مقدمة
سيرين بنت عاشت طفولة محرومة من يماها لي هربت مع عشيقها و خلاتها مع باباها و خوها لي كبير عليها، سيرين طفلة حزينة و عندها السر في زينها، حلوة سمرة شعرها كحل واصل لخصرها و عينيها كبار و كحل كل حاجة فيها تجذبك، عمرها 23 سنة حبسوها من قرايتها تخدم مع صحبتها فريال عشيرتها من صغر في حانوت يبيعو حوايج نسا باباها تزوج مع مرا وسمها قدوة تكره سيرين و هادي المرا مطلقة و عندها طفلة في عمر سيرين هي صح زينة العين الخضرة و الشعر الصفر بصح الشر خلاها ماشي شابة ... خو سيرين لي اسمو محمد مزير ختو و يضل يضرب فيها هو و باباها كي تحرشهم مرت باباها.
البطل ياسر احد اكبر العملاء فالبلاد يملكو الاراضي و الشركات و الحوانت من بينهم الحانوت لي تخدم فيه سيرين و فريال مايحبش المخالطة عاقل لكن مغرور هو تان ما عندنا ما نقولو فيه عينيه خضر و شعرو صفر و جاي سمر.
الحلقة 01
قدوة : نوضي يا لموصيبة لي حصلت فيا، يماك راحت و انا نضل نوكل فيك نوضي للخدمة باش تمديلي دراهم نشري حوايج لكنزة ختك
هي ناضت مرنكة كامل مش حاملة روحها
سيرين : راني نايضة يا ربيي
ناضت هي ماعندهاش حوايج بزاف كيما اختها اصلا مايتهادروش و ماشي دايرنلها خزانة تحطهم فوق لكرسي لبست تريكو بيض فولاغ و سروال جين و صندالة و طلقت شعرها ماديرش لماكياج خوها مايحبش ...
راحت وجدتلهم فطور فطرو جات صحبتها فريال راحو يخدمو حتى شافت مرت باباها جايزة عليها
فريال : يااه ليك هاديك ماشي الكلبة تاع مرت باباك؟
سيرين : ياه صح وين رايحة هادي مش عوايدها
فريال : روحي تبعيها و انا نشد في بلاصتك
راحت تبع فيها و تقول في قلبها ما نعرف واش اي تخطط حتى دخلت لراجل يكون عمرو 40 هكاك قعدو يشيخو و يهدرو هي تسمع و مخلوعة دموع يهبطو وحدهم
قدوة : اسمع لازم تصيبلي يماها باش نهددها بيها
سعيد : ما تتقلقيش غير هي لي نجيبهالك و المعلومات لي جبتها تفيدنا باش تمدلنا الورث تاعها
قدوة : واش من ورث!
سعيد : اسمعي يمات سيرين راهي عايشة فالخارج و عندها الملاير و الورث رايحة تكتبو باسم بنتها كي تصيبها
قدوة : هكا مالا يا فوزية غير نا لي ندي الورث ...
سيرين سمعت كلش نخلعت مامنتش بلي يماها تحوس عليها و مرت باباها تدير هكا، راحت تجري للحانوت تبكي عنقت صحبتها حكاتلها كلش نخلعت قاتلها روحي ريحي و غدوة نهدرو و نخمو في كاش حل
↚
الحلقة 02
ناض ياسر راح دار سبور و ولا لقاهم حطو لفطور فطر معاهم و هو ساكت يحب لهدوء حتى قاتلو يماه كاش جديد في الصفقة الجديدة قالها كل حاجة في بلاستها قاتلو هكا نحب وليدي يرفعلي راصي ميغسي يما حتى جات ختو
مريم : صباحو ماما ليوم نروح ندير شوبينغ انا و سلوى صديقتي
كريمة : روحي يا بنتي و مطوليش بسك نخاف عليك باستها و راحت
_عند سيرين_
ناضت بكري يعني مارقدتش من تخمام كيفاه تدير عيطت لفريال قاتها اي جايا ليها باش يتلاقاو ...
فريال : حبي كيفاه راكي؟
سيرين : كيما راكي تشوفي صدمة مور ختها
فريال : ماتخميش شوفي كيفاه نديرو
مدتلها لخطة فرحت بزاف سيرين بسك خطة باش تصيب يماها لي تحرمت من حضنها و هي ماهيش عارفة لا ميتة ولا حية لانو باباها كذب عليها و خوها لي مزير تان موش عارف مساكن تحرمو من حضن لي ناس ڨاع يمتلكوه هو حضن الام
راحت تتمشى وحدها فالبحر حتى شافت واحد بقلاوة سرحت فيه بصح كي شافت قدامو طفلة شابة شادها من يدها عرفت بلي حنونتو و زعفت ...
ياسر : اوووه اخطيني يا ملاك ما نحبكش افهمي
ملاك : مدلي فرصة برك يعيشك
هو يهدر حتى دور وجهو شاف طفلة شابة واقفة تبان ملاك فوق الارض من اول نظرة طاح فيها هو هكاك حتى جات شدتلو يدو ملاك بلعاني باش سيرين تفهم روحها ... سيرين راحت بلا ماتشوف بلي ياسر ضرب ملاك بكف باش تبعد عليه
راحت سيرين للدار فرحانة بانو غدوة خطتها تتنفذ هي في فرحتها حتى يدخل باباها عليها
كمال : اسمعي بطلي هاذي الخدمة خلاص انا نصرف عليك
سيرين : كيفاه بابا و حياتي مصروفي تعيش بابا لالا
موراه قدوة و كنزة يغزرو فيها باينة حرشوه
كمال : كلمتي ما تتعاودش
سيرين : اوك بابا مايكون غير خاطرك ... خرج و هي ترمات تبكي حتى رقدت جابتها الفطنة تيليفونها يصوني
المتصل : الو نتي هي سيرين
سيرين : نعم شكون معايا
المتصل : ماكيش تعقلي انا نصرو لي حبيتوني نعاونكم في هذيك القضية
هي ناضت تجري
سيرين : ايه عرفتك
تفاهمو على البلاصة راحت عيطت لفريال و راحو ليه ...
نصرو : الو وي صحبي وي راني قبلت عرضها هي و صحبتها بصح انا ما نقدر نعاونها في والو نتا قتلي اقبل
ياسر : انا عجبتني الطفلة و هي جات برجليها نعاونوها و ندو واش نحبو نتا صحبتها ليك وانا هي ليا نتا واش رايك
نصرو : ايه قولي هكا صحبي لغالي ههههه، نعاونوهم و تشوفو واش يمدولنا فلمقابل
ياسر : ايواه هكا نحبك صحبي ...
نصرو : بصح صحبتها دخلت قلبي يا زح كيفه نديرو هكا فيهم
ياسر : هوما جاو لينا اصلا حنعاونهم و هوما معندهمش دراهم يمال واش نقولولهم يديرو ياك صحبي
نصرو : اوكي صحبي راني معاك ...
