خليني خالد

لسع رح ناقشه دخلت عليها هبة جرات ليه وتحضناته قدامنا قريت فرحة في عينيه بقات هي تبكي في حضنه

جواد: علااه تبكي اني لباس عليا

هبة: خفت تموت وتخليني

جيهان: بسم الله بعيد شر عليه

خالد: متخافيش اصلا هو قط بسبع ارواح

مسحلها دموعها ...

هبة: نحبك معادش تخليني

جواد: احم احم ههه خلاص

زيد بقى بعيد غير يشوف مقدرش يهدر ...

هبة: علاه دارولك جبيرة

جواد: هههه هك عجبتني

هبة: ماراحش تبات هنا يخييي

خالد: لازم يبات هنا على اقل يومين باه يريح

هبة: لااااا يبات معايا انا نريحه توحشته

خزرنا انا و زيد في بعضنا خرج زيد مقدرش يشد ضحكته جيهان لحقاته

جواد: هببببة اووووش

خالد: هبة ...

جواد: بماانه هبة مش حابة خلاااص انا مش رح نرقد هنا وجدلي اوراق خروج

خالد: متكونش طايش لازمك ...

جواد: هي لي تريحني خلااااص انتهى نقاش

انصدمت فيهم في زوج مهابيل ... رحت وجدتله اوراق خروج سينيا عليها وخرجنا .... مع بعض لكل

<><>

الحلقة 78

شهيناز ❤️

مانعرف علاه توترت وخلعت ... بقيت نسقسي في ريان ... قالتلي راكي فرحانة كي صرا لجواد هك

قلتلها وااش هبلتي انا وقت ماتت امهم نبكي بصوت مالغري زعما ضرتي منقدرررش تربيت معاها هاذي عايلة ... منتمنالهمش موت

ريان: ااه تتمنايلهم عذاب برك عادي

شهيناز: شبييكي ريان وش درت قوليلي انا ثاني لي قلت لعباد يديرو معاه اكسيدون

ريان: انا منقولش بصح هم مايستبعدوهاش منك ... شفتي وين وصلتي في نظر ناس انك تقدري ديري كل شي حتى تقتلي

شهيناز: رياااان لو كنت درت شي ... منكونش متوترة ونسقسي ... صح علاقتي مع جواد مش مليحة ديما يهدد فيا بصح منوصلش نموته مستحيل

كان ريان تخزر فيا وحد خزرة استحقرت روحي بسبتها وغاضتني روحي كي قالها خالد لباس حمدلله خزرتني قالتلي متفرحيش راه لباس بيه

شهيناز: ريااان شبييكي ... انتي راكي تخممي هك فيا

ريان: قلتيلي بفمك انك رح تاذيهم واحد واااحد تحوسييني نصدقك ضرك

نضت لانه دمعة كانت رح طيحلي محبيتش نبين اني ضعيفة ... رجعت شمبرتي نبكي غاضني تصرف ريان معايا خاصة هي وحيدة لفي دار تحكي معايا ... رحت حكيت كل لي صرا لانيس قالي ان شاء الله يموتو كل تخلعت ... قتله بعيد شر منتمناش هك ... قالي تعلمي تقسحي قلبك لو صرالك شي انتي يقولو تهنينا منها ... واحد مايوقف معاك ... اصلا هك ولا هك راح يتهموك مالا خلي تهموك بصحيح خير من غالط ... ناس هاذي يليقلها غير كره وحقد ... مش مصاحبة

قعد يعمر فيا حتى قلت خلاااص ... سكرت تليفون ورحت رقدت نريح شوي

❤️❤️❤️❤️❤️❤️❤️❤️❤️❤️

ريان ❤️

علبالي بلي لا علاقة ليها بصح حبيت نقسي عليها باه شوي تحس انه ناس ولات تخزرلها خزرة سيئة ... وتحاول تحسن من نفسها .... بعثلي ميساج خالد انهم جايين رحت رقدت امل ... خرجت كي جاو حمدت سلامة لجواد ... رجعت شمبرتي ديراكت ... لانه مش قادرة نشوف في خالد حتى شوي ... بعد لي صرا بديت نخاف منه ... مع دخلت شمبرتي طبطب باب

ريان: فوت

خالد: شبييك تتهربي مني لا صباح خير لا رد على ميساجات لا والو

ريان: ااا ... لا قلت مشغول

خالد: حتى ومشغول نتفاضى علجالك شبييك على لي صرا مبارح

ريان: خلااص متفكرنيش اصلا عايفة رووحي

كي قلت هاذي كلمة تقلق منعرف علاه خبط عليا باب وخرج ...

<><>

الحلقة 79

جواد ❤️

داني خالد لشمبرا حطلي مخدة تحت رجلي قالي اتهلا في روحك... هبة جات داخلة زدمت تحضنتني

خالد خرج وسكر باب

هبة: توحشتك

جواد: يخي كنتي زعفانة

هبة: مقدرتش خفت تموت ونحنا متزاعلين

طلعت راسها فيا مكانتش قادرة تثبت عينيها في عينيا بسبب مرضها بصح مع كل حركة كنت نتبع عينيها من كثرة اشتياقي ليهم مسيت خدها ... قعدت نستجمع في قوتي باه نقول كلمة زينة ترضيها على ليفات

جواد: ... توحشتك

فرحت قالتلي انا ثاني

مباعد فجأة هبطت راسها عادت تبكي تخلعت

هبة: علاه بوست رنيم

جواد: والله مافقتش بيها حتى حطت شفايفها على شفايفي اصلا تخلعت ... بعدها وضربتها حتى قعدت ايام في سبيطار منحبهاااش اصلا عفت شفايفي منها يزينا متبكييش خلاص طلعت راسها حطيت عيني في عينها وبوستها

جبدت روحي

جواد: مبقاتش بوسة تاع رنيم ههه انساي

❤️❤️❤️❤️❤️❤️❤️❤️❤️❤️❤️❤️

ريان ❤️

حطيت لعشاء ... جواد داتله جيهان ياكل مع هبة فوق ... و زيد وجيهان حبو ياكلو مع بعضهم ثاني ... شهيناز مهبطتش بسبب كلام لي قلتهولها ... بقيت نسنى في خالد محبش يهبط معرفتش ناكل وحدي ... هزيت عشاء رحت طبطبت عليه

قالي فوت دخلت عليه هو راقد ... تنشع كي شافني ريقل قعدته ...

خالد: متوقعتكش نتي

ريان: علاه ماجيتش تتعشا ماكليت والو من صباح قاعدة نسنى فيك

خالد: مانيش حاب

ريان: خالد بسببي انا هذا شي كل ...

