عدد الحلقات : 43 حلقة
المقدمة
معرفتش الا مزال كاين عائلات يزوجو بناتهم بالغصب ... بصح نعرف بلي عائلتي منهم قصدي بابا لأنو ماما ماتت و هي تولد فيا.. صحيح انا فقدت حنان الام و أنا صغيرة لكن بابا عوضلي حنانها.. صحيح لي احنا فقراء لكن حمدالله عايشين بكرامتنا و عزنا.. حتى جا النهار لي قلبلي حياتي.. بابا فرض عليا الزواج من عبد منعرفوش و انا لي كنت نظن لي العرس مبني على التفاهم و الحب و أنو الزوج و الزوجة يحبو بعضهم و يعيشو محتارمين بعضهم في سعادة و هناء طول حياتهم..انا في الحقيقة تفاجأت و رفضت لكن كي قالي بابا " شوفي انا نعرف مصلحتك و رح نغضب عليك حياتي الكل و ماكي بنتي ماني بوك الا رفضتي الزواج من هاد الراجل " مقدرتش نرفض طلب بابا.. لانو يبقى بابا لي رباني احسن تربية و عوضلي حنان امي الله يرحمها... وهذا شيئ صغير نقدر نعوض بيه لي قدمهولي بابا طول حياتي... قررت نقبل و نتخلى على سعادتي في خاطر سعادة بابا و رضاه عليا و لي يصير يصير
الحلقة 01
نعرفكم ببطلة القصة طفلة مزيانة تفتق اسمها ريتاج عمرها 22 سنة طفلة حلوة برشا تدخل للقلب ماشالاه عليها الحومة ڨاع يحبوها و يقادروها.. شعرهاا اسود طوييييييل تقعد عليه عينيها زروقة و شفارتيها طوال نيف صغير و فم صغير و أحمر كي الفراز.. تشبه لامها في كل شي.. الحاصل مكاش لي مشفهاش و تضرب فزينها.. ريتاج فرض عليها والدها الزواج كيما قرينا في بداية القصة من ولد صاحب باباها لي إسمو ٱدم و راح نتعرفو عليه في الحلقات الجايين انشاله
عم أحمد (بابات ريتاج) : قوم بنيتي قوم اليوم الخطبة هاكي فلوس اخرجي اشري روبة للسهرية و دوك تجي جارتنا تفرز الدار
ريتاج : فكني بابا مزال الحال اصلا والله كارهة
عم أحمد : قوم بنيتي يزي والله لمصلحتك و اني هابط اخلط فيسع متخلينيش نعصب عليك
ريتاج : حاضر بابا هاني قمت
قامت ريتاج عملت دوش و محبتش تفطر خاطر كارهة و قاعدة تخمم ف حياتها الجاية و تخمم فشكل هالٱدم اسمو شباب بس خايفة مالجاي و وش مخبيلها المستقبل ... راحت شرات روبة و طالون و محبتش تروح للحفافة خاطر تعرف تمشط شعرها وحدها .. اصلا هو شباب و رطب يهبل و وجهها.
↚
الحلقة 02
ڨصرو شوية اومبعد قالو صيغة الاقبول و الايجاب و نادو دارو الخواتم و زغرتت سعاد.. اما ٱدم ماغزرش ڨاع فريتاج.. حتى نطقت سعاد و قالتهم أخرجو برا اهدرو باش تتعرفو شوية قبل العرس لي راح يكون بعد اسبوع .. شهقت ريتاج و عينيها وساعو
ريتاج : ياخي بعد اسبوع.؟ علاه الزربة هادي ڨاع. انا مستحيل نقبل منقدرش نوجد روحي في اسبوع
سعاد : لا يا بنتي كلش واجد حتى لبستك ماكي بنتي اقبلي برك و زربنا خطرش ٱدم خدام و عندو اسبوع كونجي برك.. و حتى داركم وين تسكنو واجدة اقبلي برك
هبطت ريتاج راسها و قالت : اوكي
خرج ٱدم و ريتاج لجنينة بقاو ساكتين حتى نطق ٱدم
ٱدم : انا راني حنصارحك انا منحبكش و مانيش حاب هاد الزواج لكن لازم خاطر بابا فكلي رزقي لي تعبت عليه اعوام و سنين و لازم نتزوح و نجيب حفيد باش يردهملي انا علابالي لي انت تاني متحبينيش و مش راضية بالزواح واش رايك نديرو صفقة زواج نتزوج بيك و نجيبو بيبي و تعيشي معايا بصح واحد ميدخل فالاخر نتي مرتي و انا راجلك قدام الناس برك و ماندناش ليك غير اول مرة باش يجينا ولد. .. وش رايك !
ريتاج : ٱدم شوكاني بهدرتو بصح لازم عليا نقبل ..
ريتاج : حاضر قابلة
ٱدم : اوكي مرتي المستقبلية هه متفاهمين و على فكرة طلعتي تهبلي اليوم
ريتاج حمارت مالحشمة و قالت : عع عيشكك و هبطت راسها
↚
الحلقة 03
احو عايلة ٱدم بعد ماطلبت سعاد من العرسان يتبادلو نوامر التلفونات
مر الاسبوع فيسع ريتاج و ٱدم ماحكاوش و لا تلاقاو ماعاد نهار عيطلها باش يروحو يخيرو روبة و خاتم العرس.. ليوم العرس ريتاج متوترة كيما كل عروسة نهار عرسها
احمد : هايا يا عروسة قوم ليوم عرسك يهدر و في حلقو غصة ناتجة عن احساسو الخايب لي تمكنو كي راح تفارقو بنتو و نوارتو ..
حلت ريتاج عينيها و ناضت تجري عنقت باباها و قاتلو ماتخافش بابا و متبكيش انا دايما معاك تبسم و خرج
ناضت ريتاج دوشت و عيطت للحناية حناتلها يدها و دارتلها حرقوس يقتل في كف يدها و فسدرها و رقبتها و حتى في خصرها.. امبعد راحت للحجامة مشطت شعرها و دارت مكياج خفيف سامبل خرجت تفتق الحجامة تعمللها ف شعرها و تصلي عالنبي.. كملتلها و قعدت تستنا في راجلها يعيطلها كيما ڨاع العرايس يتغزل بيها لكن ٱدم معيطش و ماسألش عليها و هدا لي خلاها تبكي و خايفة من جهة فراق باباها حبيبها و من جهة خايفة من المستقبل
من جهة أخرى في بيت ٱدم :
سعاد فتحت باب بيتو تزغرت و رافدة البخور باش تقيمو
سعاد : وووررررريييييي قوم يا عريس خف روحك راح الحال اليوم عرسك.. عشت و شفتك متزوج الحمدالله يا ربيي
ٱدم : هاني قمت قمت اوووف معرفش علاش هاد الحس ڨاع لي يشوف يقول انا ميت عالزواج
سعاد : قوم عيش ولدي البس و حجم باش تروج تجيب عروستك من الحجامة
ٱدم : اوكي
ناض ٱدم دخل للحمام حجم لحيتو و حصرها تحمم و خرج شرا كوستيم نواغ جاه يقتل على لحمو مع زينو خرج يفتق .. خرج مالدار راح للحجامة يستنى عروستو كيما سماتها أمو
ريتاج قاعدة فالحيجامة شادة دموعها حتى سمعت كرارس و تزمير.. قلبها دق بالقاوي و الدموع لي كانت مانعتهم انهم يطيحو هبطو يحرقو على خدها خرجت شافت راجلها متكي على السيارة خرج يفتق و هو مع طلع عينو تكبس فالزين تاع مريتو لابسة روبة قصيرة فالبلون و فوقها برنوس مع طالون بلون و تاج فوق راسها طلعت تهبل .. راح لعندها و هو تايه فزينها باسها من جبينها و شدلها يدها و دخلها السيارة بعد ما حفلها مع صحابوو ولاد عمو برا شطيح و غنا.. ركب فالسيارة مركز مع الطريق و تبسيمة صغيرة على جنب فمو.. هي كانت متوترة مهبطة عينيها تخزر فالارض و تفرك فصباعتيها التوتر باين عليها.. وصلو للبلدية كتبو صداقهم
↚
الحلقة 04
كانت ريتاج ترعش و حاصرة دمعتها اما ٱدم كان مبرد دمو حتى للاخر سينياو اخذو دفترهم و راحو لصالة العرس تصدر مع عروستو و هو التبسيمة لا و هي تتبسم باش ميشلقوش الحضور برك... طاح اليل و جا وقت مرواح العرسان ريتاج تعنق في باباها و تبكي بحرقة و حتى باباها يبكي كي المرا على بنتو لي كبرت و تزوجت حتروح لدار راجلها و تخليه متوحشها.. بعد طرح بكا و تعنيق مع باباها و عايلة ٱدم لي اعتبروها بنتهم لي ماجبتهاش كرش سعاد.. خرجت مع راجلها اليد فاليد... حتى يطرطقو صحاب ٱدم الزنقة بالفيميجان و ليفوداغتيفيس و يقولو
- صحاب ٱدم : هاوو تزوج هااااو تزوج
و جبروه يشطح معاهم.. بعد ما شطحو راحو ركبو اطونوبيل باش يروحو لدارهم
وصلو لدارهم ريتاج كانت متمنية راجلها يتغزل بيها و يحملها و يبوسلها خدها و جبينها لكن ٱدم كان بارد معاها حتى هي معندهاش الحق تعاتبو لانو صارحها بكلشي و هي وافقت.. دخل ٱدم دوش و بدل حوايجو لبس شورط نواغ خرج عليه يهبل و مالبسش تريكو.. و ريتاج دخلت حلت شعرها و نحت الماكياش باش تتحمم لكن مقدرتش تحل الروبة و ماكان عندها حتى حل من غير أنها تطلب منو يحلهالها... خرجت ملحمام لقاتو موجد سجادة الصلاة و لابس قميص صلاة و مستلقي فالسرير يستنا فيها مع حل عينيه لقاها كيما خلاها غير انها حلت شعرها و نحات ماكياجها السامبل.. عمللها بحواجبو شنوة. !
- ٱدم : شنوة شبيك. ؟
- ريتاج : ٱاا ٱددم االلرروبة القفل
- ٱدم : شبيك مفهمتش اهدري نورمال
- ريتاج : كي نبزها زادت حشمت هبطت راسها و حمارت بكلها و قاتلو ضربة وحدة
- ريتاج : ٱدم يمكن تفتحلي قفل الروبة مقدرتش
- ٱدم : هدا لي بيك اوكي قربي نفتحهالك
قرب منها عطاتو ضهرها بدا يهبط فسلسلة الروبة كل مايهبط عينيه توساع و بدنو يتكبس وخاصة كي شاف الحرقوس لي في رقبتها لهب و شعل و زاد ظهر لحمها الابيض اكثر .. كمل هبط السلسلة و طبعلها بوسة في رقبتها.. هي مقدرتش تتحمل شعرة و تدوخ مالاحساس لي حساتو وهو قريب ليها.. شدت روبتها و هربت للحمام تجري.. لبست نويزات بيضة و طلقت شعرها و زادت لبست حوايج الصلات و خيمار و خرجت.. شافها و قال
- ٱدم : نصلو و نتكلو على ربي
- ريتاج : خافت شوية و عينيها وساعو
-ريتاج : اااوككي
شافها ٱدم ترعش عرفها خايفة
- ٱدم : ما تخافش منيش باش نٱديك و لا نوجعك انتي أمانة عندي.. صحيح منحبكش أما منيش ولد حرام ندي لي حاجتي بيه منك و نخليك
↚
الحلقة 05
ريتاج فرحت و حست بالأمان من كلامو تبسمتلو و حركت راسها بالباهي
وقفو يصليو هو الاول و هي موراه صوتو كان متوازن و خاشع و وهو يقرا فالقرٱن... كملو صلاتهم و دعاو ربي يسههللهم مستقبلهم المجهول و بدا اللعب الصحيح .. قرب منها ٱدم شافها مهبطة راسها رفدهولها و باسها من جبينها و بقا مهبط بشواربو حتى لمس شواربها باسها بوسة خفيفة و بعد عليها و خلا عينيها مغلوقين.. نحى برنوص الصلاة و عاونها نحالها خيمارها وڨاع حوايجها و هبط غطس في مرتو حلالو هراها بوس و لي زاد جننو لحمها الابيض و خاصة بلاصة الحرقوس كلاها ماكلة و هي مغمضة عينيها تأن تحتو و كل ما يوجعها تنزل على شعرو الارطب.. حتى حست حاجة يابسة اخترقت رحمها.هو كان حنين بزاف معاها و مسايسها بزاف بزاف... حلت عينيها نزلت منهم دمعة و نزل معاها دم عذريتها بين رجليها.. مسحلها ٱدم دموعها و باسها من جبينها و تبسملها
- ٱدم : خلاص ريتاج هاي وفات و ماتخافش منزيدش نمسك نشاله تكون ٱخر مرة و نشاله يكون ولدي يشبهلي ههه و تبسملها
ريتاج غاضها حالها بصح مبينتش ناضت دوشت و بدلت و راحت ترقد لقات ٱدم راح لبيت اخرى يرقد و هدا زاد على ما بيها لكن مابكاتش جوست حطت راسها و رقدت مالتعب.
↚
الحلقة 06
ٱدم يحكي : هبلتني الفرخة تهبل لحمها الابيض و الحرقوص لي دايراتو شعلي نار الرغبة فيا و لي زاد فرحني دم عذريتها و حفاضها على شرفها و شرف عايلتها .. كنت حاب نكمل نرقد معاها و نحطلها راسها على صدري و نرقدو للصبح لكن محبيتش لاني قطعت وعد على نفسي اني نبقامعاها كصديق و يزي ما تدخل فيا ما نتدخل فيها و حتى هي علابالها بهاد الشي و راهي قابلة لوكان ماشي شرط بابا باش نجيبلو حفيد لوكان مامسيتهاش ڨاع لكن دوك كي مسيتها ماراحش نتخلى عليها راح نعيشو كيف اخوة و خلاص... بقيت ليل كامل نايض حلاوة و طراوة بدنها مخلاونيش نرقد رقدت ساعة او ساعتين مع وجه الصبح لانو لازم غدوة نروحو نزورو والدينا
قامت ريتاج صباح على اشعة الشمس المضروبة فوجهها.. حكت عينيها و ناضت دوشت و لبست روبة تاع دار شابة فالباج و هبطت.. صحيح مقدرتش تمشي مليح لانو جرح عذريتها مازال جديد لكن سيفت على روحها و تحملت.. هبطت دخلت للكوزينة باش توجد الفطور.. بدات تطيب فالقهوة و توجد فالفطير و تطيب فيه دارت كراپ و وجدت العسل و العظام و كل شي للفطور (عروستنا صنافة هههه) و بدات توجد الطابلة ... هي توجد الطابلةحتى دخل ٱدم لابس سروال تاع سورفات و تريكوه مشمخ و رافد قرعة ما في يدو ظاهر فيه كان يدير فالسبور جا طالع للبيت.. عاود هبط شاف ريتاج فالكوزينة لامة شعرها و قاعدة توجد فالطابلة
-ٱدم : صباح الخير
ريتاج طلعت راسها تبسمتلو
-ريتاج : صباح النور ايجا تفطر
-ٱدم : نعمل دوش و نجي
كمل طلع دوش لبس شوميز بلون و سروال جين و باسكات دار الريحة و هبط
قعدو فالطابلة يا كلو فالسكات حتى كسر ٱدم السكوت
- ٱدم : كي تكملي اطلعي وجدي روحك باش نروحو لدارنا
و مسح فمو و ناض
عملتلو ريتاج باهي.. كملت فطرت و فرزت الكوزينة طلعت للبيت لبست روبة بللون فضفاضة و طويلة و فيها حزام.. روبة تقليدية.. طلقت شعرها و دارت مكياج سام لبست طالو بلون و دارت ريحا و هبطت
ريتاج دايمن تطلق شعرها لانه من كثرة طولو لوكان تلمو بزاف يتقال راسها و يوجعها و تولي تشرب فالحرابش على هذا دايمن طالقاتو .. هبطت لقاتو قاعد فالصالة
- ٱدم. : شفتها خرجت تهبل مع شعرها الطويل دالي عقلي.. شفتها تكبست و هبطت راسها فقت مع روحي و هبطت عيني منها
- ٱدم : حاضرةة !