راني عارفة مافهمتوش واش كاين ذوك نفهمكم
_نهار دارو خطة سيرين و فريال_
فريال : شوفي نعرف واحد يقدر يجيبلنا معلومات على يماك باش نسيبوها
سيرين : شكون هذا
فريال : نصرو لي يخدم في الشركة عندو العرف و هو كونفيونس و تان يظل يحاول يهدر معايا سافي مايرفضليش طلب واش رايك !
سيرين عنقتها و قاتلها جامي ننسالك خيرك طبعا موافقة ....
نصرو : الو فيفي نقدر نجيبلكم معلومات على هاديك المرا بصح ماشي وحدي مدير الشركة قبل يساعدكم بلا دراهم و راح نديرو موعد حنا الربعة واش قررتي ؟؟؟
فريال : طبعا ميغسي نصرو
نصرو : و لو ما بينتناش الشويبة
فريال : وينتا الموعد ؟؟
نصرو : غدوا على 10:00 نشاله
فريال : نشاله ميغسي باي
↚
الحلقة 03
ناض ياسر راح دار سبور و ولا لقاهم حطو لفطور فطر معاهم و هو ساكت يحب لهدوء (كيما نا نحبو) حتى قاتلو يماه كاش جديد ف القفقة الجديدة قالها كل حاجة ف بلاستها قاتلو هكا نحب وليدي يرفعلي راصي
ميغسي يما
جات ختو
مريم : صبااحووو ماما ليووم نروح ندير شوبينغ انا و سلوى صديقتي
كريمة : روحي يا بنتي و مطوليش بسك نخاف عليك باستها و راحت ...
عند سيرين
ناضت بكري يعني مارقدتش من تخمام كيفاه تدير عيطت لفريال قاتها اي جايا ليها تلقاو ...
فريال : حوبي كيفاه راكي !!
سيرين : كيما راكي تشوفي صدمة مور ختها
فريال : ماتخميش شوفي كيفاه نديرو...
مدتلها لخطة فرحت بزاااف سيرين بسك خطة باش تصيب يماها لي تحرمت من حضنها و هي ماهيش عارفة لا ميتة و لا حية لانو باباها كذب عليها و خوها لي مزير تان موش عارف مساكن تحرمو من حضن لي ناس ڨاع يمتلكوه هو حضن الام
↚
الحلقة 04
راحت تتمشى وحدها فالبحر حتى شافت واحد بقلاوة سرحت فيه بصح كي شافت قدامو طفلة شابة شادها من يدها عرفت بلي حنونتو و زعفت ...
ياسر : اوووه اخطيني يا ملاك ما نحبكش افهمي
ملاك : مدلي فرصة برك يعيشك
هو يهدر حتى دور وجهو شاف طفلة شابة واقفة تبان ملاك فوق الارض من اول نظرة طاح فيها هو هكاك حتى جات شدتلو يدو ملاك بلعاني باش سيرين تفهم روحها ... سيرين زاحت بلا ماتشوف بلي ياسر ضرب ملاك بكف باش تبعد عليه ( شاااااحححححح)
راحت سيرين للدار فرحانة باسكو غدوة خطتها تتنفذ هي في فرحتها حتى يدخل باباها عليها
كمال : اسمعي بطلي هاذي الخدمة خلاص انا نصرف عليك
سيرين : كيفاه بابا و حياتي مصرووفي تعيش بابا لالا ... موراه قدوة و كنزة يغزبو فيها باينة حرشوه
كمال : كلمتي ما تتعاودش
سيرين : اوك بابا مايكون غير خاطرك ... خرج و هي ترمات تبكي حتى رقدت جابتها الفطنة تلوفنها يصوني
المتصل : الو نتي هي سيرين
سيرين مستغربة : نعم شكون معايا
المتصل : ماكيش تعقلي انا نصرو لي حبيتوني نعاونكم ف هذيك القضية
هي ناضت تجري
سيرين : ايه عرفتك ... تفاهمو على البلاصة راحت عيطت لفريال و راحو ليه ...
↚
الحلقة 05
نصرو : الو وي صحبي وي راني قبلت عرضها هي و صحبتها بصح انا ما نقدر نعاونها ف والو نتا قتلي اقبل
ياسر : انا عجبتني الطفلة و هي جات ب رجليها نعاونوها و ندو واش نحبو نتا صحبتها ليك وانا هي ليا نتا واش رايك (تخمام مسوفج )
نصرو : ايه قولي هكا صحبي لغالي ههههه نعاونوهم و تشوفو واش يمدولنا فلمقابل
ياسر : ايواه هكا نحبك صحبي ...
نصرو : بصح صحبتها دخلت قلبي يا زح كيقه نديرو هكا فيهم
ياسر : هوما جاو لينا اصلا حنعاونهم و هوما معندهمش دراهم يمال واش نقولولهم يديرو ياك صحبي
نصرو : اوكي صحبي راني معاك
راني عارفة مافهمتوش واش كاين ذوك نفهمكم
نهار دارو خطة سيرين و فريال
فريال : شوفس نعرف واحد يقدر يجيبنا معلومات على يماك باش نسيبوها
سيرين : شكون هذا
فريال : نصرو لي يخدم ف الشركة عندو العرف و هو كونفيونس و تان يظل يحاول يهدر معايا سافي مايرفضليش طلب واش رايك !
سيرين عنقتها و قاتلها جامي ننسالك خيرك طبعا موافقة ....
نصرو : الو فيفي نقدر نجيبلكم معلومات على هاديك المرا بصح ماشي وحدي مدير الشركة قبل يساعدكم بلا دراهم و راح نديرو موعد حنا الربعة واش قررتي ؟؟؟
فريال بفرحة : طبعاااا ميغسي نصرو
نصرو : و لو ما بينتناش الشويبة
فريال : وينتا الموعد ؟؟
نصرو : غدوا على 10:00 نشاله
فريال : نشاله ميغسي باي
↚
الحلقة 06
ناضت سيرين صباح ناشطة فرحانة لانو حتقدر تلقا يماها لي ماتتذكرش وجهها، لبست غوب ا فلوغ بلو نوي و دارت كعكة ف شعرها و لبست باسكات... خرجت من شومبرا صابتهم ڨاع في صالون دارو ليها ناض خوها وين رايحة يا لالا صباح ربي
سيرين : راني رايحة نقضي مع فريال ام جاين يخطبوها
محمد : يخطبوها كيفاه!!! (يحبها)
سيرين : وي نروح نحضر معاها و نجي مور العشا بابا معليش
كمال : شوفي يماك قدوة اذا تخليك
سيرين : قبل ما تنتق ...
قدوة : ايه روحي اوموا يشوفك خوه تعجبيه نتهناو منك
سيرين و هي مقلقة : ميغسي ...
راحت لفريال بيفيه وصلت ليها بسك تسكن قدامها صابتها واجدة عيطت لنصرو ...