منعرف كيفاه انفعلت وقعدت حذاه في سرير

قتله انه مقصدتش انه عفت انه تقاربنا ... عفت روحي من لحرام تخيل لو بستني

خالد: ريان خلاص انا غلطت مانيش رح نرجع نقرب منك بأي شكل من اشكال ... خلاص خليني نريح

غاضتني روحي انا جاية نعتذر ونبرر وهو كي شغل يطرد فيا

نضت جيت خارجة منعرف كيفاه لحقني وحكمني

خالد: اقبلي بيااا حابك مرتي حلالي حتى انا مش حاب نقرب منك بلا رابط شرعي

سكتت معرفتش واش نرد سكر باب قالي يوم نفروها اهدريي علاه مش قادرة تقولي ايه او لا

عدت نبكي و دموع طيح

خالد: علاه حساتك مخبية عليا حاجة

ريان: والو

وخرجت

<><>

الحلقة 80

شهيناز ❤️

كلمني انيس قالي راني لقيت وحد اوراق مهمة تثبت انه عمران قبل مايموت وصى ليك كل املاك ... انصدمت قالي هاذي اوراق عندي الا ضرك لازمني نجي وقت كان مغرب معرفتش واش ندير بصح اضطريت نروح بصح لسبيطار على اقل كاين ناس ثم ... كان قال راني رايحة نضرب لبرة او اي شي ... رحت ثم كانت حالة شوي فارغة كان هو واحد فرملي هك دخلت عنده كي شغل نتقلب ورالي ورق مافهمت فيهم والو قعد يشرحلي ... مباعد قالي باه ميشوكوش فينا رح نعطيك ابرة عادية اضربيها متخافيش ... من لول قلت لا مباعد قالي مافيها والو ... قتله اوكي كتبلي وحد ابرة وعطا ورقة فرملي قاله مريضة عندها شوي بلاعمها يوجعوها ... وجد ابرة قتله تضربلي فرملية راحو عيطو لفرملية ... قبل ماتضربلي قلتلها شوفي ورقة واقرايلي اسم دواء قراتلي قالتلي عادي ابرة عادية تاع قراجم وهك ... ارتحت بعدها قلت راهي ابرة في سبيطار علاه راني خايفة كي ضربتها رجعت نحكي معاه كي قعدت في بيرو تاعه حسيت دنيا دارت بيا مش واعية على اي شي

خزر فيا وابتسم قالي شهيناز ... كنت دايخة و واعية في نفس وقت حسيت بسعادة لا مثيل لها ... عاد يمشي فيا طلعني لطاكسي قالي نوصلك طلقلي غناء وعدت نغني معاه ... مباعد دخلنا لدار مافهمتش كانه صرالي حذف لذاكرة ... منعرف لي صرالي بعدها

❤️❤️❤️❤️❤️❤️❤️❤️❤️❤️❤️❤️

مراد ❤️

كنت قاعد في دار مع يما ... ضايق بينا حال كي عادت دار فارغة هك مالفة هبة هي لي دايرة زهو في دار

مراد: ديقوتيت بلا هبة مالف نقصر معاها نلعب معاها دار سامطة بلابيها

يما: لازم توالف راهي في دار راجلها ... شوفلك بنت فاميليا هك واتزوجها

مراد: هههه مزال حال

يما: وين مزال حال يخي بخدمتك و عندك دارك خلاص اتزوج

مراد: ان شاء الله انا خارج شوي ضرك مع صحابي

يما: هاه صحابك هم مفلسينك لو كنت متزوج ضرك قاعد مع مرتك ومهنيني من هاذو خرجات تاع ليل

ضحكت عليها قلتلها مش حنطول

<><>

الحلقة 81

خرجت برا بقيت نمشي شوي ... نشوف نشوف في طاكسي حبست في جيهة مظلمة ... تفتح باب رمات طفلة و تحركت جيت نلحق كان مولاها يسوق بزربة مقدرتش ... رجعت لطفلة نجري ونسمي وصلت عندها ... بقيت نوض فيها وهي لاخبر لدنيا هزيتها كانت تقلي زياد وينك ... مافهمتش عليها ديتها لريسطورا تاعي مقدرتش نديها لدار ... عيطت لطبيب نعرفه قالي جاي ... كي خزرت لوجهها عارفه بصح مش عارف وين شايفه ناسي الاسم

مراد: وش اسمك اختيي ... حاولي تهدري ممعايا باه نديك لدارك

شهيناز: زياد

دموع كانت طيحلها وهي راقدة ... غاضتني منعرف واش شي لي خلاني نعاونها منحطهاش بمثابة بنت ليل جاني طبيب شافها قالي مانقدر ندير والو رح نهزلها تحليل ونشوف واش نقدر نمدلها دواء قتله معليش

طبيب: عارف واش اسمها

مراد: لااا عييت نعرف قاعدة تقول غير زياد زياد

طبيب: مش هذاك تاع دار نسابكم زياد ولا راني غالط؟؟

كي قالي هك دارلي انعاش لذااكرة ... تفكرتها وعرفتها شهيناز وتخلعت كثررر واش جابها لهنا ... راح طبيب قعدت معاها وانا نخمم نعيط لجواد ولالا لانه عارف علاقتهم مش مليحة

حكمت في يدي وتقلي متخلنيش ... قلتلها مش مخليك ... معرفتش نتصرف رحت عيطت لجواد في نص ليل ... هز عليا حكيتله قصة كيما صرات بصح مقتلوش انها شهيناز قتله ارواح عاوني قالي جايك اصبر

❤️❤️❤️❤️❤️❤️❤️❤️❤️❤️❤️❤️

جواد ❤️

نضت بعصى لبست قشي ... ناضت هبة قعدت تقلي وين رايح قلتلها عندي خدمة صغيرة متخافيش جاي مش رح نطول سلمت على راسها ورحت رحت نمشي بسبب اني منقدرش نهز طاكسي وصلت ثم طبطبت فتحلي قتله ياربي تعود تكذب نقطعك

مراد: علاه حنكذب عليه هاهيك بنت

خزرها تنشع راح يجريلها يقلها شهيناااز شبيييك ... قالي وين لقيتها

مراد: منعرف لاحتها طاكسيي جاء طبيب قالي حنديرلها تحاليل وكي تخرج نقلك

جواد: شهيناز نوضيي اهدري معايا ... طبيب مادرلها والو على دوخة

مراد: لا اصلا معرفلهاش

جواد: شهيناااز تسمعي فيا

مراد: من قبييل تقول زياد زياد ... ميكونش زعما زياد تعارك معاها

غاضتني قتله لا ... استحقرت زيد كثر ماتوقعتوش يكون هك بلا قلب ميخبرهاش حقيقة ...