عملتلو ريتاج براسها باهي و خرجو للسيارة رايحين لدار ام ٱدم
↚
الحلقة 07
طول طريق ساكتين و غير وصلو عارضتهم سعاد بالحليب و التمر و بالزغاريد
- سعاد : وووررريييي نورتونا يا عرسان
ريتاج حشمت ووجهها حمار اما ٱدم فتبسم برك .. دخلو للدار لقاو الدار خايضة خالات و عمامات ٱدم و بناتهم و ولادهم ڨاع فالدار سلمو عليهم و قعدو..
- سعاد : ايجاو يا عرسان كولو فطور الصباح
- ٱدم : لا امي فطرنا و ريتاج لي حضراتو.. انا ني خارج برا ايا ممبعد و خزر ف ريتاج و غمزها ريتاج تربثت حشمت و هبطت راسها
قعدت ريتاج مع بنات خالات و عمات ٱدم ناس طيبين و يدخلو للقلب تمتم حتى هي تهدر بزاف و مضحاكة و ڨسرتها حلوة عجبتهم فيسع ما حبوها.. حتى جات جدت ٱدم و قعدت قدامها تبسمتلها ريتاج و سلمت على راسها حتى قالت جداتو
- الجدة : تهنيتي بنتي!؟
ريتاج حشمت و تربثت و حركت راسها ماعناها اييه
بداو النسا يزغرتو و ريتاج ميتة بالحشمة حتى قدمت منها جداتو و لبستلها براسلي ذهب يهبل ف يدها
- الجدة : هادا براصلي تاع نسا العائلة كل عروسة عندها واحد و نشاله كي يرزقك ربي ببنية اعطيهولها صبيحة عرسها بنيتي و ربي يهنيك
تبسمتلها ريتاج و عملتلها ايه براسها... جازت الصبيحة حلوة نحات ريتاج على خاطرها.. حتى دخل ٱدم و معاه ولاد عمومو و خوالو باش يشوفو عروستو.. و ممبعد يديها تشوف باباها... بداو ولاد عمومو يهبلو فيه.
ولد عمو رمزي : يا معلم هادي قنبلة ربي يخليكم لباعضاكم
- أكرم : بلييز ريتاج معندكش اختك و لا صحبتك زلة كيما نتي. ؟
- اسامة : ربي يهنيك أختي و يصبرك على المصيبة تاع ٱدم
ريتاج كانت تتبسم برك و تشكر فيهم.. أما ٱدم فكان يقحرلها و ممبعد نطق
- ٱدم : هيا نتا و هو خليني ندي مرتي تشوف باباها باش نروحو ما بقاش وقت
- ولاد عمومو : هههه معلم راك مزرووب بلعقل عليها لا تهلكلها حيلها
هي حشمت و هو قحرلهم و ناضت معاه ودعتهم و مشات معاه عند باباها وصلت عنقت باباها و هي تبكي و هو يبكي و يسكت فيها
- احمد : يزي بنتي علابالي بلي ماراح يخصك والو مع ٱدم راجل و سيد الرجال و انا بخير ووقت ما تتوحشيني ارواحي عندي هاني هنا منيش راح نرحل هههه يزي متبكيش
- ريتاج : ههههه باهي بابا
دار عم احمد ل لٱدم و قالو : هنيني عليها ولدي عيشك
- ٱدم : كون هاني في عينيا
ودعو باباها و راحو لدارهم و طول طريق ساكتين حتى وصلو لدار هبط ٱدم و تبعاتو ريتاج
↚
الحلقة 08
هي طلعت لبيتها بدلت حوايجها و لبست لبسة الدار و دخلت للكوزينة توجد فالعشا أما ٱدم كان تاعب دخل لبيتو عمل دوش و لبس شورت و تريكو و راح ديركت رقد .. كملت حضرت ريتاج العشا و وجدت الطابلة و ستنات ٱدم يهبط حشمت تروح تعيطلو .. لكنو ما هبطش.. زادت غاضها حالها.. توحشت باباها و ٱدم مخليها وحدها فالدار كأنها مش موجودة.. تعشات و في قلبها غصة..و خلات عشا ٱدم فوق الطابلة.. فرزت الكوزينة و طلعت لبيتها ترقد بعد هاد النهار الطوييل لي جوزاتو
مرت 15 يوم على نفس المنوال ٱدم خدام فالنهار و فاليل يدخل يتعشا مع ريتاج يتفرج شوية و يطلع يرقد أما ريتاج والفت البرود تاعو معاها مع صبح تخدم شغل الدار و ترقد و تطيب العشا و مينداك تجيها عجوزتها ولا باباها أحمد يفطرو معاها و يروحو.. وحد النهار كانت قاعدة فالبيت حتى عيطتلها عجوزتها
- سعاد : ألو عسلامة بنتي وش حوالك و حوال ٱدم لباس. !
- ريتاج : عسلامة ماما لباس حمدالله و نتومااا
- سعاد : بخير بنتي.. بنتي حبيت نقلك برك الا حبيتي تجي معايا لعرس بنت ختي وجدي رحك دوك نجي نديك
- ريتاج : والله حابة نجي أما ٱدم ماهوش فالدار لازم نشاورو قبل
- سعاد : عندك الحق بنتي .. البسي و وجدي رحك و دوك انا نقولو الا حبيتي
↚
الحلقة 09
- ريتاج : لالا ماما انا دوك نعيطلو و دوك نلبس و كي نكمل نبعتلك مساج جوزي عليا.
- سعاد : اوكي بنتي كيما حبيتي بسلامة
- ريتاج : سلمك ماما باي
قفلت ريتاج من عند سعاد و عيطت الٱدم.. تعيطلو ما يريبونديش بقات تعاود و تعاود كتر من 20 ٱپال أما هو مريبنداش.. شافت بلي راح الحال عليها و هو مزال مريبنداش.. خلاتلو ميساج مكتوب فيه. << ٱدم اني رايحة مع ماماك لعرس ريما بنت خالتك قتلك باش ما تتقلقش و بعتلك ميساج بيسك عيطتلك و محبيتش تريبنديلي >> حطت ريما تلفونها و راحت دوشت و لبست روبة نواغ طوييلة يديها نص و ضهرهاا عريان.. و فيها شق حتى لفخدها دارت مكياش نواغ فعينيها يهبل بينلها لون عينيها الزروقة و دارت غيسيل و غوجالافغ ڨغونة ففمها طلقت شعرها كيما موالفة و لبست طالون عالي نواغ و ريحة و هبطت للتحت عيطت لعجوزتها جات داتها و هي تصلي ع النبي من زين كنتها
ٱدم كمل خدمتو لي طولت على جال الاجتماع المهم لي كان عندو. و خلا تلفونو فالطونوبيل باش واحد مايديرونجيه و هو داخل الاجتماع... دخل لدار لقاها ساكتة حوس على ريتاج ماصابهاش تقلق بيسك ماشي من عوايدها تخرج بلا ما تعلمو.. تقلق و بدا يسب
-ٱدم : يا درا ويين هملت تانيي حبت ترجعني طرطوووور خارجة و قريب يطييح الليل و هي مجاااتش حبت تطيحلي قدري بين الرجال الط***** بنت الط****
الحاصل سبها ما خلالهاش و بدا يعيطلها فالتلفوون من تلفون تاع الدار ماشي من نيميرو تاعو لقاه طافي زاد هبل.. عيط ليماه باش يسقسيها و بما أنو تلفون ريتاج طفا بيسك طاحتلو لاشارج و عجوزتها كانت مشغولة خلات تلفونها عند كنتها
زعمة ريتاج لي ترفد التلفون على ٱدم. ! زعمة واش حيصراا. !؟
من جهة أخرى : بعد ما دخلو ريتاج و سعاد للعرس كانت ريتاج قاعدة تڨسر مع عجوزتها و لافامي حتى جاتها وحد العجوزة
- العجوزة : عسلامة ختي سعاد وشراكي. ؟ شكون هاد الپوپية لي معاااك عندك طفلة بهاد الزين ڨاع و قلتيليش أوااه هادي نديها لوليدييي .. واحد ما يخطفك مني
ريتاج ماتت بالحشمة و تتبسم وجهها كان احمر رح يطرشق و سعاد تضحك
_ سعاد : هههههه ياا حليمة ياا خيتيي راكي حابة ٱدم يدفني نمدلك مرتو هههه هادي. مرت وليدي ٱدم هه
- حليمة : ههههه سمحيلي ماكانش علابالي و الله تعرفي تخيري ماشاله عليهاا و ربي يخليهم لباعضاهم
↚
الحلقة 10
- سعاد : امين خيتي ربيي يخليك
من بعد راحت سعاد بقات ريتاج تشايخ مع بنات خالة ٱدم حتى يصوني تلفون عجوزتها في يدها ناضت تحوس عليها ماصابتهاش.. كي شافت نومرو ٱدم ريبندات
- ريتاج : ألوو
- ٱدم : يماا اي عندك ريتااااااجج؟
-ريتاج : أنعم ٱدم اناا ريتاج
- ٱدم : وين راكي يا ربك حبيتي تهبليني وش مخرجك من رب الدار بلا ما تقوليلي.. ماشي راجل أناااا اااه انطقي علاه سكتي حبيتي تطحنيني قداام الرجاال تي نهدر مع ربكك
ريتاج خلعها ٱدم كي كان يعيط عليهاا و شعرة و تنوض تبكي خاطر او ظالمها علاخاطر هي عيطتلو و خلاتلو ميساج ماشي من حقو يعيط عليها و هي مالخوف مقدرتش تهدر
- ٱدم : أنيي نهدر معاااك وين رااكي انطقي ماتهبلينيش كتر ماني هاابل
-ريتاااج : أناا رانيي
- ٱدم : أنطقييي
- ريتاج : رانني مم مع ماما سس سعاد فعرس رريما بب بنت خاالتك
- ٱدم : أوكيي اني جاي
و علق عليها هي مالخوف بداو عينيها يدمعوو ناضت راحت للفيستيار باش تغسل وجهها و تمسح دموعها لي هبطو يحرقو على خدها
ٱدم نسا ماشافش تلفونو و نسا بلي ليوم عرس بنت خالتوو خرج ركب الطونوبيل تاعوو يرحي فالطريق رحياان عينييه حمورة و عروق رقبتو باينين مالعصب لي راكبوو..
وصل للصالة تاع العرس و هبط سلم على ولاد خالتوو و صابهم طالعين مع العريس اياا قاللهم نا نسبق و نتو ألحقو.. طلع ناض يحوس عليها بعينيه حتى شافتو يماه سلمت عليه و قالتلو
- سعاد : اهيكاا وليدي مريتك قالولي جاها تلفون و من وقت جاها و هي قاعدة وحدها و الدموع محجرين فعينيها و كي سقسيتها قاتلي راسها يوجع برك
- ٱدم : اوكي ماما دوك نشوف واش بيها
ٱدم غير شافها عينيه حوالو قنبلة تاع زين بقا درج و هو يكيل فيها و في شعرها و حتى عينيها لي كيما لون البحر المدمعين طيرولو عقلو.. لكن كي وقفت باش تمسح دموعها و دنات شعرها على جنب لانه سخنهاا. و شاف الشق تاع لاغوب لي نص فخدها ڨاع يبان و ضهرها العرياان زاد هبل و كي تفكر بلي ولاد خوالو طالعين لصالة مابقاش فيه عقل و العصب ولا يهز فيه و ينفض راح تقدم لييها و هي لمحاتو من بعيد قلبها حبس.. بقا يقدم و هي توخر حتى حكمها مع الحيط و بدا يعيط
↚
الحلقة 11
- ٱدم : حبيتي تهبلييينييي ماشي راجل أناا ااه. و وشنو هاد اللبسة لي راكي لابستها تاع كاباريات.. جاية لعرس ولا لبواطة تاع شطيح و شكون شاورتي باش خرجتي مالدار طرطوور عندك أناا ااهه. ؟ اهدري ما تهبلينيش عرفتي تخرجيي مالدار بنص روبة و طابلو تاع الخامجات فوجهك بصح معرفتيش تهدري دوكا
- ريتاج : اااناااا.. ككنت بب....
و قبل ما تكمل هدرتها قاطعها ٱدم
- ٱدم : اسكتيي منسمعش حسك حسابك فالدار ماشي هناا دوك تروحيي توجدي رووحك و عيطي ليمااا نديكم دووك اجرييي و ما تزيدي حتى كلمة
ريتاج هبطت عينيها و راحت للفيستيار تبكي و امبعد راحت عيطت لسعاد وودعو للعروسة و باركولها و ريتاج ماشي ڨاع هنا مخها يخمم فواش راهو يستنا فيها فالدار .. هبطت ريتاج للتحت وين كانت مڨارية طونوبيل تاع ٱدم باش تستنا سعاد و يركبو و كي جات هابطة ريتاج ناض يبسبسلها واحد الجان و سمعو ٱدم راه ليه قتلو بالضرب و جبد ريتاج من يدها
- ٱدم : أطلعي ربك للفوق كي تهبط يماا اهبطي معاهااا خارجتلي كي العريانة هكاا اكي حابة يتبلاوك
ريتاج غاضتها حالها كي راهو يسب فيها و يقوللها خامجة مي محبتش تهدر بيسك علابلها بلي الغلطة تاعو هو راهو ضالمها ماشي هي.. عاودت طلعت و هبطت مع يماه ريتاج مالخووف ركبت ماللور مع سعاد دار قحرلها وركب مالقدام يسوق .. كانت ريتاج مكسلة على سعاد و هي تلعبلها بشعرها
↚
الحلقة 12
اومبعد ناضت سعاد تضحك و توشوش مع ريتاج اما ريتاج فكانت تتبسم برك اصلا مازالت خايفة.. لاحظ ٱدم ضحك يمااه و قاللها
- ٱدم : وشبيكم توشوشو بيناتكم و تضحكي يماا ضحكيني معاك
ريتاج كبست على يد سعاد باش متهدرش لكنها ما فهمتهاش و قالت
- سعاد : هههه لالا لوكان تشوف اليوم خطبوني في ريتاج ههه حسبتلهم بنتي... ماشاله على بنتي ربي يحفضها و يزينلها سعدها
ٱدم خزر فريتاج ملمراية تاع الطونوييل و قحرلهاا و هي زاد خوفهاا
وصلو سعاد لدارها و كملو طريقهم ساكتين ريتاج فرحت قالت أكيد نسا دوك مايديرلي والو.. لكنها ماعلابالهاش بلي هادا الهدوء ما قبل العاصفة .. وصلو للدار هبطت مالطونوبيل هو دخل رمى مفاتحو و تلفونو فوق الطابلة (مزال ماشافش تليفونو) و هي جات طالعة للبيت حبسها صوتو و هو يعيط
- ٱدم : ريييتاااج ..