فريال : صباح الخير نصرو
نصرو : صباح الفل و الياسمين لاغلى وردة
كان قدامو ياسر قرصو مت يدو باش يفطن ناض يجري ... جاوبها قاللها سمحيلي غلطت و قاعد يتلعثم فالهدرة
فريال : وين نتلقاو ... تفاهمو و كوبات
فريال : سيرين راني حاملاتو في خاطرك يعني هو صح بوڨوص بصح يظل من طفلة لطفلة
↚
الحلقة 07
ياسر متكي على لبيرو يتفكر في وجهها البريئ هو عمرو لا نوا يعمل في طفلة هكا هو برك عجباتو و حب يتقرب منها و الغرور و التكبر زادوه صافي ناوي على الشر ناض راح مع نصرو يتلقاو ...
راحت سيرين و فريال يتلقاو هوما بنصرو و مش عارفين المدير شكون...
فريال : ياه شوفي سيرين المدير شحال شباب ...
سيرين غزرت و تفكرت وين شايفاتو
سيرين : ياااه شكووون!! هو تان شافها بصح ماتشوكاش بسك يعرفها
نصرو ولاو عينيه قلوبا كي شاف فريال مام هي ... راحو ليهم
فريال : سلام
نصرو : سلام فريال، سيرين نعرفكم بصاحبي و مدير الشركة لي حيعاونا باش نلقاو يماك ياسر ... ياسر هاذي فريال و هاذي سيرين
سيرين كي خمست مع ياسر حست برعشة فجسمها ذابت ف عينيه، و هو كتر لكن غرورو غلبو نحا يدو و قالهم ...
ياسر : نعاونك باش تصيبي يماك يا سيرين بصح بشرط
سيرين مستغربة : لي هو !!
ياسر : تولي نتي سكرتيرتي واش نقولك تديريلي و صحبتك سكرتيرة نصرو واش رايكم
سيرين : ماكاش كفاه دارنا ميحبوش
فريال : و انا نبطل خدمتي
ياسر ناض : من لغدوة تخمو اذا قبلتو مرحبا بكم غدوة تخدمو عندنا و اذا لالا كل واحد ف طريقو ...
نصرو مخلووع راح تبعو ...
↚
الحلقة 08
فريال ساكتة عارفة انو صحبتها راهي مقلقة ...
سيرين : امشي ورايا
فريال : وين رايحين ... مشات موراها راحت سيرين حبستهم قبل ما يروحو و راحت لياسر
سيرين : اسمع يا سي ياسر انا صح فقيرة و بدون ام و راني محتاجة لي يعاوني لكن انا و صحبتي جامي نخدمو سكرتيرات عند تلميحك واضح بقولك تديرولنا واش نقوللكم علاه واش راك تشوف فينا بلا شرف !!! انا طول عمري شريفة و نبقا شريفة و جامي نتعاون مع واحد مغرور كيما نتا راحت خلاتو مخلوع راح يجري شدها من يدها طلقاتو قاتلو واش تسحق قالها خلاص نعاونك و تخدمو عندنا سكرتيرات كيما لخرين مش كيما قتلك واش رايك ؟ خزرت في صحبتها لي تترجاها بعينيها تقول ايه ...
سيرين : قبلنا لكن واحد ما يفوت حدودو، يخلاص عام و نحبسو نكونو سددنا دينا كي عاونتونا موافق ؟
ياسر : موافق ...
راحت هي و فريال
فريال : سيرين وين جاتك الجرٱة يا جدك نحبك مزيا وقفتيه عند حدو نعرفك قوية
سيرين : هو طعني بشرفي و انا طعنتو فغرورو باش يتربا ويعرف الفقراء مش كلهم طماعين ...
نصرو : طلعو مشي قلال حتى سيرين قالت كلام يعبر عن قوتها
ياسر : مممم، خليها تهدر مازال ما عرفتنيش
نصرو : بصح كيفه سكتلها يا صحبي
ياسر : ماتتقلقش هذا هدوء قبل العاصفة
↚
الحلقة 09
راحت لدار مو ما تعشات عند صحبتها هي حلت لباب صابتهم مدابزين هوما شافوها سكتو
سيرين : خير كملو علاه سكتو بانة تهدرو عليا
كمال : اقعدي بنتي اقعدي
سيرين استغربت : واش هاذ الحنانة بابا خير نشاله
كمال : شوفي ماكالاه تقلعي توغي جا واحد طلبنا منك هو صغير و شباب و محترم و مرفه يعيشك فالعز و الدلال عمرو 27 و اسمو ياسر
سيرين قالت في قلبها صدفة فالاسموات محال يكون هو ... بصح يا بابا مازالني صغيرة و حابة نخدم و واش يضمنلي فيه بلي عاقل ماشي صح فالدراهم
كمال : خلاك تخدمي و كلمتي ماتتعاودش خلاص غدوة جاي هو و امو و ختو يشوفوك و نتفاهمو على الخطبة راح و خلاها حايرة ...
سيرين : يا خويا اهدر معاه مانيش قابلة
محمد : ختي صح نحبك بصح الله غالب كلمة بابا ارضاي بمكتوبك
بدات تبكي حتى نطقت كنزة
كنزة : لوكان شفتيه تقبلي هذاك الزين و مرفه وين صتيها ياخي حالة ياخي (الغيرة تنتق)
قدوة : تقبلي و لالا خلاص بباك مد كلمة الحمد لله راح نتهناو منك نتي سباب المشاكل كيما يماك لي هربت ... ناض سيرين تجري لشمبرتها تبكي فوق فرشها عيطت لصحبتها حكاتلها كلش.
فريال : حنونتي ما تتقلقيش شوفي غدوة كي تشوفيهم و كامل بلاك يعجبك
سيرين : نشالله برك يكون هايل
فريال : نشاله حنونتي ايا بونوي
سيرين : باااي
↚
الحلقة 10
ناضت صباح على الحس كي كانت مرت باباها تنظف و تخبطلها فالباب بلعاني باش تنوض ناضت مغمضة ڨاع غسلت وجها راحت فطرت غسلت الماعن راحت لصالون صابت بابها و كنزة
كمال : هاكي دراهم اشري روبة شابة البسيها قدامهم ما تبهدلينيش
سيرين : ماكلاه نلبس واش عندي لي حب يخطبني يعرف ما عنديش يمال يقبلني كيما راني
كمال بدا يتوغ : ما تقلقيش جدي صباح ربي قتلك روحي روحي
جات اللفعة تاع قدوة
قدوة : تخشني في راسك مدلك دراهم و تحلي في فمك
سيرين : نتي ما تهدريش بيني و بين بابا ديجا نتي تحبيني !! لالا نتي بيك دراهم هذا ما كان و يشدها باباها من شعرها
كمال : اليوم منضربكش تروحي و نتي مبلعا فمك
سيرين : اضربني موالفا الضرب علابيها هربت ماما كنت معيشها الذل و تضربها
قدوة : وشنووو راكي تهدري عليها هذيك تكرهك ماتحبكش هربت مع عشيقها
تفكرت سيرين واش صرا سكتت باش ماتبينش قاتلو مدلي دراهم نروح نشري
كمال : كوني عاقلة و مدلها ...