<><>

الحلقة 82

ديتها لدار عيطت لريان تعاوني كانت مصدومة كثر مني ... ديتها لشمبرا ... حاولت نطقها والو كانت دايخة مافهمتش ... خليتها ترقد ريان رقدت معاها ... رجعت شمبرتي وانا نخمم

هبة: وين رحت

جواد: رحت مراد كان يحتاجني في شغل

انا نطقت منه هو عيطلي قالي راه طبيب دار تحاليل لقى نسبة مخذرات في جسمها ... صدمة وراء اختها معرفتش واش نقول كوبيت عليه ... جبدت هبة ترقد في حضني باه ننسى شوي مقدرتش ... مع غفلت شوي صباح نضت على عياط ... عياط شهيناز ... رحت نجري

شهيناز: قتلككك اخرجييي مش حابة نشوف حتى عبد

ريان: اهديي

خالد: هيااا اخرجي ريان خليها كي كلبة وحدها مش مليح عبد يدير فيها خير بايتة ليل كل معاك لانك مريضة

جواد: بلللع ماتعرف والو متهدرش

تقلق مني خالد وخرج ...

ريان: اهدي شهيناز تفووت والله تفوت

حكمتها من كتافها قلتلها اهدريلي وعد نعاونك مانخلي حتى واحد يقدملك

قالتلي اخرجووو عايلة تاع كلاب كل

شديت عصبيتي قتلها اسمعي يا تحكيلي يا نروح نديكلاري بلي شفته مبارح انطقي ... قالتلي مش متفكرة قعدت نضغط عليها حتى قالتلي انه بارح راحت سبيطار مريضة وتعبانة كي جات راجعة تبلاوها زوج تعاركت معاهم هزوها ورماوها ... سكتت مباعد تقلق منها كي تفكرت انه تحليل تاعها خرج انه فيه مخذرات

قلتلها نتي تكذبيي

شهيناز: لاااا

جواد: شهينااااز انا جواد مانيش عبد اخر باه تفوتيها عليا

شهيناز: اني قلت حق

جواد: بااارح كي لقييناك درنااالك تحليل علبالك طلع عندك مورفين

شهيناز: كيماااا قتلكك

جواد: اهدررري شهيناز علبااالك تحليل وش معناه رااه عندك نسبة مخذرات في جسمكك انطقيي واش صرا هذيك ليلة

شهيناز: وااالو خلييني والو

جواد: شووفي نوعدك انه نساعدكك مانخلي حتى واحد يأذيك حتى لو كان من خاوتي برك خليني نعاونك حالتك راها تسووء

قعدت تبكي محبتش تنطق قالتلي ريان متضغطش عليها خليتها انا متأسف لحالتها وغايضتني

❤️❤️❤️❤️❤️❤️❤️❤️❤️❤️❤️❤️

جيهان ❤️

جيهان: واش خلى جواد يدافع عن شهيناز ضرك

زيد: هو حاس بتأنيب ضمير انه كان مطاوعنا في كذبتنا تعرفي لضرك مهدرش معايا كلمة

جيهان: خلاص متقلقش روحك ينسى ينسى

زيد: يارييت لانه تعبت ... زعما صح لو كان صح زياد عاش انا متت مكانش صرا كل هاذو مشاكل

حطيت يدي على فمه قتله خلاااص متقولش هك منحبش

زيد: لي مصبرني على هذا كل وجودك حذايا

تحضنا بعضنا بقوة قالتلي ديما معاك

<><>

الحلقة 83

خالد ❤️

كنت رايح لريان نشوف منها كاش اخبار طبطبت على شمبرتها ... مردتش دخلت ديراكت نلقاها ترضع في امل حاطة كيتمان في وذنها ... حبست انا في بلاصتي ماعرفت نتحرك بقيت نشوف فيها وفي تفاصيل صدرها حاولت نغض بصر بصح مقدرتش هي كانت قاعدة بطريقة مش مقابلة باب على هك كي دخلت مشافتنيش ... غمضت عينيا رجعت لور ...خرجت طبطبت بقوة باه تسمعني قالتلي دقيقة ...

شوي هك فتحتلي باب

خالد: وين كنتي من قبيل نعيط

ريان: كنت نلبس في امل مدايرة كيت ماسمعتكش

خزرت لصدرها قلتلها كيت هذا هو لي رح يضيعنا

ريان توترت كي شافتني وين خزرت ... حاولت نبدل موضوع رحت هزيت امل قعدت نضحك فيها

خالد: بنتك ديما مشنفة كيفك

ريان: انا ديما نضحك

من تقربلي عيني تروح لصدرها ... قلتلها ماقلتليش موافقة ولالا على عرض زواح

ريان: خممت ملييح

خالد: اهيه

ريان: مش عارفة ...

خالد: رح نرجعووو نفتحوو نفس سوجي قتلكك نخطبكك ديراكت قدام ناس ونديرلك عرس...

قاطعتني

ريان: انا موافقة صايي

قلبي حسيته رح يخرج من بلاصته من فرحة

خالد: موافقة

خزرت فيا هبطت راسها قالتلي ايه

تحضنتها بقووة

خالد: نحبك

من اول متحضنتنيش باعد حطت يديها بشوي على كتافي ... خزرت فيها انا متحضنها

خالد: خوف ولا حشمة

ريان: لثنين ...

سلمت على راسها

❤️❤️❤️❤️❤️❤️❤️❤️❤️❤️❤️❤️

جواد ❤️

فاتت ايام ريان و خالد قرروا يعرسو ... بالي في هاذو ايام كل مع قصة شهيناز ... لي خلاني شوي نهمل هبة .. هذا وجعني خاصة انه متحكيش بصح حاجة متوجعة ...

رحت عمرتلها شمبرا ورود كيما تحب هي ... كاعتذار على فترة لي فاتت خليت جيهان تلاهيها شوي

نظمت غرفة وعيطلها ... مع دخلت شفت في عينيها فرحة

هبة: جواد ... وش هذا

جواد: هذا ليك انتي

هبة: ورداتي هاذو ؟؟

جواد: اييه ورداتك تاعك وحدك

راحت تشم فيهم

هبة: نحبك جواد عجبوني

رجعت لعندي تحضنتي

هبة: نحسبك نسيتني

جواد: منقدرش ننساك

(كنت طلبت من لي جبته من الورد يديرلي تاج تاع ورد دارهولي ) حطيتلها تاج فوق راسها قتلها منقدرش ننساك اميرتي

<><>

الحلقة 84

شفتها بدات تنتف في وردة قلتلها علاه ... قالتلي نجرب تحبني او ماتحبنيش هكا قالتلي جيهان ... ضحكت وخليتها على راحتها وصلت للخرة شفت وجهها فهمت انه طاحت مع كلمة مايحبكش ...

جواد: ماتصدقيهاش كذبة راهي

هبة قطفت لخرة وقالت : ماتحبنييش ...

