عدد الحلقات : 40 حلقة (كاملة)

هذه الكرونيك كاملة

الحلقة 01

اسمي قمر عمري 23 سنة،  شعري طويل و سمرة حلوة ما طويلة ما قصيرة عندي ختي ياسمين و خويا عماد و بابا سي عزيز هو و ماما مطلقين، كملت قرايتي ديت لاليسانس تاعي و رحت لكندا عند خالي قعدت عام و رجعت لدارنا و لعايلتي لي ماهيش عايلة حنا ساكنين مع بابا بحكم يما كي طلقت من بابا راحت و خلاتنا

بابا معلابالوش بينا دايمن لاهي بشغالاتو كي يدخل ميهدرش معانا كامل، خويا عندو 30 سنة يخدم مع بابا مي طايش دايمن مع مشاكل، حنا ناس لاباس بينا ماديا بابا عندو شركة و مانقصنا والو، وختي ياسمين كبيرة عليا عندها 25 سنة تضلي مع صحاباتها لسانها ماشي ليها مي نحبها و نحكيلها كلش يعني في هذي الدار كاين غير انا و ختي و خويا لي متفاهمين .

نضت صباح كيما كل يوم قررت باش نروح للمقبرة عند جداتي الله يرحمها لي رباتني رحت قدام قبرها نحكيلها و نشكيلها شحال راني نحس روحي وحدي في هذي الدنيا و مستحقا حنانتها لي يما ما عطاتهانيش شحال راني حابة نحضنها و نبكي و نخرج قاع واش كاين في قلبي و نقلها راني ضايعة راني بلا هدف في هذي الدنيا راني مستحقة لي يوعيني و يقلي واش ندير راني حاسة روحي ميتة بلا معنى، بكيت و شكيت و كنت رايحة مهبطة راسي و دموع في عينيا نمشي عيانة و ماشي حاسة بروحي نمشي و نخمم و معلاباليش وين راني رايحة، نمشي و انا غايسة قطعت طريق حتى نسمع طوموبيل فرينات و انا طحت في الارض ...

_عند نسيم _

كنت نسوق و نجري مقلق الخدمة ماهيش مليحة عطيتلهم مهمة يديروها مداروهاش كيما بغيت نسوق و نطيح و نسب معول نقلب عليهم الدنيا اليوم، نسوق حتى نشوف في طفلة رايحة تقطع طريق تمشي غايسة معلابالها بوالو سييت نفريني ماكسيموم حتى سمعتها عيطت هبطت نجري نشوف وشبيها حتى نلقاها مرمية في الارض و شادة في رجلها و تبكي بشهقة سقسيتها راكي مليحة ! مي ماجاوبتنيش بقات غير تبكي و شادة في رجلها ..

نسيت باش نقلكم انا نسيم عمري 30 سنة رجل اعمال عندي شركة مخلليها كواجهة برك .. اعمالي كامل في التجارة بالممنوعات (هو يهبل طويل سمر عندو كور هبال يعني معاه تحسي بلي راكي مع راجل يحسسك بالامان ههه)

يمكنك الإنتقال الى الحلقة التالية او السابقة بواسطة ازرار (السابق / التالي) في الاسفل او الإنتقال مباشرة الى حلقة محددة عن طريقة إستخدام زر (قائمة الحلقات)

↚

الحلقة 02

بقيت نسقسي فيها وشبيك حتى لقيتها تشوف فيا نظرة غضب و حقد ...

قمر : (تهدر زعفانة و هي تبكي ) وشبيك نتايا مراكش تشوف قدامك ! هبلت قريب قتلتني

نسيم : ( تخلع كيفاش تهدر معاه اول مرة وحدة متخافوش و تهدر معاه هكا مالف بنات هوما يجرو وراه باش يهدر معاهم ) وشبي جدك تهدري معايا هكا، علابالك واش نقدر ندير فيك انا !! ديجا نتي عمية تمشي و متشوفيش قداامك، هذي اخر مرة تهدري معايا بهذي الطريقة فهمتي !

قمر : واشنو واش راك حاسب روحك نتا ! نتا لي معلابالكش معامن راك تهدر فوق مراك غالط تزيد تعيط عليا شكون نتا اه شكون نتا !

نسيم :

( تقلق و وجهو حمار فوق ماكان زعفان على جال خدمتو لي منجحتش زادتلو هي ثاني)

حسيت دنيا دور بيا من زعاف موليتش نشوف قدامي كيفاش تجرأ و تهدر معايا هكا شديتها من يدها و نوضتها و هي ماشي قادرة تمشي كنت معول نقتلها، هذي حاجة ساهلة بالنسبة ليا بسكو راني موالف بيها

شدها من يدها و نوضها و هي تبكي و تعيط بسكو مقدرتش تمشي و هو يسحب فيها

نسيم : في دقيقة خممت مع روحي قلت واش راني ندير انا، لسقتها مع طوموبيل و قتلها اذا ما دحستكش و مامتيش ماشي معنتها ماكيش حتموتي من بعد قادر نكون انا سبة في موتك ثاني فهمتيي، وضحك ضحكة تخوف

قمر : اييه فهمت (كي شفتو بهذيك الحالة وجهو و عينيه حمورة و عروق خارجين من يدو خفتو و تمنيت غيى وينتا يروح و يطلقني حسيت لوكان نبقا كثر صح يقتلني)

جيت رايحة حتى نسمعو هدر معايا ..

نسيم : واش وين راكي حابة تروحي بهذي الرجل مكسرة

قمر : واش دخلك نروح وين نحب (خزر فيها خزرة تقتل خلاتها تجمد في بلاصتها ) اا.. نروح لدار..

نسيم : فوتي نديك لسبيطار كي ربي بلاني بيك

قمر : لالا ماشي بسيف راني مليحة نروح وحدي ( تقلقت غير وينتا تهرب من خوفها منو )

نسيم : قتلك ركبي مانيش فارغلك ازربي منحبش نخلي خدمتي في نص

قمر من الخوف ما هدرت حتى كلمة و ركبت معاه

↚

الحلقة 03

راحو لسبيطار و شافتها طبيبة و قالتلها رجلك تكسرت كي سمعت قمر زادت في البكا و هو غير يشوف فيها مخلوع
نسيم : (غاضتو كي شافها هكذاك)

وشبيك نتي كل دقيقة تبكي، صرعتيني
قمر : تبكي و ماشي قاع دايتها فيه

دارتلها طبيبة بلاتر و قتلها تقعد بيه 15 اليوم و جي تنحيهولها

نسيم : اسمعي عيطي لكاش واحد يجي يديك عندي شغالات منضلش لاهي غير معاك انا
قمر : اصلا شكون قالك جيبني و شكون قالك رواح معايا

نسيم بدا يشوف فيها بوحد الخزرة تع زعاف و حقد، بلعي فمك و احمدي ربي لي راكي في سبيطار و دوك عيطي لكاش واحد يجي يديك

قمر : (عيطت قمر لختها ياسمين باش جي تديها)

سايي عيطت لختي جي تديني تقدر تروح

نسيم : انا نقرر وينتا نروح ، وديجا حتى جي باش نروح، واش لي يضمنلي بلي معيطتيش لابوليس باش تشتكي ااه ؟؟ ايه نسيت باش نقلك مكان لاه تخمي تشتكي ولا باسكو هاذ الشي مراحش يكون لمصلحتك و تخلصيها غالية

قمر : اففف علابلك تهدر بزاف قرقشتلي راسي، كي نحب نشتكي نشتكي ماشي نتا لي تمنعني
نسيم : (مقدرش يشد روحو كثر ستفزاتو طريقة الهدرة تاعها، شدها من وجهها و قرب ليها حتى ولاو يتنفسو هوا واحد)

يا طفلة كيفاه تجرئي و تهدري معايا بهذي الطريقة، علابالك واش نقدر ندير فيك انا نقتلك نتي و قاع سلالتك
قمر : (وجعها و خافتو في الوقت نفسو ندمت لي هدرت معاه بهذيك الطريقة )

ساا اا يي اسمحلي ..

مي هو مانحاش يدو و بقا يزير عليها حتى مقدرتش تهدر، دخلت ياسمين باش تديها صابتهم بهذيك الحالة

ياسمين : ( تجبد فيه و تنحيلو في يدو )

اي وشبيك طلقها شكون نتا.. اي خليها..

نسيم فاق على روحو واش راه يدير و نحا يدو و خرج

ياسمين : قمر راكي مليحة، شكون هذا واش كان حاب منك !! واش صرالك ! واش بيها رجلك !! اففف يا ربي واش كاين !
قمر : (مقدرتش تتنفس ولات ترجع في انفاسها بسيف)

اديني منا ياسمين اديني لدار، مبعد نحكيلك كلش مانيش قادرة نزيد نقعد هنا

_داتها لدار وحكاتلها كلش_

ياسمين : شكون هذا، واش راه حاسب روحو، علاه ماعيطتيش لابوليس ولا نقلك ايا نقولو لبابا
قمر : لالا بالاكي تقولي لكاش واحد، يبان مافيا و يخوف هذا قادر يدير كلش مشفتيش كي يزعف كيفاش يولي ...

ياسمين : اففف سايي راح نسكت على جالك برك .. (راحت عنقتها وباستها)

↚

الحلقة 04

_عند نسيم_

(يسوق و يخمم في قمر ) اوفف وlش صرالي انا اليوم شكون هذي طفلة منين خرجتلي و واش هذي الجرئة لي عندها.. (صونالو تليفون) واش يوسف مدلي خبر شباب يرحم والديك..

يوسف: (اليد اليمنى تع نسيم و صاحبو لانتيم هو الوحيد لي يدير فيه الثقة) والله يا البوس حبيت نقلك خبر شباب مي الله غالب...

نسيم : واش كاين ثاني !!

يوسف : وعدني مديرش حاجة مقودة ..

نسيم: ربك متقلقنيش قلي واش كاين ..

يوسف: كي وصلناا السلاح وكنا راح ندوه جاا سي عزيز مع رجالو و بداو يطلقو في الرصااص و بحكم حنا كنا قلال قتلو نصف رجالناا و ضطرينا ننسحبوو..

نسيم : واش واش راك تقوول (حبس الطوموبيل ) و السلاح السلاح متقوليش داوه ! اهدر ربك!!...

يوسف: اممم ..اي ييه داوه ..

نسيم : يا ربكم كيفاش تخلوه يديه علابالك شحال خسرنااا عليه كيفاش تنساحبوا اا رب ...شهدوا على رواحكم راح تخلصوها غاليا..

يوسف: كان لازم علينا ننساحبو يا البوس سي نو نزيدو نخسرو رجال كثر ...

نسيم : (كوبا عليه وراح ديراكت لفيلا ديالو قصر ماشي فيلا حاط بزاف حراس على برااا بحكم عندو بزاف اعداء خدامات كل وحدة واش دير ) دخل لدار لقا يوسف يستناا فيه و معاه هذوك رجال لي كانو في مهمة ضربهم كاامل و امر باش يهبطو رجال تحت في القبو و يعذبوهم على الخطأ تاعهم طبعاا خلا غير يوسف هذا القبو فيه جميع انواع اسلحة لي يعذب بيهم ميرحم حتى واحد معندوش قلب قانون ديالو لي يغلط يخلص..

نسيم : (راح هو و يوسف للمكتب ديالو و ضرب يوسف بزوج كفوف) احمد ربي يا يوسف لي جيت صحبي و خويا من لي كناا صغاار سي نو والله ما نرحمك و تعرفني مليح..

يوسف: اسمحلي يا خويا علابالي بلي خسارتنا كبيرة مي متوقعناش يكون يتبع فينا سي عزيز..

نسييم: شحال من مرة نقلكم ديرو احتياطاتكم يا ربكم ..علابالكم بلي عدناا اعداؤ بزاف اذا ماشي عزيز وحدوخرين..

يوسف: سي عزيز راه دايرلنا مشاكل بزاف يا البوس راه غالق علينا قاع الطرقان لازملناا حل معاه..

نسيم : هذاك حسابو معاياا كبير بزاااف ..هو قتلي بابا وعلى جالو لي وليت هكااا..على جالو لي درت قاع هذا الشي و كونت هذي الامبراطورية باش نقواا و نقدر نواجهوو ..كنت دايمن نقول دوك يحبس مي كثر على ماوصاوه و كيما حرقلي قلبي و انا صغير نحرقلو قلبو ... دوك منديرو والو راح نعلن الهدنة لازم نخمم مليح باه نبداا من جديد و نبدا على الصح ..(نسيم عايش مع خالتو لي كي سمعت بموت باباه محبتش تخليه وحدو يماه ماتت و هو صغير و باباه قتلو سي عزيز كي ماتفاهموش على الشراكة تعهم.. مات كي كان في عمر نسيم 19 سنة هذاك الوقت نسيم كان في روسيا كي سمع بموت باباه هبط كان طفل عادي بريئ مي كي سمع بلي باباه قتلوه قرر يقوى كثر من باباه باش يقدر يواجه اعداءوا و ينتقم لباباه لي كان يحبو بزاااف

↚

الحلقة 05

فاتت 15 اليوم ..راحت قمر مع ختها ياسمين لسبيطار نحات بلاتر رجعت مليحة..

قمر : اووه توحشت نمشي نورماال..

ياسمين : ههههه..قعدتي 15 يوم برك صرالك هكذاا لوكان كثر كيفااااش مالاا..ايه قاع بسبة هذاك الوحش حماار

قمر : اووه متفكرينيش بيه كي نتفكرو ديجا نولي نترعد..خلينااا منووو ..

ياسمين : ايه ايه اوكي .. اياا اليوم نهاارك نديرك كامل واش تحبي لاخاطر بريتي ههه مي ما تكثرييش

قمر : اليوم ماشي كل يوم ... استناااي نخمم، ايه جعت نروحو نفطرو ماذابيك اديني لبلاصة شابة و فطور شبااب و خالص عليك

ياسمين : سي بو امشي امشي بديت نندم لي قتلك

عند نسيم : ( بعد تخمام طويل قرر باش يعلن الهدنة مع سي عزيز و يروح عندو يقترح عليه باش يتشاركو ..راح عندو للشركة )

سي عزيز: اوووه مانيش مأمن شكوون جاا ..

نسيم : أمن أمن يا سي عزيز حتى انا مانيش مأمن بلي راني هناا ..

سي عزيز : هههه يا نسيم و يااا نسيم شبهت باباك نفس الهدرة نفس الخزرة ...

نسيم : (بداا يتقلق و شد روحو بسيف ) ههه ايه مالا شكون حبيتني نشبه ..جيت اليوم باه نقترح عليك حل يرضينا حنا الاثنين يا سي عزيز..

سي عزيز : ايه اا سيدي قوول راني نسمع فيك..

نسيم: جيت باش نعلن الهدنة انا و ياك.. و نخلو لماضي ورانا..

سي عزيز : ههههههههههه واش راك تتمسخر بيا ولا حسابلك بهيم قدامك ..

نسيم : اححم ..عندي مدة و انا نخمم فيها يا سي عزيز..متخرجش علينا نبقاو اعداء هكااا ...اليوم من عندك و غدوة من عندي لوينتا وحنا هكااا..اعداءنا لوخرين راهم يستشفاو فينا و ميصدقو يصيبوناا هكاا باش يقضو علينااا..

سي عزيز : وانا واش لي يضمنلي بلي راك تهدر صح و مراكش معول على كاش حاجة !!

نسيم : انا قلت لي عندي و ماعنديش شا نزيد كثر من هكااا..خمم مليح مع راسك و ردلي لخبر بسكو هذي العداوة ماهي مليحة ني ليا ني ليك..كي تقرر راك عارف وين تلقاني و خرج ..

دخل عماد (اخ قمر) عند سي عزيز..

عماد: واش هذااا واش راه يدير هنااا

سي عزيز : (خزر فيه بنص عين ) وانت واش دخلك..من وينتا وليت تسقسي روح لهااا غير في خماجك ..

عماد: الحق عليااا لي جيت سقسيتك ...

سي عزيز: ايا روح رووووح..

قمر و ياسمين داوهااا نهار كومبلي و هوما يحوسو ما خلاو شوبينغ ما خلاو ماناج تعشاو برااا و دخلو لدار كل وحدة راحت لبيتها رقدت من العيا تع اليوم

↚

الحلقة 06

_عند عماد_

كي العادة كل ليلة يروح يسهر في ديسكووو و كل خطرة معامن يخرج ماطلق حتى وحدااا

عماد: (يشرب و يهدر مع صاحبو) بيييي مي مكان حتى وحدة شابة كامل كيفكيف كرهت من هذا المودال انااا

مراد: (صاحب عماد) ههههه متشوفش في وجه صحبي شوف كيفاه تحلى في الفراااش ههه

عماد: هههههه اواااه انا نبغي في زوج ...(هو يهدر حتى يشوف في طفلة تساربي في شرااب تبان طفلة عاقة)

(مريم طفلة عندها 24 سنة من عائلة فقيرة يماها مريضة فراش عندها خوها صغير 10 سنين و خوها حمزة كبير عليها و باباها ميت معندهم حتى واحد في هذي الدنياا ..ضطرتهاا الحيااة باه تخدم في ديسكو باش تشري دوا ليماها و تلم دراهم باه ديرلها اوبيراسيو و تصرف على دار ثاني مسكينة طفلة ملحقتش ..تخدم ساغفوز في ديسكو مي مادير كتى حاجة حرام تساربي برك و تخرج طفلة درويشة على قدها )

عماد : (لفتتلو انتباهو مريم بانتلو ماشي كيما لبنات لوخرين..راح ليها يهدر معاها) بسسس نتياا ..

مريم: وي مسيو ..واش تحب تشرب!!

عماد : مراني حاب نشرب والوو..راني حاب نذوقك نتياا برك..

مريم :(خافت منين خرجلها هذا) مسيو انا نخدم ساغفوز هناياا برك..

عماد:اممم ..و واش فيها اذاا خدمتي قحبة لنهااار !

مريم: (تقلقت من هدرتو و كيفاش يقول عليها هكا ضرباتو كف) اعرف واش راك تهدر و وزن هدرتك متحشمش نتااا ماشي راجل..

عماد: (تخلع مسكين كي ضرباتو مكانش يستناهااا) ضرتيني بكف دوكااا ! هههههههه اذا ماشي قحبة واش راكي ديري هنا ااه (من زعااف داهات معاه بسيف و هي تعيط مي حتى واحد مهدر معاه علاه شكون يجرأ يهدر مع وليد سي عزيز و يقولو واش راك دير...داهااا لاوتاال و هي تبكي)

مريم : (وهي تبكي ) خليني خوياا يعيشك معندي حتى واحد في هذي الدنيااا خليني نروح..

عمااد :(كان سكران و زعفان و ماشي واعي على واش راه يدير) نتي تضربيني بكف ااه و زيد انا ماشي راجل دوك تشوفي اذا راجل ولا لا (ينحيلهاا في حوايجها و هي تبكي و تقولو سمحلي مي هو ماسامع بوالو و صرا لي صراا..)

ناض صبااح مصروع من شراب لي شربو البارح لقااا دم فوق الفراش و مريم قاعدة في الارض و تبكي بشهقة ..

عماد:(تخلع مكانش عارفها بلي فيارج و تفكر كامل واش دار البارح ..راح ليهااا توشاها من يدها )

مريم: ما توشينيش يا كلب ماتوشينيش (تعيط و تبكي بهيستيرياا)

عماد : اسمحيلي ماكنتش صاحي والله ماكنت عارف بلي فيارج كنت حاسب...

مريم:(قطعاتو مريم في الهدرة ) كنت حاسبني قحبة يااك ااع اهدر واش كنت حاسبني..

عماد: اسمحيلي ماشي قصدي ..

مريم: بواش ينفع كي نسامحك ولا لا..نتا ديت مني الحاجة الوحيدة لي عندي في هذي الدنيااا..قتلك سمحلي حللتك درت كلش مي محبستش ..ضيعتلي حياتي.. الله يجيبهالك انشاءالله ..

عماد : سايي دوك نصيبو حل ...

مريم : تتمسخر بياا وش هو هذا الحل ..دوك نروح لابوليس نشتكي بيك فهمت و تخلصها غاليااا...

عماد: اي وين راكي رايحة واش هبلتي ..

مريم: عمبالك تفوت هكااا..ضيعتلي حياتي و مستقبل تاعي يا رخيس ..

عماد: هه تغيضي والله عمبالك كي تروحي لابوليس يدخلوني للحبس !! هههههه علابالك انا وليد من ! حتى و اذا دخلت ياربي نقعد يومين و نخرج ..تفضحي غير روحك و يولو يشوفو فيك خزرة مقودة ونتي فهمي

مريم : (تخزر فيه و هي مخلوعة و دموع في عينيها) نتا واحد رخيس و ربي يجيب فيك الحق..صح انا معندي حتى واحد بصح عندي ربي لي راح يجيبلي حقي منك..وكيماا درتلي راح يديرو لختك ولا لبنتك هذاك الوقت تفكرني و تفكر هدرتي و خرجت..

خرجت تمشي ضايعة بعد مخسرت كلش في هذي الدنيا حتى شرفها و خسراتو تمشي و تبكي و معلابالهاش وين تروح..