ياسر ناض بكري يسنا وينتا توصل الحشية باش يوري لسيرين مفاجئة لي تخليها تندم عالنهار لي زادت فيه
↚
الحلقة 11
راحت وحدها للسوق ماحبتش ديرونجي صحبتها قلقتها بمشاكلها
وهي داخلة للسوق سمعت واحد ينادي فيها سيرين ... سيرين ...
دارت صابتو ياسر تخلعت قلبها بدا يضرب
ياسر : واش ماتجوش للخدمة !
سيرين : اليوم لالا عندي شغل غدوا نبداو
ياسر : ممم واشن هذا الشغل
سيرين : حياتي شخصية ما كان ما دخلك راحت و خلاتو عاود عيطلها دارت ليه
ياسر : حشية اسناي مني مفاجئة تعجبك بزاف و ابتسم بتكبر
سيرين الصراحة خافت منو خافت يكون كاش ما حيديرلها مشكل فدارهم ولا ... راحت خيرت فستان تحت الركبة زهري بالورد طلعت شابة و صباط طالون و راحت ديراكت لفريال
فريال : وين كنت يا الكلبة بلا بيا
سيرين : سمحيلي ما قدرتش نديرونجيك رحت خيرت وحدي روبة قيس دراهمي و صباط جيت نوريهملك
فريال : وشنووو بلا بيا يا سيرين اشفاي عليها كيفاه هاذي ديرونجيني نتي ختي عنقو بعضهوم وراتلها روبة
فريال : بزااااف شابة حبي يااااي ليوم قدوة و كنزة يهبلو من الغيرة
سيرين : هههه ما يهمنيش حقا تلقيت ب ياسر و حكاتلها
فريال : اممم عينيك ام يبرقو يا الكلبة راكي تعشقي
سيرين : بركاي فريال انا نكرهو بصح حاجة فيه تخليني ديمة نطيح فيه كتر
فريال : هو صح شباب ما عندنا ما نقولو و تتوالمو، حتى قرصتها سيرين
سيرين : ما تنسايش حنتزوج حلمي ما يتحققش
فريال : ما تفقديش الامل ياك نشاله خير
سيرين : نشاله انا نخليك دوك يكونو راهم قلبو عليا الدار طولت بزاف
فريال : ههه يرنكو باي حنونتي
↚
الحلقة 12
دخلت صابتهم وجدو كلش راحت دوشت جبدت شعرها دارت شوية ماكياج ما كترتش اصلا شابة بلا بيه
لبست روبتها جات تهبل و خرجت
قدوة : واشن هذا راكي شابة بصح بنتي خير مناك ما تشبهي لوالو
كنزة غارت منها ولات ترعش حبت تقتلها، راحت طلات وجها يالماكياج خرجت تخوف لمهم هما هكاك حتى سمعو لباب راحت سيرين لشمبرتها قعدت دخلو هما سلمو على بعضاهم حتى جا محمد لسيرين هيا ام يحوسو عليك ... سيرين متوترة ماهيش حابة تنصدم هي دخلت و يقابلها ياسر ياسر نفسو المدير قريب طاحت لكن شدت روحها فقلبها فرحت بسك تحبو و من جهة وحدوخرا لالا بسك شرير و متعجرف ...
سعيدة : بسم الله على مرت وليدي شحال شابة ربي يخليها نشاله (يماه حنينة و ما عندهاش فرق بين فقير و غني و عجبتها بزاف سيرين لانها حشامة و متواضعة).
مريم : ياي خوويا تعرف تخير حلوة سكر
حشمت سيرين لكن ياسر لا، قعد يتبسملها ابتسامة النصر تاع هذا هو كادويا ليك و لي يخلط فالهدرة معايا قلبها وجعها لانو حب من طرف واحد ...
قدوة : تفضلو واش تشربو ... شربو كملو و تفاهمو على كلش
سعيدة : ماعندكمش شروط ! قالو والو غير سيرين نطقت
سيرين : ني حابة نخدم معليش ! و غزرت في ياسر تع ايه
ياسر : ايه تخدمي بصح في الشركة تاعي سكرتيرتي غدوة تقدري تبداي ... يماه فرحت و سيرين تان
سيرين : اوكي ميغسي
↚
الحلقة 13
راحو و هي دخلت فرحانة لبيتها باسكو حتتزوج لي تحبو بصح في نفس الوقت حزينة لانو ما يحبهاش هو ينتقم برك هي قاعة تخمم حتى يصوني تلفونها رقم متعرفوش
سيرين : شكون؟
ياسر : الو سيرين انا ياسر
سيرين مخلوعة : منين جبت الرقم تاعي !!!
ياسر : ما تحوسيش تفهمي المهم عجبك الكادو تاعي ولا لالا ههه
سيرين : قولي برك ياك تكمل تعاوني باش نصيب ماما !
ياسر : وي متخميش نكمل معم نبدا نحوس عليها مور مانتزوجو ياك !
سيرين فرحت بزاف لانو حتزوج منو و تان تصيب يماها مي مابينتلوش باش مايديهاش فروحو اوكي ميغسي و كوبات
ياسر قاعد يتفكر كي راحو لدارهم شحال كانت شابة و حلوة عينيها لي ذوبوه و جسمها المتناسق لي يخليك تعشقو من اول خطرة بدا يحبها لكن ثمثم يكذب روحو يتفكر و يقول مستحيل يلزم ندفعها على هدرتها لي يقيس غروري يلزم نعاقبو
سيرين عيطت لفريال حكاتلها نخلعت
فريال : ياااااي قتلككك كاين امل الحمد لله لي صرا لي في بالي و الله فرحتلك
سيرين : مام انا فرحت بصح ما تنسايش هو بلعاني برك باش يدفعني الثمن كي قستلو كبريائو ما يحبنيش
فريال : ما تتقلقيش يجي نهار و يحبك كي يعرفك قوليلي واش كان لابس يماه عجبتيها !
سيرين : كان بزاف شباب هاديك لطاي و ذوك العينين قريب ذبت و انفضحت ههه، وي يماه قاعدة غير تشكر فيا مام ختو الله يبارك ناس ملاح عجبوني
فريال : يا مامي على صحبتي تعشق الحمد لله حوبي كي هايلين مبروك عليك، و كيفاه غدوا نخدمو و مزال يعاونا !
سيرين : وي خلاني نخدم نا و ياك و سقسيتو قالي نعاونك
فريال : يااااي مزيا غدوا نشاله بونوي
سيرين : نشاله بب باي
↚
الحلقة 14
ناضت الصباح بكري قبل ما ينوضو لبست نواغ كلش جات تهبل راحت لصحبتها راحو يخدمو تبعو العنوان ...