حكمت وردة اخرى من ورداتها قلتلها ... نجرب انا حكمت وردة بديت نقطف فيهم ونقلها نحبككك نحبك نحبك نحبك وصلت لخرة قلتلها هاه شفتي نحبك ... نموت فيك ثاني

خزرت فيها ضحكتلي ...

هبة: جواد بوسني

جواد: ههههه منين عندك هاذو طلبات

هبة: هكا نشوف في افلام كي يديرو لقطة رومانسية يكملو يبوسو بعضهم

جواد: هههه والله تحبيني نخليك تبطلي تتفرجي افلام

هبة: خلص معادش نتفرجهم

جبدتها بزربة ليا ديراكت بوستها بقيت نبوس فيها ونتفنن دوزيتلها ريتم تاعي ... عادت تخبط فيا تقلي هدنة ... جبدت عليها هبطتها

هبة : مش قادرة نوقف

تقطعلها نفس هزيتها حطيتها على فراش

جواد: هاه مباعد تقوليلي علاه مدييرش معايا علاقة ... خوااافة

هبة:مانيش خوااافة

جواد: بوسة تخليك هك

سكتت ناضت تبكي

هبة: جواد انا حابة علاقة بصح خايفة

ضحكت عليها رحت سكرت باب ... قعدت حذاها

جواد: صايي بشوي ... بشوي ... نوعدك مانوجعكش

هبة: وعد !!

جواد: هههه وعد اذا وجعك صايي نجبد روحي

قربتلي حتى التصق جسمي في جسمها

جواد: ساعات نحس انك مش متوحدة

هي قعدت تهدر انا نحلها في قشها

هبة: جواد عيب لي دير فيه

جواد: نوووض ونخليك قالك عيب

هبة: نحشم تعريني هك

نحيت تريكو تاعي قلتلها هاه انا نحيت انتي لازم تنحي

خزرت فيا قالتلي لا مارحش نتعرا انت ماعندك والو تخبيه

ماعرفت نضحك ولا نسايرها ولا نبكي ولا نعيط

<><>

الحلقة 85

محبتش تجيني بساهل كيف مانجيها تتهرب ... حكمتها شديتها قلتلها نقصرو خلاص بدينا نقصرو ... دخلت يدي تحت تريكوها ...قعدت نتلمس فيها بشوي

هبة: يدك جواد

جواد: تقدري نتي تمسيني يخي معريتكش

فتحتلها ستيان دات نفس قاوي ... وتخلعت حاولت تنحلي يدي ...رميت ثقلي كل عليها وليت فوقها بوستها معرفتش وين تركز لا في بوسة لا في يدي لا في احساسها ... طلقت روحها ليا فريت اموري معاها ...

🌹🌹🌹🌹🌹🌹🌹🌹🌹🌹🌹🌹

شهيناز ❤️

ايام انا مش نخرج من شمبرتي ماني قادرة ندير والو حاجة وحيدة درتها بلوكيت انيس من كل جوانب ... جواد كان يقنع فيا نحكيله بصح انا مقدرتش خفت حسيت كل واقفين ضدي ... توجعت من ضربة انيس خفت يعاودهالي جواد ... عيطلي رقم غريب مهزيتش بقى يعيط ... عيطت لريان تهز عرفاته انيس ... هزت عليه

انيس: الو شاهيناز

منعرف علاه ريان عادت ترجف حتى طيحت تليفون تكوبا لابال

شهيناز: شبيييك

ريان: ااا .. والو برك تعبانة حابة نرقد

وراحت تجي مافهمت والو رجعت هزيت عليه انا رخسته قالي نحي بلوك من فيس والا تلقاي صورك بكل مكان

<><>

الحلقة 86

بعد مرور اسبوعين ( ريان و خالد تزوجو ) هبة عاد عندها اصرار للعلاقة كثر من قبل ... في اي وقت لازم نلبيلها طلب تاعها ... تعبتني معاها نضت صباح كانت في حضني راقدة مع تحركت شوي ناضت

هبة: جواد

جواد: وش هههه

هبة: نحبك

جواد: حتى انا نحبك كملي رقاد انا برك عندي خدمة لازم نوض

هبة: لاا ... لازم نديروها بارح كل مادرنهاش

جواد: مش لازم هبة في ليل نديروها

هبة: نحوس ضرك

جواد: هبة مستهبليش هاذي حاجة تجي في ليل برك

هبة: لا انت تكذب عليا قريت في قوقل انه مفيدة في صباح

جواد: عندي خدمة كي نرجع نديرلك رايك

وقفت قدام باب قالتلي منخليكش تخرج انا حابة ضرك

جيت نبعدها على باب وانا نضحك تقلقت

هبة: لو كنت انت حاب كنت درتها بصح ...

مخليتهاش تكمل جملة بوستها قفلت باب قلتلها رح تعبيني هك

مع كملت معاها دوشنا خرجت تعبان ... غير في خاطر شهيناز نطمن عليها ... طبطبت على شمبرتها قالتلي ادخل

كي شافتني عادت تبين في روحها قوية زعما باه منستهزاش بيها

شهيناز: وش تحوس

جواد: تقدري تثقي فيا شوي وتقليلي وش صاير معاك شكون يهدد فيك ثيقي فيا

شهيناز: مكانش لي يهدد فيا شكون قالك اني مهددة اصلا

جواد: لي صرا معاك مش رايح من بالي اذا حاولتي تتظاهري انه ماصرا والو مستحيل نفوتها احكيلي نعاونك

شهيناز : تعاوني ولا تفضحني

جواد: لو كنت ناوي نفضحك كنت فضحت قصة مخذرات ... اهدري ونتي مطمنة

سكتت محبتش تقول والو انا حاس بغصة في صوتها

جواد: اوكي كي ترتاحيلي اني هنا نعاونك ... حبيت نقلك انه نحنا مدايرين خرجة مع بعضنا كل تخرجي معانا

شهيناز: منظنش انه وجودي رح يزين خرجة تاعكم

جواد: اخرجي علجالك نتي ادي شوي نفس ريان خارجة رح تكوني معاها ... بليز وافقي

شهيناز: ان شاء الله

خرجت خليتها رجعت هبة شفتها توجد روحها للخرجة

جواد: قادرة تخرجي ولا نبقاو في دار

هبة: اذا بقينا في دار واش نديرو

جواد: ماتشبعيش ههههه

هبة: هههه لا نخرج حابة نخرج معاك قالتلي جيهان مافيهاش ناس ياسر

خيرت معاها لبسة

<><>

الحلقة 87

ريان ❤️

انا وخالد تزوجنا بصح مكانش حتى علاقة من وقت زواج ... قالي وقتها انا عارفك مزالك متحبنيش معندكش مشاعري اتجاهي ... ممكن ضغطت عليك باه تتزوجيني بصح مش رح نضغط عليك باه ديري علاقة معايا وينتا ماتحسي روحك راكي مستعدة قوليلي ... انا مكنتش مستعدة لا جسديا لا نفسيا ... خاصة بعدما سمعت صوت انيس في تليفون شهيناز حسيته مزال يتبع فيا مخي مكانش مع ندير علاقة ولا منديرش ....مارحش من بالي سقسيت شهيناز الف مرة عن مولا رقم تقلي واحد يتمسخر حسيتها تكذب