عماد غاضتو مريم و غاضتو الهدرة لي قاتهالو بزااف و قرر يروح يحوس عليها و يعرف وين ساكنة

↚

الحلقة 07

سي عزيز بات ليل كومبلي و هو يخمم في العرض لي قالو عليه نسيم...وقرر باش يقبل بالعرض ديالو عيطلو صباح و تفاهمو باش يتلقااو ..

نسيم : ( غير شاف لابال تاعوو توقع لي يكون قبل بالعرض) اهلاا سي عزيز .. انشاءالله تسمعني سمع الخير..

سي عزيز : اهلاا اهلا نسيم ...راني قبلت بالعرض ديالك..و انشاءالله متخلينيش نندم على هاذ القرار سي نو راك تعرف واش نقدر ندير..

نسيم: هههههه صدقني مراكش حتندم عليها

سي عزيز: وينتاا جي باش نسينيو على الاتفاقية (الاتفاقية تقول بلي حتى واحد ميتعرض للطرف الاخر كي يروح يدخل سلاح ولا مخدراات واذا صرااا و خالف واحد فيهم الاتفاقية راح يسيل الدم و يعوض مبالغ مالية خيالية..)

نسيم: نجي اليوم..دوك شوية تلقاني عندك..

(كوبا نسيم التلفون و هدر مع يوسف)..سي عزيز راه قبل بالعرض تاعي ههههه..وراني قريب نوصل للهدف تاعي لستنيتو هذي سنين.. و نحرقلو قلبو في الحاجة العزيزة عليه..نخليه يندم على كل دقيقة و كل نهار قعدت نبكي فيه على بابا..

يوسف: إنشاء الله يا صحبي ماتندمش على شي لي راك حديرو ...متخليش زعافك يعميلك عينك..

نسيم : سي بو اناا ديسيديت كي وصلت لهذي النقطة محال نعاود نرجع...

(راح نسيم عند سي عزيز و وقعوا على الاتفاقية..)

عند قمر ..ناضت صبااح اونفورم لبست سروال جين و pule blanc و basket blanc و هبطت تفطر مع ختهااا ياسمين ..

قمر : صبااح الخيير يا وجه الششررر

ياسمين : راح نكوون خير منك و نقلك صبااح الخير يا وجه الخير

قمر : بووووه واش من حمار مات

ياسمين : اياا اقعدي اقعدي تاكلي صبحتي تهدري صباح ربي قوليلي يا مصفاارة واش راكي معولة ديري اليوم تلفتلي

قمر : اليوم نخرج نحوس على كاش خدمة كرهت و انا قاعدة في دار ..

ياسمين:ههههههه من نيتك !! واش خصك حتى تحوسي على خدمة !! راكي عايشة في نعيم لي تحبيها توصلك واشبيك مهبولة هههههه والله غير ضحكيتيني صباح ربي

قمر : ضحكي ضحكي 😒 كرهت من هذا روتين كل يوم كيفكيف راني حابة ندير حاجة جديدة في حيااتي

ياسمين : ههههه شكيت كسر تع رجلك اثرلك على عقلك

قمر : 😒

ياسمين : متشوفيش فيا هكا حبيتي تخدمي قولي لبابا ولا عماد يشوفلك بلاصة في شركة ..

قمر : تتمسخري بيااا وسمك ..بابا في دار و ميحملش يشوفناا حبيتي يخدمني في شريكتو

ياسمين : ايااا دبري راسك ديري واش تحبي ..هههه والله غير ضحكتيني تخدمي مالا ااه

قمر : اووف قتلك و ندمت

ياسمين : ههههه راني خارجة اناا بااي بيزوو

قمر : روحي راكي طولتي باااي، اممم اصلاا ياسمين عندها الحق علاش نخرج نحوس على خدمة و انا مخصني والو هه نطلع نرقد خيير

عند عمااد....

عماد: (رجع عمااد يهدر مع مول ا لديسكو يسقسي على مريم) حبيت نسقسيك واسمها الطفلة لي كانت تساربي هناا البارح..

مول الديسكو: امم قصدك لي خرجتهاا معااك بسيف !

عمااد: متكثرش معايا الهدرة و قولي شكون هذيك..

مول الديسكو: اسمهاا مريم طفلة عاقلة يعني ماشي كيما حسبتهااا نتاا جات تخدم على دارهم يماهااا مريضة و خوهااا كبير طايش معلابالوش بدارهم ..دايمن مع مشاكل ..

عماد : (حس بالندامة) اعطيني لادراس تاعهم ...

(عطالو لادراس و راح ديراكت لدارهم...لقاااهااا تسكن في دار فقيرة بزااف مكسرة الما يسيح عليهم من كل جيهة ...دقدق الباب فتح عليه طفل صغير )

عماد: هنااا تسكن مريم !

طفل صغير : ايه و انا خوهااا بصح مريم ماهيش هنا من البارح مجاتش..و يما راهي مقلقة عليها ماشي مالف طول هكا..

عماد: (فهم عماد بلي بسبتو و بسبة لي دارو البارح مرجعتش لدار) و ماماك راهي هنااا !

طفل صغير: ايه راهي داخل

عماد: (دخل عماد عن ام مريم لقاها في حالة في فراش) سلام يماا واشراكي !

ام مريم : وعليكم سلام شكون نتا يا وليدي !

عماد: انا نخدم مع مريم و جيت برك باش نسقسي عليها ..

ام مريم : ايه يا وليدي من البارح ما بانتش راني متحيرة عليهاا... لوكان يسمع خوها بلي ماباتتش هناا هذي الليلة يقلب الدنيا عليها (عائلة مريم معلابالهمش بللي تخدم في الديسكو قاتلهم نخدم في مطعم كبير )

عماد: ماتخافيش يا يايماا نوعدك نلقاها و نجيبهالك لدار..

ام مريم : الله يحفظك يا وليدي و يخليك ليمااك ..

عماد : (ضحك ضحكة تع خيبة امل ) هه الله يرحمها..

(خرج عماد من الدار شافو خو مريم حمزة خارج من دارهم)

حمزة : بسس اي شكون نتاا ! و واش خرجك من دارناا !

عماد : (عماد كي شافو ديجاا عرف بلي زطايلي و تع مشاكل و ماحبش يقولو بلي نعرف مريم بسكو علابالو يضربها) غلطت في دار عمبالي تع واحد فاميلتي ..

حمزة : اممم بصح الحطة تاعك متبينش بلي عندك فاميليا هنااياا

(عماد بقا ساكت)

حمزة : ديجاا بين قاع هذو ديار بانتلك تغلط غير في دارناا.. اياا روح مناا روح دوك كاشما ندير فيك..

عماد: (مقدرش يشد روحو كثر و ضربو بدبزة ) ربك ماشي كي راني ساكتلك معنتهااا خفتك انا علابالي علاه راني ساكت ..

حمزة : (بات يسكر و كان دايخ كي ضربو عماد زاد دوخو ) تضربنيي ااه اناا نعرف شا ندير فيك نزيد نصيبك هنااا نخليك تتمنا الموت و متلقاهاش ..

عماد: اياا بلع يا رخيس تعرف تستقوى غير على نساا (ضربو بركلة و راح)

↚

الحلقة 08

(كان عماد في طوموبيل يمشي بلعقل حتى شاف وحدة تمشي من بعيد و يبان عليها لعياا بقاا غير يشوف فيهااا حتى عقلها بلي مريم حبس طوموبيل و راح يجري ليها )

عماد : اي ستناااي ..

مريم : نتااا...واش تستحق واش راك حاب مني ماكفاكش دمرتلي حياتي و زيد تلحق فيااا..

عماد : مانيش نلحق فيك.. برك جيت نقلك بلي يماك راهي مقلقة عليك...

مريم: وين تعرف يمااا ..زدت رحت حتى لدارنااا..واش راك حاب مني وااش خطيني ..

عماد: اسمحيلي و متخافيش راح نلقاو حل لهاذ الشي..راح نتهلا في ماليك و نصيبلك خدمة مليحة ..

مريم : ههههه هذا هو الحل لي لقيتو..راك تخلص فيااا على شي لي درتو..

عماد: نن ماشي قصدي هكااا..

مريم: (قطعاتو) نتا اغتصبتني ..نتا درت حاجة الحيوان مايديرهاش ..نتا ديتلي شرف ديالي.. علابالك لوكان يسمع خويا يقتلني (تهدر و هي تبكي)

عماد: منسمحش بهاذ الشي..انا راح نحميك منوو و منخليهش يقرب ليك...

مريم : (تضحك بسخرية) و راح تقدر تحميني من الهدرة تع الناس ااه..كاين حل واحد باش تحميني و هو تزوج بيااا يا لوكان على الورق ...

عماد: (عماد تشوكا من هدرتها) ههههه وشبيك تتمسخري بيااا ....ههههه انا نتزوج بيك ! وعلاش هبلت ..مستحيل هاذ الشي..

مريم:(تخلعت من هدتو و بقات غير تشوف فيها و تبكي و راحت )

عماد: (حكمها عماد من يدها ) دقيقة ..ماشي قصدي ني مطيح بيك ..بصح منيش نخمم في زواج و منتزوجش بسك انا ماشي تع زواج..

مريم : حسبي الله و نعم الوكيل فيك..مانيش حابة نزيد نشوف وجهك بعدني (راحت و خلاتو و عماد بقااا يتبع فيها حتى لقاها دخلت لدارهم راح)

مريم تحكي مع يماها : سمحيلي يماا بقيت عند صحبتي..

ام مريم : هبلتي علابالك لوكان يسمع خوك يقتلك..و واش بيها حالتك هكا..

مريم: عييت في الخدمة كان كاين الغاشي بزاف..و زيد بطيت باش خرجت و خفت ندخل لدار نلقااا حمزة علابيها بقيت عندها..

ام مريم : جا واحد يخدم معاك سقساا عليك و قالي نلقاها كثر خيرو باينة هو لي لقااك ..يبان عليه ناس ملاح..

مريم : هه وي ناس ملاح بزاف اناا نروح ندوش ونجي (محبتش تحكي ليماها بسكو مريضة وخافت كاشما يصرالها لوكان تسمع )

↚

الحلقة 09

(نسيم تفاهم مع سي عزيز على كلشي)

نسيم: انشاء الله يكون هاذ الشي خير لينا يا سي عزيز..

سي عزيز: انشاءالله يا وليدي ..انا اصلا مكنتش حاب هذوك المشاكل بصح الله غالب الشيطان الله ينعلو و يخزيه كان خاربلنا في عقولنا..

نسيم: معليش لي فات مات..اححم سي عزيزحبيت نفتح معاك وحد موضوع ..

سي عزيز: تفضل ..راك كي وليدي دوك مابيناتناش..لي هي قولي عليها..

نسيم : سمعت بلي عندك بناات ..و اناا راني حاب نتزوج و يشرفني ناسبك طبعاا اذا قبلت...هكاا تولي الفرحة فرحتين..

سي عزيز: (فرح و متوقعش هذي الهدرة منو... خمم في مصلحتو وبلي كي يولي قريب ليه راح يقدر يتحكم فيه و يقواا و يخافو منو اعداءوا كثر) ههههه ماستنيتش منك هاذ الطلب يا نسيم.. طبعاا نقبل مذابيااا ناسب وليد صحبي ..

نسيم: ايااا بالبراكة علينا مالا..وقت لي توجد قولي..

سي عزيز : انشاءالله وليدي تلفون بيناتناا..

عند قمر...

قمر : (ناضت قمر من رقااد نهاتر كومبلي و هي راقدة هبطت ب بيجامتها حتى لقاات عماد قاعد في صالون و يبان عليه مهموم راحت عندو تحكي معاه) وشبيه خوياا لعزيز يبان زعفاان..

عماد: هههه والو راني عيان من الخدمة برك...

قمر : اممم لي يسمع يقووول صح تضلي في شركة تخدم ايا حكيلي حكيلي راني هناا نسمع..

عماد: اوففف مي سامطة نتياا..

قمر : هيااااا احكي

عماد: غلطت مع وحدة غلطة كبيرة و معلاباليش كيفاش نخليها تسامحني

قمر : اممم خويا طاح على راسو وانا لا خبر..

عماد: واش راكي تهدري نتي مهبولة ماشي كيماا راكي فهمتها..

قمر : مالا وااش فهمني ...اذا حبيت نهدر معاها اناا..

عماد: نن مبعد نخمم كيفاش ندير..

(دخلت ياسمين لقاتهم كيفكيف)

ياسمين: ايهييه وليتو تقسرو مور ضهري يا خداعين..

قمر : اوفف مجيتيش في وقتك كامل كان راح يحكيلي

ياسمين: صااار تحكيلهاا ليهاا و اناا كالاطرش في الزفة سايي زعفت

عماد: ايوااااا وشبيكم نتوماا تحاميتو عليااا..

(وهوما يحكو دخل سي عزيز فرحان )

سي عزيز: مور العشا نستحقكم لازم نحكي معاكم ..

عماد : على واش !!؟

سي عزيز: مبعد و تعرفو..

(تخلعو كيفاش حتى سي عزيز حاب يهدر معاهم ماشي مالف يقلهم هكاا و اذا حاب يدير كاش حاجة ميسقسيهمش)

عند نسيم: (كان فرحان بشي لي وصلو حتى لدوك و رافد كاس ويسكي و قاعد مع يوسف في بيرو يحكو) مبقاش بزاف ونوصل وين راني حاب يا يوسف..و انشاءالله كي ننتقم منو..نحاول نبعد على قاع هذا الوسط المعفن..

يوسف: راني خايفك تندم و تخرجلك حاجة ماكنتش قاع متوقعهاا..

نسيم: هه واش راح يصرا كثر ملي صراا..خليناا يرحم باباك..

يوسف: انا قتلك و نتاا علابالك ...

_عند قمر_

(مور العشا تلايمو كامل في صالون و يستناو في سي عزيز..)

سي عزيز: (دخل سي عزيز..بقاو كامل يخزرو فيه يستناو واش راح يقول) احممم ..منطولش ندخللكم ديراكت في الموضوع.. نسيم وليد صحبي حاب يزوج مع وحدة منكم (و خزر في قمر و ياسمين و هوما مدهوشين متوقعوش هاذ الشي)

عماد: واش واش واش راك تهدر... واقيلا مانيش نسمع مليح..

سي عزيز : كيما سمعت..

عماد: واش نتا مريض ..حبيت تزوجهم لهذاااك المهبوول ؟! ديجااا من وينتاا وليتو حباب حتى تقرر تمدلو بنتك ااه

ياسمين: هههه سير مراكش تهدر علياا يااك!! بسكو انا مانيش قابلة من تالي..ومنزوجش مع واحد منعرفوش برك بسكو نتا راك حاب..

سي عزيز: علاه انا سقسيتك ! انا راني نخبر فيكم برك معنتهاا وحدة فيكم تزوج بيه اذا ماشي ختك نتي واذا ماشي نتي ختك تفااهموو ..

قمر : بابا راك عارف روحك واش راك تهدر !! راك حاب تزوج وحدة فينا بسيف! انا مانيش قابلة و ختي ثاني و هذي حياتناا و حنا نديسيدو معامن نزوجو...

عماد: بابا انسااا هذاا شي مستحيل يصراا مستحيل حتى وحدة مراهي قابلة و انا منزوجش خواتاتي بسيف..

سي عزيز: هههههه شكون قالكم مدولي رايكم شكوون ! انا لي عندي قلتوو (خزر في ياسمين و قمر وقالهم) تفاهمو نتوما زوج و غدوة ردولي لخبر بسكو رانا مقلقين..(ياسمين راحت تهدر قاطعهاا و عيط) لي عندي قلتو و مراني حاب نسمع حتى حاجة..(راح و خلاهم مخلوعين)

↚

الحلقة 10

ماتخافوش حتى وحدة منكم ماراح تتزوج بيه..راني هناا..

قمر : بصح بابا كي يحط حاجة في راسو يديرهااا..

ياسمين: نن مستحيل نتزوج بسيف مستحيل ..لازم نلقاو حل لازم..

قمر : اووفف يا ربي واش هذي البلية لي طاحت علينا

عماد: اذااا ما صبناا عليهاا وين نهربكم مناا..منقبلش تضيع حياتكم..

ياسمين: وشبيك عماد هبلت..علابالك بابا يقلب الدنياا و يصيبنااا و نولو في بروبلام كبير على هذاا..

قمر : علاش راك تقول هكاا..معنتها مكاش حل

عماد: سايي متخافوش مكاش مشكل معندوش حل صبرو نخموو شوية..

(بقاو ليل كومبلي و هومااا هكاك يخمو و يحوسو كاش حل..عماد حس بالعجز و بلي مايقدر يدير والو...ياسمين كانت مقلقة و خايفة متقدرش تعيش مع واحد متعرفوش و متحبوش..قمر خايفة و تشوف في عماد عاجز و ياسمين مقلقة..قعدو هكاك حتى طلع الصباح نطقت قمر..)

قمر : انا نتزوج بيه..

(تخلعو ياسمين و عماد و بقاو يشوفو فيها)

عماد: واش راكي تهدري هبلتي ..

قمر : في ثلاثة علابالناا بلي مكاش حل وحداخر..

ياسمين: لالا ختي مديريش في روحك هكااا و ضيعي حياتك ..سايي انا نقبل (تهدر وهي تبكي)

قمر : (تضحك بخيبة امل)هه نن علابالي متقدريش..وعلابالي بلي تفضلي تموتي على لي تزوجي بيه..وراني عارفة لي متقدريش تتحملي يجبروك على حاجة مكيش باغيااتهاا... عادي راني موالفة بحياتي لي قاع عذااب ..هه جات غير في زواج..

ياسمين:(عنقتهاا ياسمين و هي تبكي) سمحيلي ختي سمحيلي..(وبداو يبكو في زوج..كي شافهم عماد هكاك قلبو تقطع ..خرج و بقاا يبكي و يسب في روحو لي مقدر يدير والو..)

ناض الصباح سي عزيز و راح عند ياسمين و قمر...

سي عزيز: انشاءالله تكونو ديسيديتو شكون لي تزوج ...

(بقاو ساكتين حتى نطقت قمر)

قمر : انااا..

سي عزيز: هه معلاباليش كيفاش حتى حسيت بلي نتي..

ياسمين: نتاا مستحيل تكون اب..ربي وكيلك و الله ينعل نهار لي زدت و عرفت بلي نتا بابا..

سي عزيز:(رفد يدو و ضربها بكف) كيفاش تهدري مع باباك هكااا مشي متربية..

قمر : (تخلعت) ضربتهاا!!! ماكفاكش قاع وش درت و زدت ضربتهااا!!

ياسمين: نتا اصلا ماشي بابا و ميشرفنيش نقلك بابا فهمت..لي يبيع بنتو على جال صوالحو مستحيل يكون اب...

سي عزيز:انا نروح بسكوو نزيد نقعد شوية هنااا معلاباليش واش ندير فيك...

(خرج سي عزيز.. و قمر و ياسمين محضنين بعضاهم و يبكو..)

عماد شاف عزيز خارج راح ليه..

عماد: بابا متقدرش دير هكااا..

سي عزيز: شوووف اسيدي ..و شكون يمنعني نتاا !

عماد: وصلت بيك لهذي الدرجة تزوج بنتك لهذاك لي ميتسماش..

سي عزيز: افف نتاا قعد غير في خماجك و مدخلش روحك صحااا وليدي !!

عماد: الله يديك و نتهنااو منك..

سي عزيز: كي يديني شوف شكون لي بيك علابالي وش درت

(عماد تخلع يبس في بلاصتو و مزااد حتى كلمة)

عيط سي عزيز لنسيم..

سي عزيز: راني قررت يا وليدي و مكتوبك راح تكون الصغيرة انشاءالله..

نسيم: على بركة الله..وينتا راك حاب نجوو نخطبو و نديرو الخاتم..

سي عزيز: شوف النهاار لي يساعدك..

نسيم: اناا مذابياا يكون في اقرب وقت..

سي عزيز: اياا مرحباا بيكم عدناا غدوة انشاء الله..

نسيم: انشاءالله (كوبا نسيم تلفون و راح يهدر مع خالتو زهية)

نسيم: خالتي زهية حبيت نقلك غدوة راناا رايحين نخطبو

زهية: ليمن نخطبو

نسيم: ليااا كيفاش ليمن

زهية: (تشوكات بسكو بنتها تحبو ملي كانت صغيرة و و دوك راهي تقراا في روسياا و توجوغ تعيط ليماها تسقسي عليه..بكري كانو يقولولهاا نزوجوك بنسيم بتمسخير وهي حطتها في راسها) راك متتتأكد..معامن و شكون هذي..

نسيم: مع بنت سي عزيز...

زهية: واشنووو معامن !!! واش كاين في راسك واش راك معول دير...

نسيم:(محبش يحكيلها) مراني حاب ندير والو عجبتني و راني رايح نخطبهاا..وجدي روحك غدوة نروحوو...

عند مريم: ماهيش تخرج كامل من الدار و مرجعتش للخدمة ...جا عندها خوهاا حمزة..

حمزة: واش نتياا راني نشوف فيك غير رااقدة ني خدمة ني درااهم لوينتاا..