هي حبست ماتت بالخوف مع أنها ما دارت والو
- ريتااج : اانعم
- ٱدم : مزال ما كملنااش هدرتنا باش راكي طالعة للبيت كيشغول ماصراوالو.. اروااحيي لهناا
- ريتااج : ٱدم اصصبر نفهمكك
-ٱدم : ما عندك مااا تفهميني.. شوفيي نمدلك زوج كلماات حطييهم بيان فرااسك.. صح أنااا منحبكش و جامي راح نحبك و لا نحب عبد كيييما نتي تزوجتك برك بااش نجييب حفييد و نرجع أملاكيي لي داهوملي بابا الله يسامحوو و صااح كل واحد يتلهاا برووحووو بصح انااا راجل و مرتيي جامي نخليها تخرج بلا ما تشاورني و حتى لوكان خرجت مع يمااا و اللبسة لي لبستييها اليوم المرة الجااية نقطعها على لحمك اكي تسمعيي و مام هداك الزبل لي مشبحة بيه وجهك المعفن هاااد المرة ني هدرت معاااك المرة الجاية منتفااهمش معااك غير مكااله تلعبي معايااا و دوك طيريي من وجهي
هو كان يهدر و يغلي و ريتاج تبكي بحرقة جرحها بزاف بكلامو مالڨري مادارت والو و لوكان ريبندا عليها ميتحطش اللوم عليها و مايبهدلهاش لكن هي حطت اللوم على روحها
-ريتاج : الشح نستااهل اهئ لوكان ستنيت حتى ريبندا باش رحت ماشي خير ااه يا ٱدم ربي يسامحك وخلاص
طلعت لبيتها دوشت و تكسلت رقدت و هي تبكي
↚
الحلقة 13
ٱدم مالتقلاق قعد فكاناپي يرد فالنفس و يهدي في روحو حتى صونا تلفونو ٱپال من الخدمة رفد هدر امبعد كي جا يرجع التلفون لقا مساج دخل يقرااه لقاه من عند ريتاج و عند زوج سوايع و قاتلو فيه بلي عيطتلو و ماريبنداش باش تشاورو.. زاد دخل ل ليزاپال لقا كتر من عشرين وحدة من عندهاا زااد هبل و ندم علاخاطر ضلمها و سبها و جرحهاا مالڨري هي حبت تفهمو بصح ماخلاهاش زاد هبل فمخووو بقاا سوايع و سوايع و هو يخمم يطلب منها سماح ٱدم مشي من عوايدو يضلم العباد ولا يحتقرهم ولا يحشمهم لكن كانت لحظة غضب و غيرة علابيها قرر يراضيها غدوة صباح و بينما هو يخمم رقد بحوايجو فالصالون
ريتاج كانت راقدة و فنص الليل عطشت هبطت تشرب الما كي جات طالعة لقات ٱدم راقد بحوايجو وهو قاعد على الفوتاي و يدو فوق راسو.. غاضتها حالتو و هو راقد هكاك دنات ليه نحاتلو صباطو و كسلاتو و غطاتو بملحفة و طلعت ترقد.. ريتاج قلبها حنين و تسامح فيسع قلبها بيض و جامي شدت الحقد على اي كان
طلع الصبح هبطت ريتاج بلعقل فالدروج و دخلت توجد فطور بدات تصنف و تطيب و توجد فالحالة صحيح مزالت متغششة شوية لكن عندها عادي شحال من واحد غلط فحقها و سامحاتو و طلبت من ربي انو يسامحو خاصة كي عاد راجلها.. ناض ٱدم صباح لقا روحو مكسل و مغطي عرف لي ريتاج عدلتلو نومتو ما تتخيلوش شحال فرح بيها و باهتمامها تبسم و ناض دوش و لبش شورط و خلعة و هبط دخل للكوزينة
- ٱدم : صباح الخير .. كان يحسب الي هي راه تحقرو و ماتجاوبوش لكن ردت فعلها كبرتها في عينو
- ريتاج : تبسمتلو صباح النور ايجا تفطر راو حضر الفطور
- ٱدم : هاني جيت ندوق تصنيف يديك و تبسملها رجعتلو التبسيمة
قعد ٱدم و ريتاج ياكلو ساكتين حتى نطق ٱدم - ٱدم : ريتاج انا..
قاطعاتو ريتاج
- ريتاج : نعرف ٱدم انا عاذراتك فالاخير ماني الا مرتك قدام الناس و اي واحد كان حيعمل نفس الشي.. و حتى اناا كان لازم نشاورك قبل منخرج من الدار رغم لي كنت مع أمك و العرس كان تاع عائلتك لكن سايي وفات عاذراتك والله و تبسمتلو
رفدلها راسو ب باهي و مسح فمو و ناض مالطابلة عطاها بضهرو و جا خارج
- ٱدم : سامحيني
و رااح خرج للكولواار حتى يسمع ريتااج تعيط
- ريتااج : مسااااامحح والله تبسم و كمل طلع لبيتو يكمل خدمتو زاهي و فرحان لي المشكل خلاص بيناتهم
↚
الحلقة 14
مرت سمانة على نفس الروتين ٱدم فالخدمة يتلاقا بريتاج كان صبح و فالعشا و ريتاج نفس الشيئ مع أنو تطورت شوية العلاقة بيناتهم ولات تطلع تنوضو مع صبح و يحلو مواضيع يتناقشو فيها كي يكونو يتعشاو.. فهاد الاسبوع زارت باباها مرة برك لأنه ٱدم مشغول و هي متخرجش منغيرو و بلا مشورتو و لأنه ماخلاهاش تبات في اي دار من غير دارها ههه حتى لو دار باباها .. لكن في الثلاث أيا اللخرين ولات ريتاج دازة عالنووم هات برك ترقد مولاتش تلحق تنوض ٱدم اصلا. ولات تفيق نص نهار حتى يجي هو يفيقها.. ولات تخزر و تتأمل فيه بزااف و حتى انها مولاتش تحمل ريحتو و عندها يومين كل ماتشم ريحتو تروح تجري تستفرغ.. اليوم يوم جديد من أيام تعب ريتاج ناضت نص النهار كي العادة فتحت الفريجيدار و حكمت نص حبة ليمون تاكل فيها و تتبنن.. وعلى غفلة دخل ٱدم لقاها تمص فالليمون راح جرالها
- ٱدم : يخي شبيك هبلت الليمون عالفراغ مفطرتش اصلا و شبيك هكاا دازة عالنووم..
هو يهدر و هي تتأمل فيه و دموعها شلال لأنو يعيط عليها درج و هي فهديك الحالة و بعدها لحقتها ريحتو راااحت تجري للصال دو بان تستفرغ.. ٱدم شافها اكاكا راح يجري وراها كانت تستفرغ و تبكي و تقولو ريحتك ريحتك ٱدم قرب ليها عاونها باش غسلت وجهها مع انهاا كانت تدفع فيه باش يخرج لكن هو ماحبش يسييبها.. و اااوووب و تفقد ريتاج وعيها.. تفجع ٱدم و بقا يفيق فيها بالكفووف كي محبتش تفيق جرا بيها للطنوبيل باش يديها للاكلينيك يشوف شبيها
↚
الحلقة 15
- ٱدم : طمني دكتوور شبيها مرتي
- الطبيب : مابيها شي تهنى حاجة طبيعية يصرالها فقدان وعي فالاشهر الأولى من الحمل
- ٱدم. : شنوة حمل. ! دكتور قق قصدك مرتي حبلة. ؟
- الطبيب : ياخي ما فيبالكمش ! اياا مالا بشارة حلوة مبروك ايه مرتك حبلة فشهرها الأول .. مانوصيكش عليها لازمها راحة تامة باش يتثبت الجنين و رح نعلمك الي هي راح تهبلك في فترة الوحم.. خبطلو على كتفو وقالو : حظر روحك
- ٱدم : هههه شكرا دكتور نقدر ندخل نشوفها
- الطبيب : وي أكيد و كي تكمل كيس الصيروم تقدر تخرجها
دخل ٱدم لريتاج لقاها مكسلة مي ماشي راقدة.. باسها من جبينها و قاللها
- ٱدم : ريتاج انت حبلة..حبلة بولدي.. و حط يدو على كرشها
دمعت عين ريتاج مالفرحة.. لكن تمتم اختفت فرحتها و ابتسمت بسمة استهزاء
- ريتاج : ولدك لي رح يرجعلك أملاكك.. على هكا انت رح تطير مالفرحة و نزلت دمعة تحرق على خدها..
مسحهالها ٱدم و قاللها
-ٱدم : مام لو مكانش سبة باش يرجعلي أملاكي راح يبقى ولدي لي من صلبي و لي من مرتي فالحلال رح نحبو قد الدنيا و نديرلو كل لي يحبو.. يا ريتاج متنسايش راهو ولدي
- ريتاج : تبسمتلو و عملتلو باهي براسها.. فرحتها هدرتو بزاف و خاصة كي قال مرتي و ولدي فالحلال .. قعدت تغزرلو أمبعد قالت
- ريتاج : ٱدم اناا اان...
- ٱدم : شنوة ريتاج انت شنوة. !
- ريتاج : ٱدم أنا شاهية كسكسي باللحم و العظام (بيض مغلي) و غمضت عينيها و عدت لسانها على شاربها.. الجاست لي دارتو شعلو نارو قرب منها و خطف بوسة خفيفة من شفافها و حط جبينو على جبينها
- ٱدم : هادا لي بيها مرتي ايجا نروحو نخبرو سعاد و نقولولها تطيبلك شهوتك ايجا
تبسمت ريتاج و عملتلو اييه براسها.. خلص الصيروم و وقع اوراق خروج ريتاج و حملها هبطها لطونوبيل و راح باش يخبر أمو بهاد البشارة الحلوة.. طريق كاملة و هو يدربك علفولون زاهي و ريتاج متكية على البلار و مغمضة عينيها و تتبسم فرحانة برشا .. بوليدها و بٱدم الجديد و الكسكسي لي راح تاكلو ههه
↚
الحلقة 16
وصلو لدار سعاد و عمر .. ٱدم شاد يد ريتاج و يتبسملها و هي تخزرلو فرحانة بيه.. دقدق ٱدم فالباب فتحت سعاد
-سعاد : عسلامة بولادي توحشتكم اتفضلو اتفضلو .. يوو بنتي ريتاج زدتي زينتي ماشاء الله عليك كي اللبة.. حشمت ريتاج و هبطت راسها اصلا هي تخمامها كان فالكسكسي بالحم و العظام
دخلو سلمو على عم عمر وقعدو حتى نطق ٱدم
- ٱدم : ماما جيت نخبركم ببشارة
- سعاد و عمر : تفضل وليدي خبرنا
- ٱدم : ماما ريتاج حبلة و....
هو مزال مكملش هدرتو و هما انقضو عليه و على ريتاج باسوهم و زغرتتلهم سعاد و عنقوهم ههه
- سعاد : وورريييي مبروك وليدي يتربا فعزكم نشاله والله فرحتوني
- عمر : مبرووك ولديي حتى انا رح نوفي بوعدي و نردلكم أملاككم ( ايه عمر و ٱدم تفاهمو يكتبو نص الاملاك على ٱسم ريتاج و باباها)
-ريتاج : شنوة أملاكنا بابا عمر !
حكالها ٱدم حكاية الورثة و الاملاك و هي مالفرحة عنقااتو ههه و وشوشتلو فوذنو
- ريتاج. : ٱاادم الكسكسي بالحم پليز شاهيااتو والله
تبسم ٱدم ههه
- ٱدم : ماما پليز ريتاج شاهية الكسكسي بالحم و العظام تقدري تنصبيهولها ؟
هو يهدر و ريتاج حاشمة و مخبية راسها فرقبتو
- سعاد : اكيد ولدي ساعة و يحضر ايجا بنتي معايا
راحت ريتاج معاها و ٱدم قعد فالصالون مع عم عمر و عم أحمد لي جا و خبروه بحبالة بنتو و حكاية الاملاك و ناض عم أحمد باركلهم و شكرهم على معروفهم
منبعد قعدو ڨاع على طابلة الفطور يفطرو و ياكلو الكسكسي لي تشهاتو ريتاج ههه
** ٱدم يحكي :
منعرفش شبيني والله نحس بشعور يهبل و أنا معاها و حداها ههه يمكن اعجاب و يمكن حبيتها منعرفش أما لي نعرفو هو أنو مستحيل نتخلى عليها و لا نخمم نبعد عليها و خاصة و هي حبلة .. خبر حبالتها طلعني للسما السابعة فرحان برشا بيها و بولدي لي جاي فالثنية هههه.. نشوف فيها غاطسة فصحن الكسكسي تاكل و تتبنن الفرخة تدي العقل ههه.. مقدرتش ناكل قعدت طول الوقت نخزرلها تي عندها الحق أمي كي قالت زيانت ههه فقت من سرحتي على صوتها و هي تكلم فيا
- ريتاج : ٱدم معليش تعطيني كاس الما لي حداك نشرب منو ؟
↚
الحلقة 17
تبسمت و عملتلها براسي باهي ههه و مديتهولها شرباتو ضربة وحدة و كملت ماكلتها ههه الكل قاعد يستغل فيها و يضحك عليها تي مش معدلة علينا كيلي مش موجودين معاها بالكل ههه ... كملنا ماكلتنا وقعدنا نشايخو و نڨسرو على الطابلة حتى نطقت ريتاج
- ريتاج : عيشك ماما سعاد الكسكسي بنين ياسر ربي يخليك
- سعاد : بلامزية بنتي بصحتك و كل ما تتشها حاجة قولي ليا نطيبهالك ولا لٱدم يشريهالك ولا يجيبهالك ما تحشمش منا اعتبرني أمك و هو راهو راجلك
- ريتاج : ههه حاضر أمي ربي يخليكم الكل ليا
-عمر : هيا نروحو للصالة نكملو ڨصرتنا مادام كنتنا الزينة كملت شهوتها هههه
- الكل : ههه حاضر تفضلو
قعدنا شويا ڨسرنا و كلينا ديسار الليمون لي طيباتو أمي خاطر ريتاج تشهاتو ههه و بعدها نطقت أنا
- ٱدم : هايا هداك هو مابقاش وقت لازمنا نروحو و خزرت لريتاج
تبسمتلي و عملتلي براسي باهي سلمنا عليهم و خذينا علبة معجون الليمون و ديسار ليمون زادة لي طيباتو أمي في خاطر ريتاج.. ركبنا فالطونوبيل و قصدنا ربي لدارنا.. بعد هاد النهار السعيد لي جوزتو مع عائلتي و مرتي ..