ناض ياسر صباح يصفر فرحان انو اليوم يبدا انتقامو و تان حيتزوجها و هو فرحان احاسيسو مخلطة لبس كوستيم ف بلو نوي و مشط شعرو حط ريحة تتشم من بعيد، يماه انخلعت فيه كيفاه او فرحان
سعيدة : خير يا وليدي اليوم راك فرحان الله يدومها
ياسر : امين يما نشالله
مريم : كيفاه مايفرحش و حيتزوج واحدة شابة و عاقلة كيما سيرين
سعيدة : ههه عندك الحق بنتي ما عندنا ما نقولو فيها الله يبارك تعرف تخير وليدي ربي يحفظكم لبعداكم
ياسر : هههه نشاله ايا باي يما
وصلو فريال و سيرين للشركة مخلوعين
فريال : وااااو شحال كبيرة هاذ الشركة جامي شفتها
سيرين : بلعي خلينا ندخلو قبل ما نتأخرو ... دخلو الناس قاع يخزرو و يضحكو عليهم على حوايجهم
فريال : ياااه وشبيهم دك نسبهم ياخي حالة
سيرين : ما تمديلهمش اهمية حنا لمهم صبنا خدمة ياك حبي
فريال : وي صح يرنكو ... راحو للبيرو تاعو دقدقو
ياسر : ادخل عرفهم دخلو صابوه هو و نصرو ...
↚
الحلقة 15
سيرين هي شافت ياسر و شمت ريحتو قريب داخت زينو هبلها و عشقاتو اما فريال قريب كلات نصرو بعينيها و هو تان كتر منها كل يوم يزيد حبو ليها و ياسر تاه في عينين سيرين لي يخليوه ينسا همو، حتى فاق على روحو ...
ياسر : احم اهلا بكرتو مزيا ما تحوزتوش من نهار الاول
نصرو : ايه خدمتهم لازم يبكرو
سيرين : وي لازم المهم وينراه بيرويا و بيرو فريال باش نعرفو ... تبسم ياسر مع نصرو ابتسامة تع مكر و انتصار
ياسر : سيرين هاهو بيروك قدامي نخلعت لاصق فيه و فرحت
نصرو : و نتي تبعيني راحت فريال معاه شافت بيروها تان كيما سيرين لاصقة فيه فرحت بزاف ...
سيرين : علاه هكا لصقتني فيك ما تخممش بزاف انا تزوجتك لمصلحتي و جامي نويت نحبك
ياسر : جاوبها ببرود شكون قالك اهدري انا هنا المدير نقرر واش نحب ...
↚
الحلقة 16
هوما هكاك حتى تدخل عليهم ملاك
ملاك : حوبيييي
دارت سيرين تفكرتها بلي هي لي شافتها معاه، تنهدت تنهيدة و تغزر في ملاك من فوق للتحت غزرة غيرة لكن ملاك تغزر فيها غزرة حقد و كره و ياسر كان حاير في وسطهم لانو تخلع كي شاف ملاك مقابلة سيرين خاف كاش ماتديرلو
ياسر : وي واش تسحقي !
ملاك : شكووون هاذيي تخون فياااا !
ياسر : هاذي خطيبتي
ملاك : خطيبتك ! تتمسخر بيا ! دنات لسيرين قاتلها في وذنها شابة بصح غير انا لي نديه خلاتها مخلوعة
ملاك : ياسر راح ندمك كي خليتني ما تفرحش بزاف
ياسر جاوبها ببرود : اغلقي لباب موراك، خبطت لباب و راحت
سيرين : شكون هاذي !
ياسر : حياتي الشخصية
سيرين تلبكت بسك هي قالتهالو وجها حمار من الحشمة ... ايه صح واش دخلني فيك
ياسر فرح كي سقساتو ولا مهتم بيها و مايحبش عليها ...
راحت قدوة لسعيد ...
قدوة : واش كاش معلومات !
سعيد : سمحيلي ماكان والو و مابانتش كامل قضيتها اصلا هي راحت لبلاد وحدوخرا ماصبناهاش ...
قدوة : ماعليش خلينا منها اصلا بنتها حتتزوج دبر راسها برك
سعيد : صافي خلاص ننهو كلش مانحوسوش عليها !
قدوة : وي خلاص كلش
سعيد : اوكي و راحت ...
ملاك خرجت من عندهم حاطة في راسها يلزم تخلف الثار من ياسر عن طريق سيرين تخليه يندم كي خلاها و خطب سيرين ...
↚
الحلقة 17
_بعد يومين_
قدوة : اجري كنزة حطي الطابلة ام قريب يوصلو
كنزة : ياك ماشي خطبتي ماما خطبة هاذيك سيرين
كمال : وين راهي سيرين
قدوة : راحت مع فريال للحفافة
كمال : اوك
راحت سيرين و فريال للحفافة مشطت سيرين مشطة سامبل دارت ماكياج سامبل لبست روب شويبة جات تهبل و فريال تان جبدت شعرها برك و ماكيات سامبل لبست اونسومبل شباب خرجو بين زوج الله يبارك
فريال : بسم الله ما شاء الله على ختي خرجت تهبل تطير العقل ليوم ياسر يهبل عليك ههه
سيرين : بلعي حشمتيني ههه نشاله راني حابة نشوفو كيفاه خرج ياااااي
راحو للدار خووها هبل كي شاف فريال عينيه رجعو قلوبا
ياسر نوضاتو يماه بكري باش يوجدو مع بعض و يعاونهم
سعيدة : نوض يا الفنيان ليوم خطبتك
ياسر : يما دك نود 5 دقايق
سعيدة : اوك وليدي ما تبطاش و اهبط عاونا ياك
↚
الحلقة 18
ناض فرحان بعد يومين تاكد بلي يحب سيرين بصح هي ما بينتلو و هو تان لانو حلف يخلف ثارو من كلامها لي قاس كبريائو ...
ناض راح ليهم صاب نصرو وصل راح هو وياه لدارو بدل لبس سروال جين بلو نوي و فاست نواغ و شوميزي بلون جا يهبل كيما يقولو يفتق
اما نصرو لبس كوستيم بلو نوي مع شوميز بلون تان جا يهبل اما مريم ختو راحت للحفافة دارت بابيليز و ماكيات و لبست غوب سامبل جات روعة
اما يماهم سعيدة لبست قفطان قدها مع سباط و بوشات و جبدت شعرها جات شابة ...
راحو للدار بدات يماه تسمي
سعيدة : سمله على ولادي ربي يبارك ربي يحفظكم من العين و يخليكم ليا
نصرو : يعيشك خالتو و يخليك تاج فوق راسنا
ياسر : ميغسي يما
سيرين كانت متوترة خايفة تعمللها مرت باباها مشكل ليلة خطبتها... قدوة لبست روبة طويلة شابة سامبل اما كنزة قعدت سوايع قدام لمراية تدير في الماكياج خرجت عجب جبدت شعرها لبست روبة طويلة و كروازي في ظهرها جاتها مع لاطاي شابة اما محمد لبس سروال كلاسيك نواغ و شوميزي بلو نويت جا يهبل و باباها كوستيم نواغ قدو.