مريم: غلقوه المطعم لي كنت نخدم فيه..

حمزة : ومبعد غلقوه كاين غير هو...واش نبقااو هكذاا حناا دوك مكان ماكلة مكان والو ولا حبيتو تاكلوني اناايا..

مريم: غدوة نخرج نحوس على خدمة..

حمزة: ايه مذابيك...(خرج و خبط الباب و قعدت مريم تبكي على زهرها )

↚

الحلقة 11

_عند قمر_

كانت قمر في بيتهااا تبكي و معلابالهاش واش دير...

قمر : ااه يا ربي وعلاش حياتي هكذاا..جامي فرحت في حياتي وحتى في زواجي منفرحش..علاش يا ربي علاش..علاش انا ماما معلابالهااش بياا..بابا يكرهني..لي كانت تحبني و دافع علياا ماتت خلاتني بين يدين بابا لي ميرحمش..

(دخل عليهاا سي عزيز لقاهاا تبكي راح قعد قدامها)

سي عزيز: علاش راكي تبكي..

قمر : و تسقسيني علاش!

سي عزيز: نتي يجي يجي نهار وين تزوجي..وراه جاا نهاارك اذا مكنتيش حتزوجي بهذا تزوجي بواحداخر علاه لبكاا..

قمر : هه حاجة باينة جيك ساهلة..ما انت تشوف غير لمصلحتك ميهمكش اذا نبكي و لا نندب ولا نموت..

سي عزيز: هذي لمصلحة الكل ماشي مصلاحتي انا برك ..لمهم وجدي روحك غدوة راهم جايين يديرولك الخاتم..

قمر : هه مقلقين ثاني ...

سي عزيز: مكلاه ديري كاش بروبلام غدوة..نعرفك كي يجيك هبالك..

قمر : متخافش هبالي راح بكري..

خرج سي عزيز و دخلت عندها ياسمين..

ياسمين: واش كان يقلك!!

قمر : هه غدوة راهم جايين يديرولي لخاتم كيما قال..

ياسمين: تفوو الله يديه و يهدر فيها نورمال ..

قمر : سايي ياسمين خليني ني حابة نرقد..

(فهمتها ياسمين و فهمت واش راهي تحس راحت لبيتها و سكرت على روحها و بقات تبكي بسكو علابالها متقدر دير والو)

عماد راح لديسكوو يشرب و يخمم في ختو لي مقدر يديرلها والوو سكر بزااف و كسر قاع الحالة..وخرج برااا قعد في درجة يبكي...

(قمر باتت ليل كومبلي قاعدة و تخمم )يا ربي كيفاش نكمل حياتي مع واحد منحبوش و منعرفوش ..كيفاش داير الجحيم لي راح نروح ليه ..داير كيما هذاا ولا كثر منو ..يا ربي يصراا كاش حاجة و منزوجش..(قعدت هكااا حتى طلع نهاار)

↚

الحلقة 12

دخلت عليها ياسمين: راكي مليحة !

قمرر: كيفاش حبيتيني نكون..

زاد دخل عندهاا عماد...

عماد: راني حشمان حتى نخزر فيك ..سمحيلي لي مقدرت ندير والو..

قمر : (شدتهم من يدهم ) علابالي لوكان كان كاين كاش حل لوكان درتوه متبقاوش تلومو في رواحكم سايي هذا هو مكتوبي و انا راني راضية بيه...ايا خرجو دوكاا متبقاوش غير تندبو و خلوني نوجد روحي حبيتو راجلي يشوفني هكااا و ولاات تضحك...

(تخلعو بقاو يخزرو فيها)

قمر : هياااا واش راكم تسناااو..(خرجو و هي طاحت في الارض تبكي)

ناضت لبست روب في نواغ قصيرة طلقت شعرهاا و دارت مكياج سامبل و بقات تشوف في روحهااا وتهدر..

قمر : هكااا يا قمر لبسي لكحل لون يعبر على حياتك هذي جنازتك ماشي خطبتك...

جاا نسيم مع خالتو زهية و صاحبو يوسف..

سي عزيز: مرحبا مرحباا بيكم زارتناا البركة..

نسيم: يسلمك سي عزيز هاذ شرف ليناا..

سي عزيز: تفضلو تفضلو..

نسيم شاف عماد قالب وجهوو عليه..

نسيم: سلااام عمااد( و مد يدو باش يخمس معااه مي عماد مشافش كامل فيه)

زهية: ايه وين راهي عروستنااا..

سي عزيز: ايه دوك جي.. قال للخدامة تروح تعيطلهاا..

دخلت الخدامة عند قمر...

الخدامة: راكي تهبلي مدموزال..

قمر : ( تبسمت معاها ) هه يعيشك..

الخدامة: راهم جاو..وقالك سي عزيز هبطي..

قمر : اوكي..دوك نجي..

(ياسمين مخرجتش من بيتها قاعدة تبكي و حاسة بالذنب..دخلت عندهاا قمر..)

قمر : بسس واش راكي ديري هناياا..(ياسمين خزرت فيها و عاودت خبات وجها) شوفي فيااا راكي تبكي! ههههه بهلووولة تحسبي نتي لي راح تزوجي..

ياسمين:(تهدر و تبكي) بركاي متلعبي فيها تضحكي و معلابالكش علابالي واش راكي تحسي...

قمر : ايه راني عارفة بلي علابالك مي هذي هي تقدرت علياا و انا تقبلت امر الواقع تقبليه نتي ثان..

(ياسمين تشوف فيهاا و غايضتهاا)

قمر : هيااا لبسي حوايجك و هبطي معاياا صاار بصح تخلي ختك وحدها في خطبتهااا هياا خفي لبسي راهم يستنااو..

ياسمين: ههه مهبولة نتي والله

(لبست ياسمين و هبطت مع ختهااا)

سي عزيز : راهي جات بنتي مازوزية ...

(دار نسيم باش يشوفهااا و هي شافتووو تشوكاو طاحت العين في العين..)

ياسمين:(قربت لقمر و تهدر بلعقل) اااه هذا ماشي تع ديك الخطرة...

قمر : مستحيل مستحييل..

سي عزيز : واش تعرفو بعضاكم من قبل...

نسيم: نن شايفها في كاش بلاصة بالاك..

قمر : مستحيل مستحيل انا منتزوجش بيه..

سي عزيز: واش راكي تقولي نتي ؟ هبلتي يخي..

نسيم بقاا يخزر فيهاا خزرة تع بلعي فمك سي نوو نكسرلك راسك

قمر : انا منتزوجش بيه منقدرش..(وراحت لبيتها)

سي عزيز: ااه سمحولي معلاباليش وشبيهااا ..

زهية : واش هذا العجب لي راه صاري ..واش هذا يا سي عزيز تقدر تفهمني!!!

نسيم: (يهدر مع عماد) معليش تقلي تواليت وين!

عماد ورالو وين و كان راح يطلع عند قمر بصح شدو يوسف بالهدرة بسكو عرف للي نسيم راح يروح عندهاا و ياسمين و سي عزيز كانو لاهيين ب زهية لي كانت تعيط..

(نسيم مكان بيه ني تواليت ني والو بركك باش يروح يهدر مع قمر..بقاا يحوس عليها بيت بيت حتى لقاها)

قمر : (كانت قاعدة تبكي) يا ربي مانيش مأمنة يا ربيي (حتى تفتح عليها لباب تخلعت كي شافتو)..

قمر : واش راك دير هنااا..خرج منااا..

نسيم: ههههه وش متوحشتينيش..

قمر : تفوو متحشمش(تهدر و تعيط) اخرج مناا اخرج..

نسيم: (بلعلها فمها بيديه باش ميسمعوش) بلعي ربك..شوفي راني راح نحي يدي تعيطي نقتلك فهمتي !..(هزتلو براسها ايه...هو غير نحاا يديه كانت راح تعيط عاوظ بلعلها فمهاا) واش قتلك يا رب..متتربايش نتي..مالاا سمعي برك اصلاا منحملش صوتك..دوك تهبطي و تقولي قدامهم كااامل ايه راني قابلة فهمتي !!

(نحاتلو يدو و ولات تضحك)

قمر : ههههه واش راك حاب ثاني هذا مكان !!

نسيم: (شدها من وجها و زير عليهاا) ربك تتمسخري بياا!!

قمر : متقدرش تجبرني على حاجة انا ماشي باغياتهااا ..

نسيم: اممم صح ! دوك نشوفووو ..و لوكان نقلك بلي نقتل خوك لعزيز عماااد رخيس اااه ..

قمر : (تشوكات ساكتة و تشوف فيه)

نسيم: واش مانيش نسمع في صوتك..غير مقبيل و نتي طولي في لسانك معايا واش صراا دوك..

قمر : متقدرش ديرهااا..

نسيم: ههههه جربي زهرك وشوفي..هذا اذا مقتلتوش دوك بسكو بدا يقلقني بخزرتوو هذيك..

قمر : (مشوكية و دموع يهبطو وحدهم..)

نسيم: هيااا خفي واش قلتي معنديش الوقت للي كيما نتي..

قمر : (ضحكت بسخرية و دموع في عينيها) علاه كاشماا خليتلي نقول!!

نسيم: هكذاا نبغيك..ايا راني نستناا فيك عمري و مكانلاه تخمي تلعبي معايا و ديري كاش حاجة..علابالك وش ندير و مطولييش (خرج و خلا قمر موراه مخلوعة بشي لي راه يصرا معاها )

↚

الحلقة 13

(هبطت قمر مدمرة دوك زادت تأكدت بلي حياتها ضاعت تع صح و راح يمرمدهاا)

قمر : سمحيلي طاطا مكانش قصدي ندير هكاك مقبيل..وراني قابلة..

(نسيم رسم ابتساامة على وجهوو..وعماد ما فهم فيهاا والو..و ياسمين استغربت كيفاش تقبل بيه و هو دار فيها كامل هذاك الشي)

سي عزيز: ههه بنتي و نعرفها قتلكم تقبل..برك كي توترت صرالهااا هكذاك..

نسيم: نورمال لمهم قبلت..

(دارو خواتم..قمر مدمرة نسيم غير يشوف فيهاا..عماد و ياسمين وجعهم قلبهم عليهاا..سي عزيز ميت بالفرحة خاف بنتو غير اذا متقبلش..)

راح نسيم و قالهم العرس على 15 يوم ..و طبعاا سي عزيز ما عارضش هاذ الشي..غير خرجوو عزيز راح يهدر مع بنتوو..

سي عزيز: كيفاش ديري هكاا بهدلتيني قدامهم..ياك وصيتك البارح واش هدرناا..

قمر : واش يهم دوك..لمهم صراا واش حبيت نتا و راني قبلت(طلعت لبيتهااا و قعدت في فراشهاا مخلوعة في واش صرا اليوم و خايفة من واش راه جاي)

عماد: (يهدر مع عزيز) كامل واش درت و تزيد تعيط عليها ..الله يعطيني من قلبك يا لي ربي بلانا بيك..(خرج و خلاه)

ياسمين بقات تخزر في باباها ...

عزيز: واش نتياا ثاان علاش راكي اخزري فيا هكاا..قولي واش عندك ثاني قولي..

ياسمين: الهدرة ولات خسارة فيك..متستهلش الواحد يهدر معاك (وراحت عند قمر)

(دخلت على قمر لقاتهاا قاعدة تشوف في بلاصة و غايسة )

ياسمين: كيفاش قبلتي بيه يا مهبولة بعد كامل واش دار فيك ...

قمر : ......

ياسمين: قمر اهدري..هذا نص ساعة دار فيك لي ميندارش كي تعيشي معاه كيفاش..

قمر : اخرجي ...

ياسمين: واشنو !!

قمر : قتلك اخرجي..

ياسمين بقات تشوف فيهاا

قمر : واش راكي تشوفي قتلك اخرجي متقلقينيش ...

ياسمين خرجت و دخلت لبيتها و غلقت على روحها..

قمر : (تهدر مع روحها) انا مستحيل نخليه يدمرلي حياتي...مستحيل..اذا مندمتكش على نهار لي زدت فيه منكونش بنت عزيز.. كي نتاا كي بابا كي قاع الناس لي باعتني..

في هذو 15 يوم قمر و ياسمين كانو يوجدو للعرس .. قمر كانت لي تشوفها تشريها مايهمهاش اذا شابة ولا نن..ياسمين حاسة بيها و مابغاتش تزيد عليهاا..

مريم لقات خدمة عند وحد المراة تشدلهاا وليدهااا..

عماد كان دايمن يروح يشوفها من بعيد..

نسيم متشوق لواش راح يصرااا من بعد...

سي عزيز لاهي مع خدمتو كل خطرة يجيب سلاح و مخدرات...نسيم كان علابالو بكلش و يكاميري فيه مي مايدير والو بش يكسب الثقة ديالووو

↚

الحلقة 14

بقات ليلة على العرس...قمر قاعدة في بيتها تخمم في واش راح يصراا..ياسمين ثاني غالقة على روحهاا وتخمم في ختهاا..عماد في ديسكو كي العادة يشرب باش ينسااا..

قمر : (راحت عند ياسمين) جيت نرقد معاك اليوم..هذي الليلة تاعي التالية هنا

ياسمين: (شادة روحها بسيف باش متبكيش و تبسمت ) هه ارواحي عند ختك كبيرة..

قمر : (راحت عندها عنقتها) نحبك لوكان ماشي نتي و عماد معلاباليش كيفاش نتحمل هذي الدنيا..

ياسمين: حنا دايمن معاك يا عمري ..حناا عندناا غير بعضناا و نقواو ببعضناا..

(كل وحدة تدي روحها راقدة..مي حتى وحدة ما غمضتلهاا عين..ياسمين لي تفكر في ختهاا ..و قمر لي تخمم في حياتهاا جديدة..و جحيمها جديد)

طلع الصباح و قمر محبتش تنوض و تتقبل الواقع المر ..

ياسمين: قمر نوضي علابالي ماكيش راقدة و علابالي ماكيش حابة تروحي...

قمر : (ناضت تبكي و تعنق فيها) صح مانيش حابة نروح راني خايفة منوو واش يقدر يديرلي اهئ اهئ اهى

ياسمين: كامل هذا بسبتي (وتضرب في روحها) ياريتني قبلت انااا و مخليتكش تعيشي هاذ الشي على صغرك..

قمر : (شدتهاا) سايي حبسي متحكيش هكاا..(مسحت دموعها كلي ما صرا والو) دوك انا نروح نوجد روحي اليوم عرسي هه مام نتي وجدي روحك نحب نشوف ختي شابة في عرسي( تبسمت معاها و راحت.. وياسمين بقات تبكي)

ياسمين وجدت روحهاا..و راحت تعاون ختهاا..(لقاتها تهبل)

ياسمين: راكي كي البوبية...خموس عليك..مايستاهلكش واحد كيما هذااك..

قمر : ههه

عند نسيم: هيااا خالتي خفي راهم يستنااو ..

زهية : استناا يا وليدي مزال الحال..

يوسف: لي يشوفك هكاا يحسبك تبغيها و راك مقلق باش ديهاا..

نسيم ؛ بلع فمك نتا هاذ اليامات راه يخرج منو غير زبل..راني مقلق وينتا نحرق قلب سي عزيز وي ..

خرجو من داار رايحين يجيبو قمر ..واشمن طوموبيلات واشمن زرنة واشمن بارود ..دارو عرس و عليه الكلام..حب كامل الناس و خاصة اعداء عزيز تعرف بلي تزوج بنتو ...)

↚

الحلقة 15

كانت قمر في بيتها مع ختهاا تستناا فيهم يجوو..حتى سمعوو صوت طوموبيلات و بارود...

قمر : (ضحكت بخيبة امل) هه راهي جات جنازتي..

ياسمين: (تبكي) اياا نهبطوو..

هابطة في دروج و علابالهاا لي راهي حتضيع حياتهاا بيديهاا..الله غالب هذا شي الكل باش ميقتلش خوهاا..(قابلهاا خوهاا في الباب يخزر فيها خزرة حزن و عجز..كي شافتو تفكرت تهديد تع نسيم كي قالهاا نقتلوو..رحت عنقاتو )

قمر : منقدرش نعيش بلا بيك نتا و ياسمين..تهلاو في روحكم (ياسمين تبكي مقدرتش تسكت)

عماد: متقوليش هكاا يا ختي صغيرونة حناا دايمن معاك و اذا دارلك اي حاجة خبريني فهمتي (هزتلو براسها ايه)

شافها نسيم كيفاش كانت تبكي و تعنق في خوها حن قلبو عليهاا مبعد كي شاف عزيز نساا كلش تفكر برك الانتقام ديالو..

عزيز: اليوم راح تولي كيما وليدي..راني راح نمدلك وحدة من الناس لي عزاز علياا تهلالي فيهاا..

ياسمين :(تهدر مع عماد) لي يسمع يقول صح..علابيها حب يبيع وحدة فينا بدون اي شفقة..

نسيم: متتقلقش سي عزيز ..راح نحطها في عينيا هه

سي عزيز: راك كيما وليدي بلاا هذو رسمياات و قولي بابا عزيز ...ياك وليت كيما باباك...

نسيم:(تقلق و زير على يدو) هه نخلوها عمي عزيز..منحب نحط حتى واحد بلاصت بابا..

عزيز:(تبسم تع بسيف)

نسيم: (راح يجيب قمر لي كانت تهبل مقدرش ينحي عينو عليها) هههه علابالك بلي جيتي لقبرك برجليك يااك..

قمر : علابالي بلي مانيش مع بنادم وراني مع حيوان ما يشفق على حتى واحد..

نسيم: (زيرلهاا على يدهاا و يضحك مع ناس باش مايفيقهاش) راني شايفك مقلقة بزاف باش تموتي..متتقلقيش دوك نروحو لدار و تشوفي الحيوان على اصولو..

↚

الحلقة 16

راحت قمر و ياسمين غير تبكي و عماد يسكت فيهاا..

سي عزيز: وشبي جدك نتي غير تندبي تحسبي ماتت ماشي تزوجت...

ياسمين: قتلتهاا اليوم و نتا لا خبر...(طلعت لبيتهاا سكرت على روحها)

قمر و نسيم وصلو لدار كي شافت هذاك القصر تخلعت صح دارهم ثان شابة و كبيرة مي هذي فايتتها الحراس في كل بلايص غير دخلو هبطو قاع ريسانهم احتراما للبوس ..

دخلت لشمبرتوو اقل ما يقال عنهاا تحفة ذوق راقي..رجولي..

نسيم: واش عجباتك!!

قمر : واش يهم عجبتني ولا لا..

نسيم:صح مايهممش اصلا راح تقعدي فيهاا نهاار برك..

قمر : واش قصدك وين نروحو...

نسيم: مبعد و تعرفي..(خرج و راح لجارداا يتكيف..خايف يندم من شي لي راح يديرو..كي يشوف في وجهاا البريئ مايحبش يدير الحاجة لي راهي في راسو و ينساا الانتقام ديالو..بصح كي يتفكر عزيز يزيد كرهوو و حقدوو ..

يوسف : راك متأكد من شي لي راك دير فيه..مزال عندك الوقت باش تبطل كلش ..

نسيم: فات الوقت مكاش كيفاش نرجع دوك..هوان ضيعلي حياتي و جا الوقت لي نحرقلو قلبو و نذلو..

(طلع عند قمر و عينيه قاع حقد و زعاف دخل و غلق الباب..قمر خافتو كي شافتو بهديك الحالةة و زاد غلق الباب)

نسيم: نحي حوايجك..

قمر : واشنووو!!!

نسيم: نحي حوايجك قتلك..

قمر : وشبيك مريض ! واش هذي نحي حوايجك!!

نسيم:(تقلق و راح ليها ينحيلهاا في حوايجهاا و هي تسيي تبعدو عليها مي مقدرتش قدامو ماتبان والو) ربك قتلك نحي حوايجك...

قمر : واش راك دير..يرحم باباك مديرلي والو نديرلك كامل واش تحب غير هذي لالا..

(نسيم كان الحقد و زعاف عامي على قلبي مكان يسمع والو يشوف غير في صورة عزيز و واش دار في باباه و كيفاش ضيعلو حياتو)

قمر عيات تترجى فيه مي هو كالاطرش في زفه..ماسامع بوالو..اغتصبها كسرها و دار لي دارو ..

ناض عليهااا لقاهااا تشوف في بلاصة و دموع في عينيها...

نسيم:نوضي لبسي حوايجك نروحوو..

قمر.....

عيط للخدامة تخلعت كي شافتهاا هكاك و غاضتهاا..

نسيم: وشبيك تخزري فيها هكااا...لبسيلها كاش حاجة خفي..

الخدامة لبست روب لقمر و هي ما حاسة بوالو غير تبكي...

الخدامة:سايي بوس لبستلهاا

نسيم: تقدري تروحي..(حكمها من يدهااا و بقااا يجر فيهااا دخلهاا في طوموبيل و راح لدار عزيز ..هبط و قاسهااا في جارداا...