طول الطريق و انا ندربك..زاهي و فرحان برشا والله.. ريتاج كانت تتبسم و تخزرلي و مينداك تڨسر معايا.. بعد شوية لاحظت سكوتها طليت عليها عرفتها راقدة.. دازة كان عالنوم بسلامتها ههه.. وصلت للدار نزلت حملتها و طلعت بيها لبيتي ليوم قررت نرقدها جنبي و نشاله غدوة نعتارفلها بمشاعري المخلطة بين الحب و الاعجاب و الخوف من الرفض ههه.. حطيتها عالسرير و رحت لبيتها جبتلها روبة نوم خفيفة باش ترقد بيها..بدلتلها حوايجها و حطيتها عالسرير.. دخلت لدوش بدلت حوايجي لبست شورط كيالعادة من غير مريول و تسطحت جنبها..حلت عينيها غزرتلي و تبسمتلي و عادوت ولات رقدت ههه حطيتلها راسها على صدري و قعدت نلعبلها بشعرها نخمم فيها و فغدوة حتى هزني النوم و رقدت
↚
الحلقة 18
قامت ريتاج صباح على الشمس لي داخلة مالتاقة وضاربة فوجهها..حلت عينيها وقعدت تشوف فالبيت
- ريتاج : هادي ماشي بيتي. ! و امبعد خزرت لحوايجها لقاتها لابسة روبة نوم
- ريتاج : اااععع اكيد هو بدلي حوايجي شافني عرياانة يا ربي.. عادي ريتاج راجلك راهو وبو ولدك اععع يا ربي كيفاش نخزرلو فوجهو دوكاا اعععع ههه و جهها حمار و تكبست حاشمة مسكينة هي هكاك تضارب مع روحها حتى يخرج ٱدم من الدوش لاف سربيتة على روحو برك.. ريتاج شافتو عينيها حوالو من الطبليطة شوكولة لي عندو فكرشو.. هو عرفها غايسة فيه بدا يقرب يقرب بالشوية حتى هبط عليها و خطف بوسة خفيفة من شفافها .. ريتاج حشمت هبطت راسها و امبعد تكبست و طلعت راسهاا مخلوعة و حاطة يدها على نيفها و فمها
- ريتاج : ٱاادمم أووف ابعد ابعد مني ااع
ٱدم معرفش شبيها بقى مخلووع
- ٱدم : شبيك شنوة هادي نبعدك علاش
- ريتاج : اععع ريحتك نتنة اووف روح دوش اووف ابعدني ٱدم حابني نستفرغ ياخيي
- ٱدم : تي شبي سمااك هاني هدا وين خرجت مالدوش وريحتي ما بيها شي ريحت الجال دوش والله هاكي شمي
هو قرب ليها و هي هربت تجريي تستفرغ.. هو خاف عليها راح موراها لقاها تستفرغ و تبكي سخفاتو وقف موراها شدلها حزامها و عاونها غسللها وجهها وهي تبكي و متكية عليه.. حملها و حطها فالسرير
- ٱدم : لباس دوكا
عملتلو براسها باهي
- ريتاج : پليز ٱدم عاود ادخل تدوش پليز ... كانت تذبلو في عينيهاا سخفتو
- ٱدم : حاضر حاضر مغلوب على أمري..هاني داخل ندوش مرة ثانية على سعدي
هو يهدر و ريتاج شادة ضحكتهاا بالسيف
- ريتاج : ٱادمم دوش كان بالماا پليز منيش حابة نزيد نستغفرغ علاجال الجال الدوش تاعك و ما تتغشش مني پليز مش أنا ولدك
- ٱدم و هو داخل الدوش : اوكي اوكي قابل بمكتوب ربي
- ريتاج : ههههههههه
ناضت ريتاج هبطت للتحت فتحت الفريجيدار و بدات تصنف فالفطور.. وجداتو و ستنات ٱدم يهبط (ليوم عطلة ٱدم مايخدمش) وقعدت حاكمة حبكة العسل و تاكل بالمغرف.. شافها مخو حبس راح جرالها
- ٱدم : ياا ريتاج شنوة هادا شبي سمااك عسل عالفرااغ هبلت ياخي على الاقل افطر قبل اووف اووف و خطفلها حبكة العسل من يدها
هي ناضت تبكي شي من عياطو عليها لأنها ولات حسااسة ياسر و شي للأنه نحالها شهوتها
- ريتاج : ٱدم ااننااا.. اش.. تهدر و عينيها مزغليين بالدموع
↚
الحلقة 19
ٱدم تكبس من رفضها و جاوبها
- ٱدم : شش شنوة لي متحبش ؟
ريتاج حشمت و حطت راسها فرقبتو
- ريتاج : نيش حابة النوض حابة نبقى عندك هكا و زادت حشات راسها و وجهها لي ولا كي الحبة تاع الطماطم عندو
- ٱدم : هههه عيشو هو الحشام مبنو مبنو راهوو عسل.. قوم ننقلو الحوايج و نخلص فيك الجديد و القديم و تبسم بسمة خبث
- ريتاج : شش شنوة ؟
- ٱدم : ايجا ايجا لماا نشبع منك و من الشهور لي عديتهم بلا منمسك.. حملها و طلع بيها للبيت و هي تسوغ و تضحك و تقولو
- ريتاج : نزلنيي يا ٱدم يا مهبول هبطني ااعع ههه
دخل بيها للبيت و حطها فوق السرير و رقد فوقها يبوس فيها بلهفة مرة يرخف و مرة يكبس و هي تتلوى تحتو شادتلو راسو و هو هابط لرقبتها يمص و يعض فيها خلالها لي تراس فيها و امبعد ناض نحا تريكوه و هبط عليها نحالها الروبة و السوتيان و هبط على صدرها هراها كلاها ماكلة وهي تأن كمل هبط لكرشها يبوس فيهاا بوسات صغار و كلمة نعشقك ما تنحاتش من فمو .. بقا يبوس و يمص فيهاا حتى لحق للعب الصحيح غزرلها و قال
- ٱدم : روحي نكمل
ريتاج زاد كبر في عينها حتى و هو في قمة شهوتو يطلب رأيها
- ريتاج : أااملكني ٱدمم املكني
ٱدم كان يستنى فيهاا تعطيلو الضو الاخضر هبط عليها كمل نحا حوايجو و حوايجها و صار لي صار و رجعها مرتو بالفم و الملا مرة أخرى
↚
الحلقة 20
كمل ٱدم و تسطح قدامها يلهث حطلها راسها على صدرو و بقا يلعبلها ب شعرها
- ريتاج : ٱاددم أقعد تلعبلي بشعري ني حنرقد
تبسم ٱدم
- ٱدم : ههه حاضر ليلتك زينة
رقدت هي و هو زاد شوية و لحقها.. فنص اليل كانو راقدين فطنت ريتاج لقات روحها عريانة و راقدة على صدر ٱدم قعدت تتأمل فيه كيفاش راقد هادي شعرو الارطب هابط على عينيه و شواربو منفخين يهبلو.. حطت يدها على لحيتو تلعبلو بيها امبعد تفكرت علاش ناضت
- ريتاج : ٱدم ٱدم قوم ياا ٱدم
- ٱدم. : اممم ريتاج خليني تاعب راني
ريتاج ناضت تدمع فعينيها سمعها تشهق ناض مخلوع يخزر فيها بهاديك الخزرة الذابلة عينيه حمورة مسكين ماشي شابع نوم
- ٱدم : شبيك ريتاج يزي متبكيش عيش حبي يزي ايجا ايجا عندي.. حكملها راسها يمسحلها فدموعها و يسكت فيها
- ريتاج : ٱاادم شاهية ڨلاص بالفراز نموت كان منكلوش پليز اهئ
- ٱدم : يزي متبكيش أرقدي توا و غدوة صباح نروح نشريلك لي حبيتي
- ريتاج : مٱاه حابة دوك پليز ٱدم حابة ڨلاص شاهياتو والله.. و خبات وجهها بيديها تبكي بالشهقة
ٱدم سخفاتو حالتها
- ٱدم : تعرف لي دوك نص الليل منين حنصيبلك الڨلاص توا ؟
- ريتاج : منعرفش حابة ڨلاص پليز عيش حبيبي والله مش أنا ولدك
- ٱدم : اوكي اوكي.. ني خارج نشوف منين نشريلك الڨلاص ريحي هنا فالدار و دوك نرجع فيسع
- ريتاج : لا أمانك ٱدم ماتخلينيش وحدي اديني معاك عيشك والله نريح فالكهربة
- ٱدم : اوكي اوكي امري لله
ريتاج مالفرحة ناضت نڨزت عليه تعنق و تبوس و نسات بلي راهي عريانا.. نص صدرها ڨاع خرج..و ٱدم عينيه حوالو هه.. و ااوووب قلبها تحتو.. هي مالحشمة غطات وجها بيدها.. هبطلها يدها و هبط باسهاا حتى شبع و كي شاف روحو مش قادر يصبر ناض لبس حوايجو و الشورط وقالها
- ٱدم : ااه يا ريتاج واش درتي فيا .. ني خارج البسي و اللحقيني
حبساتو ريتاج
- ريتاج : ٱدم البس تريكوك و جيلي البرد برا متخرجش بالشورط
تبسملها ٱدم
- ٱدم : عيشو لي يخاف علياا.. هيا البس و الحقني
ناضت ريتاج لبست سورڥات و هبطت و هو تاني كان لابس شورط و تريكو و جيلي تاع سورڥات.. هبطو دارو ڨاع الحوانت باش صابو الڨلاص بالفراز.. جابهولها لطونوبيل و غطست فيه و تتبنن و طلست ڨاع روحها وسخت فمها و نيفها.. ٱدم قاعد يخزر فيها و غايس في عفويتها و براءتها بعد ما كملت دارت ليه باش تشكرو هو قرب ليها و لحسلها بلسانو الڨلاص الدايب لي كان جنب فمها
↚
الحلقة 21
. عنقاتو و قاتلو
- ريتاج : مغسي برشا ٱدم ربي يخليك ليا يا أحلى راجل بالدنيا
- ٱدم : من غير مزية.. دوك نروحو للدار نرقد و غدوة نخلص فيك حق الخرجة تاع الليل.. ريتاج تكبست و هبطت راسها و هو تبسم و قصد ربي للدار.. وصل لقاها ديجا رقدت .. حملها و حطها فالسرير.. نحا الجيلي و تريكو و تسطح قدامها رقد كان تاعب و ناقصو نوم و الفرخة تاعو خرجاتو من عقلو
مرت الأيام و الشهور و ريتاج مخرجة ٱدم من عقلو بشهاويها هبلاتو بصح هكاك و بقاو يحبو بعضهم لي يلخصوه تقريب كل ليلة فالفرش .. الليوم ريتاج عندها خمس شهور حبالة كرشها تكعبرت و زادت حلاتها و اللي زاد على حلاوتها هي انها ما ولاتش تصبر على ٱدم و تظل ترمي روحها عليه لكن هو يتجنبها بيسك علابالو لوكان يكمل ماراحش يصبر و يصرا لي يصرا لكن هو خايف عليها برك و يطبق نصائح الطبيب لي نصحهم بيها نهار راحو يشوفو جنس البيبي و لقاو عندهم ولد ماتو بفرحتهم لكن فسدها عليهم نصائح الطبيب المحنون .. هو اصلا رح يهبل عليها لكن لازم عليه..و ريتاج ولات تضل تبكي و زعفانا عليه و تقولو
- ريتاج : ٱدم يخيي أنا موليتش نعجبك.. يخي وليت تكرهني
- ٱدم : ايجا ايجا شنوة هادي نكرهكك تي انا نموت عليك يزي متبكيش عيشك تعرفني منحبش دموعك
- ريتاج : كي انت تحبني علاش متحبش تقرب مني.. ياخي انا لهاد الدرجة رجعت خايبة و منعجبكش
- ٱدم : يا ربي الصبر.. تي شكون قالك معدتيش تعجبيني. ؟ تي انا نحبك بكل حالاتك. أما نعمل هكا باش منضركش ولا نضر ولدي.. وعلى حساب ماني نشوف انا ني نطبق وصايا الطبيب اكثر منك
- ريتاج : اذاكا الطبيب ميعرفش انا نحبك ٱدم حاباتك تملكني.. اصلا مراحش تضرني ٱدم انت حنين ياسر عليا والله ماقدرت نصبر ولدك عامل فيا و طرشقت بالبكا
- ٱدم : يزي حبيبي يزي عيشك.. حتى انا ماعادش صابر ايجا اليوم صراخك يلحق لٱخر النهج..
عينين ريتاج وساعت و خبات راسها عندو
- ريتاج : يزي ٱدم
- ٱدم : ههه شنوة تو جاتك الحشمة اليوم والله ماني طالقك
حملها و طلعها للبيت و غطس فيها يتبنن في شهد و طراوة بدنها.. كان مسايسها حتى ٱخر لحظة خايف عليها لا يضرها.. كمل و تسطح معاها هي راقدة عليه و هو يتفرج فالتلفزيون
↚
الحلقة 22
مرت الايام و دخلت ريتاج فشهرها السابع.. تنفخت و تنفخو رجليها و مولاتش تقدر تعمل اي ايفور لكن مادام بطلتنا شاطرة و متحكمش پلاصة تحتم على روحها و تنوض تخدم شغلها.. دارها ديما نقية و اثاثها مفروز.. ليوم ناضت ريتاج كيلعادة ملقاتش ٱدم قدامها لكن لقات صينية فوق الطابل دو نوي و ورقة مكتوب فيها << صباح الخير حبيبي ليوم خرجت بكري عندي اجتماع مهم ماحبيتش نفيقك كنتي تاعبة و خليتك ترقدي.. هاوليك فطورك حاضر .. علابالي لوكان ماحضرتهولكش متفطريش.. اياا نتلاقاو على 12:00 اتهلاي في روحك و فولدي ... سلام >>.. تبسمت و عدلت قعدتها حطت الصينية فحجرها و قعدت تفطر.. كملت فطورها قامت .. عملت دوش و لبست روب بنفسجية حلوة تاع الصيف من غير يدين و قصييرة نص فخدها ڨاع يبان.. لمت شعرها المشمخ و خرجت تتهلا ف دارها.. كملت مسحت و نظفت الدار و دخلت للكوزينة تدير الغداء.. هي لاتية حتى تحس يدين دارو علي كرشها و نفس سخون فرقبتها و بوسة سخونة على كتفها.. فالاول تكبست بصح كي شمت ريحة برفانتو.. وشكون من غير راجلها حبيبها هدات شوية.. دورها ليه و حصرها بينو و بين الرخامة
- ريتاج : ٱااددمم...
- ٱدم : ششووت ... حطلها يدو على شفافها و غرس راسو ف رقبتها
- ٱدم : شنوة هاد الحلاوة كل.. حتى الحبالة زادتك زين على زين.. و حط يدو على كرشها
تبسمتلو و حطت يدها على لحيتو..
- ريتاج : و شكون حبلني باش زدت زينت
هو هاد الهدرة شعلتلو نارو 🔥 و طاح عليها يبوس فيها حتى شافها تخنقت باش بعد عليها.. حط جبينو على جبينها و هما يلهثو
- ٱدم : نعشقك يا ابن مراا .. تبسمتلو
- ريتاج : ااعع ابعد ٱدم نسيت الصوص عالناار.. راح الفطور
- ٱدم : هههه الغلطة غلطتك واحد ما قالك ازياني هكا ... خرجتلو لسانها.. هو راح قعد عالطاولة و هي كملت وجدت الغداء ..