↚
الحلقة 19
كانو على اعصابهم حتى سمعو طوموبيلات يصونو عرفوهم هوما فريال و سيرين كانو في شمبرة قاعدين سيرين كانت خايفة كرشها تسطر و قلبها يضرب حابة تشوفو كيفه جاتو كوستيم عشقاتو، و فريال تان تسنا باش تشوف نصرو لي ملك قلبها ...
نزل ياسر متحمس يشوف حبيبت قلبو سيرين توحشها و توحش ريحتها ونصرو كيفكيف متشوق يشوف لي عشقها من نظرة لولة ...
دخلو كل رحبو بيهم كامل فرحانين حتى نطقت سعيدة وينراهي عروستي الشابة
قدوة : هههه دوك نعيطلها تجي
راحت ليها
قدوة : هيا يا الشر راهم يسناو فيك سيرين خزرت في فريال نظرة تاع راهي خايفة و متحمسة لكت فريال قاطعت نظراتها
فريال : ماتخافيش راح تزوجي لي تحبيه، بلاك مع الوقت يحبك نشاله، طلعتلها لمورال و راحو في زوج ....
سعيدة : بسملاه على عروستي الزينة ما شاء الله ...
ياسر ولا يرعش كي شافها كانت بزاف شابة باقي غير يغزر فيها و هي مهبطة راسها من الحشمة حتى طلعت راسها طاحت العين فالعين عينيها ماحبوش يتبعدو عليه كان بزاف شباب حتى نصرو و فريال قاعدين يغزرو مع بعض ...
↚
الحلقة 20
فاتت الخطبة روعة ما صرا حتى مشكل، فرحو بين زوج لكن واحد ما اعترف للوخر بحبو سكووت تام ...
فاقت الصباح على 7:00 مدڨدڨة من الخطبة غسلت وجها فطرت و راحت لفريال باش يروحو للخدمة ...
وصلو للخدمة كل الخدامين يوشوشو عرفو بلي خطيبتو حتى جازت عليها ملاك قاتلها راح ندفعك الثمن اشفاي، سيرين مادتهاش فيها لانها واثقة من روحها راحت فريال بخدمتها استقبلها نصرو بباقة ورد فرحت بزاف
ياسر : صباح الخير يا عروس
سيرين حشمت : ميغسي صباح النور
ياسر : متحشميش راني قدام الخدامين نهدر هكا على جال سمعتي انا جامي نحبك
سيرين حزنت بزاف لكن ما بينتش ضحكت : هههه لوكان تشوف اانا ني ميتة عليك بففف حاسب روحك
↚
الحلقة 21
فاتو ليامات نفس الروتين كل يوم خدمة مهبلها يحب يغزلها ما يخليهاش تريح و كل يوم يعشق في هبالها و هي كتر لعشق ياااه، اما نصرو و فريال فارتبطو مع بعض و لاو يحبو بعض و هدر مع بباها انو يخطبها على يامات و قبل و فرحو ... و ياسر شرا دار وحدو باش كي يتزوجو يسكنو فيها... و محمد زعف كي عرف بلي ارتبطت فريال لكن مع الوقت نسا كلش ... اما ملاك فربي عالم واش راهي تخطط باش تنتقم منهم ...
كاي يوم عادي ناضت رايحة للخدمة اول مرة تخمم واش تلبس موالفة لي تجي في يدها تلبسها بسك ما عندهاش بزاف حوايج قاعدة تخير ما صابتش طلعت بالتخبية سرقت لكنزة جوب قصير سيري نواغ و شوميزي غوج مع صباط طالون نواغ و تلقت شعرها و دارت ريحة شابة (ليوووم يذوب ياسر)... راحت لفريال ...
فريال : واااو بدلتي ستيل، جيتي تهبلي بصح منين جبتيهم!
سيرين : اسكتي برك سرقتهم لكنزة و خرجت بتخبية لوكان تسمع تقتلني
فريال : هههه الله يجعل لخير
وصلو للشركة انخلعو الخدامين وين جابت اللبسة كي راهي شابة راحو كامل ليها صباح لخير مدام هي مش متكبرة ...
سيرين : صباح نووور عيطولي سيرين يكفي ياك متفهمين، نخلعو عرفو بلي هي طيوبة ولاو يحبوها و يحبو قلبها الابيض.
↚
الحلقة 22
ياسر كان في مكتبو هي فتحت لباب و شم ريحتها رفد راسو نخلع في زينها قريب راح حضنها و باسها لكن غرورو منعو ...
ياسر : اااووووه واش شريتي حوايج ولا سلفتيهم ولا سرقتيهم (يستفز فيها)
سيرين : يااااي لوكان تشووف سرقتهم من الحانوت كي قالي شكون نتي قتلو مرت ياسر انخلع السيد مزيا جيت معروف ماشتكاوش بيك خخخ
ياسر انخلع من جرأتها قريب جيفها : واشنو عاودي !!!
سيرين : ههه نتمسخر اولا جامي نسرق حوايج يا لوكان نقعد بلاش ثانيا جامي نشري حوايج على حسابك يا مغرور
راحت لبيروها و خلاتو حابس كيفاش تعاملت معاه هكا لكن هو ماداهاش فيها لانو حيتزوجو و يوريلها شكون المغرور
راحت فريال صابت نصرو يسنا فيها باسها من خدها قالها طولتي نولي نجوز ليك للدار نديك ؟!
فريال : لالا حبي بابا ما يحبش و تان مانخليش سيرين تجي وحدها
نصرو : اوكي كيما تحبي ليوم لفطور على حسابي انا و نتي و سيرين و ياسر
فريال : اوك دوك نقولهم باي حبك
↚
الحلقة 23
راحو يفطرو في ريسطو شباب مرتب جامي دخلو ليه سيرين و فريال حلو فمهم ...
الرجل : مرحبا بكم نورتونا تفضلو كالعادة طابلتكم واجدة
الكل: ميغسي
سيرين : ميغسي نصرو على تغيير الجو و الفطور مخلوفة
نصرو : بلا مزيا ختي حفظك
قعدت فريال مقابلة نصرو يتغازلو و يتمعشقو اما سيرين و ياسر هما بركان حيتفجر لانو منزعجين من بعض و مايتهدروش حتى نطق ياسر
ياسر : سيرين شريت دار لينا في *** نسكنو انا وياك برك فيها
سيرين ما عجبهاش الحال : صح مليح بالصحة و الهناء
ياسر : ماتخفيش ما نكلكش بصح وجدي روحك بلا ما نوصيك
سيرين خافت لكن مابينتش : ههه نتا وجد روحك ماشي انا .... فطرو و قصرو جوزو نهار شباب هادئ بدلو الجو خير من الدار ياسر وصل سيرين للدار كل واحد ساكت مهدروش
سيرين نزلت و قاتلو ميغسي باي
ياسر مقلها والو خلاها تسب موراه ... كيفاه يدير هكا تحسب مانيش حنولي مرتو يخليني واقفة نهدر يخي حالة يخي
↚
الحلقة 24
_ بعد اسبوووع _
اليووم عرس سيرين و ياسر، كامل فرحانين سوغتو العروسين لي يحبو بعض لكن مازالو ما عترفوش ♥ ... قامت سيرين ناسية كامل عرسها حتى سمعتهم يوجدو ناضت تجري قابلت لمرايا ...