↚

الحلقة 17

نسيم: (يعيط و يقول) هكااا يا سي عزيز سلعتك مخدووعة تعطيني وحدة قحبة معندهااش شرف... (يهدر و يعيط باش يسمعوه الحراس و يوصلو الهدرة لناس و للاعداء باش يطيحو شرف تع عزيز يبهدلهوه ..الحراس كانو يسمعو و مخلوعين كل واحد يتمتم مع صحبو..و قمر مسكينة طايحة في الارض و تبكي..)

كي سمعو العياااط كامل خرجوو ...

عزيز: واشنووو واش كاين...

ياسمين: اهه قمر (راحت تجري ليها) واشبيكي واش درلك..

عماد راح يضربو ...شدلوو نسيم يدووو..

نسيم: واش كاين ااه !! مديتولي وحدة قحبة بلا شرف..هذا واش نسواا عندك يا سي عزيز تفاهنااا و قلناا نديرو هدنة تكافئني بهذي ااه...

عزيز بقاا مهبط راسو ..

عماد: واش راك تهدر يا رخيس ! واش راك تهدر (و ضربو.. عاود ضربو نسيم )

رفدو الحراس عليه السلاح مي عزيز قالهم يهبطوه ...

عزيز: عندك الحق ..بلاك انا مربيتش بناتي مليح..

قمر : (تحكي و هي تبكي مخلوعة ماشي قادرة حتى تهدر) ب با ابا واش راك تقول...

عزيز: بلعي فمك يا قحبة مزلتي تهدري بهدلتيني قدام الناس بعد مكان راسي مرفوع هبطتيهولي...(راح يضرب فيها و يشد فيها من شعر و يسحب فيهاا..راح عماد سلكها..و ياسميت تبكي و تسلك فيهاا..و نسيم يشوف فيه فرحان كي راه يشوف في عزيز هكا و في وقت نفسو زعفان و غايضاتو كي راه يشوف في قمر بهذيك الحالة...

سي عزيز: جبد السلاح و كان راح يقتلها ..

نسيم كي شافو تخلع متوقعش ساهلة عليه يقتل بنتو و توصل بيه لهذي الدرجة

نسيم : اي حبس واش راك دير نتا ! بالاك تخمم ديرهاا..

عزيز بقا يشوف في نسيم مدهوش يعني قد ما يعرف نسيم نورمالمو يفرح كي يقتلهاا..

دخل عمااد و نحااا سلاح لباباه..

عزيز: اخرجي منااا مانيش حاب نزيد نشوفك مراني باباك متعرفيني منعرفك...

ياسمين: معندهاا وين تروح ..لوكان تروح نروح معاهاا

عزيز: نتي تبقاي هنااا ماعندك وين تروحي ...

ياسمين : لالا نروح مستحيل نخليها وحدهاا..

عزيز قال للحراس يطلعو ياسمين لبيتها و يغلقو عليهاا ...الحراس دايين ياسمين و هي تعيط..

عماد تفكر كامل واش قاتلو مريم و حس بالذنب علابالو بلي ختو شريفة و مديرهاش و هذي قع لعبة من نسيم

Flash back:

مريم: عمبالك تفوت هكااا..ضيعتلي حياتي و مستقبل تاعي يا رخيس ..

عماد: هه تغيضي والله عمبالك كي تروحي لابوليس يدخلوني للحبس !! هههههه علابالك انا وليد من ! حتى و اذا دخلت ياربي نقعد يومين و نخرج ..تفضحي غير روحك و يولو يشوفو فيك خزرة مقودة ونتي فهمي

مريم : (تخزر فيه و هي مخلوعة و دموع في عينيها) نتا واحد رخيس و ربي يجيب فيك الحق..صح انا معندي حتى واحد بصح عندي ربي لي راح يجيبلي حقي منك..وكيماا درتلي راح يديرو لختك ولا لبنتك هذاك الوقت تفكرني و تفكر هدرتي و خرجت..

↚

الحلقة 18

عماد بقااا يخزر في قمر و هي خارجة من الباب مدهوش و ما قادر يدير والو..

عزيز: نسيم ولدي سمحلي على لي صراا ولله بهدلتني من ناس دوك يستشفاو فيا اعداءي و مستحيل يفوتو فرصة كيما هذي...مرانيش قادر حتى نشوف في وجهك..

نسيم: (فرح كي شافو بهاذيك الحالة) راك حاب تغطي على هاذ الشي!

عزيز: حاجة باينة ..قادر ندير كلش باش حتى واحد مايسمع و تولي كرامتي بين الرجلين...

نسيم: هه اوك نعاونك..

عزيز : منك صح؟ كيفاش..

نسيم: من وينتا نتمسخر في هذو صوالح يا عزيز..بصح بشرط

عزيز : واش هو...

نسيم: تمدلي كامل السلاااح لي راه عندك...

عزيز: ههههههه وشبيك نسيم علابالك شحال خسرت عليه حياتي كومبلي و انا نلم فيه وصلت وين قتلت ناس علا جالو و مزاال نزيد نقتل اذا ضطريت (يمعني على بابات نسيم )

نسيم: (فهم واش قصدو مي محبش يبين ) دبر راسك انا قلت لي عندي ..على كل حال انا مراني خاسر والووو..نتاا لي راح تولي على لساان صغير و كبير و اعداءك مراحش يفوتو فرصة كيماا هدي باش يطيروك من هاذ الدوماان..نتا راك كبير علياا و تعرف خير مني واش يصرا (و كان رايح..حبسو عزيز)

عزيز: استنااا ..راني موافق..بصح توفي بوعدم و متخلي حتى واحد يسمع بلي صراا ..و تنساا امر الاتفاقية و العداوة راح تولي كثر من لي كانت...

نسيم: ههههه هذي الخطرة راك نتلهاااا بيك مليح ياااا عزيز..

عماد يشوف غير بعينيه و مخلوع بشي لي راه يسمع فيه...

خرج نسيم يحوس على قمر لقاهاا تمشي في طريق خالية مافيها حتى واحد و ضلمة .. قطعلها الطريق بطوموبيلتو..

نسيم:بسس نتي طلعي..

قمر بقات تشوف فيه..

نسيم : طلعي راني نقلك...

قمر : (تهدر و تعيط) روح بعدني خطيني دمرتلي حياتي واش راك حاب مني واش درتلك اناا...

نسيم غاضتو قمر كي شافها بهذيك الحالة و حس بالذنب..راح ليها و شدها من يدها باش يطلعها في طوموبيل ..

قمر : (خافت و لات تعيط عمبالها حيزيد يغتاصبها) طلقني ما توشينيش طلقني..بقات تفرفط بين يديه حتى تغاشات..رفدها ركبها في طوموبيل و داها لدارو..أمرهم باش يعطو لطبيبة كي شافتهااا اعطاتلهاا مسكنات و قاتلو لازملها تريح راهي تبان في صدمة..

نسيم : اوك تقدري تروحي كي نستحقك نعيطلك..

بقاا نسيم يشوف في قمر و كيفاه دموع يسيلولها و هي راقدة و عينيها حمورة و وجها البريئ بدات تدخلو الندامة في قلبو..

نسيم : يا ربي انا واش دررت واش ذنبها هي واش دخلهاا..شي لي دارو باباها خلصاتو هي..الغضب و ااحقد عماو عينيا خلاوني تدير صوالك جامي خممت نديرهم..(وطاحتلو دمعة سخونة على خدو..حط راسو على الحافة تع البنك و رقد..

↚

الحلقة 19

(عند عزيز يعيط و يهدر مع الحراس دياولووو..)

عزيز: تنساااو واش شفتوو و سمعتوو اليوم..اذا سمعت لي خرجت هذي الهدرة..منحوسش شكون لي قالهاا نقتلكم قاع كيما جيتو بيكم بولادكم بسلالتكم كامل..تعرفوني كي نهدر نفذ..فهمتووو!

الحراس: مفهوم..

(عند مريم ليل كومبلي و هي قاعدة تتقيااا مرقدتش كامل)

مريم: اوفف واش صرالي اليوم..زعماا نكون كليت حاجة ماشي مليحة...(عاودت راحت تتقياا شافت روحهاا في مرايا لقات وجهاا مشهاب و تبان عيانة)

مريم: مستحيل يكون الشي لي راني تخمم فيه..آآآه يا ربي انشاءالله ميكونش كيما راني نخمم...(راحت شافت لادات تاع ليغاقل لقاتهم روتار)....هه نن مستحيل...نورمال يكونو تخلطولي الهرمونات برك..حبسي متفكري هكاا يا حمارة..(قعدت ليل كومبلي تخمم اذا راهي اونسات ولا نن) ..

(قمر ناضت صبااح بسيف قاعدة تشوف في بلافو تفكرت كامل واش صراا و بلي اقرب الناس ليها لي هو باباها محوس يفهم والو و ضربها و حاوزهااا..ناضت لقااتو حاط راسو على يدهاا و راقد...)

قمر : (نحاات يدهااا) نووض عليااا يا رخيس...متحشمش كامل واش درت و زيد تقابلني..

نسيم: (ناض مصروع مافهم والو واش هدرت) وشبي جدك صبحتي تهدري على راسي وش راكي تقولي..

قمر : (تخلعت كيفاش يتصرف كلي مادار والوو) راني نقلك بلي نتا رخيس و ماشي راجل و تعرف تستقواا غير على نساا..فهمت دوكا واش قتلك..

نسيم:(تقلق و استفزاتو بالهدرة تاعها..رفد يدو و ضربها بكف..بقات مخلوعة) شوفي راح ننساا واش هدرتي دوك علابالي لي راكي زعفانة مي هذي آخر مرة لي نخليهاا تفوت هكااا فهمتي ..

قمر : واش راح تزيد دير كثر ملي درت..من اول نهار شفتك مشفتش ربح..نتا شيطان بحد ذاتو..

نسيم: راح نخرج بسكو اذا بقيت كثر راح نقتلك و نتفنن في عذابك..(كان رايح)

قمر : اي وين ..انا نروح منا منقعدش مع شيطان كيما نتا و نعيش معاه في دار وحدة فهمت..

نسيم: ههه مسكينة..معندك وين تروحي تندفني هنااا..نسيتي بلي وليتي مرتي ..(رفدلهاا يدهااا و ورالها خاتمهاا)

قمر : (نحات يدها من يدو و رمات الخاتم عليه) اذا جات غير في الخاتم راني رميتهولك..

نسيم:(زير على يدو و عض على شواربو كان راح يضربهااا ومبعد خرج باش مايديرلها والو و غلق الباب عليها)

قمر : (تخبط في الباب و تعيط)فتح الباب الله يجيبهالك فتحووو...اناا خارجة خارجة مناا اذا ماشي اليوم غدوة فهمت..

نسيم:(هبط للجارداا و قال ليوسف يجمع كامل الحراس لي في فيلا..جمعوا كامل و نسيم بداا يهدر) كيما راكم تشوفو انا زوجت..من اليوم نحبكم تقادروها كيما تقادروني...و كلمتهاا هي لي تمشي بعد كلمتي...متجاوزوش حدودكم معاهااا...و لي يدير عكس واش راني نقول ماتلومو غير نفسكم و حسابكم راح يكون عسير...

يوسف بقاا يشوف في نسيم و كيفاش يهدر..اول مرة يهدر هكاا حتى خالتو و ماشي عاطيلها هذو الصلاحيات ...

يوسف:(يحكي بينو و بين روحو) وقيلا طحت على راسك يا صحبي ونتا لا خبر..

قمر : (قمر كانت تشوف فيه من البالكو تع شومبرتو..) امم هذي مليحة ليااا باش نهرب منااا..قمر خدمي عقلك كيفاش تخرجي مناا

↚

الحلقة 20

(راح نسيم مع يوسف للمكتب ديالو يحكيلو على عزيز كيفاش صرالو البارح)

نسيم: ههه لوكان تشوفو يايوسف كيفاش كان البارح..كان عاجز و ماقادر يدير والو خاف غير اذا يتفضح...شحال فرحت كي شفتو بهذيك الحالة و مصيرو بين يدياا..

يوسف: بصح يا البوس كاين حاجة مفهمتهااش ..نتا مكانش بيك سلاح..كيفاش حتى قتلو مدلي سلاحك مقابل منفضحكش...مكانتش هذي هي الخطة تاعك..

نسيم: (خزر فيه خزرة تقتل) واش قصدك ربك!! قصدك انا درت هكا على جال قمر..

يوسف: انا ماقلتش هكاا...نتا راك تهدر فيهاا وحدك...

نسيم: (ما لقاش وش يهدر حس روحو تكشف) اياا سكتناا حبس ما تخلط في الهدرة اناا مستحيل تجمعني علاقة مع بنت لي قتل بابا..

يوسف: امممم

نسيم: واش اممم..الهاا غير في روحك..عمبالك مشفتكش لبارح كيفاش تخزر في ختها ياسمين..

يوسف: (بقاا مدهوش و محبش يبين) هههه الله يهديك صحبي..

نسيم: امم امين امين..(خرج نسيم كان رايح عند قمر باش يفتح عليها الباب...)

(في الوقت لي كان فيه نسيم مع يوسف يحكو في البيرو...هي قلبت قاع الدنيا في الشومبرة تحوس على حاجة تفتح بيها لباب...قلبت في القجر لي داخل خزانة لقات مفتاح دوبل تع شومبرة...)

قمر : يااا ربي و يكون هو (دخلاتو في الباب تسيي تفتح فيه حتى تحل) اووه الحمدلله

(دات بورطابلها و خرجت ..لحقت قدام الباب الكبير لقات الحرااس بزاف..حبت تبين روحها طبيعية و مابيها والو..)

قمر : فتحو الباب..

الحارس: منقدروش مدام..لازم الاذن تاع البوس ..

قمر : و انا علابالك شكوون ..انا مرتو..افتح قتلك..

الحارس: بصح يا مادام..

قمر : (قطعاتو) واش كان يقلكم مقبيل..قالكم كلمتها تفوت بعد كلمتي..و لي مينفذش الاوامر يتعاقب..دوك نروح نقولو و تشوفو واش يصرا فيكم (دات روحهاا رايحة عند نسيم)

الحارس: اسمحيلنا مدام (فتحلهاا الباب) تفضلي..

قمر خرجت تجري مشافتش قاع موراها...

نسيم:(راح باش يفتح عليها الباب لقاه مفتوح..حوس عليها في صال دو با مكااش..سقسا الخدامة قتلو مشفتهاش..هبط راح عند الحراس..)

نسيم: وين راهي مرتي..!

الحارس:غير دوك خرجت...

نسيم:(شد الحارس من رقبتو و يجيف فيه) كيفاش دوك خرجت ..شكون قلكم سمحولها تخرج اااه..

الحارس:(يهدر بسيف) ه ه يي قاتلناا قتلوو و خلاني نخرج..متكونش بعيدة غير دوك خرجت ..

نسيم: جمعواا كامل خرجواا حوسو عليهاا و متجوش قبل ما تصيبوهاا..و هذاا دوه تحت منبعد نتلهاا بيه...

↚

الحلقة 21

(خرج نسيم مع الرجال يحوس عليهااا..قمر مكانتش بعيدة بزاف من الدار..دخلت في وحد الغابة بقات غير تجري حتى عيات و قعدت تريح قدام وحد الشجرة..)

قمر : افف عييت..يا ربي و مايلقاونيش انشاء الله منزيدش نشوف وجهوو في حياتي يا ربي كرهت..(و بدات تبكي)

في هذا الوقت نسيم و رجال كانو يحوسو عليهااا في قاع بلايص كل جماعة وين راحو يحوسو عليهاا..شافهاا واحد الحارس من بعيد و كان راح يجيبهاا..قالو صاحبو..

الحارس1: حبس وين راك رايح ...

الحارس2: نروح نجيبها كيفاش وين رايح..نسيت البوس واش قلناا لوكان منلقاوهاش نروحو قاع فيها..

الحارس1: نروحو نقولولو قبل..اذا رحناا جبناهاا و هي تقاوم و نديرولها كاش حاجة تماا قول بلي نروحو فيها تع صح..ميخلي حتى واحد عايش ني نتا ني فاميلتك..

الحارس2: عندك الحق مشفتش صحبنا مسكين كي خلاها تخرج راح يعذبو عذاب كبير بلا رحمة يا جدك..

الحارس1: انا نروح نقولو و نتا بقاا تعس فيهاا..

(راح الراجل يقول لنسيم ...شافها نسيم من بعيد راح ليها)

نسيم:نتي متتربايش علابالك..

قمر : (مشافتوش كانت مغطية وجها بيديها و تبكي..كي سمعت صوتو تشوكات مقدرتش تتحرك..طلعت راسهاا غير بلعقل تشوف فيه..يخزر فيها خزرة تخوف..ناضت تشوف من و من كيفاش تهرب لقات قاع رجال محاوطينهاا..هبطت راسهاا و عرفت بلي مكاش مفر..)

نسيم: (ضربهاا بكف طاحت في الارض و شدها من شعرها) يا قحبة ماشي قتلك ديري غلطة نقتل خوك لعزيز..راني شايفك تنساي بلخف..ولا لازم كل دقيقة نفكرك..

قمر : (بزقت عليه) الله يذلك بين الرجال..

الحراس كامل تخلعو كي دارتلو هكاك...

نسيم: (تخلع كيفاش جرأت ديرلو هكاك وطيحلو كرامتو وهيبتو بين رجال لي يتحكم فيهم و واحد مايحط عينيه في عينو) وش درتي دوك !! بزقتي علياااا يا الخامجة(بدا يضرب فيها محبسش حتى داخت)

نسيم:(يهدر مع الرجال) رفدوهاا و دوهاا تحت للقبو.

(الحراس تخلعو و متحركوش من بلاصتهم..كيفاش راهه معول يعذب مرتو..كل واحد عندو علامة استفهام في عقلو..)

نسيم:ربكم وش راكم تشوفو ..ديرو واش قتلكم..

(رفدوهاا و داوهاا..)

↚

الحلقة 22

عماد بات قدام دار مريم حاب يشوفها..خرجت مريم صبااح من دارهم..بقاا يتبع فيهاا شافهاا دخلت عند فارماسيان شرات تاست...عماد عمبالو راهي مريضة..كي خرجت من عند فارماسيان هو دخل عندوو..

عماد: سلام عليكم خوياا..معليش تقلي الطفلة لي جات عندك دوك واش شراات..

فارماسياان: شرات اختبار الحمل موسيوو..

عماد: واشنووووو!!!(و دار راسو بين يديه) ياربي ميكونش كيماا خفت...

فارماسيان: موسيو راك مليح...(عماد خرج ركب في طوموبيلتو و بداا يخبط في الفولو بيديه..)

مريم دخلت للدار جربت تاست و بقات تستنا فيه يخرج...حتى لقات زوج خطوط يبانوو يعني خرجلها بوزيتيف...

مريم:(حطت يدها على فمها من الخلعة و تبكي) ياربي واش نديير...لوكان يسمع خوياا يقتلني..مكفااش واش صراا فياا و زيد هذا ثاني...اهئ اهئ اهئ..

عماد بقا يستنا في مريم تخرج من الدار باش يسقسيها ويهدر معاها مي مخرجتش...

ياسمين ملي صرا لختهاا هكاك مخرجتش من شمبرتهااا تخمم فيهااا و شي لي راح يصرا معاها علابالها بلي هذاك الشيطان ميرحمهاش ..كل خطرة تعيطلها في تلفون بصح متريبونديش..تقلقت عليهاا بزاااف..و عزيز مراهش يخليها تخرج من الدار ماهوش حاب تزيد تتلاقا بيها..

(قمر كانت دايخة...فطنت لقاات روحهاا في بيت فيها ضو خفيفة..مقابلهااا راجل رابطينلو يديه و رجليه و كاين جميع انواع الاسلحة لي يشروهم و يخسرو عليهم دراهم كبار...دخل نسيم..)

نسيم: صح النووم يا الخامجة..

قمر : واش ندير هناا..علاش جبتني هنااا..

نسيم: اوفف متتقلقيش دوك تعرفي كلش..هذا هو ديفو تاعك تتقلقي بزااف..شوفي انا كي ما تقلقتش ديت واش حبيت..

قمر : (تشوف فيه حابة تقتلو)

نسيم:هههههه هذا يا سيدي الراجل لي خلاك تخرجي..علابالك وش ديري دوك..تقتليه..

قمر : ههههههههه نقتلو!!! هههههه ضحكتني والله..

نسيم: بلعيه..تقتليه و نتي فرحانة ثاني ..

قمر : مستحيل تصرا هذي...

نسيم: انا معنديش مستحيل..كلش قادر يصراا..خمي مليح..تقتليه نتي برصاصة وحدة صاديبو وين جي قادر يسلك منهاا و يعيش..ولا نعذبو اناا بكامل الاسلحة لي قدامك و نقتلو برصاصتي لي علابالي ميزيدش يعيش موراهاا...

قمر : (تهدر و تبكي بهيستيريا) لالا منقدرش..اسمحلي والله منزيد نهرب اسمحلي...كل حاجة تقلي عليها نديرهاا..والله متزيد تسمع صوتي ..

نسيم:(غاضتوو بزااف و كان يديرلها هكاا باش تتربا و متزيدش تهرب) لوكان خممتي فيها قبل ما تهربي..اياا نوضي متعيينيش و خلينا نكملو بلخف..(مدلهاا سلاح..وقالهااا هياا طلقي)..

