الكاتبة: كاراميلا
الحلقة 01
مراحش نقول كيفاش جازت خطبتي ولا كيفاش تعرفت عليه، اصلا منعرفوش، حكايتي هي أنو أنا يتيمة الأب و عندي ماما تخاف عليا لدرجة حابة تزوجني و انا صغيرة، جبت الباك بدات تسنا فالخطابة يجو ليا و أي عرس تحضرني فيه غير باش يخطبوني، جا عرس جيرانا بدات المحاضرة تع ماماتي كي العادة لازم تكوني رزينة و تعاونيهم و تشطاري ووو ... كي رحت للعرس كانت وحدة من ولاية بعيدة علينا حابة تخطب لوليدها و عجبتها هدرت مع ماما عليا و وافقت بطبيعة الحال لحاجة لي نعرفها عليه هو عندو شركة تصنيع ولا منعرف تع باباه و ورثها هو بعد موت أبوه ربي يرحمو، هو وحيد أمو و يسكنو في فيلا خيرهم الله يبارك يعني هذا لي خلا ماما تقبل و تقولي ضمنت مستقبلك مع أنو راح نكون بعيدة عليها ...
الحلقة 02
انا إلهام عندي 19 سنة شعري طويل حرير لونو شاتان و جاية بلوندة ماني طويلة ماني قصيرة، ماما زهرة 50 سنة، و لي خطبتني اسمها مريم 55 سنة، و لي راح نتزوج بيه اسمو طارق 27 سنة منعرفش شكلو
نروح بيكم ليلة عرسي ...
خارجة من لاصال بلاغوب بلونش و البرنوس على راسي زغاريت النسا و بكا ماما عليا و انا عليها راح نبعد عليك يا لعزيزة
زهرة : تهلالي في بنتي نور عيني ربي يحفظك أمنتها عندك
طارق : بلا متوصي نتهلا فيها خالتي
زهرة : ربي يحفظك ارواحو نسلم عليكم
إلهام : بالاكي على روحك أماما
ركبنا طوموبيل تبان فاخرة و رحنا و أمو جات مع وليد لوسها لطفي مورانا فطوموبيل تان شابة
وصلت لدار بعد 5 سوايع عيانة ميتة هبطت في دار كبيرة من 2 ايتاج جاغدان روعة ... اه يا زهري هذا وين شفت فيا هههه
طلعت للبيت مزال مسمعتش صوتو غير دخلت لشومبرا نطق
طارق : علاش قبلتي تتزوجيني
هنا طلعت راسي نشوف فيه كفاش عيط هكا و كانت أول مرة نركز فيه زينو الله يبارك طول كوغ يهبل و لحية مطراسية شعرو علامة ههه فيقني كي عيط قال : سقسيتك جاوبيني
إلهام : أنا أنا ...
حكمني من وجهي بيدو لي قدر يخسرلي خليقتي و زيرني على الحيط
طارق : أنا ليوم ديتك في خاطر يما نتي فسدتيلي حياتي ڨاع كنت راح ندي لالاك نتي وحدة متخلفة ماشي من مستواي لبستك (و بيدو لوخرا اشر على لبستي) تعيف بصح (بدا يمشي في يدو عليا) هذا الكوغ يشهي واش رايك نذوق منو و منها نجوزو ليلة العمر مي مشكيتش كيما تمنيتيها
طبعني على السرير و انا نبكي و نترجا فيه ميديرش لي في بالي : الله يعيشك حبس نحكي معاك واش رايح دير نحكي و نبعد للور فوق البونك قفز عليا كي الكلب الجيعان مخلاليش غتصبني ايه ليلة عرسي غتصبني راجلي دخلو فيا ضربة وحدة صوتي تقطع و انا نعيط نفس راحتلي وقف قالي : نشا الله هذي البداية تفهمي بيها واش مزال يستناك
الحلقة 03
خرج و خلاني نتلاوح في دموماتي لحظة لي عرفت بيها دخلت للجحيم ماشي قفص ذهبي ساعة قاعدة نستوعب اللي صرالي نضت بعدها مهدودة فشلانة خلاص ماش قادرة نتحرك رحت بسيف لدوش دخلت تحت ما سخون ماشي حاسة بيه قد ما نار قلبي شاعلة، حبيت نظف العفن هذا لي مس جسمي بعدها ما بارد نطفي نار لي فيا.
لبست جبة طويلة على الاقل مانيش حابة نشوف ليطراس لي خلاهملي الوحش هذا، لميت شعري و خرجت عينيا منفوخين شفت السرير الابيض لي ولا حمر زادو دموعي ينزلو رحت خملت هذاك الهم و غسلت الدرا هاديك و هبطت خايفة منو منيش حابة نشوفو، روحي عايفتها، هبطت كانت دار كبيرة لتحت كوزينة و صالون و توالات و دوش
و لفوق شنابر و كل شونمبرا فيها دوش و توالات شفت مكاشو فدار تهنيت كانت 10 تع صبح دخلت للكوزينة شفت الفريجيدار فيه كل خير رحت شمرت على يديا درت شربة ماسيدوان و مثوم و ڤغاتان قلت معليش لازم واجباتي كزوجة خايفة كاش ميديرلي كثر، كملت على 12 طيابي نسنا يجي مجاش لحقت الوحدة اذن ظهر صليت و دعيت ربي يفرج همي، و كي لحقت الزوج و كان مازال ماجاش عرفتها مراحش يجي اصلا رحت فطرت و خبيت اللي بقا.