سيرين : ماما كبرت بنتك و حتتزوج اليوم عرسي و ماكيش حاضرة كنت متمنية نتي ديريلي الحنة و ماشي قدوة الشريرة
مسحت دموعها لكن متخميش راح نلقاك و نعيشو كيما كنت صغيرة ♥ ... اما ياسر ناض فرحان لانو حيتزوج بيها و تان حينتقم منها و يعيشو فدار وحدة ههه
نصرو : صباح الخير العريس الشباب خههه
ياسر : تتمسخر بيا ههه صباح ليوم عرسي كاش كادو خههه
نصرو : الكادو هو 4 طيسان ما جو سي تحب الما هههههههههههه
ياسر ضربو بمخدة : هههه و الله متحشم و تعانقو
_ عند البنات _
فريال بالخناين تبكي كي حتودع صحبتها و سيرين كيفكيف حتى تفكرو الحفافة ناضو يجرروو ...
سيرين : نسيتيني فجد الحفافة ببكاااك اجري قبل ما يفوتنا الحال
راحو للحفافة سيرين مشطت مشطة هابطة سامبل و شوشة ا كوتي و لبست غوب بلونش جاتها تحفة الله يبارك ههه و فريال تان مشطت و لبست حاجة سامبل جاو يهبلو بين زووج غير راحو للدار خوها يسمي عليهم
محمد : الله يبارك على خواتاتي خرجو يهبلو ...
محمد لبس تريكو بلون و سروال نواغ و فاست نواغ جا شباااب ♥
اما عند الباب ياسر لبس كوستيم نواغ و شوميز بلون و بابيون نوااغ جا روعة يقتل ♥ و نصرو تان كان شباب كي وصلو للفيلا يماه بدات تبكي ...
سعيدة : وليدي كبر و تزوج بلالة النسا ربي يخليكم لبعضاكم نشاله ... ياسر : نشاله يما و يخليك لينا
↚
الحلقة 25
سيرين قاعدة في شومبرتها هي و فريال يقصرو حتى سمعو الزغاريت و لاصونات عرفوهم سيرين قلبها يخبط خايفة و مفجوعة جا باباها ودعها و هي تبكي خرجها تحت ذراعو وصلها لياسر لي عينيهم برقو كي شافو بعض كانو مع بعض هايلين ناس قاع تسمي و تباركلهم لاحلى عرسان ♥
وصلو للاصال تصدرت احلى تصديرة هي و فريال كيفكيف نصرو هبل كي شافها طارو عينيه حتى جات رقصة هادئة للعرسان ♥
ناضو يشطحو قرب لوذنها هي رعشت حست بالسخانة طلعتلها و هو تان حتى خبرها في وذنها كوني هادئة يا سيرين لانو راح ندمك لي تزوجتيني و هاذ الليلة جامي تنسايها تفكريها مليح هي دارت روحا تعبت و كمل العرس رمات البوكي تاع الورد و جا فيد فريال فرحت هي و نصرو هههه
↚
الحلقة 26
كان ياسر ريزارفا يومين في لوتال قعدو هو و سيرين من بعد يروحو لدارهم ...
راحو لوتال سيرين ترعش خايفة واش حيصرا دخلو للاشومبر ياسر نحا سباطو و دخل للدوش خلاها حايرة نحات المشطة كي جات تنحي لا غوب بلونش خرج من دوش انخلعت متوقعتهاش كامل ميزها بغزرة شيطانية من فوق للتحت و قالها ...
ياسر : نحي لا غوب ماتحشميش مني نا راجلك و تبسم بمكر على جيهة هي هبطت راسها حشمانة كي جات تهبط السنسلة ماحبتش تنحل جا هو هبطهالها هي جسمها رعش تمنات تعيش ليلة العمر لي ناس كامل تهدر عليها مع لي تحبو لكن هو عكس ذلك
حلهالها هي لبست شوغت و بوستي راحت تدوش و ساعة فدوش خايفة تخرج لبست نويزات شابة جاتها في لاطاي قعدت في دوش مقدرتش تخرج حتى رقدت ...
ياسر كي شافها بالشوغت حب تولي مرتو و يعنقها و يشم ريحتها و ينسا واش قاتلو لكن مقدرش
ستناها بزاف طولت تقلق عليها حل الباب صابها راقدة كي الملاك غاضتو رفدها داها للفراش غطاها و باسها على جبينها و خبرها ماتخفيش مانديرلك والو انا تزوجتك بسك نحبك و جامي نخليك فالوقت المناسب نعترفلك
سهر شويا من بعد رقد ...
↚
الحلقة 27
ناض الصباح صابها معنقاتو كي البيبي الصغير زاد تعلق بيها كتر، كي بدات تفطن غمض عنيه هي فطنت صابت روحها معنقاتو قالت ياه واش جابني هنا حتى تفكرت قاعدة تغزر في وجهو و تمسلو فيه و تقول لوكان غير جا عاقل هكا كي ينوض ياي شحال شباب و نفس الوقت متعجرف و هو يسمع كي كملت هدرتها
ياسر : كملتي شفتيني مليح و لا تزيدي
ناضت تجري
سيرين : اااه والوو ههههه
ناضت تجري لبست و هو تان و هبطو فطرو برا و دخلو، هي دخلت قالها دك نجي ...
ياسر: الو وي صحبي واش درت فيها صبتها ؟
نصرو : خسارة عليك وي صبتها وسمها فوزية *** راجلها الزاوج ميت و عندها طفلة بصح ماشي عايشة عندها مقدرتش نعرف وين راهي و تان مرفهة و عندها اهم الشركات و ورث كبير و راهي ففرنسا تسكن العنوان *** ...
ياسر كوبا مخلوع راح لسيرين عيطلها
سيرين : خير نشاله وجهك مبدل؟
ياسر: شوفي نسرين انا صح نكرهك بصح نسيت واش درتيلي و راني حاب نعيشو انا وياك هنا كصديق و صديقة و قدام الدار راكي تعرفي ...