قمر : (ولات ترعش خافت تطلق عليه في قلبو ولا كاش بلاصة ويموت)

نسيم:(يعيط عليهااا) هياااا..

قمر مع العيطة تع نسيم غمضت عينيها و طلقت الرصاصة جاتو في كرشو..طاحت في الارض و ولات تبكي..

↚

الحلقة 23

نسيم: بابابا تعرفي تطلقي خيرمني هههه اياا نوضي دوك روحي لبيتك مانيش حاب نشوف خليقتك دوك نورمالمو تربيتي و متزيديش تخمي في الهربة..

قمر : (ساكتة و تبكي ناضت طلعت معاه لشمبراا خرج و سكر عليها الباب)

عماد بقا يستنا في مريم حتى خرجت خلاها بعدت شوية على دارهم و راح ليها ..

عماد: مريم

مريم:(دارت تشوف شكون) نتاااا!!! مزالك تبع فيااا خطيني يا وليد الناس واش راك حاب مني..

عماد: علابالي بلي شريتي تاست اليوم..حبيت نعرف برك واش خرجلك..

مريم:(حارت واش تقولو ..مي هو ثان لازم يتعذب معايا و يتحمل نتائج الشي لي دارو فيا..بقات ساكتة مبعد هدرت) ايه راني اونسانت..(عماد تخلع..فوت يدو على راسو ) هه واش تخلعت ااه..بسبتك صراا هكا و نتا دوك تصيبلي حل..فهمت..علابالك لوكان يعرف خويا يذبحني..

عماد: سايي اسكتي عليااا...لازم نخمم و نلقاا حل في اسرع وقت...(راح و خلاها موراه تبكي)

سي عزيز قاعد في بيروه و يتحسر على الخسارة الكبيرة لي صراتلو بداا يفلس تعبو تع شحال من سنة جا نسيم داه في دقيقة..قاعد و يخمم واش يدير طريق لي يروحلهاا مغلوقة عليه...

(قمر قاعدة في بيتها تشوف روحها في مرايا..عينيها ساغني و حموراا من بكا بزااف و حالتها حالة..)

قمر : (تهدر مع روحها) انتي علاش راه صاريلك هكاا من وينتا و نتي بهاذي الحالة...بلخف استسلمتي..فوتي صوالح بزاف و هذي مقدرتيش تفوتيها! صح باباك باعك و محوسش حتى يسمعك...و خوك عماد لي من داك نهار مسقساش عليك اذا راكي ميتة ولا حية مالغري علابالو بلي راكي عايشة مع وحش ماشي بنادم...و باباك لي دار صوالح بزاف بصح متوقعتيش منو يوصل لهذي الدرجة..نسيم الرخيس عذبك عذاب حتى واحد ميقدر يتحملو..بصح نتي راح تتحمليه و كل واحد فيهم راح يخلص الشي لي دارو فيك غالي بزااف..مراحش نخلي عذابي يروح هكاك..من اليوم راح تكوني قمر جديدة قمر واحداخرااا..لي ما تسمح لحتى واحد يعفس عليها و يروح...

(ناضت قمر دوشت ..لبست سالوبات تع جين دارت ماكياج و مشطت شعرهاا كلي مكان والو)..

↚

الحلقة 24

(حوست على بورطابل تاعها لقاات لي زابال تع ختهاا ياسمين و نيميرو جديد متعرفوش...عيطت لياسمين)

ياسمين: (تخلعت كي شافت قمر تعيطلها) الوو قمر واش راكي قوليلي راكي مليح علاش مكنتيش تريبوندي علياا..

قمر : هههههه غير بلعقل وشبيك راني مليحة توحشتك بزااف..

ياسمين: بعد كامل واش صرا راكي تضحكي..

قمر : ايه مالا واش راكي حابة تشوفيني نبكي..

ياسمين: قوليلي كاشما زاد دارلك هذاك رخيس..راكي سير لي راكي مليحة..

قمر : ايه راني مليحة..من هذاك نهاار مزاد دارلي والو و ماهدر معايا ما قرب ليا..(محبتش تحكيلها و تعمرلها راسها)

ياسمين:اففف مزية ريحتيني..بابا مراهش يخليني نخرج من دار خايف اذا نتلقااك..

قمر : هه حتى انا مانيش نخرج...نزيدو يامات ينساو شوية و نتلقااو تيليفون بيناتناا...

ياسمين: مراهش قاع مليح..سمعتو في تلفون يقول خسارتنا كبيرة و متتعوضش..

قمر : انشاءالله يخسر كلش في حيااتو و يبكي دم على كلشي ضيعوو..

ياسمين: بووه متخافيش كامل ناس يبكو و هو لالا قلبو حجرة..

قمر : هههه والله عندك الحق..ايا راح نكوبي دوك راه جاي هذاك الرخيس مبعد...و نعاودلك..

ياسمين:اوكي ختيتي تهلاي في ورحك..

(كوبات قمر تلفون و قعدت مقابلة لاكوافور و تدي روحهاا دير في غوج الافغ بطريقة مغرية...دخل نسيم عليهاا ولقاهاا هكااك..قعد غير يشوف فيها مخلوع كيفاش تتصرف كشغل ماصراا والو و عاجباتوو في نفس الوقت...يعجبو كلش فيهاا لبستهاا شعرهااا كلش..وزادت الطريقة لي كانت دير بيها غوج الافغ قتلاتو..حتى تلفتلو الهدرة)

قمر : (شافتو في مرايا يشوف فيها و حاط قاع معاهاا..هزتلو براسها تع واش!)

نسيم: هه والو..جبتلك خبر يفرح..الراجل لي قرصتي عليه ماصرالو والو وطبيب قال يعيش...

قمر : (تفكرت كي طلقت على الراجل...مي شدت روحها و محبتش تبين) امم مليح..

(نسيم بقا مخلوع فيها كيفاش تبدلت خطرة وحدة و متهدرش بزاف و تطول في لسانها كي العادة ماشي موالفها هكا )

نسيم: هذا واش عندك تقولي!

قمر : علاش كاش ما حبيتني نقول..

نسيم: واشبي جدك نتيا علاه راه صاريلك هكاا..

قمر : (ناضت من كرسي و راحت قعدت قدامو في البنك..و تشوف في عينيه..وتهدر بلعقل و بكل انوثة) ماراه صاريلي والو..برك تقبلت امر الواقع و راني نتعايش معااه..وراني نسيي مننساش لي راني هنا علاجال خويا..

نسيم:(هي تهدر و هو يشوف في شواربها..وهي راهي حاسة وهذا هو الشي لي كانت حباتو) برافو عليك..هكاا تعجبيني..(ناض حاول يهرب منها..بسكو لوكان يقعد معاها كثر يعاود يغتصبها)..نروح ندوش قعدي عاقلة ..

قمر : اوكي(وضحكة ضحكة تع شر)

عماد راح لدارهم دخل لبيتو قاعد يخمم واش يدير في هاذ المشكل لي راه عليه...

عماد: لازملهااا طيحوو مكاش حل وحداخر...بصح علابالي هي مستحيل تقبل بهاذ الحل..سايي عماد تحمل مسؤوليتك متقدرش تتهرب منهاا وتبقا هكاا طايش..واجه مشاكلك راك كبير متقدرش تفرط في وليدك..(رفد روحو و رايح عند مريم يهدر معاها)

مريم كملت خدمتها و راحت لدار سكرت على روحها..وخوها حمزة مصروع كي لعادة دخل ل صالدوبا غسل و حفف وجهوو فتح لابوبال باش يقيس جوطابل..لقاا لابوات تع تاست..رفدهاا قلبهاا يقرا واش هذي لقاا داخلهاا تاست..بدااا يعيط و يطيح وراح عند يمااه..

حمزة: ربكم تاعمن هذي...

ام مريم:وين علابالي اناا يا وليدي راك تشوف فياا من فراش منوضش..

(راح ديراكت عند مريم فتح عليها لبااب) هاذي تاعك ياك يا القحبة!!

(مريم تشوكات كي شافتهاا من الخلعة كي عرفت روحها اونسات مخبتهاش سكتت مهدرت حتى كلمة)

حمزة : (يضرب فيهاا و يطيح ) يا قحبة جبتيلناا العاار وليتي تخرجيلي مع رجال يلعبو بيك (وهي تبكي ماشي قادرة تهدر من خوف اصلا حتى اذا هدرت ميأمنهاش شدها من الشعر و يسحب فيهااا قدام الباب..يماها تبكي و ماشي قادرة دير والو بسكو متقدرش تتحرك من بلاصتها و خوها صغير قاعد في كوان خايف و يبكي...)

حمزة: (شاد مريم من شعرهاا و قاسهاا قدام الباب) بهدلتينااا يا بنت الكلب و يضرب فيها و ناس كامل تشوف ..

لحق عماد باش يهدر مع مريم لقاهاا في الارض و حمزة يضرب فيها...هبط يجري عندهااا و شد حمزة يضرب فيه..

عماد: طلقها ربك متحشمش ترفد يدك عليها يا طحان..

حمزة: ااا مالا نتا هو يا رخيس نتا هو لي قحبت معاك..

عماد:(زاد زعف و قعد يضرب فيه بهيستيرياا حتى ناس جاو يسلكو و حمزة مقدرش ينوض) نوضي نوضي نديك من هناا ...

مريم: (مريم ناضت كيما الجثة ماشي قادرة تتحرك)

عماد:شافهاا لقاا دم يسيل عليهاا من تحت بسبة حمزة كي كان يضرب فيها في كرشها ...تخلع رفدها و داها لسبيطار خاف يخسرها و يخسر وليدوو..

خرجت الطبيبة و قاتلو لازملها تريح ومتتعبش بزااف و لازملها راحة نفسية.. كي يخلاص السيروم تقدر تخرجها..

عماد: اوكي مرسي..(دخل عند مريم خزرت فيه خزرة تع ضعف و عجز...راح ليها و شدها من يدها..) من اليوم راح تكونو تحت حمايتي..وماتزيديش ترجعي لهذيك البلاصة..مانسمح لحتى واحد يقربلكم..(خزرت فيه و بدات تبكي)..

↚

الحلقة 25

(دخل عزيز لدارو مدمر قاع البيبان تغلقت في وجهوو...راحت عندو ياسمين..)

ياسمين: لوينتا راك تخمم تحبسني هناا...

عزيز: وقت لي نضمن بلي متروحيش عند هذيك الخامجة..بسبتها راني في هذي الحالة..

ياسمين: متخافش منروحش اصلاا مانيش ناوية نهدر معاها بهدلتنااا..

عزيز:صباح الخير هذا وين فقتي... روحي وين راكي حابة ميهمنيش راني لاهي غير بمشااكلي...

(ياسمين فرحت لبست حوايجها و خرجت)

عند نسيم ( خرج من الدوش لبس حوايجو و جاا خارج)

قمر : نسيم..(غير بظرافة )

(خزر فيهاااا اول مرة تنطق اسموو بلا كلمة شيطان ولا رخيس..)

قمر : متغلقش علياا الباب..

نسيم: واش يضمنلي متزيديش تهربي..

قمر : بعد قاع واش صرا منزيدش نخمم فيها..و زيد منقدرش نريسكي بحياة خوياا...راني حابة نعيش نورمال و ننسا لي صراا..

نسيم: (تخلع من هذا التغيير المفاجئ)مليح لي حطيتي عقلك في راسك...

قمر : (كان لازم تكسب الثقة ديالو باش تتحرك على راحتهاا..تبسمت معااه) ايه انا تغميت هناا..متخرجنيش توريلي فيلااا..

نسيم: حبسي من الدصاارة هذي..

قمر : (بقات غير تشوف فيه) كي قتلك وريلي دار لي راني ساكنة فيها ولات دصارة...(راحت خرجت للبالكو و قعدت في كرسي و شنفت عليه)

نسيم: (شاف فيها و ضحك كيفاش دير كيما دراري صغار...راح ليها) سايي نوضي..

قمر : منجيش..

نسيم: بركاي ما ديري كيما دراري و نوضي..

قمر : حبس من الدصارة هذي...

نسيم: هههه زعما خلفتيهالي ولا واش..ايه دبر راسك(كان رايح حتى حبساتو)

قمر : استناا راني جاية..(شنفت عليه و خرجت..وهو يقتلو هاذ الجاست...ورالهااا كامل الفيلاا عجبتهاا بزااف)

نسيم: عجباتك!!

قمر : ايه بزاف شابة..احمم نسيم..ياك مراكش ناوي تخليني غير في شومبراا غالق علياا..نولي نهبط لجارداا و نتعشاا معاكم ياك..

نسيم: وليتي ديسيدي وحدك..انا نقرر وينتاا يصراا هاذ الشي...

قمر : (زعفت) علاش ياك مقتلكش نخرج براا..راني غير هنا في دار...حبيتني نموت في هذيك الشومبرة اوفف كرهت..

نسيم: سايي بلعيه عمبالي نقصتي الهدرة حتى رجعتي كثر من لي كنتي..

قمر : كيما درناا معجبنااكش ...سكتناا قلت علاش دايرة هكاا..هدرنااا قلت تهدري بزااف...ميعجبكش العجب..

نسيم:ههههه اممم سي يعجبوني وحد الحاجة (وبدا يقرب ليهاا وهي ترجع..حكمها من ضهرها و قربها ليه و فوت يديه على شواربهاا..)يعجبوني هذوو..

قمر : (هبطتلو يدو) ماشي كي راني نحكي معاك معنتها سامحتك..منسيتش واش درت فياا و ماننساش..

نسيم:(تخلع من ردة فعل تاعهاا..قمر حساتو بلي تخلع..وباش تقتلو كثر..فوتت صبعتيهاا على شواربوو..)

قمر : راك تشوف في هذوو جامي و جامي يمسوو لي عجبوك...

(كي ولات تهدر هكاك قمر ...نسيم حس بلي قمر صح راهي بعيدة عليها و مستحيل تسامحو على واش دار معاها..)

جا الحارس قاطعتهم...

الحارس: سمحلي لي قاطعتكم البوس..

نسيم: واش كاين..

الحارس: جات مادموزال ياسمين حبت تشوف مدام قمر..

قمر : ااه ياسمين ..خليها تدخل..

(الحارس متحركش..)

قمر : دخلهاا واش راك تستناا..(خزرة في نسيم) نسيم قولو يدخلهاا..

نسيم: نن متدخلش..

قمر : واشنووو! علاش متدخلش..

نسيم: سايي ربك قتلك متدخلش معنتها متدخلش..

(الحارس بقا غير يشوف فيهم..)

قمر : حرمتني من كلش حبيت تزيد تحرمني من ختي ثاني..(تهدر و هي تبكي ) وينتاا تعتقني لوينتا و نتا تعاملني هكاا دايمن تحشمني قدام رجالك..(طلعت تبكي لبيتهاا..شوية و دخلت عندهاا ياسمين)

قمر : ااه ياسمين دخلتي..(راحت عنقتهاا) توحشتك..

ياسمين: مام اناا توحشتك..ايه دخلني نسيم..

قمر : (تخلعت حست بلي بداا يحن قلبو عليها) افف مزية..كيفاش حتى خلاك بابا جي...

ياسمين: مكانتش صعيبة بزااف..تعرفيني كي نحط حاجة في راسي نديرهاا...

قمر : اممم راكي تقولي شبهت بابا هههههههه

ياسمين:خرااا .. ونتي وينتا تولي تخرجي..منحبش نجي هناا و نشوف هذاك الشيطان..

قمر : معلاباليش..الحاجة لي نقولهالو يرفضهاا مبعد يديرهاا..مي مشكيتش يخليني نخرج ايماجين من شومبرة منخرجش..حبيتيه يسمحلي نروح براا..

ياسمين: ماعليش انا نولي نجي عندك على سواد سعدي

قمر : هههه

(قعدت قمر مع ياسمين يقسروو...حكاو على كلش..و ياسمين راحت...كي كانت خارجة شافها يوسف راح ليهاا)

يوسف: سلام مادموزال ياسمين..راكي مليحة..

ياسمين: الحمدلله كاش ما كاين..

يوسف: مكان والو برك حبيت نسقسي عليك..

ياسمين: اوكي (راحت و خلاتو )

نسيم:ههههههه مي محلباتكش قاع يا صحبي

يوسف: هذي حاجة ضحك

نسيم: ههههه تكبر و تنساها

يوسف: ايه حقاا شفتك كي كنت مع قمر..وكيفاش كنت تشوف فيهاا..امم وقيلاا حتى هياا ماهيش محلباتك ااه ..

نسيم: (ضربو في كرشو..و يوسف ولا يضحك) واش دخلك ...

يوسف: هههههه ونتا واش دخلك فيااا..

نسيم: دير واش تحب اتخذ

↚

الحلقة 26

عماد خرج مريم من السبيطار وداها لاوتال..)

عماد: تقعدي هنا اليوم..وغدوة نشوفلك كاش دار تسكني فيهااا ..

مريم: و يما و خويا صغير...

عماد: ماتخافيش غدوة كي نلقالك دار نجيبهوم يسكنو معاك...متخرجيش بلا ما تقوليلي سير خوك يكون يحوس عليك في كل بلاصة...

مريم: لوكان مبعد يلقانا وين ساكنين..

عماد : نن قتلك ماتخافيش من اليوم راح تكونو تحت مسؤوليتي ونحط حراس يعسوكم ...انا دوك نروح ..راني خليتلك بورطابل فيه نيميرو تاعي..تستحقي كاش حاجة عيطيلي..(ناض باش يروح)

مريم: عماد..(دار ليهاا) صحيت..

عماد:(تبسم معاها) هذا مراه والو قدام شي لي درتو معاك..والعذاب لي خليتك تتعذبيه مي نوعدك راح نعوضك على كلش(وخرج)..

عند عزيز..خمم مليح و قرر يعيط لشخص واحد يقدر يعاونوو..لهو صاحبو طاهر..عيطلو..

عزيز: اهلا سي طاهر..

طاهر: اهلا عزيز..هذي غيبة..

عزيز: الله يسلمك..

طاهر: واش تسحقك..دخل في الموضوع ديراكت..على حد علمي نتا متعيطش بلا سبة..

عزيز: في الحق يا سي طاهر راني في وضع صعيب و قصدتك باش تعاوني..

طاهر:بواش نعاونك...

عزيز: نستحقك دراهم...

طاهر: هذاا مبلغ بزااف كبير يا عزيز..راك سير لي تقدر ترجعووو..

عزيز: نرجعوو نرجعوو في اقرب وقت..

طاهر:اذاا مرجعتوش راح يسيل دم يا عزيز راني خبرتك مقبل..

عزيز : ايه علابالي علابالي..

طاهر : غدوة نبعث واحد من رجالي يجبلك الدراهم لي بغيتهم...

عزيز: الله يحفظك سي طاهر..(عزيز قصد طاهر باش يطيلو دراهم و يبداا من جديد في تجارة السلاح و يعوض على الاقل نص واش خسروو..)

قمر كانت قاعدة في بيتها دخل عليها نسيم..

نسيم: واش متهبطيش تتعشاي

قمر : نقدر نهبط صح!..

نسيم: ايه..خفي قبل ما نبدل رايي

قمر : (فرحت حست روحها قريب توصل للشي لي راهي حباتو) تبسمت معااه..وهبطو قعدو على طابلة..نسيم قعد في راس الطابلةو قمر على جيهتو اليمنى و زهية على الجيهة اليسرى مقابلة قمر و غير تشوف فيهاا..قمر بقات تشوف فيهاا معجبتهاش خزرات تاوعهااا قمر منحاتش عينها منهاا حتى زهية هبطتهم..

قمر(تحكي في قلبها) هه هذاا ما خصني غير همك نتي ثان...

تعشااو و طلعو لبيتهم..نسيم تكسل في شمبرتو..بقات تشوف فيه قمر..

قمر : راح ترقد هناا...

نسيم:حاجة باينة نرقد هناا ..هذي شمبرتي ولا نسيتي..

قمر : لالا مانسيتش..مالا انا نروح نرقد في شومبراا وحداخرة..

نسيم: متقدريش...بسك خالتي تفيق بلي رانا مزوجين على الورق..

قمر : هه واش من ورق بعد شي لي درتو..

نسيم: حبيتي نعاودوها واقيل..

قمر : (تخلعت من هدرتوو يعني كلشي دارو مندمش و مزالو يهدر زادت حقدت عليه كثر...مهدرت معاه والو..لبست شورت و بودي قصير كي شافها هكاك قلبو خرج بقا غير يشوف فيهاا..و رقدت في الفوتاي..) من اليوم يا سي نسيم تولي تشوف بعينيك برك و رقدت..

ناضت صباح...لقات نسيم مكاشو..ناضت دوشت و لبست حوايجهاا...صونا تلفونهااا..كي شافتو لقات نيميرو متعرفوش نفس نيميرو لي عيطلهاا هداك النهار..رفدت عليه..

↚

الحلقة 27

قمر : الوو..شكون..

بلقيس: انا بلقيس يمااك...

قمر : (تشوكاات مستناتش تعيطلهاا بعد 4 سنين من لي طلقت هي و باباها و راحت مزادتش حوست عليهم ) واشنووو واش خصك علاش عيطتيلي بعد قاع هذو السنين..دوك باش تفكرتي بلي عندك بنتك..