بعد ايام هك قررنا نخرجو نزهة كل مع بعض ... اتفاجئت انه شهيناز رايحة معانا ... جاء جواد وخبرنا

زيد و جيهان محبوش خروجها معانا ... بصح ما قالو والو

رحنا خرجنا رحنا حديقة كبيرة فرشنا ثم حطينا ماكلة و قعدنا نتغداو

ريان: شهيناز كولي شبيكي تتفرجي في ماكلة

شهيناز تليفوني يصوني دقيقة ونجي ... بعدت علينا وراحت تهدر

خالد: شبيك ريان تخزري فيها من قبيل

ريان: لا والو برك استغربت انه قبلت تجي معانا

زيد : ياريتها مجاتش

جواد: ناسي انك عايش في دارها ... و من خيرها

زيد: خييير شكون ... خير بابا و بابا خلانا دراهمهم لي انا ليا حق فيها مالا مكلاه

جواد: انت سببب في لحصل لهنااا

هبة حذا جواد حطت يديها على وذنيها مقدرتش تسمع كثر قالت يزي عياط

جيهان: خلاااص يزييي رح تصرعونا فكونا من هذا كلام خرجنا باه نفرحو

جواد: لي محبسلي مخي انك مشاركاته

جيهان: متنساش اني ثاااني مكنتش عارفة ... زيد لي راه يدير فيه لمصلحة شهيناز مش لمصلحتي اصلااا ...

خالد: خلاااص اسكتو اي جات شهيناز

جات وقعدت

رجعنا ناكلو كانه مكانش نقاش حاد قبل شوي ... جيهان بمااننا ملمومين كل حاب نقلكم خبر سعيد ...

جيهان: انا بالحمل

تخلطتنا فرحة مع صدمة ... عدنا كب نقولوها مبروك الا شهيناز ناضت قالت عندي تليفون ... راحت بعدت علينا بعييد خلاص

ريان: نروح نشوفها

جواد: غير اقعدي مارحش تحكي مكلاه تضغطي عليها خليها تبكي ولا اي شي تنفس عن نفسها خير من تروحيلها ضرك تحاول تتظاهر قوة تعود تكتم في قلبها

قعدت

جيهان: درت شي غالط !!

قلنالها كل لا مصيرها رح تعرف هك ولا هك

هبة: جواد حابة حتى انا نولي بحمل

ضحكنا كل عليها حنا وين و هبة وين

🌹🌹🌹🌹🌹🌹🌹🌹🌹🌹🌹🌹🌹

شهيناز ❤️

رحت بعدت لخر قعدت نبكي بحرقة ... حتى راسي بدا يوجع فيا ... جيت نوض حكمتني دوخة ...رجعت قعدت جابلي واحد قرعة جي صغيرة قالي اشربي ... نضت قتله شكرا جيت نمشي ... قالي مدام ممكن متعرفنيش بصح انا نعرفك انا لي لقيتك وقت لاحوك من طاكسي ...

خرزت فيه قالي من قبيل حاب نجي نطمن على حالتك بصح كنت متردد تبالي مكيش نورمال لباس

شهيناز: لباس حمدلله شكرا على سؤالك

<><>

الحلقة 88

جيت نمشي تليفوني صونا باسم انيس ... كرهتو كرهتو قاعد يهدد فيا لازم نقتل امل و نبعد خالد و ريان عن بعض ... والا يفضحني بصور و يفضح اني مش بحمل تعبت معرفتش واش ندير ... حاسة ناس كل ضدي قعدت في لارض نبكي جاء هذاك راجل قعد حذايا

مراد: راكي لباس

شهيناز: مانيش لباااس راني تعبانة وكارهة روووحي وكارهة ناس وحابة نموت

مراد: نقدر نعاونك

بعدت عليه قالتلي شكرا

بقيت نمشي هو يلحق فيا نمشي هو يلحق حبست قتله علاه تلحق فيا انت مش متربي

مراد: والله انه طريقك نفس طريقي

شهيناز: كذببب

جاوني يجرو جواد و خالد و زيد ... خزرو فيا قالولي شبيك قتلهم يلحق فيا من قبيل ... خزرو فيه

جواد: مراد

مراد: والله مالحقتها كنت جايكم انتم هي قالتلي تلحق فيا

جواد: هذا خو هبة حنا عيطناله

شهيناز: مايهمنيش يبقى بعيد عليا

رجعنا قعدنا كل قعدنا نقصرو هك وهك حتى قلنا نلعبو جراءة وصراحة من لول محبيتش نلعب مباعد اصرو عليا بدينا نلعبو نلعبو حتى وين طاحت قرعة فيا انا و ريان

ريان: اممم جراءة ولا صراحة

شهيناز: مانيش صراحة بمافيه كفاية معاكم حنختار صراحة

ريان: اممم اتصلي بأخر رقم عيطلك ولا عيطيله

هزيت تليفوني قريت اخر رقم لقيته انيس قتلها نفضللل نلعبو صراحة

بدلتلي

قالتلي رقم هذيك نهار عيطلك وقت كنا انا وياك شكون هو

شهيناز: قتلك عبد نتمسخر حنكذب عليك

ريان: وي راكي تكذبي

شهيناز: لعبتكم مارقة كيفكممم

نضت نسمع فيهم واش راهم يهدرو بصح

خالد: ريان خلاااص

جيهان: شبيك ريان استلمتيها

ريان: منعرف واش بيا توترت و ديت لعبة على محمل جد

خالد: خلاااص هيا نكملو ... شهيناز

شهيناز: العبو وحدكم مش لاعبة

خالد: هيا تتفرجي برك

جيت قعدو يلعبو حتى طاحت في هبة و خالد

خالد: هبة صراحة ولا جراءة

جواد: ههه هبة ديما صريحة في اي وقت و اي مكان

هبة: نختار صراحة

خالد: واش يعجبك في جواد

<><>

الحلقة 89

خزرت فيا هبة من فوق لتحت ... خلعت تقول كلمة هك ولا هك ... مباعد قالت عينيه اكثر شي .... ارتحت مبعدها دورنا قرعة ... طاحت فيا انا و زيد

جواد: رح نخيرلك من عندي صراحة

زيد: اوكي

جواد: واش هي اكبر كذبة كذبتها

زيد: اممم مكانش

جواد: مكذبتش

زيد: قلنا مكانش

خالد: جواااد صايي

جواد: وينتا ناوي تعترف مجاش وقت انسب ....