↚
الحلقة 28 و 29
سيرين فرحت كي قالها هكا بسك كاينة فرصة يحبها ... سكتت و قاتلو
سيرين : موافقة و تبسمو مع بعض قالها عرفت كلش على يماك هي فرحت راحت ديراكت عنقاتو بلا ماتفيق هو عجبو الحال زاد زير عليها كي فاقت قاتلو
سيرين : سمحلي مي قولي واش عرفت ؟
ياسر حكالها كلش بدات تبكي وهو معنقها
سيرين : عندي ختي تبكي من الفرحة و تقولو يعطيك الصحة لازم نروح ليها كاين كيفاه ؟
ياسر : طبعا نروحو حجزت غدوة الصباح نروحو شكراتو و رقدو بينزوج فرحانيين
ناضو الصباح ناشطين البسمة موش مفارقتهم راحو للمطار ودعو دارهم لي معلبالهومش علاه رايحين غير انو يقضو شهر العسل ف فرنسا ركبو الطيارة
نسرين : ياسر انا نخافها وجد يديك للخبيش
ياسر : هههه ماشي خسارة في مرتي
سيرين حشمت و قاتلو
سيرين : ميغسي راجلي
هو تم شدلها يديها و قالها قدام كامل الناس
ياسر : سيريييين انا نحبك و نعشقك و جامي نخليك وحدك نموت عليك مرتي
الناس كامل تصفر و تسفق و هي تبكي من الفرحة و تضحك ...
سيرين : و انا كتر نموت عليك راجلي لغالي و عنقو بعضاهم و الناس الكل فرحانتلهم و يسفقولهم حتى قابو بلي حتقلع الطيارة شادين يدين بعض و راقدين.
↚
الحلقة 30 و 31
وصلو و ياسر كان ناض و سيرين ما فطنتش نوضها
ياسر : عمري نوضي رانا وصلنا ناضت باسها من خدها و هي عنقاتو، و هبطو شادين بعض كان ياسر حاجز دار و طونوبيل تسنا فيهم راحو كانو عيانين غير وصلو بدلت سيرين لبست بيجامة و تكسلت جا قدامها صدرو عريان و لي زابدووو يا ڨلبي كي مخدومين
سيرين كيما دارت جات ديراكت فيهم قاعدة غير تغزر و هو شابع ضحك
ياسر : وشبيك حبيبتي جامي شفتي لي زابدو !!
سيرين : جامي حوبي ... و صرا لي صرا بيناتهم مع كل عرسان جدد و هي فرحانة بروحها بسك خرجت عذراء و هو يبوس فيدها من الفرحة رقدت معنقاتو و فرحانين ...
ناضت سيرين قبلو باستو و ناضت دوشت ووجدت الفطور خملت كامل الدار كي كمل لبست غوب بلو غوا قصيرة مع صنديلة و طلقت شعرها باش كي ينوض يصيبها واجدة ناض صاب كلش واجد فرح و كانت شابة هي تان راح ليها باسها
ياسر : صباح الخير و الفل يا مرتي الزينة راكي شابة بزاف يلاه نفطرو راحو فطرو و هو لبس شورت بلو نوي و شوميزي بلون و باسكات يلون و نواظر
سيرين : حياتي راك تهبل
ياسر : و نتي اكتر يا الله نروحو نحوسو على العنوان
سيرين : يالاه راني خايفة ياسر ماتقبلنيش يما ولا تجرحني
ياسر : كيفاه مايقبلوش واحدة حلوة و سكر كيما نتي ماتخفيش حوبي باسها و شدتلو يدو و راحو
↚
الحلقة 32 و 33
راحو يسقسو بالواحد حتى وصلو للدار ياسر جا يدقدق وقفاتو سيرين
سيرين : لااااا ني خايفة يصرا لي مانيش دايراتو فالبال
ياسر راح شدلها راسها بيديه و قالها
ياسر : ماتخافيش نعرفك قوية كيما تجاوزتي مشاكل ملاك قبل زواجنا دوك ديري خطوة للقدام و شوفي يماك
سيرين : صح عندك الحق حبيبي حقا قولي ملاك كيفاه راهي نسيتها قاع ؟
ياسر : ياك صابوها والديها فاوتال مع واحد و تبراو منها من بعد انتحرت و ماتت
سيرين : ربي يرحمها و يغفرلها 😢 ياسر اقنع سيرين و دقدقو فالباب سيرين قريب طاحت من الخوف لكن مادام ياسر بجانبها شدت روحها لانو حبو يقويها ...
فتحت مرأة ماشي كبيرة بزاف غير شافت سيرين عنقتها ديراكت عرفتها من عينيها و شعرها لانو الام جامي تلف بنتها و كبدتها لي من لحمها و دمها مام تكون بعيدة عليها سنين
سيرين تبكي بالشهقة و فوزية كيفكيف
فوزية : بنتي اخيرا رجعتيلي حوست الدنيا و لقيتكش
سيرين : علاش خليتيني يا يما كنت محتاجتك حرمتيني منك ... قاطعهم ياسر ...
ياسر : مدام من فضلك نتناقشو لداخل اذا حبيتي ماشي هنا ... دخلتهوم لفيلتها الكبيرة دخلو للداخل جابتلهم الخدامة جو و سيرين مخلوعة وين كانت ساكنة و يماها وين حتى قاطع تخيلها صوت يماها ... شدتلها يديها
فوزية : بنتي انا جامي خليتك بلعكس نظل نحوس عليك انا خليتك خاطر قدوة مرة خطفاتك قاتلي لكان متروحيش نحصلها فيك و ندخلك للحبس و بنتك تدي صورة سيئة عليك انا ماقدرتش نفكر رحت و خليتك عند باباك لي غير شاف بنتو و سمع بيا من عندها هربت مع عشيقي تزوج بيها يا بنتي انا كنت كل يوم نشوفك رايحة لليكول و نصورك وراتلها تصاورها كي كانت صغيرة سيرين عنقتها و زادت كبرت في عينها ...
سيرين : كملي يما
فوزية : اومبعد صبت خدمة وليت نخدم و كريت دار حتى شفق عليا المدير قالي يتزوج بيا تزوجنا و طلعنا لفرنسا جبت بنوتة سميتها مرام امبعد مات هو و خلانا كلش و راني عايشة نحوس عليك الحمدلله كي لقيتك و تعانقو و ياسر فرحان.
↚
الحلقة 34 و الاخيرة
تحلت كل المشاكل و تلاقات سيرين بمرام لي اصغر منها و رجعو خيات و ياسر و سيرين كل يوم يزيد حبهم رجعو للدزاير تلقاو بنصرو و فريال لي تخطبو و عرسهم قريب، حكاتلهم بلي لقات يماها و المرة الجاية تجي تعيش فالدزاير فرحو معاها بزاف ... راحت للدار هوما داخلين حتى تغاشات سيرين جابلها ياسر الطبيب يجري خايف عليها
الطبيب : مبروك المدام حامل
ياسر : يعني سيرين حتجيبي بيبي 😍 و يولي يقولي بابا
سيرين تبكي من الفرحة : نعم حوبي فرحو بين زوج و عنقها و خبرو العايلة كامل فرحولهم دارو عشا دار سيرين و دار ياسر و نصرو و فريال و شاركوهم فرحتهووم
سيرين في الشهر الرابع تتوحم على كلش هههه مهبولة ياسر لي حاطها في عينيه ...
بعد ٥ اشهر جابت سيرين بنوتة سماوها قدس و ياسر فرحان بيهم و عايشين مع بعض فالفرح و القرح ...
النهاية ...