بلقيس: نن دايمن اخباركم عندي و علابالي واش صرالك..لازم نتلاقاو و نحكوو (بلقيس يمات قمر..كي طلقت من باباهم تزوجت مع وحداخر مرفه..شابة و تبان صغيرة.. مرا قادرة على شقاهاا..و الحاجة لي تحبها تديها..اخبار تع ولادهاا دايمن يلحقوهاا..دايرة جاسوسة في دار سي عزيز الحاجة لي تصراا تلحقهالها)

قمر : ماعندي حتى هدرة معاك فهمتي و متزيديش تعيطيلي..

بلقيس: متكوبيش قمر..لازم نحكي معااك..مراحش تندمي صدقيني..

قمر : افف منقدرش نخرج من الدار...

بلقيس: دبري كاش كذبة و خرجي ماشي حاجة صعيبة..

قمر : افف اوك مبعد و نشوف كيفاه..متعيطيليش حتى نعيطلك اناا..

بلقيس: اوكي متنساينيش..(و كوبات)

قمر : واش راهي حابة هذي دوك..كيفاش نقلو خليني نخرج مستحيل يقبل بهاذ الشي..(بقات تخمم كيفاش تقولو..)

عند عماد كان حاط رجال يعس في حمزة خو مريم..

عيطلو واحد من الرجال:الو سي عمااد..

عماد: واش كاين..

الراجل: حمزة راه مقلب الدنيا راه يحوس على ختوو باش يقتلهاا راه يقول وسخت الشرف ديالناا و طيحت كرامتناا لازملهاا تموت بيها بلي معاهاا..

عماد: سايي بلع ... حلاتلك واقيل ..

الراجل: حاشا سي عماد راني نقلك واش قال..

عماد: جيبوه و دوه للقاراج تعناا تاع مالف..

الراجل: اوكي اعتبرهاا فراات..(خطفو الرجال حمزة و غمضولو عينيه و ربطوه و داوه للقاراج لي قالهم عليه عماد..)

حمزة:( غير يطيح و يعيط) شكون نتوماا يا طحاحنة..شكوون..(دخل عمااد)

عماد: بفففف راك داير حس كبير...(نحاولو على عينيه)

حمزة: هذااا نتاا يا رخيس..(كي قال هكذاا عمااد ضربوو..)

عماد: بلع رب فمك..دوك انا نسقسي ونتا جاوب برك..

حمزة: هههههه سقسي ياا رااجل سقسي..

عماد: (زاد ضربووو) واش تتمسخر بيااا يا بغل..قالولي راك حال تقتل مريم..

حمزة: ايه صح و راني حاب نقتلك نتا ثان..نسيتهاا هذي..

عماد: هههههه وفي ميزك انا راح نسمح بهاذ الشي...

حمزة: حتى واحد ماطلب اذنك..(ضربو عمااد)

عماد: حاسب روحك ساجي و ماتخافش يااك..مريم و يماك و خوك صغير من اليوم راهم تحت حمايتي تنساهم..و مريم معندهاا حتي ذنب..حكالو قاع القصة كيفاش صرااات..

حمزة: (بداا يطيحلو و يفرفط يسيي يحل يدو باش يضربو) ياا رخيس ياا طحاان تتعداا على ختي..مراكش راجل نتا..

عماد: سكر هذاك الفم سي نو نقتلك...صح درت قاع هاذ الشي بصح دوك راني ندماان..

حمزة: بواش تفيد ندامتك دوك يا بغل..ضيعت حيااة ختي..

عماد: (شدو من وجهو) ريقل رب فمك و عرف شراك تخرج منو...كي تحب ختك قاع هكااا علاه كنت مخليها تخدم و نتا قاعد غير ماكلة و رقاد كي البهيم..المهم من اليوم مانيش حاب نزيد نشوفك قريب ليهم فهمت!! و اذا قربت ليهم راح تكون عندي هدرة وحداخرا معاك..

حمزة: راح ندمك على درتوو فيهااا غالي منكونش حمزة اذا مندمتكش على نهار لي زدت فيه...(بقاا عماد يضرب فيه..وأمر الرجال يضربوه و يطلقوه يروح)

عند قمر قاعدة تخمم كيفاش تخلي نسيم يقبل باش تخرج...جات في راسها خطة جهنمية..

كشردت شعرهات و بقات بحوايجهاا لي رقدت بيهم و بدات تكسر في الحالة مخلات حتى حاجة صحيحة في شمبراا تكسر و تعيط و تدي روحها تبكي..

قمر : سايي بزااف كرهتلي حياتي و دمرتهاا بزااف اهئ اهئ اهئ..(جات الخدامة عندهاا شافتها بهذيك الحالة تخلعت و راحت عيطت لنسيم..و قمر هذا هو شي لي كانت حاباتو..كسرت كلش ما خلات مرايا ما خلات والوو..جاا نسيم يجري كي سمعت صوت الطوموبيل..راحت تطل من بالكوو غير بلعقل كي شافتو جاي..راحت شدت زجاجة و دات روحاا راح تنتحر و تقطع شرايين تع يدهااا..)

قمر : (شادة زجاجة و حطتهاا على يدها لاعبتهاا راح تنتحرو تستناا فيه وقتاش يدخل..) تهدر في قلبهاا و تقوول..بفف علاش طول هكذاا لوكان صح يلقاني مت..(عليها و دخل نسيم..كي شافتوو بدات تبكي و جرحت شوووووية يدهاا..كي شافها نسيم هكاك قلبو حبس..راه ليهاا و بدا ينحيلهااا في زجاجة من يدهاا..)

نسيم: وشبيكي واش راكي ديري هبلتي...

قمر : (تهدر و تدي روحهاا تبكي)طلقني متمسنيش كامل على جالك ضيعتلي حياتي...مكفاكش هذ شي و زيد حابسني في هذي الدار حارم علياا كلش..سايي كرهت من هاذ المعيشة راني حابة نموت...

نسيم:(غاضتوو كي شافهاا بهذيك الحالة و حس بلي عندها الحق..راح ليها و حضنها) سايي سكتي(شدلها وجهاا بيديه)..متزيديش تعاوديهاا هذي فهمتي منقدرش نعيش بلا بيك...منقدرش نزيد نخسرك نتي ثاني..

قمر : (تخلعت كي سمعت هذي الهدرة..واستغلتهاا) انا ساايي منيش قادرة نتحمل كثر كرهت من كلش نهار كومبلي و انا بين 4 حيطان ختي و مراميش نشوفها كي ناس (تهدر تبكي زعماا)..

نسيم: سايي جات غير في هذي ههه مكنتش عارف بلي راكي مغمومة كامل هكاا..تقدري تخرجي وين تحبي بصح مع شوفار....

قمر : مزالك خايفني نهرب..

نسيم: لالا علابالي متقدريش.. بصح عندي اعداء بزاف و صاديبو واش يديرو..مي توعديني متزيديش تخمي تنتحري..

قمر : اوكي.. صحيت (وتبسمت معاه..عنقهااا و هي ضحكت بخبث)

كيد نساااء اتعلموو

↚

الحلقة 28

قمر : راني حابة نخرج اليوم نشري شوية حوايج معنديش.. (بلعاني باش تروح تتلاقا مع يماها..)

نسيم: اوكي هاكي هذو دراهم شري واش حبيتي..مطوليش..انا دوك نروح للشركة عندي خدمة نديرهااا..

قمر : ايه اوكي..(باسهاا في جبهتها و خرج)

نسيم (راح يهدر مع راجل لي يوصل قمر) راح توصل مدام قمر وين تحب..خلي عينيك عليهاا...

لبست قمر فاست كلاسيك نواغ و بوستيي bleu vert و سروال نواغ طلقت شعرهاا دارتلو بابيليز كي كانت خارجة فاتت على بيت زهية سمعتهاا تهدر في تلفون..

زهية: وينتاا جي يا بنتي..راهي تتحكم فيه كيما تحب مراه يرفضلهاا حتى حاجة..حاسبة روحهاا شادة سماا..

قمر : (تهدر مع روحها) ااه يا كلبة تع زهية يا عجوزة النار حسيتك بلي ستوتة و ماتتعاشريش..معليش نكمل لي بين يدي و نتلهاا بيك..

عيطت قمر ليماهاا و تفهمت معاها يتلاقاو في كافيتيرياا تع سونتر باش مايشوفهاش شوفور..

عماد شراا ديبارتمون لمريم و يماهاا داهم ثماا و حط عليهم رجال يعسووهم..

ياسمين تضلي مع صحاباتهااا دلل كي العادة يوسف منين داك يروح يشوفهاا من بعيد مي ميروحش عندهااا خايف من ردة فعل تاعها...

عزيز دخل في بروبلام كبير..تفاهم مع واحد يشري من عندو سلاح مي هو متفاهم مع نسيم ادااو كامل دراهم و بعثولو صنادق فيهم الحجر كي فتحهم عزيز تشوكااا عرف بلي نسيم ورا هاذ الشي..

عزيز: يا ربي واش ندير دوك ...معنديش دراهم باش نرجعهم لطاهر باصيت سايي واش نقولو دووك...رح نقتلك يا نسيم نقتلك..

دخلت قمر لسونتر تتلاقا مع يماهاا و قالت لشوفور يستناها براا ..بقات تستناا في مهاا حتى شافتها جاية مأمنتش ماتبدلتش كامل..توجوغ متهلياا في روحهاا وزادت زيانت..

بلقيس: ههههه فرحت بشوفتك..

قمر : بصح انا مفرحتش..

بلقيس:ههه وليتي زلة الله يبارك عليك..

قمر : هه مام نتي متبدلتيش..مجيتش نقسر معاك..اهدري وش عندك و خليني نروح..

بلقيس: مي برافو عليك قدرتي تخرجي من دار نسيم لي ماعندوش في قلبو ولا ذرة رحمة..نتي بنت يمااك ههههه

قمر : متزيديش تقوليلي بنتي فهمتي و انا مستحيل نشبه وحدة كيما نتي..ايا قولي واش عندك سي نو نروح..

بلقيس: راني هناا باش نعاونك..علابالي راكي تحوسي تنتاقمي منهم...بصح متقدريش ديري هاذ الشي وحدك..

قمر : ههههه شكون طلب مساعدتك اصلااا..جبتيني على جال هذي...(وجات نايضة..شدتها من يدهاا)

بلقيس:اسمعي راح تندمي اقعدي خودي رايي...معليش ماديرينيش يماك ...تخيليني وحداخراا اسيدي..

قمر : (عاودت قعدت) مفهمتش كيفاش تفكرتيني و راكي حابة تعاونيني..

بلقيس:قتلك كل حاجة توصلني..ماشي كي ماعشتش معاك معنتها منحبكش..علابالي بلي راكي تعاني و محتاجة واحد يوقف معاك و يساندك..صدقيني ديري فيا ثقة و متندميش انا يماك اذا مانفعتك بوالو مانيش راح نضرك..

قمر : (ترددت) اوك رح ندير فيك ثقة.. وندير يدي في يدك..مي متقوليليش بنتي فهمتي...

بلقيس: ههه اوكي...احكيلي واش درتي لدوك..

قمر : مزال مدرت والوو..حكاتلهاا كامل واش صراا.. و واش راهي معولة دير..تفاهمت مع تعاونهااا و راحت...

قمر عيطت لياسمين سقساتهاا اذا راهي في دار..و اذا باباها راه في دار..قاتلهاا نن خرج..

راحت قمر لداار قعدت قسرت شوية مع ياسمين..كي خرجت من بااب تلاقات مع عماد داخل...

عماد: ااه قمر ختي واش راكي...

قمر : ختك! هذا وين تفكرت لي انا ختك!!

عماد: قمر واش راكي تهدري..

قمر : معيطتلي ما سقيت علياا مالغري راك عارف بلي ني عايشة مع شيطان ميرحم حتى واحد...

عماد:علاش كاش ما دارلك!!

قمر : لالا مدرلي والوو..

(عنقهاا عماد و راحو قعدو في جاردا..هدرو شوية مبعد سقساها)

عماد: قمر نسقسيك و قوليلي صح....

قمر : علاش وينتا كذبت عليك...سقسي

عماد: هذاك نهار ..في ليلة عرسك..صح نسيم لقاك ماشي فياارج!!!

قمر : (تشوكات ستناات من قاع ناس ميأمنوهاش غير منو) واشنوو! واش راك تقول عمااد..مأمنتنيش راك شاك فياا..

عماد: لالا مقصديش هكاا..

قمر : سايي حبس...مراني باغية نزيد نسمع والو فهمت...من اليوم تنساا بلي عندك ختك قمر..

عماد: قمر استنااي حبسي...(راحت و مداتهاش قاع فيه...ركبت في طوموبيل و هي تبكي..شخص لي ضحات بروحهاا و ضيعت حياتهاا على جالو مأمنهااش وشك في شرف ديالهاا..)

راحت قمر لدار...كي دخلت قابلتها زهية..

زهية:واش يا لالة راكي صايبة غرضك داخلة و خارجة كيما تحبي...

قمر : ونتي واش دخلك..راكي حابة نسقسيك قبل!!

زهية: انا كبيرة تع الدار لي نقولو يصير...

قمر : هدرتك قدام هدرة نسيم و هدرتي ماهي والوو..ولا نسيتي بلي بعد كلمة نسيم كلمتي هي لي تمشي هنااا..و دوك بعدي من طريق...(جات رايحة..شدتها زهية من يدها)

زهية: متحسبيش روحك بزااف بسكو قريب راح طيري مناا..

قمر : (نحات يدها بالقوة) نتي من وين جاتك هذي الجرأة و بي من راكي متقوياا هكاا... شوفي متزيديش توقفي من طريقي سي نو معلبالكش واش نقدر ندير فيك..(وراحت)

زهية: معليش ستنااي واش راح تشوفي مني

↚

الحلقة 29

(قمر طلعت لبيتهاا بدلت حوايجها لبست بيجاما و تكسلت في البنك غطات روحها و ولات تبكي على هدرت خوها لي ميستهلش ولي ضيعت حياتها على جالوو..تبكي على حياتهاا على باباها تفكرت كلش واش صراا معاهااا..)

جا نسيم ليوم كان مشغول في الشركة بسكو عندو شحال مراحش ليهااا...هدر مع شوفور لي وصل قمر..

نسيم: وين راحت اليوم..

شوفور:راحت لسونتر تقضي ومبعد قاتلي وصلني لدارناا كي رجعت من عندهم خرجت تبكي..

نسيم: سير عزيز كاش ماا دارلهااا..

شوفور: لالا سي عزيز مكانش في دار كي عرفت بلي مراهش ثماا راحت..كانت تهدر مع سي عمااد..

نسيم: عمااد!! امم اوك تقدر تروح..(طلع نسيم عند قمر لقاها مغطية روحها و تبكي..قمر كي سمعت الباب تفتح عرفاتو بلي هو مسحت دموعهاا بلخف باش ميشوفهاش..)

نسيم: (راح قعد قدامهاا) وشبيكي تبكي..

قمر : والو ...

نسيم: اذا حبيتي تقدري تحكيلي واش صراا في داركم..

قمر : افف نسيم سايي خليني مانيش حابة نحكي..(وغطات راسها)

نسيم:( محبش يسيف عليهاا كثر) راح دوش..كي خرج لقاهاا راقدة...رقد قدامهاا و بداا يمسحلهاا على شعرهاا و يشوف في شواربهاا ..ونار شاعلة فيه ميقدرش يقرب ليها بلا رضايتهااا..بصح مقدرش يتحكم في روحو و باسهاا..عمبالوو راهي راقدة..مي هي كانت قاعدة وحست بكامل واش دار...بصح محبتش تفيقهاا..عجبها الحال مبعد ثم ثم تفكرت تصويرتهاا كيفاش اغتاصبهاا و قاسهاا في دارهم و خلاهم يشكو في الشرف ديالهااا..الحقد تاعهاا عليه كان اكبر من رغبتهاا..)

ناضو صباح على صوت الضحك و الحس...ناض نسيم لقاهاا راقدة في حضنوو ولاا يضحك...فطنت قمر لقاتو يخزر فيهاا

قمر : واش راك دير هناا..

نسيم: نتي واش راكي ديري هذي بلاصتي يا لعمر..

قمر : منزيدش نرقد فهذاك فوتاي ضهري تكسر منوو..من اليوم هذي هي بلاصتي...

نسيم: وانا مناا مانيش متحرك.....

قمر : واش هذا الحس لي راه براا!

نسيم:معلاباليش (هبطو يشوفو واش كاين لقاو زهية مع بنتهااا يعني بنت خالتوو سارة...سارة اللفعة غير شافت نسيم راحت تجري تعنق فيه..)

قمر : ( تخلعت لي معري كثر من لي مغطي لابسة جيب قصييييرة و بيل قصير صدرهاا قاع على برا..قاعدة تعنق في نسيم و تتحكك عليه...نسيم خزر في قمر لقاها تشوف فيه بنظرة تقتل...نسيم هبطلهاا يدهاا..وراحت عندوو قمر شداتو من يدو)

قمر : مرحبااا بيك اناا قمر ..مرت نسيم (تهدر و تزير على كلمة مرت نسيم)

سارة: (ضحكة باستهزاء وخزرت فيها من الفوق لتحت) ههه حكاتلي عليك ماماا بزاااف..

قمر : (فهمت قمر البارح باش كانت متقوياا زهية..وعرفت بلي ماهمش ناوينلها على الخير) اممم معنتهااا راح نتفاهموو بزاااف...

سارة: ههههه معنديش شك في هذا الشي...

زهية:(تضحك و تشوف في قمر) اياا بنتي طلعي تريحي شوية...مزال عدنا بزاف صوالح نديروهوم كيفكيف..

قمر : (تقلقت منهم ) نسيم شكون هذي..

نسيم: ياك قتلك بنت خالتي..

قمر : ايه علابلي مي واش هذاا تعناق و قاعدة تتحكك عليك..

نسيم: هههههه غرتي عليااا..

قمر : مغرتش عليك..مي نتبه ليجاست تاوعك متنساش بلي راك متزوج ماتزيدش طيحلي من قيمتي كثر من هاك..(زعفت و طلعت لبيتها )

نسيم فرح فاقلهاا بلي غارت علييه..راح عندهاا و جبدهاا من ضهرهاا..و قالهاا في وذنهاا: متخافيش انا موحال نشوف فيهاا هذيك..في عينيا و في قلبي كاين مراا وحدة ولي هي نتي...

قمر : (عجبتها هذي الهدرة و استحلاتهاا..خافت تضعف قداموو جبدت روحها عليه و هو تفهمهاا و ثم ثم بدل الهدرة )

نسيم: تخرجي اليوم..

قمر : معلاباليش مشكيتش..

نسيم: اوكي اذا عولتي تخرجي قوليلي..انا نروخ نخدم دوك

قمر : اوكي ...

↚

الحلقة 30

ياسمين ناضت صباح باش تروح صال دو سبور..حمزة كان يتبع فيهاا هو وصاحبو..باش ينتقم من عمااد قرر ينتقم منو عن طريق ختوو كيما دار هو..

بقاو يتبعو فيهاا كي هبطت من طوموبيل راحو ليهااا بلعولهاا فمهاا و هي غير تفرفط مي مقدرتلهمش دخلوها لطوموبيل و راحوو..

عماد صباح راح عند مريم دايمن يروح عندهم...ما ناقص عليهم والوو..بدات علاقتو تتحسن بمريم هو بدا يحبهااا و هي من تصرفات لي راه يديرهم بدات تحس بلي صح راه نادم على شي لي داروو...

قمر : (عيطت لياسمين ماريبوندااتش..عيطت ليماهاا)

بلقيس:صباح الخير

قمر : واشمن خير صباح ربي جات بنت خالتو اللفعة تتحكك عليه دوك يضيع كلشي درتو على جالهاا..

بلقيس:مفهمتش..عاودي حكيلي غير بلعقل و فهميني..

قمر : جات بنت خالتو زهية الكلبة لي كانو في روسياا..جات صبااح تعنق و تبوس في نسيم تخيلي..و تغزل فياا باينة حاطة عينهاا عليه و جات على جالو..دوك بسبتها يضيع كلش خططتلو..

بلقيس: اممم غرتي عليه و خفتي تديهولك...ولا راكي خايفة تخسر الخطة ديالك...

قمر : الحق علياا انا لي عيطتلك...

بلقيس : سايي ستناي ما تكوبيش...دوك جا الوقت باش نتي تلعبي لعبك يا لالة...

قمر : كيفاش!!

بلقيس قاعدة توصي فيهاا و تقلهاا واش دير...

هي هكاك دخلت عليها سارة...قمر اتخلعت

قمر : هذي آخر مرة تدخلي لشمبرتي بلا ما دقدقي...

سارة:(شدتهاا من يدها) شكون نتي حتى تهدري معايا هكاا واش راكي حاسبة روحك...

قمر : (ناضت) اناا شكون! انا قمر مرت نسيم...و كل حاجة في هذي دار تاعي..نسيم تاعي هذا الفراش تاعي مرايا تااعي كلش تاعي..(بقات سارة تشوف فيها ..ماستناتش تلقاهاا جريئة هكداا حسبالها عاقلة و بريئة من وجها) ..واش واش راكي تشوفي..حسبتيني بهلولة عمبالك معلاباليش علاش راكي هناا !!