- ريتاج : اييه حقا شكرا على الفطور بنين برشا
- ٱدم : اكيد بنين ماو راجلك لي دارو
- ريتاج : هههه قصدك حوحو
- ٱدم : ههههه لالا ٱدم راجل ريتاج برك
- ريتاج : هههههه
- ٱدم : ايي ريتاج الليوم كاين سهرية عرس رمزي ولد عمي.. نتغداو انا نخرج عندي قضية و نتي وجدي روحك للسهرية مع 20:00 نجي نديك
- ريتاج : حتى لدوك باش تقولي ٱدم.. ماشكيتش يكفيني الوقت
-ٱدم : تي يكفيك يكفيك.. كيما تفاهمنا باهي. ؟ القصير لا و المعري لا وحتى المكياج لا
- ريتاج : ياخي رايحة لعرس ولا الجنازة باش منديرش المكياج
↚
الحلقة 23
ٱدم : ماتهبلينيش ريتاج.. متخلينيش نبدل راي و ما نديكش عيش حبي ما تركبيليش العصب اصلا انت حلوة بلا ماكياج
- ريتاج : باهي
كملو فطرو هو خرج و هي طلعت دوشت و ومشطت شعرها مشطة سامبل مطلقاتوش خاطرو يثقلها و هي حبلة و بدات تحوس واش تلبس ..بقات ساعات و ساعات تحوس وش تلبس و كان عندها وجع خفيف فكرشها اماا ما حبتش تديرلو أهمية ولا تخبر عليه لٱدم باش ما يتقلقش
** ٱدم يحكي :
خرجت كانت عندي قضية بعتتني مرت عمي نجيبها للعرس و خليت ريتاج مرتي فالدار تحضر روحها للسهرية .. كملت قضيتي شفت الساعة كانت 19:40 قلت هداك هو نروح نجيبها.. دخلت للدار لقيتها ساكتة عرفتها فالبيت الفوق طلعت عندها فتحت الباب.. لقيتها كيما خليتها جوست دايرة مشطة حلوة لشعرها.. قاعدة فوق السرير و عينيها مزغلين بالدموع.. قلبي حبس ونا نشوف قيها هكاك.. جريتلها
- ٱدم : ريتاج شبيك وش يوجع فيك تكلمي شبيك اهدري متخلعينيش
- ريتاج : ما بيا شي ٱدم ما تقلقش روحك.. حبيت نقلك لي أنا منيش جاية للسهرية روح انت و أمك و انا هاني هنا فالدار دوك نتعشا و نرقد
- ٱدم : لا مستحيل نروح من غيرك شبيك بدلت رايك و ما كملتش وجدتي روحك.. شنوة لي يوجع فيك
كانت ريتاج رح تقولو على وجع كرشها لكنها محبتش تفسدلو فرحتو بالعرس
- ريتاج : لا والله ما بيني شي.. جوست مكاش وش نلبس كرشي كبرت و حاجة ما ولات تجيني حلوة كي بكري.. و راح الحال محال نقدر نوجد روحي قبل الثمنية علابيها قتلك روح
- ٱدم : شوفي ريتاج ماتهبلينيش نوضي البسي اي روبة عرس عندك..حتى لو كرشك كبرت و رجعت خايبة أنا نحبك بكل حالاتك.. يزي عيش حبي متقلقنيش عليك قوم بدل حوايجك و هاني نستنا يا احلى مرا فدنيا
تبسمتلو ريتاج و ناضت و هو خرج للصالة يستنا فيها تلبس لأنو هو كان لابس قمجة بيضة مبينتلو الكور التاعو لي يهبل و سروال جين مقطع يهبل و باسكات بيضة كان حاصر لحيتو و ماشط شعرو الارطب..
لبست ريتاج غوب باج طويلة مزيرة على صدرها و مرخووفة ملتحت تتكركر جاتها تهبل مع المشطة لي دارتها و كرشها البارزة ..دارت ريحة و شوية فاغاپوپياغ فعينيها كلاغ و غوجالافغ ڨرونة يهبل على شواربها المنفوخين.. خرجت تدي العقل.. ريتاج ماقدرتش تلبس الطالون خافت تطيح بيه مالدروج.. رفداتو في يدها و هبطت بالحفا قالت حتى نوصل للصالة و نلبسو
ٱدم كان قاعد فالصالون يستنا حتى لمح خيالها طلع راسو و صفرر
↚
الحلقة 24
بومبة تاع زين.. هو وقف و هي هبطت ليه
- ريتاج : هبطت راسها و قالت حاااضرة
ٱدم قعد ساكت يكيل فيها مالفوق للتحت .. هي كي شافتو ساكت طلعت راسها..
- ٱدم : قربي لعندي
ريتاج قربت لعندو و هي مطلعة راسها تشوف واش راح يدير و مستغربة
هي غير قربت منو هبط ٱدم على شواربها يبوس فيها و هي دايخة مالاحساس ترخفت حتى طاح الطالون من يدها باسها حتى تقطع عليهم النفس و جبد روحو منها يلهث
- ٱدم : هكدا خير.. نحيتلك لي دايراتو ففمك هنا خير ماتعاودي تطلعي و غمزها.. هااك طلعت ڨمرة.. الحقني اني رايح للطونوبيل
هو جا رايح شداتو ريتاج من مرفقو و قربت ليه.. هبطتلو راسو ليها و هو هابط يستنا فيها واش راح الدير.. حطت يدها على فمو تمسحلو فالغوج لي لسق جنب فمو و هي حاشمة ووجهها احمر.. كملتلو تبسملها ٱدم و غمزها و راح و هي لحقاتو .. ركبو الطونوبيل و قصدو ربي للحفلة وصلو هبط ٱدم أما ريتاج فكانت تحاول تلبس الطالون تاعها.. شافها ٱدم تتعافر معاه فتحلها الباب ..خرجلها رجليها و هبط يلبسلها فسباطها و هي تغزرلو و تتبسم.. كمللها و تبسملها و هبطها طلعت معاه ومع سعاد وحدة وحدة فالدروج خايفة تطيح .. دارو هاد المرة عرس ميكسبومبة تاع زين.. هو وقف و هي هبطت ليه
- ريتاج : هبطت راسها و قالت حاااضرة
ٱدم قعد ساكت يكيل فيها مالفوق للتحت .. هي كي شافتو ساكت طلعت راسها..
- ٱدم : قربي لعندي
ريتاج قربت لعندو و هي مطلعة راسها تشوف واش راح يدير و مستغربة
هي غير قربت منو هبط ٱدم على شواربها يبوس فيها و هي دايخة مالاحساس ترخفت حتى طاح الطالون من يدها باسها حتى تقطع عليهم النفس و جبد روحو منها يلهث
- ٱدم : هكدا خير.. نحيتلك لي دايراتو ففمك هنا خير ماتعاودي تطلعي و غمزها.. هااك طلعت ڨمرة.. الحقني اني رايح للطونوبيل
هو جا رايح شداتو ريتاج من مرفقو و قربت ليه.. هبطتلو راسو ليها و هو هابط يستنا فيها واش راح الدير.. حطت يدها على فمو تمسحلو فالغوج لي لسق جنب فمو و هي حاشمة ووجهها احمر.. كملتلو تبسملها ٱدم و غمزها و راح و هي لحقاتو .. ركبو الطونوبيل و قصدو ربي للحفلة وصلو هبط ٱدم أما ريتاج فكانت تحاول تلبس الطالون تاعها.. شافها ٱدم تتعافر معاه فتحلها الباب ..خرجلها رجليها و هبط يلبسلها فسباطها و هي تغزرلو و تتبسم.. كمللها و تبسملها و هبطها طلعت معاه ومع سعاد وحدة وحدة فالدروج خايفة تطيح .. دارو هاد المرة عرس ميكس
↚
الحلقة 25
ٱدم قاعد مع جماعة ولاد عمومو و عينو على ريتاج لي كانت تڨسر مع جماعة بنات و يقحر للولاد لي يخزرولها.. حتى أنو تقلق لكن ماحبش يبين باش ما يفسدش فرحة ريتاج و ڤسرتها مع بنات عماتو و عمومو.. ريتاج كان وجع كرشها يزيد بشوية بشوية.. لكن محبتش تبين و ماعطاتوش اهمية عندها المهم تقعد تنحي على خاطرها مع البنات و كانت كل ما يجيها وخز تكبس على يدها .. ٱدم كان يلاحظ يد ريتاج لي تكبس عليها.. حس و كأنها متقلقة - ٱدم : ريتاج ايجا دقيقة نسحقك
- ريتاج خلات البنات و راحتلو
شدها من يدها و دخلها للڥيستيار و دخل معاها
- ٱدم : ريتاج شبيك مش قد بعضك. !
ريتاج عينيها دمعو و ما قدرتش للسطر
- ريتاج : ٱاادم كرششي ااي ٱدم رح نمووت پليز ولديي ٱدم ااي وجييعة وجييعة اااي
ٱدم تكبس و طابس عليها حكمها و هبط يجري بيها ركبها فالطونوبيل و هي تبكي مالوجيعة
- ٱدم : تحمل حبيبي تحمل مابقاش و نوصلو.. هو يصبر فيها و هي تبكي حتى قالت
- ريتاج : اا.. ٱادم دم دم 💉 ااٱدم ازرب ولدي اااي و ااوب تفقد الوعي
- ٱدم : ريتاج ريتااااج قومي مترقديش حلى عينييك.. يا ربي راهي تنزف
وصل للاكلينيك و هبطها روبتها و قمجتو ڨاع تمسخو مالدم .. يجري بيها و يعيط
- ٱدم : دكتور تي شبييي ربكم اجرو مرتي اي تنزف.. جاو داوها من عندو و دخلوها لغرفة العمليات 5 دقايق خرج الطبيب
- الطبيب : انت زوجها. ؟
- ٱدم : ايه انا شبيها مرتي تي تكلم شبي سماك - الطبيب : لازم نولدوها..
- ٱدم : بصح مزاالها شهرين عالولادة..
- للطبيب : صرالها نزيف و لوكان تبقى رح نخسرو الام و الجنين
- ٱدم : وش راك تستنى مالا ولدووها اجري.. والله كاش ما يصرالها نحرقك بيك بهاد الاكلينيك
دخل الطبيب و ٱدم قعد فوق الكرسي حاط يدو على شعرو .. عينيه مدمعين و يدعي لربي يحميلو مرتو و ولدو.. محبش يخبر يماه و لا حتى بابات ريتاج باش ما يفجعهمش.. بقا ساعة و زوج.. حتى سمع صوت بيبي يبكي طلع راسو و طاحت دمعة من عينو .. خرج الطبيب و في يدو ولد شعرو كيما شعر باباه و عينيه عينين يمااه.. ٱدم فرح بيه برشا.. تقدم من الطبيب
- ٱدم : و ومررتي.
- الطبيب : الحمدالله مرتك قوية برشا.. بفضلها و بفضل ربي قدرنا نوقفو النزيف و ننقذو الولد.. مبروك عليكم يتربا فعزكم..
- ٱدم : عيشك دكتور نقدر نشوفها
↚
الحلقة 26
الطبيب : دوكا لالا اما كي ينقلوها من غرفة العمليات تقدر .. ٱدم حمد ربي و حمل وليدو ادنلو فودنو و استنا تفيق ريتاج باش يسموه
نقلو ريتاج لغرفة عادية و دخل عندها ٱدم.. بدا يزول مفعول المخدر و بدات تفيق و تحل فعينيها بشوية
- ريتاج : ااادمم
- ٱدم : هاني يا روحي بحذاك.. شتحسي في روحك لباس ؟ .. تبسمتلو ريتاج و عملت براسها باهي
- ريتاج : ٱادمم ووللدي .. ووينو! ييخي هو ببخير.. و بدات تبكي تستخايل ولدها مات
- ٱدم : لا يزي حبيبي ماتبكيش والله هو بخير و هاو راقد دوكا
- ريتاج : أماان جيبلي نشوفو .. عمللها براسو باهي.. خرج ٱدم و بعد شوية جا و فيدو ولدو.. شافتو ريتاج لي عينيها دمعو ملفرحة.. عدلت روحها بعد ما عاونها ٱدم و عطاهولها فحجرها.. ريتاج قرباتو منها و سلمتلو على راسو
- ٱدم : حبيبي شنوة تسميه
- ريتاج : شرايك فرسيم ؟
- ٱدم : امم حلو بارشا مثل أمو
- ريتاج : ٱدم قرب مني عيشك
قرب منها ٱدم و هو يستنا فيها يشوف واش راح تدير.. طابس عليها طلعت راسها و باستو بوسة خفيفة من شفافو ووشوتلو
- ريتاج : نحبك يا أحلى راجل تبسملها
- ٱدم : تي نا نعشقك يا ابن مرا و أحن أم .. اعملي فيا دوكا علابالك مريضة و منقدرش ندانا ليك.. ماعليش تبرااي و نخلص فيك الجديد و القديم.. ني رايح نجيبلك فطور و نعلم امي و بوك باش يجوك
خرج ٱدم عيط لأمو
- ٱدم : الوو ماما..
- سعاد : الو عسلامة وليدي يخي وينكم طلع نهار و انتو مابنتوش.. ما يكونش صارلكم شي
- ٱدم : لا ماما حمد لله .. ريتاج البارح حكمتها وجيعة و نزيف و جببتها للاكلينيك و الحمد ولدت و هي و ولدي بخيير
- سعاد : ووورييييي اياا مبروك ولدي.. يتربا فعزكم انشاله
- ٱدم : يعيشك ماما ربي يخليك.. ماما عيشك تقدر تجيب معاك فطور لريتاج.. انا رايح نجيبلها حوايجها و حوايج البيبي
- سعاد : اكيد ولدي تو يحضر فطورها و نجيبو ونجي انا و باباك و عمك احمد
- ٱدم : داكوغ ماما عيشك اياا سلام
- سعاد : بسلامة ولدي
راح ٱدم للدار دوش و لبس حوايج وحدوخرين نحا حوايجو الموسخين بالدم و ريحة السبيطار و دا حوايج لريتاج و كابة الولد لي كانت موجدتها مقبل و خرج مالدار.. دخل للاكلينيك لقا العائلة ڨاع لتم يسلمو عليه و يباركولو.. لقا ريتاج فطرت مد الكابة لامو بدلتلها حوايجها و حوايج رسيم و هو راح سجل ولدو..
↚
الحلقة 27
سعاد فرضت على ٱدم انها يروحو يقعدو عندها يامات حتى تبرا ريتاج و ولدو يشد حيلو بعد ما وجدتلهم بيت ليهم و لصغيرهم.. ٱدم وافق لأنو يعرف سماطة ريتاج فالماكلة و هكا مام كي يروح يخدم يروح مرتاح.. وصلو للدار طلع ريتاج تأكد من راحتها و خرج قعد مع الرجال يباركولو و يڨسرو.. حتى راحو و دخل للبيت لقاها مضلمة شاعلة جوست ضو الفيوز و ريتاج لابسة نويزات غوز و حاطة رسيم فحجرها ترضع فيه.. هداك المنظر لي شافو شعللو نارو.. قرب منها و طابس عليها سلم على وليدو من راسو لي عند سدرها و طلع راسو طاحت عينها فعينو و هي حاشمة و مهبطة راسها.. كمل طابس عليها و باسها من شفافها بوسة حلوة و خفيفة.. و جبد روحو عليها و غمزها
- ٱدم : شنوة حوالها مرتي لباس. !