ناض زيد قال لعبة معاك سامطة

حكمته خضيته قتله راك دمر فيها ... ضربني بكف قالي متنساش اني خوك لكبير عندي حق ندي قرارتي انت مدخلكش فيا

جيهان: خلاص رحمة على والدين

جواد: اذا مهدرتش رح نهدررر انا

جيهان: يزييينا استهبااال

حنا في قمة عركاتنا ... جانا انيس

انيس: اهليين

درنا رواحنا نورمال قلناله اهلين

خالد: اه نسيت معرفتكش مرتي ريان هاذي و ريان هذا انيس ولد عمنا

انيس: اهلا

ريان طاحت داخت منعرف شبيها فطناها و شافها انيس شبيها ... رجعنا لدار مكسرين ... هبة قعدت تبكي محملتش منظر زيد يضرب فيا قعدت نسكت فيها حتى رقدت في حضني ... نضت نطمن على ريان عند خالد في طريقي قابلت شهيناز

شهيناز: جواد لباس ؟

جواد: حمدلله ونت

شهيناز: حمدلله

جواد: تبالي مارحش تنطقي مصرة تكتمي

شهيناز: اذا قتلي واش هو سر تاع زياد رح نحكيلك

جواد: علاه نتي مهتمة بالسر تاعه انفصلتو من وقت بعيد نورمالمو متهتميش

شهيناز: حاجة تخصني

جواد: كي يحب زياد يقلك رح يقلك

مشيت وخليتها رحت ريان طبطبت فتحتلي ريان قلتلها وش خالد مكانش

ريان: خالد راح يجيبلي دواء ويجي

جواد: مهم انتي لباس ...

ريان: حمدلله

جيت نمشي قالتلي جواد انا حاسة انه انيس هو لي دار لشهيناز هكاك

درتلها مصدوم بكلامها ...

جواد: كيفاه عرفتي

ريان: هك مجرد احساس عندي

جواد: شفتيه غير يوم حستيه هو مش هو اكيد لانه تلاقى هو شهيناز مرة برك

ريان: صدقني مايكون غييير هو

سكتت معرفتش واش نقلها حسيتها شوي تخلبط في هدرة من دوخة بلاك خليتها ورحت

<><>

الحلقة 90

شهيناز 🌻

رجعت شمبرتي حطيت راسي نتهنى ... شوي عيطلي انيس قالي هزي والا ننتفاهموش هزيت عليه ... قالي افتحيلي تاقة تاعك فتحت لقيته طلع وجاء لعندي متت بالخوف ... رجليا فشلو يديرلي شي

انيس: شبيك خايفة مارحش ندير والو

شهيناز: رووح من هنا قبل مايشفوووك واش تحوسهم يقولو عليا

انيس: مايهمنيش اسمعييي ... قتلككك حاجة مادرتيهاش ناسية روحك

شهيناز: اسم منسمحلكش تهددني ماعندك مادير

حكمني من شعري ... قالي ماعندي ماندير فتح تليفونه ورالي تصاوري كل لي عنده كيما خلقني ربي

انيس: اسمعي شهيناز اني مش ناوي لضرك نضرك بشي ماتستفزنيش

ضربته قتله لي درته قليل حسبنا الله ونعم وكيل فيك ياظالم

انيس: يا تفرقي خالد و ريان و تقتلي امل هذيك يا تعرفي فضايح نخليهم يدورو عليك جتى يخنقوك وتموتي

جيت نخنقه قالي اياك تلمسيني تصاورك عندي

شهيناز: اخررج من هناااا اخرج

مع خرج عدت حابة نخنق روحي ضربت روحي شحال من كفوف باه نفيق من هذا كابوس ... كابوس وراء خوه ...

🌹🌹🌹🌹🌹🌹🌹🌹🌹🌹🌹

خالد 🌹

رجعت لدار وجبت دواء ... رجت لريان لقيتها نايضة تلعب مع امل ... دخلت وسكرت باب قعدت حذا في سرير ... حطيت يدي على يدها ... خزرت في عينيها انا خايف تجبد يدها

خالد: راكي لباس

ريان: ريحت حمدلله

خالد: انا خايف عليك ... اني جبتلك دواء

ريان: لا مارحش نشرب هذا دواء منحبش مش مطمنتلو هذا طبيب لي وصفهولي

خالد: ريان متخافيش سألت فارمسي شحال من خطرة قتله انك مرضعة

ريان: كيفاه عرفت انه مزلت نرضع

سكتت بصح هي اصرت على سؤال

خالد: ريان شبيك اصريتي انا راجلك طبيعي نعرف ...

ريان: مرة كنت نرضع و باب تفتح وتسكر فجاة انت دخلت عليااا صح

خالد: وقتهااا انت كنتي مدايرة كيتمان طبطبت ماسمعتنيش دخلت نطمن لقيتك ترضعي ورجعت خرجت

انصدمت و انخلعت قالتلي يااربي واش درت شفتنييي ؟

خالد: شبييك راني راجلك

ناضت و حطت يديها على صدرها .... كي خزرت لقطة هاذي ضحكت مقدرتش نحكم ضحكتي

ريان: وقح زعما قلتيلي وقت تكوني جاهزة نفسيا

خالد: قلت شفته غلطة شبيك خايفة مارحش نهيج عليك ... بصح بيني وبينك

قربت لوذنها وهمست " صورته مارحتش من بالي متأكد جاي نهار يولي ملكي هو وكل جسدك "

من عينيها حسيت فشلت من كلام لي قلتهولها ... رجعت قعدت

خالد: هيا اشربي دواء

ريان: مانيش حابة خالد مارتحتلوش هذا طبيب مانيييش حابة

خالد: بصح انا خايف عليك دوخي مرة اخرى

ريان: اذا دخت مرة اخرى نروحو طبيب اخر ونشرو دواء ونشربه وعد

خالد: اممم اوك

خليتها ترقد امل رقدتها في سرير جات رح تحركها تديها لسريرها قلتلها خليها تنوضيها نعرفك تتعبي معاها اذا ناضت بخطفة

رقدت بحذاها وبينا امل ...