سارة:(صفقتلها) برافو براافو عليك ..تعرفي تمثلي مليح ماتبانيش بهذي القوة و الذكاء...ايه صح انا راني هناا على جال نسيم..على جال حب طفولتي و حب حياتي..جيت باش نسترجعوو و يبقاالي لياا وحدي و مانيش ناوية نروح...

قمر : (هدرتهااا رجعتهاا تغلي) امممم هو جامي كان ليك حتى تسترجعيه و جامي راح يكون ليك...و دوك تقدري تخرجي وسكري الباب وراك

سارة:ايه يا قمر ليام بيناتناا وخرجت..

قمر ولات تغلي من لي قاتهولهاا خافت تديه من يديهاا صح..

قمر : لالا قمر متخاميش هكاا مستحيل تخليها تديه ..انا خسرت كلش في هذي دنياا و منسمحش نخسرو هو ثاني

↚

الحلقة 31

قمر : (قعدت قمر تعيط لياسمين باش تقلهاا نتلقااو و نجوزو نهار كيفكيف..بقات غير تعيطلها مي ماريبوندااتش...تقلقت عليهاا قمر ..)

قمر : وعلاش ماهيش تريبوندي..ياسمين ماشي من عوايدهاا دير هكاا(ديسيدات تروح لدارهم وتشوف اذذا راهي ثماا..عيطت لنسيم تقولو..)

قمر : الوو نسيم..

نسيم: وي قمر..كاشما تسحقي..

قمر : ايه راني رايحة لدارناا..

نسيم: اوكي مطوليش..

قمر : اوكي..

(راحت قمر لدارهم..لقات عماد ثماا و تبان حابتو متعجبش..مي محبتش تروح تحكي معااه..قبل ما تدخل للدار سقساات الحراس على باباها اذا راه في دار...)

قمر : سي عزيز راه هناا..

حاارس: نن مدام مراهش يجي بزاف لدار..

قمر : امم اوكي..

دخلت سقسات الخدامة اذا ياسمين راهي هناا..قاتلهاا نن خرجت صباح راحت دير سبور...سمعهم عمااد و حار اذا يقول لقمر ولا نن..الوقت راه يفوت و معلابالوش واش يدير..)

عماد: قمر..

قمر : (شافت فيه خزرة تع زعاف)...

عماد: لازم نقلك حاجة مهمة..

قمر : ماعندي حتى هدرة معااك..(كانت رايحة حتى نطق عماد)

عماد: حاجة تخص ياسمين...

قمر : (دارت ليه) واشبيها ياسمين..

عماد:....

قمر : (كي شافت وجهو هكذاك حست لي كاين حاجة ماشي مليحة) اهدر واشبيها ياسمين...

عماد: (حكالها كلشي صراا باختصار) و دوك معلاباليش واش ندير..

قمر : (رجليهاا فشلوو قعدت..و حطت يدهاا على فمهاا من الخلعة)...

عماد: اهدري قمر واش ندير معدناش الوقت بزااف..

قمر : تتمسخر بيااا ! وش معنتها واش دير! تروح لابوليس و تستعرف بواش درت..مبعد نشوفو كيفاش نخرجوك..لمهم نديرولو واش راه حاب دوك معدناش الوقت لازم نسلكو ياسمين..حبيت تضيعلها حياتها كيماا انا...ياسمين متقدرش تتحمل هذ الشي..

عماد: (بقاا سااكت)....شوية و جاه تلفون من عند حمزة..

حمزة: الوو يا رخيس..وين راك رحت عند لابوليس ولا مزاال..فتحلي لاكام نشوف..

عمااد: منقدرش....

قمر تشوكااات من واش راهي تسمع..

حمزة: (مخلوع) قلت مانقدرش ولا انا مانيش نسمع مليح...

عماد: منقدرش منقدرش..(وكوباا تلفون)

قمر : (بقات تشوف فيه مشوكية) عماد واش راك تقول..

عماد: سمحولي قمر..منقدرش ندخل للحبس و نسمح في وليدي و مانشوفوش يتربااا بعيد عليااا...

قمر : (ضرباتوو بكف تهدر و هي تبكي) هذيك ختك لي راهي بين يديه..راك يتعداا عليهااا يا حماار..تخمم في وليدك لي مزال ما زادش و متخممش في ختك لي راح تضيع حياتهاا بسبتك...تفوو الله يذلك ما بين الرجاال..عمبالي نتاا ماشي كيماا عزيز و نسيم..خرجت كثر منهم ...اخرج مناا اخرج..

(خرج عماظ و هو مهبط راسو خرج لجارداا يبكي)

↚

الحلقة 32

حمزة تشوكا من شي لي سمعووو..متخيلوش رخيس لدرجة يسمح في ختو..حكاا لصاحبوو..

ياسمين: راه جاي عماد يسلكني..و تندمو على شي لي درتوه فياا..

حمزة: (غاضتو كي سمح فيهاا خوها) مراهش جاي..

ياسمين: هههه كيفاش مراهش جاي هبلت يخليني هناا..

حمزة: قتلك مراهش جاي ..سمح فيك ..سمح في ختوو فهمي..

ياسمين:(تهدر و هي تبكي) لالالا مستحيل مستحيل خوياا يسمح فياا و يخليني هناا..بلاك نتا مسمعتوش مليح..

حمزة: (شفق عليهات و محبش شي لي راح يديرو) ياريتني مسمعتوش مليح يا ريت...

بقات ياسمين تبكي مأمنتش لي سمعاتو..

صاحبو: واش نديرو دوك..

حمزة: ندير كيماا قلناا...هو ماخممش في ختو نخمم عليهاا اناا...

صاحبو: راك متأكد..

حمزة:ايه... دير لي تحبو فيهاا(خرج قعد قدام الباب)

عندقمر..

قمر : قاعدة تبكي معرفتش واش دير..خرجت عند رجال برااا..

قمر : ختي ياسمين راهي مخطوفة...جمعوا كامل رجال و خرجو حوسو عليهاا...

واحد من الرجال: شكون لي خطفهااا مدام قمر..واحد من اعداء سي عزيز!!!

قمر : لالا مكلاه تقولو لبابا..حوسو عليها في كل بلاصة لازم تلقاوها فهمتو ...(علابالها لوكان يسمع عزيز يدير لياسمين كيما دارلها ليها)

عماد قاعد يشوف فيها من بعيد و يبكي على ضعفو...

قمر عيطت لنسيم و حكاتلو و قاتلو يعاونهااا و يلقالهاا ختها...نسيم حكاا ليوسف... أمر رجالو يروحو يحوسو عليها و ميرجعوش بلا ما يلقاوها..و راح عند قمر..

بلقيس:(عيطت لقمر) صح شي لي سمعتو..خطفو ياسمين!!!

قمر : (تهدر و هي تبكي) ايه وراح يضيعولهاا حياتهاا كلش بسبة عماد..

بلقيس: واشنوووو..راني فطريق جاية و حكيلي كل حاجة بالتفصيل...

عزيز معلابالهمش وين راه عندو مدة مجاش لدار..

كامل كانو في دار قمر..بلقيس..نسيم..يوسف..يستناو كاش خبر من عند رجاال..

عماد كان قاعد وحدو في جارداا راح ليه نسيم..

نسيم: راني ندمان لي مقتلتكش علابالك..

عماد: واش راك تخرف نتاا..روح من هناا مانيش مليح..

نسيم: وتزيد تهدر يا طحان..بعد ما سمحت في ختك..واشمن راجل يسمح في ختوو..ااه ديزولي كلمة راجل راهي كبيرة عليك...

عماد:(شدو من شوميز ديالو) مدخلش روحك في حياتي...

نسيم: هبط رب يدك (و نحالو يديه بالقوة)..نتاا متستهلش يكون عندك خواتات كيما هذو ...قمر تزوجت بيااا غير باش تحميك مني يا حماار...اناا هددتها و قتلهاا اذا متزوجتنيش نقتلك خوك لعزيز...هي خربت حياتهاا على جالك...كانت حاسباتك راجل و تستهل..مكانتش عارفة بلي تقدر تبيعهم من اول مرة..

عماد:(طاح في الارض و يبكي و مخلوع من واش قالو نسيم...نسيم راح و خلاه هكاك راح قعد مع قمر لي كانت قاعدة مقابلة لباب تع براا تستناا كاش من الرجال..شوية و تدخل ياسمين تمشي كشغل ميتة عينيها حموراا دم من البكاا و حالتها متعجبش..شافتهاا قمر )

قمر : اااه ياسمين جات..ياسمين جات..(راحو كامل يجرو عندهااا)

بلقيس: واشراكي بنتي راكي مليحة كاشماا دارولك...

ياسمين......(قاعدة تشوف غير في عمااد لي مجرأش و راح عندها)

يوسف: ياسمين جاوبي..وين راه طحان لي دارلك هكاا..

قمر : اهدري ختي واش دارولك راكي مليحة احكي اهدري...

ياسمين: (ماهدرت حتى كلمة و بقات تشوف في عماد..راحت عندو و ضرباتو بكف..تهدر و تبكي بقهر و تشوف فيه نظرة خيبة)ياك اناا ختك..تفرط في ختك لي عشت معاها ملي زادت على جال طفل مزال متخلق..هكاا..كنت تقول اناا دايمن معاكم ديروني في بلاصت باباكم..الاب يدير هكاا..ماتفرق بحتى حاجة على بابا...بالعكس نتا كثر منو...كنت اقرب شخص ليناا مكان عدناا حتى واكد نقواو بيه غيرك نتاا..و دوك وليت نتاا عدوناا...

عماد:(ملقاش واش يهدر كلش قالتو عندها الحق فيه) سمحيلي ختي سمحيلي..

ياسمين:بالاك تعاود تقولي ختي...بالااك..

عماد: هذااك رخيس كاشماا دارلك دناا ليك...

ياسمين: متحشمش تسقسيني في واش يهمك..ياك نتا خليتني ثماا و عارف مليح واش راح يدير...مي نقلك هذاك لي راك تقول عليه رخيس راهو راجل عليك لي كنت حاسبة بلي معندوش رحمة في قلبوو طلع ارحم منك..على الاقل هو شفق علياا طلقوني و مدانش لياا...من اليوم مانيش حابة نسمع صوتك و نشوفك...اليوم مسحتك من حياتي ومسحت شخص اسمو عماد من قلبي..

↚

الحلقة 33

قمر بدات تبكي من الحالة لي وصلو ليها دات ياسمين و دخلو لدار...ياسمين حكاتلهم كلشي صراا معاهات و كيفاش طلقهاا حمزة..بقات تشوف في بلقيس...

ياسمين: واش راكي ديري هناا نتي واش جابك..

بلقيس: تقلقت عليك و جيت نشوفك..

ياسمين:4 سنين متقلقتيش علياا و دوكاا جيتي كشغل مكان والو...

قمر : سايي خلوناا من هذي الهدرة المهم فاتت على خير..

ياسمين: راني نشوف فيك نورماال راكي فرحانة كي جات..

قمر : اكيد لالا مي ماشي وقتهاا مبعد و نحكوو طلعي تريحي دوك..

يوسف: راكي مليحة ياسمين..

ياسمين: كيفاش حبيتني نكون..

يوسف: نوعدك نلقاا لي خطفك و ندمو على نهار لي زاد فيه...

ياسمين:نن فينالمو هو شفق عليااا و مدرلي والو و خلاني نروح...هو مدار والو كلشي بسبة عماد هو يدير و حنا نخلصو..

يوسف: ماتخافيش من اليوم مكاش لي يزيد يقرب منك راح نكون دايمن معاك..

ياسمين: هه كامل تقولو مبعد تبيعو لي يحبوكم في اول فرصة(تبسمت و طلعت لشومبرتها)

قمر تهدر مع بلقيس..

قمر : سايي روحي دوكاا...لوكان تزيد تشوفك تتعقد الحالة...

بلقيس: عندك الحق...مي عيطيلي طمنيني عليهاا...

قمر : ايه اوكي...

راحت بلقيس و نسيم راح يهدر مع قمر...)

نسيم: راكي مليحة!

قمر : كي ماصراش الشي لي كناا خايفين منووو راني مليحة

نسيم:(عنقهاا) اياا نروحو لداار..راني حاب كي نرقد نشوفك قدامي...

قمر : (تخلعت من هذي الهدرة) اححم نسيم...

نسيم: اممم ..كي تقولي اسمي بهذي الطريقة نعرف راكي حابة حاجة...

قمر : راني حابة نبات مع ياسمين ليوم...

نسيم: لالا غير هذي لا..

قمر : علااش! ياك راك تشوف حالتها كيفاش..مكان حتى واحد يقعد معاهااا...نوعدك صباح بكري نجي لداار ...

نسيم: اووووففف اوكي...نعيطلك و كي نعيطلك بلاكي ناتريبونديش...

قمر : ههه اوكي...

بقات قمر مع ياسمين رقدت معاها تونسهااا..عماد راح عند مريم و حكالهااا كلشي...نسيم راح لدار لقاا سارة لابسة شورت و بوستي صدرهاا قاع على براا...فهم واش راهي حابة..كان طالع في دروج رايح لبيتو شداتو من يدو...

سارة: راح ترقد مزال الحال..واش رايك نقعدو نقسرو شوية عدنا شحال محكيناش...

نسيم:(علابالوو واش حبت و هو يكره المراا لي ترمي روحها عليه..جات تصويرة قمر بين عينيه) سارة..علابالي واش راكي تحاولي ديري..مي انا راجل متزوج (ورالها الخاتم)..وحتى واذا مكنتش متزوج مانيش راح نخزر فيك...متجاوزيش حدودك و نحي يدك...(طلع و خلاها)

سارة: (تخلعت من هدرتو و ولات تبكي) صار هكاا متشوفش فياا..علاش هذيك كلبة خير مني...راكي مقرياتو مليح يا حمارة اهئ اهئ معليش يا قمر دوك تشوفي وش ندير فيك(راحت سارة عند يماهاا و فهمتهاا واش دير غدوة)

نسيم بات ليل كومبلي و هو يهدر مع قمر في تلفون..حكمو الفيد كي ملقاهاش في شمبرتوو...رقدوو و طلع صبااح و جاب معاه احداث جديدة

↚

الحلقة 34

قمر ناضت صباح بكري باش تروح لدار كيماا وعدت نسيم...ودعت ياسمين و رااحت..كي وصلت لقاتو مكاشو راح للشركة...قابلتهااا سارة..

سارة: واش متوحشتينيش!!

قمر : كاش واحد يتوحش الشيطان..

سارة: ههههه ايه مالا لازم تخافي مني...

قمر : اففف كرهت منك و من هدرتك لي مافيهااا فايدة..و مانيش في وضع يسمحلي نسمع هدرتك الجايحة...

سارة: ايه داكوغ ابري تشوفي هدرتي اذا فيها فايدة ولا نن..(طلعت قمر لبيتها )

قمر : هذي سايي كثرت على ما وصاوهااا و مانيش قادرة نستحملها كثر من هااك...نرقد شوية راني عيانة كي نوض ندير واش قاتلي ماما...

(رقدت قمر..مبعد ناضت لبست روب طويلة بيضة و صوندال و طلقت شعرها... هبطت قعدت في جاردا تستناا في نسيم يجي باش يدير خطتهاا..كي لحق نسيم مااشافتوش دخل ديراكت لدار..حكماتو زهية قدام الباب و سارة متخبية تسمع فيهم..)

زهية : وليدي من الصباح و انا نستناا فيك..

نسيم: علاش خالتي غير لخير وش كاين...

زهية: صباح كي جات قمر قعدنا قسرناا شوية انا و سارة و هي..سقسيتها قتلهاا عندكم مدة متزوجين علاش ماجيبوش بيبي يعمرلكم الداار...حتى قاتلي...

نسيم: وااش قاتلك...!

زهية: احمم قاتلي سقسيه هو...هو مايجيبش ذراري..و ..و و مراهش راجل...

نسيم: واشنوووووووو

زهية: ايه سقسي سارة بنتي تقلك هي ثان كانت قاعدة معناا ...سارة سارة ارواحي تقولي لنسيم واش صرا صبااح...

سارة: ايه نسيم كيما حكاتلك يما

↚

الحلقة 35

نسيم مأمنش واش سمعوو ولا يشوف الدنياا ضلمة...

نسيم:(مزير على يديه و عاض على شواربو) وين راهي..

سارة: راهي قاعدة برا في جاردااا...

قمر كانت قاعدة في جاردا مقابلة بسين و تخمم في عماد ة شي لي دارو معاهم هي هكااك و تسمع في نسيم جاي..

قمر : اااه نسيم جيت كنت نستنااا فيك...

نسيم:(مهدرش معاها كامل و ضربهااا بكف قوي طاحت في الارض حتى دم خرجلها من فمها) يا قحبة مالا انا ماشي راجل و متجيبش ذراري ااه...

قمر : (طايحة في الارض و تشوف فيه و دموع في عينيهاا...تهدر و تبكي) واش راك تقول نسيم..

نسيم: (نوضهاا و شدهاا بين يديه و يمخض فيها) واش راني نهدر!! نتي لي واش قلتي لخالتي و سارة صبااح (قمر فهمت بلي سارة هي سبة) انا ماشي راجل..منجيبش دراري!!! متتربايش نتياا..واش راكي حابة نزيد نديرلك كثر من هكاا راكي حابة نقتلك قولي..

قمر : ا ا ن نا مهدرتش هكاا...

نسيم: بلعيه و تكذبي ثاني...(جرهاا من يدهاا و مطلعهاا لشومبرة..طاحت في دروج و هو يسحب فيهات و دايهاا و سارة تشوف فيها و تضحك..)

نسيم: (دخلها لشومبرتو) راكي حابة نعاود وش درت فيك باش تعرفي بلي راجل ااه (راح يقرب ليهاا و هي هربت كسرت مرايا صغيرة و شدت زجاج تعهاا و حطاتو في رقبتها و خرجت للبالكو...)

قمر : والله و تقرب مني ولا تخمم دير واش راه في راسك نقتل روحي و حياة ياسمين غير درتهااا...

نسيم: هههه متقدريش ديريهاا..

قمر : (جرحت روحها شوية بش يأمن بلي تقدر ديرها)متستفزنيش كثر من هكا..اقسم بالله غير درتهاا..(تهدر و تبكي بهيستيرياا )قتلك مهدرتش معاهم...و نثبتلك بلي هذي راهي غير لعبة منهم...

نسيم: سايي هاتي زجاج لي راه في يدك و دخلي نحكو راني مأمنك...

قمر : مكاش منها تكذب علياا بلعاني راك تقلي هكا...

نسيم: (راح ليها نحاهولها بسيف..و شدها من وجهاا و يزير عليها يهدر و يعيط) ماشي قتلك مزيديش تخمي ديرو هذو صوالح...ااه

قمر : (نحاتلويدو) اذا نتا خممت تغتصبني مرة اخرى راح تلقاني جثة فوق فراشك..

نسيم: (خزر فيهاا و مقال حتى كلمة و خرج)

قمر طاحت في الارض تبكي..عيطت للخدامة تفاهمت معاها و قاتلها تسيي تخرج زهية مناا باي طريقة..الخدامة دارت واش طلبت قمر...كي خرجت زهية رفدت قمر مقص و دخلت هي و الخدمة عند سارة...

↚

الحلقة 36

سارة: هههههه وش عجبك سيناريو تعي..قتلك متلعبيش معايا...

قمر : اممم عجبني دوك نشوفو اذا يعجبك سيناريو تاعي اناا..(قالت للخدامة تشدهااا..شدها و قمر بدات تقصلها في شعرها قرعتها كامل..و سارة تعيط و خدامة تبلعلهاا في فمها..)

سارة: (تبكي) واش درتي يا مهبولة(وتمس في شعرها)

قمر : ههه وش درت ! جيبيلها مرايا تشوف شحال رجعتها شابة...

سارة: نتي مهبولة ...نتي مهبولة..رح ندمك على لي درتيه..راح نخليك تطلبي الموت و متلقايهاش..

قمر : نونونووو من اليوم نتي تشوفي برك و انا لي ندير فهمتي...جاوزتي قاع حدود تاوعك و مانيش قادرة نصبرك كثر...راح تروحي منااا مذلولة تفكري مليح هدرتي هذي...(خرجو و خلاوهاا تبكي و تندب)

قمر عيطت ليماها و حكاتلهاا كلش..

بلقيس: قسيتيلهاا شعرهااا!!!!

قمر : ايه مانيش قادرة نتحملهاا كثر من هكا راني حابة نقتلهاا..

بلقيس: لوكان تقول لنسيم كيفاش...

قمر : مخممتش فيها هذي..واش ندير دوك..يقتلني لوكان يسمع وش درت..

بلقيس: شوفي واش ديري.....

قمر : وشبيكي هبلتي لوكان نتوجع...

بلقيس: تتوجعي نهار و لا يومين و تريحي من زوج لفعاات للابد..

قمر : عندك الحق...صحيتي لي راكي واقفة معايا..