- ريتاج : لباس متوحشاتك برك وينك ملي خرجتني مالسبيطار ما شفتكش
راح ٱدم رفد وليدو لي رقد حطو فسريرو و حط راسو على حجر ريتاج وين كان ولدو .. مغمض عينيه و ريتاج تلعبلو بشعرو
- ٱدم : كنت مع الرجال يباركولي لولدي.. ااه تاعب والله حاب نرقد
- ريتاج : أرقد عندي ٱدم ارقد ارتاح عيش حبي
- ٱدم : لالا دوك نقوم نخاف نضرك
- ريتاج : لالا ما تضرنيش والله.. هاوليك العشا فوق الطابل روح بدل حوايجك و ايجا نتعشاو و ارقد عندي فيسع
- ٱدم : اوكي هاني قمت
ناض ٱدم دوش و نشف شعرو لبس شورط و قعد يوكل فريتاج و هي توكلو بسيف عليه ههه
↚
الحلقة 28
كملو كلاو و تكسل ٱدم فحجرها و هي تلعبلو بشعرو حتى رقد .. هبطت باستو من راسو و عدلتلو رقدتو و تكسلت قدامو تغزرلو حتى هزها النوم... فنص اليل فطنت ريتاج على صوت رسيم يبكي جيعان مسكين.. قامت لعندو حملاتو و قعدت على السرير ترضع فيه.. ٱدم تاني فطن من بكاه حل عينيه لقا مرتو و حياتو قاعدة ترضع فيه و هو داخل فيها تبسم و همس
- ٱدم : أحلى ثنائي فحياتي
سمعت ريتاج همسة ٱدم.. ناضت رجعت رسيم لبلاصتو بعد ما رقد.. تبسمت لٱدم و حطت يدها على شعرو تخرب فيه
- ريتاج : ٱدم تعرف حاجة
- ٱدم : شنوة
- ريتاج : الحمدالله لي ما رفضتش الزواج بيك.. لو رفضت كنت خسرت فرصة زواج من سيد الرجال
تبسملها ٱدم
- ٱدم : نفس الشي والله نحبك يا ام ولديي
- ريتاج : و تعرف حاجة أخرى
- ٱدم : منعرفش شنوة
- ريتاج : دوكا مانيش حبلة و مانيش نتوحم أما انا نحب على شعرك
تبسملهاا ٱدم و قالها بصوت فيه بحة نوم
- ٱدم : والمطلوب
- ريتاج : حط راسك عندي نلعب بيه
عمللها ٱدم براسو باهي و قرب منها حط راسو على يدها عنقاتو و بقات تلعب بشعرو حتى هزهم النوم مرة أخرى
مرو الايام فيسع فدار سعاد.. ريتاج الحمدالله رفدت صحتها و جرحها تلم و ولات تنوض تعاون سعاد فالشغل .. الليوم تروح ريتاج لدارها طبعا بعد ما جا باباها طل عليها و على ولدها و قالها ما تشقيش روحك بنتي و تجيني لأني رايح رحلة قدموهالو الشركة الجديدة باش يرتاح و يعمل دوسيي تاع طبيب باش يتأكدو من صحتو و قدرتو على الخدمة.. كانت ريتاج لمت حوايجها فليفاليز و بدلت لرسيم حوايجو.. لبست هي تاني حوايجها و هبطت تسلم على عمر و سعاد..
- ريتاج : بسلامة ماما سعاد باركالله فيك و الله وقفتي معايا وقفت ام لبنتها
- سعاد : متعاودش هاد الهدرة بنتي.. مرت ولدي و ولدو هما تاني ولادي.. و رانا دايمن معاك بنتي ربي يهنيكم و يفرحكم ببعضكم
- ريتاج : أمين ماما ربي يخليك.. و انت بابا عمر تبقا على خير اتهلاو فروحكم
- عمر : بسلامة بنتي والله رح نتوحش رسيم
- ريتاج : وقت ما توحشتو نجيبهولك تشوفو ولا ارواح نتا دار ولدك مفتوحة كل وقت
- عمر : يرضى عليك بنتي
قاطع حوارهم ٱدم
- ٱدم : حاضرة ريتاج. ؟
- ريتاج : اي حاضرة ايجا معايا نجيب رسيم و انت جيب الفاليزات پ
↚
الحلقة 29
عمللها ٱدم براسو باهي و طلع معاها.. سلمو على سعاد و عمر و راحو لدارهم.. وصلو و دخلو ريتاج دخلت حطت رسيم فبونك تاعو و راحت تعاون ٱدم فالفاليزات أما هو مخلاهاش تحملهم.. قرب منها و حصرها مع الحيط
- ٱدم : يخي انت ماتوحشتش راجلك
- ريتاج : توحشتو و بزاف تاني
هو على هاد الكلمة هبط على شفافها يبوس و يعض و يمص كلاهملها ماكلة.. كي شافها تخنقت بعد عليها و حملها.. طلعها للبيت و هبط عليها خلص فيها الجديد و القديم كيما يقول هو .. كملو و ناضو حملها و دخللها للدوش دوشو مع بعض مع طرح بوس سخون.. لبس ٱدم شورط و ريتاج لبسلها تريكوه ههه جاها روبة مسكينة..
- ٱدم : محلاه عليك يهبل.. جاك روبة هههه
- ريتاج : شايخ عليا يخي
- ٱدم : لا والله خرج عليك.. يخليلي مريتي أنا.. خرجتلو لسانها ههه و هبطت خملت الدار و فرزتها و طيبت العشاء.. و هي تطيب سمعت ٱدم يناديلها
- ٱدم : ريتاااج ريتااج ايجا شوف شبيه رسيم محبش يسكت
- ريتاج : جيعان يا روحي جيعان هاني جاية اصبر شوية نكمل ننصب العشاء
- ٱدم : هاني صاابر اما ولدك ميعرفش الصبر
- ريتاج : مااو يشبه الباباه ههه
- ٱدم : ههه صحيح منصبرش.. منصبرش غير عليك ياا بنينة.. ريتاج ماتت بالحشمة من هدرتو.. كملت حطت العشاء .. و طلعت ليه رضعاتو و بدلتلو الكوش و حوايجو و رقداتو و ٱدم هبط معاها تعشاو و طلع يخدم شوية.. وهي ستناتو كمل و راح عندها و غطسو فالنوم
فيسع جاز العام و جازو ياماتو و اليوم عيد زواج ٱدم و ريتاج
قامت ريتاج على صوت ولدها و هو يلعب و يضحك.. دورت وجهها صابت راجلها راقد على كرشو و شعرو هابط على عينيه.. ههه مڨواه مسكين تعبو طرح البارح.. قامت ريتاج من الفرش عملت توالتها و حكمت ولدها رضعاتو و حطاتو فسريرو.. محبتش تنوض ٱدم لأنو اليوم عطلة و هو تاعب.. هبطت عملت الفطور و طلعتهولو للبيت..
- ريتاج : ٱادم.. يا روحي قوم تفطر
- ٱدم : امم ريتاج عيش حبي خليني راقد تاعب راني
- ريتاج : معليش.. كمل رقادك و هاوليك فطورك فوق الطابل اني هابطة... باستو من خدو و جات هابطة.. شدها من يدها
- ٱدم : ايجا ايجا.. كي وجدتيلي ليا فطور انتي فطرتي
- ريتاج : اي الحمد الله
- ٱدم : ايجا تفطر ترص قدامي تاكول معايا
- ريتاج : كفاش عرفت لانا ماكليتش
- ٱدم : راك مرتي يا بنتي حافظك رااني.. و نعرفك ما تفطريش بلا بيا
↚
الحلقة 30
تبسمتلو ريتاج و كملو فطرو
- ريتاج : ٱاادم عيشك تخرجني لليوم نحوس و نشرو قضيات للدار والله فديت وحدي
- ٱدم : اوكي نخرج مريتي .. لبسي لرسيم نديوه لعند ماما و نروحو
ناضت ريتاج سلمت عليه و عنقاتو و راحت لبست و لبست لوليدها.. لبس ٱدم حوايجو وخرجو وصلو رسيم لأمهم سعاد و قصدو ربي للمرشي .. شراو قضيات لي تخصهم فالدار تصورو و ملاو ليحية جدي..المهم جاز نهار يهبل.. كي كانو راجعين حبست ريتاج ٱدم
ريتاج : ٱدم ني داخلة نشري عند هاد الحانوت ادي القضيات للسيارة دوك نجي.. عمللها براسو باعي و هي راحت تشري.. دخلت للحانوت تع سوايع و بقات تخير شرات ساعة تهبل لراجلها غلفتها و خرجت.. راحت للسيارة ركبت و راحو جابو رسيم و قصدو ربي للدار.. ريتاج هبطت هي و رسيم أما ٱدم فجاتو خدمة راح يشوفها و قاللها نجي فاليل .. اغتنمت ريتاج الفرصة رقدت رسيم و هبطت توجد فالدار طيبت و صنفت وجدت الطابلة لي ضلمت من خلالها البيت و شعلت شموع فڨاع الدار.. الحاصل مشهد رمنسي بامتياز.. كي قرب وقت رجوع ٱدم طلعت دوشت و سڨمت شعرها و لبست نويزات كحلة قصيرة تغطي كان الازم فاللازم... دارت ريحة و خوجالافغ غوج.. سمعت الباب تحل هبطت فالدروج بلاعقل..
ٱدم دخل للدار لقاها مضلمة و مالية بالشموع.. حتى سمع صوت طالون و فجأة طلع راسو شاف البومبة لي مقابلتو
↚
الحلقة 31
- ٱدم : هياا قوم عيش الحب افطر و عاود ولي ارقد كان حبيت..
- ريتاج : حاضر ..بشرط تفطر معايا
- ٱدم : باهي قوم.. ناضت ريتاج تاكل و توكلو و كل خطرة يخطف بوسة من شواربها هه فطرت و ناضت تدخل تدوش .. ٱدم لبس شورط بلو نوي قصير لأنو الصيف و الحال سخون و رفد رسيم و هبط معاه للصالة يتفرج .. كملت ريتاج الدوش نشفت شعرها و لبست جبة تاع دار كحلة و خفيفة تاع الصيف.. نص كمام و فيها حرج يهبل في رقبتها لي جاية على شكل V و ملتحت قصيرة تحت الركبة بشوية.. طلقت شعرها و هبطت فرزت دارها و راحت تقعد معا ٱدم و رسيم تتفرج..هبطت .. شافها ٱدم بقا يكيل فيها عجباتو ڨراڥ.. و رسيم ناض يطبع في باباه باش يفكو و يروح لعند ريتاج
- ٱدم : ههه حتى هو كي شاف زين أمو نساني
- ريتاج : ههه حتى بوه ماشاله عليه زينو يفتق.. هه ايجا ايجا يا روح ماما تحب عليا انت
- ٱدم : هههه ايه ايه بلعطني بلعطني بكلمة زين - ريتاج : ههه عيشو ازين راجل عندي بالدنيا
قربت ريتاج رفدت من عندو رسيم و قعدت قدامو.. رما يدو حطها على ظهرها و جبدها عندو.. و هي متكية عليه و رافدة رسيم في حجرها و يتفرجو .. هما هكاك و يسمعو تدقديق فالباب
- ريتاج : شكون زعمة
- ٱدم : معرفش.. دوك نشوف
- ريتاج : لا لا استنا
ناضت ريتاج طلعت للبيت جابتلو مريول
- ريتاج : البس مريولك هاك
تبسم ٱدم و غمزها
- ٱدم : علاش ماني فداري و مع مرتي و. وولدي
- ريتاج : ايه فدارك و لوكان يكون لي جاي عدنا طفلة ! تشوفك عريان.. مستحيل نسمحلها.. البس فيسع خلي نحل الباب
تبسم ٱدم و جبدها من يدها طبعلها بوسا على شاربها و جبدلها شفتها اللوطانية
- ٱدم : يعيشلي المغيارة انا
شهقت ريتاج و راحت تحل لباب حبسها ٱدم
- ٱدم : ياخي حتحل الباب هككا. ؟
- ريتاج : ايه شبيني. !
- ٱدم : لم لم شعرك و دوك انا نفتح الباب فيسع اجري متخلينيش نهبل
- ريتاج : حاضر يا مغيار و خرجتلو لسانها.. ( هدا ڨاع جاز عليهم و الناس برا يستناو ) لبس ٱدم تريكوه.. رفد رسيم و حل البااب و اوووب يزدم عليه وليد خالو .. مادام ٱدم و ولاد خالو و عمومو صحاب.. و ريتاج و بنات خالو و عمومو من نفس العمر و توحشو ٱدم قررو يعملولو مفاجأة و يجو يزوروه و و يتعرفو على ريتاج اكثر ههه
* الاولاد : اسامة.. رمزي .. اكرم.. اسلام
* البنات : احلام.. هند.. سيرين ( مرت رمزي) و هدى
↚
الحلقة 32
- أسامة : عسلامة ولد الخاال توحشنااك هادي غيبة.. عجبك الزواج ااه.. و هبط عليه يعنق فيه و الباقي يضحكو ههه هدا اسامة مقربع في راسو مضحاك و ڨسايري هه
- ٱدم : عسلامة يا لصقة عسلامة حتى لداري و جيتني
- أسامة : ههه حتى فجهنم الحمرة نجيك.. و رفد رسيم
- أسامة : ما شاء الله على ولد خويا.. كبرت يا كعبور.. و رسيم يضحك ههه
كمل سلم ٱدم عليهم و دخلهم قعدو فالصالة.. هبطت ريتاج بعد ما لمت شعرها باش تسلم عليها
- أكرم : عسلامة اختي وشحوالك
- ريتاج : لباس عيشك اكرم ربي يهنيك ..
هدا اكرم ولد عاقل اما ڨسايري.. و اسلام هههه اكثر من أسامة لأنهم خوات ههه
- أسامة : كأنك زدتي زيني ماشاء الله عليك.. هي حشمت و ٱدم قحرلو قحرة موت..
- ريتاج : عع عيشك.. كملت سلمت ريتاج عليهم و قعدت مع البنات تشيخ و تضحك
- أحلام : يا ريتاج توحشناك علاش ما عدتيش تجينا
- ريتاج : والله مكاش كفاش ٱدم يخدم و انا مستحيل نخرج من غيرو.. و فالعطلة نجوزوه النهار كل فالدار.. معليش المرة الجاية انشاءالله
- أحلام : انشاءالله
- هدى : اسلام اعطيني رسيم توحشتو
- اسلام : حلو ماو تي يدخل للقلب مثل والديه..
- هدى : ايه ماشاء الله عليه.........
↚
الحلقة 33
- اسلام : شهاوني نتزوج فيسع و نجيب ولد منك يشبهلنا الزوز ( قتلكم مهبول هههه)
هدى شهقت عينيها وساعو.. حشمت هبطت راسها و الباقي ضحكو عليه و عليها ( هدى و اسلام مخطوبين لبعضاهم و يحبو بعضهم و هو مخرجها من عقلها بهبالو هه.. )
- أكرم : يا معلم بلعقل.. اتشها حاجات ميسورة رايح ديراكت للحبالة.. اك حشمت الطفلة
- اسلام : مزال مزال وقت الحشمة ههه
- رمزي : خليه يتشها اصلا يعرس يولي مايصبرش ههه.. عض شفتو و غمز لسيرين لي ماتت بالحشمة..