ريان: عادي نحطها في سرير متنوضش

خالد: لا عادي ... اصلا كي تحطيها في سرير رح دوري ليها وتمديلي بظهرك وانا حاب نشوفك كيفاه ترقدي

حشمتها حتى تعقنت ... معرفتش واش ترد ... هزت امل حطتها في سرير ... دارت وتغطات كل حتى وجهها

خالد: هههه مارحش نديرلك شي قلت نشوفك برك

مردتش عليا خليتها براحتها ورقدت

<><>

الحلقة 91

في نص ليل مع تلاثة مقدرتش نرقد ... و كنت نتأمل في ريان ونمس في شعرها ... جاني ميساج فتحته نلقاها شهيناز قالتلي ممكن تجي تساعدني ... استغربت بصح نضت رحت ليها ... دخلت لقيت شمبرا ظلمة ... قالتلي راه تحرقت لامبا منقدرش نرقد في ظلمة نخاف ممكن تغيرهالي

وعطاتني لامبا جديدة

خالد: اكيد

طلعت فوق طابلة هزيت لامبا ... راحت هي قفلت باب و ناضت تعيط بأقصى قوتها ....تنشعت طاحت من يدي لامبا جديدة تكسرت نزلت ليها

خالد: متخافيش شعلي ضوء تليفونك مابين ماكملت

بقات تعيط وتقول يا مغتصب

خالد: واشبيييك

حكمتلها فمها باه تسكت ماتنوضش جواد و زيد ... حكمتلي تريكو تاعي وقطعاته ... هبلت انا فهمت مقصدها ... بعدتها قلتلها الله يسامحك جيت خارج لقيت باب مقفول ...

خالد: انطقيييي وينه مفتاح

بقات تعيط وتسب دخلت فيها ضرب محبتش تمدلي ... سمعت صوت جواد من برا و زيد

جواد: افتحييي شهيناااز

تخلعت كان يفتحو على هذا منظر اكيد يصدقوها

خالد: لعنة الله علييييك لعنة الله عليك يا مفترية يا كذااابة

حبيت نخنقها حتى تطلع روح منها .... جواد و زيد عادو يدزوا في باب ... رحت فتحت تاقة رح نقز منها .... حكمتني دفعتها

خالد: واااااش تحوسي مني اي شي كنتي طلبتيه بلااا ماديري هك كنت نفذه رياااان واش رح تشوفني ضرك حسبنا الله فيك

حكمتها خنقتها مع خنقتها تكسر باب ... دخل جواد شافني طلقتها

جاء بعدني عليييها

جواد: هبلللللت هبلللت مريض في مخك

ريان دخلت و شدت شهيناز

شهيناز: خالد هو لي اعتدى عليا و حاول يغتصبني وشربني مخذر

ريان خزرت فيا خزرة تاع مش مصدقة

جيهان: مستحيللل انت تتبلاي فيه كل نعرفو انه خالد ....

شهيناز: ماااعندي علاااه نتبلاااه شوفي وحدك في شمبرتي في نص ليل ... حتى انه كتبلي اني جاي بميساجات قتله متجيش واكفيني شرك

خالد: كذببببب ... قالتلي ارواح بدلي لامبا صدقوني رياااان صدقيييني

شهيناز: علااه نقلك بدلي لامباااا ... في نص ليل

خالد: انت قلتيلي نخاف من ظلمة

خرجتلهم ميساجاتنا ميساج ممحي تاع كي قالتلي ارواح كتبتلها اني جاي و بعدها ردتلي ماجيش اكفيني شرك

ريان: انا خارجة مش حاملة لي راه يصير

خالد: ريان

ريان: متهدرش معايا و متقربليش

جيهان راحت معاها تطمن عليها

زيد: انا مش عارف واش نقول مخي حابس

خالد: مصدقينهاااا شبيييكم راها شهينااااز و انا خوكم

جواد: شوف انا مزال ماني مصدق حتى واحد فيكم بصح نتأكد انه لي صار صححح من تحت يدك انه هي مش تكذب لا انت خويا و لا انا نعرفك

خالد: يعطيكم صحااااا

خرجت وخليتهم

🌹🌹🌹🌹🌹🌹🌹🌹🌹🌹🌹🌹

جواد 🌹

كان مخي ماركي ايرور كبيرة ... خرجو كل بقيت غير انا وياها ... نهارت قعدت في لارض تبكي

جواد: نحلف انه هاذي بكية مش جاية من خالد وتصرفه

قعدت حذاها وعطيتلها ماء

جواد: علاه ديري هك ... جاء يبدلك في لامبا اتهمتيه باغتصابك ... هاذي درجة مزال ليك حقد لينا

شهيناز: عرفاتك مش حتصدقني

جواد: كنت نايض وقت دخل عندك وسمعتك تقوليله بدلي لامبا ... جاوبي ضرك علاه ديري هك

شهيناز: مجبورة

جواد: صراحة انا ماشفت والو ماشفتش خالد كي دخل عندك بصح عرفت كان ندير روحي شفت يطلع صح متعرفيش تكذبي ...

شهيناز: خلاااص ايه انا لفقت كذبة لخالد روح قلهم واخرج عليااا

<><>

الحلقة 92

بعد مرور ايام

اضطريت نقول اني فهمت خالد بطريقة غالطة باه جواد مايفضحنيش ... مهم ريان و خالد تصالحو هذا لي استفز انيس مالا بعثلي سم قالي يا تقتلي امل يا تموتي روحك وعندي يومين في يدي .... عييت نفكر حاولت نروح لجواد نحكي معاه معرفتش خفت تتقعد امور كثر بدل مايساعدني يزيدها عليا ... خممت في زياد هو لي مالف ينصحني كي نضيع كنت نروح لشمبرا زياد نوقف عندها ونرجع نروح ونجي ... سمعته يضحك هو وجيهان حكمتني غصة ورجعت جاء خارج هو ...

زياد: شهيناز !!

شهيناز درت ليه عينيا مليانين دموع : واش كاين

زياد: شبيك شهيناز ... ارواحي معايا صالون نقعدو دقيقة نهدرو

مشيت معاه قعدنا تلعثم معرفش يهدر مباعد قالي شهيناز عارف راكي مضرورة احكيلي برك شبيك نوقف معاك

شهيناز: مش كأنه متأخر هذا كلام

زياد: مش متأخر انتي فقط اهدري

جيهان: زييد ...

شهيناز: مدام تعيطلك ...

نضت رجعت شمبرتي انا نخمم قريب نخبط راسي مع حيط ... نضت على صوت ريان طبطب عليا فتحتلها باب

ريان: صباح نور

شهيناز: صباح نور وش كاين

ريان: رايحة انا وجيهان لسوق حباتك تخلي عندك امل اذا تقدري

قلتلها ايه نورمال

خلاتها عندي وخرجت بدا وسواس يلعب بمخي ... انا نخزر في امل هي منفذي وحيد

🌹🌹🌹🌹🌹🌹🌹🌹🌹🌹🌹🌹

جواد 🌹

رحت وصلت هبة لدارها تشوف امها ورجعت لدار خلسة ... باه ماتفيقش بيا شهيناز ... حبيت نشوفها وحدها واش راها تتصرف ... شفتها هبطت تحت هازة دواء في ايديها بقيت نشوف فيها واش دير .. دارته في كاس و رح تشرب هبطتلها ...