بلقيس: هههه بلا مزية هذي ماهي والو...

يوسف كان دايمن واقف مع ياسمين خصوصي بعد شي لي مرت بيه كان يسيي يخرجهاا و ينسيها فيه و ياسمين بدات توالفو...عماد بداا يسكن مع مريم ولات تحبو و يحبهاا..دايمن يخمم في خواتاتو و ندمان على واش دار مي معندوش الجرأة باش يروح يقابلهم... عزيز كان هارب من سي طاهر لي مقدرش يرجعلو دراهمو..و طاهر حلف لوكان يلقاه يقتلو..قمر بداات دير في الخطة لي قاتلها عليها يماهاا...راحت عند سارة...

قمر : (تتمسكن) سارة وعلاش درتي هكااا..انا هدرت معاكم وقتلكم هكذاك على نسيم!!

سارة: واش كي لقيتيها حماضت عليك جيتي تتمسكني عليااا...انا كنت قتلك متلعبيش معاياا..وهذا مراه والو اذاا مخليتوه يحاوزك مناا منتسماش آسيا..

قمر : وعلاش درتي هكذاا و كذبتي عليه نتي و يماك باش يحاوزني!!

اسيا: هههههه حاجة باينة مكنتيش حاسباتك غبية هكذاا..قتلك نسيم ليا وحدي و راح نمحيك من طريقي...(قمر كانت تسجل فيهاا..باش تسمعهاا لنسيم و يأمن بلي مهدرت والو..حبست تسجيل كي دات واش حبت..)

قمر : في منامك و متصراش هذي ايااا باي بيزوو..

جات زهية..كي قمر شافتها جات عيطت لنسيم..

قمر : الو نسيم..ارواح لدار نستحقك.

نسيم: راني جاي اصلا راني قريب من دار...

قمر : اوكي..

زهية راحت عند آسيا كي شافتهاا بهذيك الحالة تخلعت...و آسيا تحكيلها و تبكي واش دارتلها قمر...طلعت زهية عند قمر وتخبط في الباب..

زهية: فتحي الباب يا الخامجة وش درتي لبنتي ..اليوم نقتلك خرجي...

قمر : (غالقة الباب و طل من بالكوو تستناا في نسيم وقتاش يجي..كي شافتو جاا راحت فتحت الباب..)

قمر : (تتمسكن) وشبيكي طاطا وش كاين ااه...

زهية : طاطا يااك!! ارواحي هناا (زهية بدات تضرب في قمر و قمر تقرب من الدروج بلعاني..كي سمعت الباب تحل و شافهم نسيم..قاست روحهاا من دروج..نسيم و زهية تخلعوو..)

نسيم:راح يجري ليهاا..قمر عمري راكي مليحة..

قمر : آي اهئ اهئ راني نتوجع..خالتك دمرتني..

نسيم: طلع قمر لشومبرتهاا و عيط لطبيبة عطاتلوو مسكنات تع وجع و بوماد..قمر غير تبكي و تتوجع و تزيد عليهااا..

قمر : هي هي دمرتني..اهئ اهئ ضربتني و وزادت دمرتني..

نسيم:(نسيم يعنق فيهاا) سايي سكتي انا نعرف واش ندير معاها..

قمر : (تهدر و تبكي)حبيت نجيبلك دليل بلي ماشي انا لي هدرت هذيك الهدرة..كي رحت نهدر مع سارة سجلتهاا...فاقولي و حبوو يدوه مني..زهية جات تضربني اهئ اهئ اهئ

نسيم: (سقساا الخدامة لي كانت معاهم) صح هذاا الشي لي راني نسمعوو...

خدامة: وي ميسيو..كثرو على مدام قمر بزاف..كل خطرة واش كانو يديرولها مي هي مكانتش تحب تحكيلك و تسكت..

نسيم: علاش محكيتيليش يا قمر عمري..

قمر : ماكنتش حابة مشااكل..

نسيم: اليوم نتفاهم معاهم دقيقة ميزيدوهاش في هذي الدار...وخرج راح عندهم...

قمر : (تهدر مع الخدامة) هههه ياااي نتي هايلة..من اليوم راح نعيشك معيشة الملوك..روحي سمعي واش راح يصراا...

خدامة:هههههه اوكي دوك نجي

↚

الحلقة 37

راح نسيم عند زهية و سارة...

نسيم: كيفاش تجرئي و تضربي مرتي بأي صفة ديري هكاا..

زهية: شوف هي واش دارت ببنتي (آسيا دات روحها تبكي..)

نسيم: قمر نعرفهاا مليح و مستحيل دير هاذ شي..وجهكم صحيح و مزالكم تكذبوو..قستوو عليهاا بلي هدرت هديك الهدرة و بسبتكم مديت يدي عليها و قريب خسرتها..

آسيا: حبك ليها راه عاميلك عينيك و معلاباكش معامن راك عايش...

نسيم: بلعي فمك نتيااا....تلمو قشكم و تروحو منا مراني حاب نشوف وجه حتى واحد فيكم...تخلو كلش هنا ة تروحو و حساباتكم راح يتغلقو..دورو متزيدوش تشوفوه مني فهمتووو(بسكو نسيم هو لي كان يصرف عليهم)

زهية: نسيم وليدي واش راك تقول...

آسيا: لالا تعيش نسيم مديرش هكاا تعيش..انا منقدرش نعيش بلا بيك...

نسيم: متقدريش تعيشي بلا بياا ولا بلا درهمي! لي عندي قلتو و كي نجي منحبش نشوفكم هناا و خرج..

آسيا:(طاحت في الارض تبكي)...

الخدامة راحت حكات واش صرا لقمر..قمر ماتت بالفرحة..ناضت لمت حوايجها ووحطتهم في ساشي و هبطت عندهاا..

قمر : اممم شيطانة بقات بلااا دراهم..(قاستلها ساشي تع حوايج) ايااا هاكي هذو حوايجي قدم ديباني روحك بيهم...

اسيا: مخلوعة قاعدة غير تشوف فيها..

قمر : وشبيكي..متزعفيش ماشي قدم بزاف غير كيما شريتهم وديجاا نتي تحبي تدي صوالحي لقدم هههه ..(طلعت و خلاتها...و آسيا ولا تعيط و تقطع في هذوك الحوايج...لمو صوالحهم و راحو)

قمر عيطت ليماها..

قمر : درت قاع وش قتيلي و حاوزهم من دار ههههه راني فرحانة بزااف..صحيتي بلابيك بلاك مكنتش حنقدر ندير هذو صوالح...

بلقيس: ههههه فرحتيني..راح نسيي نعوضكم على كلشي فات...واش راكي معولة ديري دوك...

قمر : كان لازم يكون دور بابا دوكاا...مي على حد علمي راه متورط مع مافيا و يحوسو يقتلوه..وهو راه هارب..يعني كاين لي يحاسبو في بلاصتي...

بلقيس: و نسيم..فيديو لي حبيتيه راه عندي..

قمر : افف يا ربي...

بلقيس: مديلو فرصة بلاك يقدر يعوضك على كلش و ينسيك في لي فات...

قمر : مستحيل ننسا شي لي دارو معاياا..مبعد بعثيلي فيديو..كلشي راح يخلاص اليوم..

↚

الحلقة 38

يوسف عرض على ياسمين باش يجي يخطبهاا..ياسمين قبلت لقات فيه مواصفات لي تحبهم و زيد وقف معاها في اصعب اوقاتها...

عماد و مريم ديسيداو يتزوجو قبل ما يزيد وليدهم...

عزيز مزالو هارب من طاهر...وراه داير في راسو يقتل نسيم بسكو بسبتو لي راه صاريلو هذا الشي...قمر ديسيدات تنتقم من نسيم مالغري هي ماهيش حابة مي مقدرتش تنسى واش دار فيهااا..عيطت لنسيم في تلفون..

قمر : الو نسيم..

نسيم: وي قمر راكي مليحة ريحتي شوية..

قمر : وي الحمدلله..

نسيم: كاش ما خصك نجيبلك معايا كي نكون جاي..

قمر : لالا مخصني والو..برك حبيت نقلك بلي راني خارجة باش نوجدلك سوربريز عشية...

نسيم: هههههه اممم واش هي..

قمر : آآه اذا قتلك متوليش سوربريز...

نسيم: ههههه اوكيي عمري معليش خرجي..

خرجت قمر حجزت في واحد ريستورو luxe حبت تقعد غير هي وياه..عيطت لواحد من رجال باش يبعثلهاا كاش 3 حراس بسكو خافت نسيم كاشما يديرلها و وصاتهم يتخباو باش كي يجي ميشوفهمش...راحت هي لبست غوب في لغووج تهبل و طلقت شعرهااا رجعت زلة..عيطت لنسيم باش يجي لريستورو..كي لحق نسيم لقاا جو رومانسي واشمن شموع واشمن ماكلة من كل الانوااع...ريستورو فارغ غير هو و هي...جات عندو قمر..

قمر : مرحباا بيك...انشاءالله يكون عجبك الحال..

نسيم: عجبتني..مي ماشي قد ماعجبتيني نتي ..راكي تهبلي يا عمري...

قمر : ههه يسلمك..(قعدو يتعشاو..)

نسيم: ايه كي نكملو واش نديروو...

قمر : واش نديرو...

نسيم: نورمالمو تفرحيني اليوم (وبقا يشوف في الجسم تعهاا يمعنيلها)

قمر : (تقلقت و خبطت يدها على الطابلة و ناضت) نتااا قاع مندمتش على شي لي درتو ااه..تستهل كلشي راح يصراا معاك

↚

الحلقة 39

نسيم: واش قصدك بكلشي راح يصرا معاياا..

قمر : ههههه مسكين نسيم حسبتك اذكى من هكاا..عمبالك راح نسمحلك و ننسا واش درت فيا..(ناضت راحت لل pc شعلاتو و دارت الفيديو..ولا كلش يبان في دتاشو...الفيديو فيه نسيم و يوسف و مجموعة من الرجال كي كانو يستالمو في السلااح و شحنة تع مخدرات..)

نسيم(يشوف و هو مخلوع) خرج منك قاع هذا الشي يا قمر..واش ناوية ديري بيه زعماا..

قمر : راح نعطيك فرصة نسيم..روح مناا خرج قاع من هذي البلاد طلقني و متضليش تهدد فياا كل واحد يشوف طريقو و راح نسيي ننسا كامل واش درت فيااا...

نسيم: (بقا يشوف فيها نضرة تخوف و بدا يضحك..ويقرب ليها) هههههه اممم وليتي تهددي فيا يااه (شدها من وجهاا يزير عليها) انا حبيتك يا لقحبة حبيتك و نتي ديري فياا هكداا !! (خرجو رجال لي كانو مع قمر و رفدو عليه السلااح ...قمر دارتلهم جاست بيديها تع مديرو والو..وهو مداهاش قاع فيهم و كمل يهدر..) ايه ندمت ندمت على واش درت فيك..مقدرتش نصيطر على قلبي الكلب وحبيت بنت لي قتل بابا(قمر تشوكات كي سمعت هكا)...واش راكي كابة كثر لي كنتي تطلبيها كنت نديرهالك واش راكي حابة كثر وااااش..

قمر : كيفاش عزيز قتل باباك !!!

نسيم: ايه قتل بابا و في عمري 19 سنة على صغري وليت نقتل و ندير صوالح جامي تخيلت نديرهم....شحال من سنة و انا نبني في روحي باش نزيد قوة و نقدر نواجهوو و ننتاقمو منو بسكو ضيعلي حياتي..و درت واش بغيت ضيعتلو حيااتو وانتقمت منو ذليتو و دوك راه هارب خايف يقتلوه...صح بلاك غلطت كي انتقمت عن طريقك نتياا..مي الله غالب الحقد عمالي عينياا و كي عرفتك كثر ندمت على كلشي درتو فيك..مي ماندمتش على واش راه صاري في باباك...ديري واش تبغي دوك انا منروحش منااا فهمتي لي في يدك ديريها

↚

الحلقة 40 و الاخيرة

هدر نسيم واش عندو و خرج كان في صدمة الطفلة الوحيدة لي حبها خرج منها هاذ الشي..

قمر : (مقدرتش تهدر بعد كلشي قالو..لقات بلي عندو الحق مالغري طريقتو لي انتاقم بيهاا غالطة..تهدر بينها و بين روحها..) ااه يا عزيز واش راك مخبي ثاني مكفاكش واش درت في ولادك زدت يتمت ولاد الناس(بعد واش سمعت من نسيم غاضهاا بزاف..راحت لهذاك pc و كسراتو تبكي و تعيط)..الله يذلك يا بابا ..الله يجيبلك موت دمرتلناا حياتناا..

(راحت قمر لدارهم تلاقات بياسمين و زادت عيطت ليماها باش تحكيلهم كلش ...)

ياسمين: اذا تحبيه يا ختي متخليهش كلشي صرالناا بسبة بابا و هو الحقد عمالو عينيه..اي واحد في بلاصتو يدير كيما هو..

بلقيس: ايه عنها الحق ختك( ياسمين قطعتها بخزرة)..

قمر : ايه نحبوو و والفتوو مانيش متخيلة نكمل حياتي بلا بيه..اهئ اهئ اهئ

ياسمين: واش راكي تستناي مالا عيطيلو..

قمر : بصح مقدرتش ننسا واش دار..

بلقيس: الوقت ينسي كلش..و هولي راح ينسيك في كلش..راني متأكدة..

نسيم كان في بار يسكر و يخمم في قمر و في واش دارت..فات سيناريو تع حياتو بين عينيه و تفكر بلي جامي حس واش حسو معااه....

عند عزيز..لقاه طاهر و عذبو عذااب حتى عزيز ولاا يترجاا فيه يحبس..مي طبعاا طاهر بدون رحم قتل عزيز و رمااه قداام فيلاا..

ناضت قمر اونفورم معولاا تبداا حياة جديدة و تنساا كلش مع الانسان لي حبوو قلبهااا..هبطت تفطر..لقات ياسمين و بلقيس( بلقيس باتت عندهم كي كانت قمر هكذاك محبتش تخليهااا ..و ياسمين كل خطرة تقيسلها كلمة..) كانو يفطروو حتى دخل الحارس عندهم..

الحارس: سمحولي لي ديرونجيتكم..سي عزيز مات و جثة تاعو راهي قدام الباب..

كل وحدة فيهم بقات تخزر في لخراا..مي مادارو حتى ردة فعل..في النهاية كان راح يجي نهار و يقتلوه...خرجو براا يشوفوه..

بلقيس: و اخيرا خلص واش دار...

ياسمين: (تبكي دمعة و زوج) متحكيش هكاا في النهاية يبقاا بابانا..

قمر : بابا في livré de famille برك...كان لازم يتحاسب على واش دار فينا و في ناس لي معندهظ حتى ذنب..

ياسمين: (تبسمت بحزن) هه دوك صح بقيناا وحدناا..ني اب ني اخ ني ام..

بلقيس: وعلاش راكي تهدري هكذاا..انا رح نبقاا ديمن معاكم و نعوضكم على كلشي..

قمر : ياسمين بلاك جا الوقت باش نمدو فرصة لماما..(بلقيس فرحت كي سمعت قمر قالت ماما بسكو كانت تعيطلهت غير باسمها بلقيس..)

ياسمين: لي خلاك مرة يقدر يخليك الف مرة يا ختي..

بلقيس: انا جامي خليتكم دايمن اخباركم كانو عندي..

قمر : صح انا عاونتني بزاف...

ياسمين: افف سايي..ديجا نتي وش راكي ديري هناا روحي هدري مع نسيم..

قمر : ايه صح..(راحت قمر لدار نسيم..مخلاوهاش تدخل هكا أمرهم نسيم..راحت للشركة كيفكيف..عيطتلو لقات تليفونو مغلوق..نسيم كان زعفان بزاف منهاا..ومحبش يشوفها بسكو راح يضعف قدامهاا) كيما دارت قمر مقدرش توصل ليه..قررت تعيط ليوسف باش يعاونهااا..تفاهمو كيفاش يديروو ...

يوسف عيط ل نسيم..

يوسف: ازرب يا نسيم قمر راهي في حالة متعجبش..

نسيم: وعلاش وشبيهاا واش كاين..

يوسف: معلاباليش دوك عيطتلي ياسمين..مفهمتهاش مليح وش كانت تبكي و تقلي قمر ماهيش مليحة يا يوسف...

نسيم: حتى لدوك باش تعيطلي ياربك..وين راهي..

يوسف: راهي في طريق تع المقبرة..

نسيم:تتمنيك بياا واش راهي دير ثماا..

يوسف:معلاباليش..مام انا راني رايح نشوف..

نسيم: اوكي نتلاقاو ثماا..(راح يجري لقاهاا وحدهاا وقفة تستناا فيه..راح يجري عندهاا) قمر..واشنو واش كاين واش صرالك!!

قمر : مصرالي والو..حبيت نهدر معاك بسكو مقبلتش تشوفني..

نسيم: درت قاع هذا الشي على جال هذي!!!(كان رايح..شداتو من يدو)

قمر : حبس نسيم..اسمعني برك...(تهدر و تبكي)سمحلي على واش درتلك...من زعافي منك موليت نشوف والو..مكنتش عارفة علاش درت هكذاا دوك راني فهمتك مليح و اي واحد كان راح يكون في بلاصتك كان يدير نفس الشي..صح بلاك طريقتك غالطة بسكو ستغيليتني مي انا راني مسامحاتك و نتا ثاني سامحني..في هذي بلاصة بدات حكايتناا..وفي هذي بلاصة تكمل احزاناا و ننساو ماضينا..نبداو كلش من جديد..حياة جديدة و قصة جديدة كشغل هذا وين رانا نتعارفوو..انا حبيتك يا نسيم بلا مانفيق و مستحيل نسمح فيك حتى اذا قتلي خرجي من حياتي منقبلش ونبقاا دايمن نحاول حتى تقبل.. (نسيم عاجباتو هدرتها بزااف...هي تهدر هكاك حتى باسهاا من شواربها و رفدهاا و هي جاوبت معااه..)

نسيم : مام انا نبغيك و جامي راح نسمح فيك...

فاتو شهرين لحق عرس تع ياسمين مع يوسف...ياسمين كانت فرحانة بزااف و خرجت بزااف شابة...دخلت عندها يماها بلقيس..

بلقيس: راكي تهبلي..

ياسمين: يسلمك..(راحت عنظ يماها و شدتلها يديها) اليوم هو اسعد يوم في حياتي و راني فرحانة كي راكي معايا..وعديني متزيديش تخلينا...

بلقيس: موحال يصرا هاذ الشي ( و تعانقو..كي شافتهم قمر هكاك فرحت..)

قمر : امممم تتعانقو بلا بيااا..

ياسمين: ههههه ارواحي (تعانقواا كامل..و هما هكاك دخل عماد و هو رافد وليدو صغير..ياسمين تخلعت)

ياسمين: واش جابو هذاا هناا!!

قمر : انا عرضتوو..

ياسمين: قمر كيفاش ديري هكذاا..

قمر : ملازمش نبقاو هكاا ياسمين لازم نكونو يد وحدة..

عماد: سمحيلي ياسمين متقدريش تتخيلي شحال راني ندماان من هذاك نهار مانيش نرقد من ندامة دايمن نخمم فيكم..سمحيلي..

ياسمين:(بقات تشوف فيه..) هذا هو وليدك!!

عماد: ايه..(راحت ياسمين باستوو )

ياسمين: ههه ميشبهلكش..

عماد: وي يشبه ليمااه..

ياسمين: وين راهي يماه..

عماد: تحت...(ياسمين بقات تشوف فيه مبعد عنقاتو)

ياسمين: سايي راح نسيو ننساو كلشي و نبداو حياة جديدة و حتى واحد مايزيد يجبد على هذا الموضوع (عنقهاا عماد و باسها في جبهتهاا ) اياا و دوك متخرجنيش عند راجلي حبيتو تخلوه يستناا...(ولاو كامل يضحكوو..خرجهاا عماد عند يوسف..يوسف كي شافها عجباتو بزااف)

يوسف: راكي تهبلي يا عمري...

ياسمين: ههههه مام نتا ما بيك والو..

يوسف: ههههه

فوتو عرس يهبل مريم تعرفت على قمر و ياسمين و بلقيس و هوما عجبتهم بزااف..قمر دارت حالة بشطيح...حتى راح ليهاا نسيم..

نسيم: اي واش راكي ديري غير بلعقل حبيتي تقتليلي وليدي..(قمر راهي اونسانت وي)

قمر : اووه كل دقيقة تقلي هذي الهدرة خليني على راحتي..

نسيم: (شدهاا من ضهرها و قربهاا ليه و هي شداتو من عنقوو و بداو يشطحوو)...ههههه راح تهبليني نتياا مقدرتلكش..ههههه من نهار لول لي شفتك فيه و مني مهبلتني..الحياة لي عشتها و لي راح نعيشها معاك جامي نندم عليهاا..

قمر : هههههه حكايتناا راح تبقاا في تاريخ و جامي ننساوهاا و نحكوها لولاد ولادنا انشاء الله...

نسيم: انشاءالله يا ربي هههه وباسهاااا...و عاشواا قاع فرحانين ...

النهاية

تعديل المقال