- رمزي : ولا وش قال ٱدم
تبسم ٱدم و شاف فريتاج
- ٱدم : ههه اكييد ماو حلاوتها ف عدم الصبر ههه و غمز لريتاج.. لي ملحشمة شهقت و وجهها حمار و ناضو ڨاع يضحكو
- ٱدم : و أنت اكرم.. انا معرس و بولدي.. و رمزي معرس و مرتو حبلة.. حتى المهبول تاع اسلام و خاطب.. و انت وقتاه نفرحو بيك
جا يتكلم اكرم نطق أسامة المقربع ههه
- أسامة : خليه اداكا يحشم.. سقسيني أنا.. ياا جماعة طحت على راسي نحبها نحبها .. و شاف فاحلام هههه هي هبطت راسها و دارت روحها ماشافتوش
ضحكو الكل عليه
- ٱدم : يا حليلها مع مكبوب السعد كيفك ههه
- أكرم : شكونها نعرفوها
شاف أسامة فيه و قال
- أسامة : والله يا اكرم منيش مستعد للوقت لي تبداو تفركوهم عليا .. و تلحقو تسموني بأسمها ماو نعرف طبايعكم .. ناضو يضحكو
- ٱدم : هههه ماك انت كنت تفركها علينا الكل
- أسامة : اي هديكا بكري كي كنتو غارقين فالعشق و الغرام ههه
على هاد الكلمة.. تكبسو ريتاج و هدى و سيرين و قالو ف وقت واحد و هوما يقحرو لرجالاتهم
- ريتاج : شنية معناها هادي سي ٱدم
- هدى : و انت سي اسلام شنوة معناتها هادي
- سيرين : صحيتك سي رمزي ماك كنت شايخ بكري
اكرم و أسامة و ريما شايخيين بالضحك يضحكو بالدمووع ههههه و يشوفو فيهم يرضيو فنساهم .. و ٱدم.. رمزي.. اسلام..يتحلفو فيه
- ٱدم : اكاكا سي الشباب حاب تخربلي داري.. و دار لريتاج : والله غير قبل ما نعرفك ب ربع سنين .. كنت صغير و طايش.. ماك تعرفني نحبك كان انتي
- رمزي : استنى استنى يا أسامة ماو اي جاية دالتك.. لما نخليها تطردك من الدار.. و دار لسيرين.. ايجا ايجا حبيبي والله كنت منعرفكش.. لعب صغار والله.. ايجا ما تتقلقش موش باهيلك..
- اسلام : اي اي سي اسامة.. استناني نتزوج و اعمل لي حبيت .. حتى بنة الزواج حاب تحرمني منها
↚
الحلقة 34
و دار ل هدى : والله يا الحب غير يزيد من عندو اصلا انا عاقل و نحبك كان انت ..
هههه بسيف باش رضاوهم و كملو ڨصرتهم
- ريتاج : انا قايمة نوجد العشا....
و نطقو البنات
- البنات : خلينا نعاونوك ايجاا معانا
ناضت ريتاج و البنات نصبو العشا و وجدو الطابلة عيطو لرجال جاو يتعشاو.. لقاوها مصنفة من كلش شكروهم و ناضو ياكلو.. ريتاج قعدت قدام ٱدم و رسيم فحجرها .. ياكلو و يوكلو لوليدهم.. أما رمزي فقعد ياكل و يخزر فسيرين لي طاحت على الحار تاكل و تتبنن ههه
- رمزي : تي سيرين حط حط الحار من يدك .. حابة تهلكي روحك.. شوف شوف حالتك كيفاش ولات دمعة و خنونة.. ايجا عندي ايجا
- ٱدم : ههههه خليها تاكل الطفلة تتوحم
- رمزي : اي تتوحم على روحها و تو انا نجيبلها لي حبت عليه اما مش هكا تو تمرض
- ٱدم : ههههه والله ما رح تسمعلك و تو تنوض تبكي انا خرجت فنص الليل نشري ڨلاص و غمز لريتاج لي خرجتلو لسانها ههه
- اسلام : ياا حليلي وش او يستنا فيا هههه
ناضو ڨاع يضحكو كملو عشاهم و رمزي هبل مع سيرين.. هههه قامو الرجال الكل راحو للصالة و ٱدم رفد معاه رسيم و لحقهم.. لبنات فرزو الحالة و عملو ديسار و راحو قعدو معاهم.. كانو قاعدين أكرم و ٱدم و اسلام من جهة.. و أسامة مكسل وحاط راسو في حجر هدى من جهة و رمزي قاعد مع سيرين و داير يدو على ضهرها معنقها.. اما ريتاج و أحلام و هند لي كانت تخزر فأكرم ملتحت للتحت فكانو مقابلين ٱدم و اكرم و اسلام .. رسيم كان فحجر ريتاج يلعب ..
- رسيم : مميمي نا ميمي بيبا ( نميمي الحليب) و يسيي يدخل يدو فصدر ريتاج.. و هو هكااك حتى جبد الجبة و بما أنها جاية على شكل V فصدرها بان تقريب الكل
ٱدم كان مكتف يديه و يغزر فيها.. كي شاف صدرها الباين شعل و تفكر بلي الرجال راهم معاه.. بدا يقحرلها و طلعلها حاجبو.. هي اصلا غير دارلها رسيم هكاك خزرت ف ٱدم.. شافتو يقحرلها و يديرلها براسو باش تطلع للبيت الفوق..
- ريتاج : سمحولي.. انا نطلع نرضع ولدي
- أكرم : لا خود راحتك احنا اصلا كنا رايحين
- ريتاج : اياا عسلامة و سمحولي .. طلعت ريتاج للبيت الفوق و ٱدم سلم عليهم .. خرجو راحو و هو طلع لعندها فالبيت لقا وجهها.. حمر و عينيها مدمعين و ترضع فرسيم.. محبش يهدر معاها دخل ديراكت للدوش.. و هي كي شافتو هكاك.. الدموع لي كانت حاصرتهم طاحو يحرقو على خدها..
↚
الحلقة 35
ٱدم يحكي :
كانت قاعدة و حاطة رسيم فحجرها.. انا كنت نغزر و نتأمل فيها طول السهرة.. لكن كي رسيم عمللها هكاك و بان صدرها هبلت.. تي انا زوجها و بدنها حافضو الكل و شعلتلي ناري و كي تفكرت بلي الاولاد معاياا.. فكرة انو واحد منهم شافها خرجتني من عقلي مع اني نعرف انو الكل كان لاهي .. بديت نڨحرلها..اصلا هي خزرت فيا طول.. عملتلها براسي تطلع قبل ما نطرشق عليها قدامهم و من سعدها الحلو كانو رايحين.. ودعتهم و طلت لعندها سخفتني حالتها عينيها مدمعين و وجهها احمر..لكن ما حبيتش نهدر معاها..دخلت للدوش درت دوش بارد عاللخر..نبرد بيه ناري لي شعلتهالي و نتنفس نهدي فروحي فرد وقت ..كملت الدوش لفيت على خصري منشفة و خرجت لقيتها حطت رسيم بعد ما رقد فپلاصتو و قاعدة فالسرير تعدل فيه و تمسح فدموعها فرد وقت.. رحت لدرسينڨ نجبد شورط نلبسو.. شفتها و قفت مورايا..كملت جبدت الشورط و رحت للدوش لبستو و خرجت وقفتني تحكي و هي تفرك فيديها و مهبطة راسها
- ريتاج : ٱا ٱدمم أناا..
قصيت عليها هدرتها كي رفدت يدي عملتلها ستوپ ✋
- ٱدم : مش توا.. تاعب حاب نرقد
طاحت دمعة من عينها قطعتلي قلبي .. و عملتلي براسها باهي و طفات ضو و تسطحت على السرير.. تسطحت قدامها و غمضت عينيا بصح ما قدرتش نرقد.. شهقاتها المكتومة وهي تبكي باش ما تسمعنيش بكاها..
↚
الحلقة 36
طيرت من عيني النوم ..
درت عندها و جبدتها عندي..حطيتلها راسها عندي و هي مزالت تبكي
- ريتاج : والله ما اننا يا ٱدم ماو رسيم عمل هكاكا..اهئ اهئ ورحمة امي ما عملت شي.. سامحني امانك اهئ اهئ
- ٱدم : ششش يزي ما تبكيش.. انت سامحني عيش حبي والله فكرة انو احد شاف اي قطعة منك او من بدنك هبلتني.. ريتاج افهمني انت تاعي وحدي ملكية خاصة بيا وحدي ملكية ٱدم بن عمران و حد ما عندو الحق فيك غيرو
- ريتاج : نعرف والله و اناا تاني نحب نكون ملكيتك وحدك اماان ما تخلينيش عيشك
- ٱدم : متخافش منخليش روحي ارقد توا..
قربت مني و باستني قرب فمي
- ريتاج : ليلتك زينة..
تبسمتلها.. و جبدتها عندي حطت راسها على صدري قعدت نلعب بشعرها حتى هدات عرفتها رقدت.. نحبها والله نحبها.. طيبتها..حنانتها حتى تواضعها و حشمتها نحبهم فيها .. اليوم انا غلطت فحقها لكنها هي لي طلبت السماح.. كل يوم تزيد تكبر فعيني و نزيد نحبها.. عندها الحق أمي و بابا كي خيروهالي.. زوجوني ب لالات النسا.. بستها من راسها و غمضت عيني هزني النوم و انا مرتاح و مرتي فحضني ..
ريتاج تحكي :
مر 15 يوم بعد اكا الليلة.. حسيت بقيمة حبو ليا و غيرتو عليا.. انا نعرف غشو خايب.. بس والله مو مني دارها ولدي و خلصت انا ههه.. ليوم نهار جديد.. قمت صباح على السرير و هو يهتز.. تي شكون غيرو رسيم ولدي ههه ما يركحش جملة.. قاعد يلعب و ينڨز فوق السرير.. نخزرلو كفاش يضحك معايا لابس بيجامة ڨري يتقرمش فيها و شعرو طايح على عينيه.. تي يشبه لٱدم فكل شي كان لون عينيه ..
- رسيم : مامااا ميمي نا.. ماا ماا بيبا
سمعتو يهدر يحوس على الحليب هههه هلكني خاصة كي ربا السنان لي شيبني بمرضو وهو ينبت.. ولا يعضلي سدري ههه نموت مالوجيعة.. بصح منقدرش ما نمدلوش يشرب.. مادامو ولد السبع الشهور.. طلب مني طبيب نكملو العامين الكل من سدري و ممبعد نكملو بالبيبرون باش يشد صحتو..
- ريتاج : ايجاا ولدي نمدلك ترضع ايجا ياا عسل.. حملتو وحطيتو عندي نرضع فيه.. انا هكاكا و يصوني تلفوني لقيتها سيرين
- ريتاج : الوو سيرين عسلامة
- رمزي : عسلامة اختي ريتاج انا رمزي.. سيرين جاها سطر و ديتها للاكلينيك.. معرفتش وش ندير.. پليز تقدري تقولي لٱدم يجيبك لسبيطار والله مربوث
نسمع فصوتو مربوث.. مقدرتش نقولو لالا اصلا سيرين و البنات كيف خياتي
↚
الحلقة 37
- ريتاج : اكيد رمزي.. نقول لٱدم و نجو.. انت ما تتوترش.. تولد نشاله ادعيلها.. تكون بخير هي و بنتها
- رمزي : نشاله اختي ربي يخليك
- ريتاج : امين ايا بسلامة
علقت عليه و عيطت لٱدم لي كان فالخدمة.. عارفاتو مشغول و تاعب هاد اليمات اصلا يجي يتدوش و يحط راسو عندي و يرقد مالتعب.. لكن لازم عليه يوقف مع رمزي راو بمثابة خوه .. شوية و رفد عليا صوتو تاعب و مهدود
- ٱدم : روحيي
- ريتاج : حبيبي لباس. ؟
- ٱدم : بخير ريتاج بخير
- ريتاج : لا مكش بخير ٱدم من صوتك باين مهدود
- ٱدم : اممم والله الخدمة الكل تكدست على راسي
- ريتاج : ٱدم عيش الزين خود عطلة يومين برك يومين.. شد فيها حيلك و عاود ولي اخدم والله مش باهيلك الخدمة مش رح تهرب
و تطرشقت بالبكاا خايفة خايفة ياسر عليه كل حاجة عليه هو.. والله حتى هو عبد و يحس و يتعب
- ٱدم : يزي ريتاج علاش البكا دوكا.. والله بخير
- ريتاج : ٱدم خود برايي عيشك.. مرة برك اعمل لي قلتهولك..
- ٱدم : اوكي اوكي دوك ناخود عطلة .. قوليلي يخي انت علاش عيطتلي.. توحشتني فيسع
- ريتاج : علاش.. قلقتك؟
- ٱدم : و كاين واحد يقلق من روحو
- ريتاج : هههه مكااش.. ايه ٱدم توحشتك عندي برشا عليك
- ٱدم : هههه ششش دوك نلم روحي و نجي ناكلك
حشمت من هدرتو ههه حتى و هو بعيد عليا يأثر فيا..
- ريتاج : يزي ٱدم.. ٱدم اسمعني..
- ٱدم : نسمع فيك
- ريتاج : عيطلي رمزي من عند سيرين.. صوتو مربوث و طلب مني نروحو نوقفو معاه لأنو سيرين دخلوها تولد و هو خايف.. تقدر تجي نروحو ولا نروح وحدي
- ٱدم : ااه وي لازم نوقفو معاه راو خويا اداكا.. لا ترص فبلاصتك مسافة الطريق و نكون عندك.. وجد روحك و وجد رسيم معاك ندوه لعند سعاد و نروحو
- ريتاج : اوكي مرسي برشاا
- ٱدم : من غير مزية اياا سلام
علق علياا.. نضت بدلت حوايجي لبست سورية بلو سيال و سروال جين و باسكات .. درت لشعري ذيل حصان.. لاني نعرف ٱدم ميحبنيش نطلقو برا مالغري يوجعني.. مادرتش ماكياش لانو ٱدم ما يحبش و انا مانيش حابة نغششو ولا نتعاركو.. رفدت ولدي بدلتلو الكوش و لبستو سالوبات جين و باسكات بيضة كيما تاعي.. عملتلو ريحة و مشطتلو شعرو.. و وحدت كابتو فيها لبسة اخرى و فيها بيبرونو 🍼 و كوشو باش مايقلقش ماما سعاد.. .. انا هكاكا دخل ٱدم.. خزرت فيه.. عينيه ذابلين و مهدود عاللخر.. قربت منو بستو من شاربو بوسة خفيفة.. تبسملي
↚
الحلقة 38
- ريتاج : لباس
- ٱدم : اممم.. حاضرة
- ريتاج : اي حاضرة
رسيم غير شاف باباه ناض يعيط و يبكي يحب يروح عندو.. قرب منو رفدو
- ٱدم : و ولدي زين حاضر.. يا خي توحشني هو الحلو
رسيم يضحك عند ٱدم قرب منو و قعد يبوس فيه بوسات متقطعين ههه.. ولدي حتى البوس و تعلمو.. و ٱدم شايخ عليه.. حملو و خرج .. حطو فالسياج تاعو فالطونوبيل و جا رفد من عندي كابتو و راح ركب.. ركبت انا تاني و قصدنا ربي لعند سعاد.. طول طريق ساكتين.. انا عارفاتو تاعب ماحبيتش نزيد عليه.. بقيت ساكتة.. حتى وصلنا عند سعاد.. جيت هابطة قطع عليا ٱدم
- ٱدم : من غير ما تهبطي.. نعرف دوك تقعدو تشايخو و احنا طولنا على رمزي.. من غير منضيعو الوقت.. عملتلو براسي باهي.. هبط عند انو رافد معاه رسيم و الكابة قاللها بلي رايحين عند رمزي.. عاود وا ركب الطونوبيل و رحنا الاكلينيك .. لقينا رمزي واقف عند الصور و هاط راسو عليه باين خايف.. اول ما شافنا جا..