جواد: شهيناز

تخلعت وطلقت كاس تكسر

جواد: واش كنتي تشربي وعلاه تخلعتي هك

خبات قرعة تاع دواء قالتلي والو تاع راس جبدته منها ملقيت عليه حتى علامة

جواد: واااش هذا لي كنتي تشربي فيه انطقييي ... مخذرر فيها مخذر

شهيناز: مخذر مايتشربش جواااد اطلققق

حكمتها من كتافها ضركك تنطقييي واشبيك

شهيناز: نسألك سؤال

جواد: ايييه

شهيناز: علاه جيهان تعيط لزياد زيد ... زيد مات صحح

تعقنت في هذيك لحظة

شهيناز: بارح كنت رح نشكي لزياد مقدرتش محسيتوش زياد لي يفهمني اول مرة زياد يتلعثم هو يهدر .... زياد مش زياد لي نعرفه

تحضنتها قلتلها خلاص

جواد: انسايه

شهيناز: حاسة اني تخدعت .... زياد مكانش هك انا كنت نموت هو لا احساس زياد يحس بكل لحواليه ...

جواد: زياد مات شهيناز

شهيناز بعدتني: انتت كذاااب

جواد: كيما راني نقلك زياد هو لي مات مش زيد و لي معانا ضرك زيد مش زياد

شهيناز: انتتتت كذاااب انتم عائلة كذابين

جيت نحكمها

شهيناز: زياااااد لا زياد ماماتش زياد انت مرييض مهبول .... زياد لا متروووحش وتخليني زياد خليك حتى وانت متزوجش جيهان

جواد: زياد مكانش يخليك كان ديمااا معاك بصح مهوش هنا راااح افهميها هاذي

شهيناز: بعدنيييي انت مهبووول مهبووول تحوس تموتني كيما موتني خوك

غلقت وذنيها وانا نهدر معاك قعدت تبكي ديتها في حضني

جواد: زياد يحبك انت وحدك

داخت محملتش هدرة لي نقول فيها .... ديتها سبيطار و خبرت دار اني خبرتها

<><>

الحلقة 93 و الاخيرة

بعد مرور اسبوع

شهيناز ❤️

فتحت عينيا لقيتهم كل حذايا ... خزرت في زياد او زيد او منعرف ...

شهيناز: وينه زياد

جيهان: شهيناز ربي يصبرك حبيبتي

شهيناز: اخرجووو براا اخرجوو علياااا عايلة كذاااابة

خرجو بقى غير جواد خزر فيا قالي انا متلومنيش راني عارف قبل بشوي برك مصدوم كيفك من هاذي كذبة لي صارت

شهيناز: عندي ليك طلب جواد ادييني لقبر زياد ربي يعيشك من مات حرموني حتى من دعاء ليه اديني

جواد: ارتاحي ونديك

شهيناز: اديييني ضرك سينو نروح وحدي مشي

مشى برايي و داني ليه خطوة خطوة وانا نقرب من قبر مش مصدقة لي راني نسمع فيه كي وصلت قبر طحت قعدت خلاص في لارض نبكي نخزر في كلمة زيد لي مكتوبة في بلاصة زياد

شهيناز: بأي وجه حنقابله جواد قليي بأي وجه نقابله راح وخلاني انا رحت تزوجت باباه و رحت دمرت عايلته و رحت درت كل شي مش مليح مانيش قادرة نزيد نشوف رووحي في مرايا مانيش قادرة نتذكر ذكرياتي معاه كيفاه دمرتهم بيدي مش قادرة يا جواد راه كاين كية في قلبيي تحرق فيا وتوجع فيا كيفاه نشك انه في يوم من ايام زياد يحب غيري كيفاه معرفتش من بداية انه زيد مش زياد كيفاه و كيفاااه ااه ياربي هذا عذاااب ياربي ... نموت ونلحقك يا حبيبي نموت نلحقك لانه حاربت كل دنيا على جالك في لخر انت اصلا مكانش مبقالي والو في هاذي دنيا ينسيني واش صرا معادش هامتني حياة بدونككك اه ياربي واش هذا وجع

قعد حذايا جواد

جواد: انتي كرستي حياتك كللل لزياد ... علاه معشتيش لروحك دنيا فانية يا شهيناز يوم راكي تبكي هنا قدام قبره غدوة راكي تحت تراب كيفه ... علاه راكي تظلمي في روحك وتكرسي في حياتك ليه عيشي مرة لنفسك اذيتي روحك ياسر دمرتي نفسك علجال زياد بصح عمره زياد ماكان يتمنالك هاذي معيشة عيشي حياتك مزلتي صغيرة قادرة تعيشي

شهيناز: واش من معيشة بقات بلاه مبقاش

وقفني و قالي زياد ليه عام واكثر من توفى راح تكملي سنين عمرك ونتي تبكي عليه مارحش يرجع كنتي رح تفني عمرك ونتي تنتقمي ضرك رح تفني عمرك ونتي تبكي على شي لي راح مش هاذي شهيناز لي نعرفوها نوضي وارجعي اقوى مزالت حياة زينة تسناك

حطيت راسي على كتفه بكيت بمرارة اني والله ماني قادرة ننسى لي عقبته ولي صرالي صعيبة تكوني عايشة في كذبة حلوة فجاة تخرجي لحقيقة مرة

شهيناز: بنت ريان لباس كان يهدد فيا انيس عليها

جواد: انيس دخل سجن حاول يقتلك ونتي داخلة في غيبوبة خوفا تفضحيه كي تنوضي انقذك مراد في لحظة اخيرة

شهيناز: شكون هذا مراااد

جواد: مع وقت تعرفي شكون هذا مراد

مافهمت والو ودعت قبر جواد بدعوة و دموعي تنزل ... ووعدته نرجعله كل يوم

🌹🌹🌹⬇️🌹🌹🌹🌹🌹🌹🌹⬇️

بعد مرور سنين

عرفت اخيرا شهيناز واش قصد جواد بكلمة مع مرور وقت رح تعرفي شكون مراد و تزوجت هي مراد بعد ماقعد معاها سنين و هو يحاول ينسيها في زياد لا كل منها ولا تعب

اما جواد وهبة فبقات علاقتهم نفسها كل يوم عن يوم تزيد حب وعشق

جيهان و زيد رغم تانيب ضميرهم بعد لي صرا الا انهم بقاو مساندين بعضهم في كل محنات يدعوا الله انهم يغفرلهم كذبتهم

و ريان و خالد لي كانت علاقتهم بعيدة كل بعد عن حب رجع ت حب اقوى من عشق بعد وقوف خالد في وجه اي واحد يتعرض لريان خلى ريان تذوب فيه عشقه.