- رمزي : مرسي ريتاج كي جيتو
- ريتاج : من غير مزية.. كيفها سيرين توا
- رمزي : معرفش مزالهم يولدو فيها.. قرب رمزي من ٱدم و عنقو
- ٱدم : متخافش سيرين قوية.. رح تكون بخير.
- رمزي : انشاله خوياا
هما هكااك خرج الطبيب حامل طفلة فيدو رحنا جاريين لعندو
↚
الحلقة 39
حملتها انا من عند الطبيب و رمزي طاحو دموعو رح يجري عندو
- رمزي : و مرتي لبااس
- الطبيب : و لادتها كانت صعبة.. قلبها حبس مرتين و هي تولد.. لكن الحمدالله نجمنا ننقذوهم الزوز..
- رمزي : الحمدلله يا ربي.. ننجم نشوفها
- الطبيب : دوكا ما تنجمش.. كي ينقلوها للغرفة العادية تقدر تشوفها.. مبروك عليكم تتربا فعزكم
- ٱدم : مبروك صاحبي..
- رمزي : يعيشك خوياا
- ريتاج : هادي نزوجها لولدي ههه.. مبروك عليكم
- رمزي : هههه ايه و راح نصيب خير منكم ناسبهم..
ضحكو الكل.. قرب مني ٱدم شاف الطفلة و سلم عليها و وشوشلي فوذني
- ٱدم : وش رايك نجيبو اخت لرسيم
اناا حشمت و وشوشتلو
- ريتاج : أخ.. منجيبش طفلة اناا
ههه تصدم ٱدم من ردة فعلي
- ٱدم : علاش
: ريتاج : خاطر تولي تحبها اكثر مني و تولي تتلها كان بيها هي.. و تقوللها صغرونتي.. لوكان نجيب طفلة رح تفكلي پلاصتي عندك
- ٱدم : ههه يخي تغير من بنتك
- ريتاج : كي تجي انت فاللعب اي نغير منها..
- ٱدم : هههه نعشقك يا مغيارة
انا تبسمت و هبطت راسي..خرجت سيرين و دخلنا عندها
- ريتاج : على سلامتك.. مبروك عليكم
- ٱدم : مبروك سيرين.. خف روحك شد حيلك اي تستنا فيك بنتك
- سيرين : هه..هه الله يسلمكم
قرب منها رمزي باسها من شعرها
- رمزي : شنوة نسيموها روحي ؟
- سيرين : فرح نسميها فرح
- ٱدم : فرح رسيم بن عمران
الكل ضحك..
- رمزي : هههه ٱدم زوجهم سايي
- سيرين : هههه مبروك على ولادنا..
خرجت سيرين من اللاكلينيك بعد ما عاونتها ديناها لدار عجوزتها طاطا كريمة.. و بعد ما طمنا عليها رحنا جبنا رسيم و قصدنا ربي للدار.. اول ما وصلنا للدار كان رسيم معشي و راقد رحت حطيتو فالبيت.. بدلت حوايجي.. لبست روبة قصيرة تاع النوم و خفيفة.. ٱدم كان كل ما يشوفها يقولي اديكا البسيهالي كان ليا هههه.. هبطت دخلت وجدت العشا.. و عيطت لٱدم لي كان فالصالة متكي و مغمض عينيه يتعشا معايا.. تعشينا. و طلعنا نرقدو .. كي تكسلت باش نرقد.. لقيت ٱدم احمر و يسيل بالعرق.. يغمض عينيه و يحلهم .. مسيت جبهتو لقيتو يغلي بالحمى.. هبطت نجري للكوزينة نفركس على حربوشة دواء تهديه.. لقيتها فيسع مع كاس ما.. و حطيت في طاسة ما بارد معاه ڨلاس و منشفة و طلعت لعندو.. لقيتو كيما خليتو يأن مالحمى و يناديلي
- ٱدم : ريي..تاج..
- ريتاج : هاني يا روحي ني جيت.. قربت منو قعدتو و نحيتلو تريكوه.. خليتو من غير مريول
↚
الحلقة 40
و عطيتو يشرب الحربوشة
- ريتاج : ٱدم.. قوم عاوني.. هاك اشرب الحربوشة هادي تخف عليك الحمى.. قربتها من فمو هي و الكاس تاع الما.. جوست شربها و عاود غمض عينيه و اتكا.. كسلتو.. شمخت المنشفة فالڨلاص و حطيتها على راسو.. حس بيها باردة حل عينيه و عاود غلقهم..
- ٱدم : ري.تاج برردان
زدتلو غطا و غطيتو مليح و قعدت نبدل فالمنشفة حتى شفتو هدا عرفتو رقدت .. و انا مالتعب رقدت فالارض و راسي جنب راسو...
ٱدم يحكي :
قمت صباح نحل فعينيا بالسيف.. راسي رزين و شيطرشق مالوجيعة.. حسيت شي فوق راسي.. دورت راسي لقيتها قاعدة فالارض و حاطة راسها فوق يديها جنب راسي.. تفكرت البارح كي وقفت معايا و ما رقدت كان وقت رقدت اناا... قمت مپلاصتي بالعقل باش منفيقهاش.. حملتها و شنحطها فوق سرير حلت عينيها.. تبسمتلها
- ريتاج : صباح الخير .. و حطت يدها فوق جبهتي : اياا لباس اي خفت عليك الحمى
قربت منها بستها من راسها
- ٱدم : بفضلك يا صغرونة..
- ريتاج : من غير مزية راك الكل فالكل.. استناني نهبط نوجد الفطور و نجيك
- ٱدم : لا اناا مليح انا نوجدو و انت ارقد راك الليل الكل ساهرة
- ريتاج : لا ٱدم مكش مليح.. لبارح تاني قتلي مليح و لقيتك تقلي مالحمة.. ٱدم خود عطلة اسبوع ارتاح فيها و عاود ولي الخدمتك والله مش هاربة
- ٱدم : ههه عيشو لي يخاف عليا هو.. وي خديتها العطلة يا لالة و شنتلهى بيك.. و تبسمت بسمة خبث
- ريتاج : متخزرش فيا هكااك.. اااع جات هاربة حكمتها من يدها..
- ريتاج : اععع ٱدم ابعدني هههه
- ٱدم : هاني حكمتك وين عندك هاربة مني تواا.. و قربت منها باش نبوسها.. انا نقرب و هي توخر حتى لسقت فالحيط.. حصرتها و قربت شفافي لشفافها.. انا حطيتهم و اووب يقطع عليا ولدي هههه فاحم بالبكا.. فكت روحها مني و هربت ليه حملاتو و وجهها احمر - ٱدم : هههه او رسيم انقذك هاد المرة.. مي معندك وين تهرب مزال اليمات و غمزتها..
تبسمتلي و حطت رسيم ترضع فيه.. و انا دخلت عملت دوش و لبست شورط كيالعادة من غير مريول
- ريتاج : ٱدم البس مريولك الحال بارد الشوية و انت مريض
- ٱدم : حاضر حاضر .. هاني شنلبس..
- ريتاج : عيشو لي يسمع الكلام هو ههه
كملت رضعت رسيم حملتو من عندها و هبطت نوجد الفطور حتى تخرج هي مالدوش... كملت ريتاج دوشها و هبطت.. قعدنا ناكلو و شايخين على رسيم كفاش ياكل و يلاغي.. حتى قصت عليا ريتاج
- ريتاج : ٱدم
- ٱدم : روحوو
↚
الحلقة 41
- ريتاج : ٱدم اليوم يجي بابا من السفر و اناا.
- ٱدم : و انت شنوة
- ريتاج : حابة نروح نزورو و الله عندي شحال عليه توحشتو
- ٱدم : اي هدا لي بيك.. تو حضر روحك نروحو نزوروه
- ريتاج : ايه بصح أنا حابة نبات حذاه يومين كان...
قاطعتها قبل ما تكمل كلامها.. مستحيل نخليها تبات بعيدة عليا الدار سامطة بلا بيها
- ٱدم : لا ريتاج مستحيل انسى تبات فدار غير دارك..
- ريتاج : بصح انا منيش رايحة لكاش پلاص جوست توحشت بابا.. و طرشقت بالبكا
- ٱدم : يزي يزي متبكيش ايجا عندي.. قربت منها نمسحلها فدموعها و نحكي فرد وقت
- ٱدم : نعرف والله نعرفك متوحشاتو.. اما مستحيل ترقد بعيد عليا.. وش رايك نروحو عندو مصبح حتى لليل و نروحو
عملتلي براسها باهي
نعرف انها حابة تروح تبات عند باباها لكن منعرفش علاش مقبلتش تروح و تخليني يومين الكل وحدي..
- ٱدم : هياا مالة. كمل فطورك و اطلع غير تيابك.. انا راني مع رسبم عند الباب
خليتها و قمت حملت رسيم و خرجت حطيتو فالسياج تاع الطونوبيل و ستنيتها تجي...
ريتاج تحكي :
تغششت منه شوية مهما كان لازمو يدير فيا ثقة اناا راني حنبات فدار بابا مش فدار صحبتي
↚
الحلقة 42
معليش المهم قرر يديني.. مش لازم نبات المهم نطمن عليه و نحي وحشي منو .. طلب مني نطلع نغير ملابسي.. جوست طلعت للبيت طرشقت بالبكا.. منعرفش علاش.. يمكن خاطر حسيتو مش داير ثقة فيا.. بكيت حتى تعبت.. مسحت دموعي و رحت غيرت حوايجي.. لبست روبة فلوري طويلة و باسكات بيضة مع فيستة جين.. لميت شعري حملت تلفوني و كابة رسيم و خرجت.. معملتش مكياش منيش حابة نتعارك معاه و لا نسمعو اصلا ما زلت مغزلة منو.. رحت لقيتو لابس سروال جين و سورية بلو نوي و باسكات ماشط شعرو و حاط الريحة.. ماو اكيد غير حوايجو فالبيت مدامني انا غيرتهم فالدوش.. نشاله برك ما يكونش سمعني نبكي.. بقا يخزر فيا و متحركش من پلاصتو.. توترت من غزرتو ليا.. طلعت راسي.. قرب مني و وقف قدامي.. طابس عليا و باسني بوسة خفيفة
- ريتاج : ياخيي هبلت الناس تخزرلنا
- ٱدم : مرتي و انا حر
سكت و مشيت ركبت و خليتو.. زاد شوية و جا ركب بقا يسوڨ و هو ساكت.. حتى نطق
- ٱدم : سامحني
غزرتلو مستغربة
- ريتاج : على شنوة
- ٱدم : شوف ريتاج.. نعرف انك متغششة مني خاطر مخليتكش تبات عند باباك
- ريتاج : لا ع...
قص عليا و كمل يحكي
- ٱدم : اششت.. ريتاج انا مش مخليتكش تروح تبات عند بوك معناتها مش داير فيك ثقة.. بالعكس ثقتي بيك عميا ماك انت روحي و حياتي.. اما انا منقدرش نرقد و انت مش فحضني.. سامحني عيش صغرونتي
تبسمتلو و قربت منو بستو من خدو و عنقتو بالقاوي.. يعجبني كي يفهم شبيني من غير منتكلم.. ههه و يعرف يرضيني زادة.. تي نحبو نحبو ..
جبدت روحي منو و كمل يسوق و بيد و شايدلي يدي بيد اخرى.. وصلنا و هبطنا فتحلنا بابا
- بابا : يووو شكون جاني عسلامة.. توحشتكم برشا
- ريتاج : هههه مام حنا توحشناك بابا شنوة حوالك
- ٱدم : عسلامة عمي لباس
- بابا : لباس ولدي الحمدالله تفضلو.. دخلنا للدار قعدت مع بابا و ٱدم نشايخو و رسيم لي محبش يطلق بابا هههه ولدي ما ينكرش.. قمت حضرت الغداء و الرجال قاعدين فالصالة يحكيو على الخدمة.. تغدينا.. جاز الوقت تمتم.. نهار يهبل طيرت وحشتي من بابا.. طاح اليل و طلب مني ٱدم باش نروحو.. سلمنا على بابا و قصدنا ربي للدار.. وصلنا حطيت رسيم فپلاصتو.. غيرت حوايجي.. و ٱدم تاني و جا تكسل عندي حط راسو فحجري و نا نلعبلو بشعرو حتى رقدنا الزوز
↚
الحلقة 43 و الأخيرة
بعد سنتين :
مرت الايام تجري من ٱخر مرة حكيتلكم عليها.. اليوم عندي خمس سنين زواج من ٱدم..ولدي صار عندو اربع سنين.. صار يتكلم و يمشي.. تي يجري هههه.. ميحكمش پلاصة ..دخلتو يقراا فالحضانة.. و صار طايح فبنت عمو رمزي فرح ههه من لي يجي و هو يحكي عليها.. ههه ولدي عاشق.. طبعا ٱدم يديه و يجيبو.. ههه انا منخرجش من الدار كان معاه.. قال شنوة غيور ههه.. تي نا نعشق غيرتو و حزرتو عليا..و خوفو عليا خاصة و انا حامل فشهري الخامس.. ايه انا حبلة ببنية.. صحيح كي نتفكر انه ٱدم رح يحبها اكثر مني نتغزل لكن تبقا بنتي لي نموت عليها.. يعجبني ٱدم كي يبدا يفركهم عليا و يبينلي انه هو يحب بنتي اكثر مني.. و نطرشق بالبكا هههه.. وحمي ب مريم بنتي جا كلو على رسيم و ٱدم.. تي مدابيا من قدامي ميزغدوش.. والله شيبتهم الزوز.. رسيم غيرتو من اختو بدات من دوكا.. تي ماو طالع لبوه.. فهاد العامين بابا توفا.. ايه فقدت اعز شخص على قلبي بعد ماما الله يرحمها.. صح تهديت و مقدرتش نصبر على فراقو.. لكن ٱدم و رسيم و عايلة ٱدم عوضولي غياب بابا و حنانو.. والله معتابريني اكثر من بنتهم و انا زادة دايرتهم كي عايلتي.. ٱدم ولا كل ما يشوف انه خدمتو كثرت عليه و باش يطمن عليا يديني عند ماما سعاد ولا لدار جداتو و نقعد مع البنات نشايخو و نحكو على صغرنا و خاصة ٱدم هههه كان مطيار و ابو مصايب.. ايه هادي هي عايلتي حكيتلكم عليها من صغري لحتى لٱن.. نشاله تكون عجبتكم حياتي.. انا كتبتهالكمش باش تجوزو بيها الوقت برك.. باش تاخدو منها عبرة أنه مهما كان قرار والديكم فهو لمصلحتكم.. و انه دايمن لازم ترضاو بواش مكتبلكم ربي.. فهو لن يخذلنا ابدا.. كملت كتبت و غلقت مذكرتي.. لي خليتها لولادي كي يكبرو يقراو حكاية بوهم و امهم و يتأكدو انه المكتوب جمعهم و خلاهم يحبو بعضهم.. اناا هكاكا و نحس بيدين دارو على كرشي و نشوف ف رسيم جاي يجري عندي.. شكون غيرهم.. انها عائلتي الصغيرة
النهاية ...
