القائمة الرئيسية

الصفحات

كرونيك الدنيا دوارة

كرونيك جزائرية الدنيا دوارة

عدد الحلقات : 16 حلقة

الحلقة 01

الدنيا دوارة كما قالو ناس زمان ،يوم ليك ويوم عليك
الدنيا علمتني بزاف حوايج منهم الذل الفقر المرض والزهر لمعوج لحناك.
انا لمياء عندي 20 سنة انا الصغيرة فالدار عندي خويا محمد وعلاء وميساء وعصمة، يعني زوج ولاد و زوج بنات وانا الثالتة، نقلكم كي دايرة bon عينيا زروقا وشعري كحل وطويل  وملس بيضاء البشرة احم احم، احنا عايلة ميسورة الحال حمد الله بابا يخدم مع عمي يعماو عينيه نشالله سباب الذل لي رانا فيه، المهم كما قلتلكم عمي هو لكبير في خاوتو يعني السلطة كامل تحت يدو والورث كامل على اسمو باسكو خلا خاوتو لي هوما عماتي وبابا  يسنيو على ورقة يعني باه يدي الورث، معرفتش لحد الان كيفاه قدر يفوتها عليهم مزلت ماش مستوعبة.
بابا يخدم عند عمي فلاح والسلاك ميكيفيش حق الڨاز والخبز وتريسييتي كون ما خاوتي كون رانا متنا بالجوع سورتو انا مضروبة عالماكلة كون نسمع لغدا مكاش ولا عشا قادرة ننتحر نورمال، المهم خلينا منهم bon كانت الضروف تاعنا متسمحليش باه نكمل قرايتي.
صحا مقلتلكمش مجبتش الباك لي تم تبدلت حياتي حتى صحبتي لي كانت اعز وحدة عندي بعد ماطلعت للجامعة تبدلت ولات متحوسش عليا وجه الميزيرية، اضطريت ندخل نخدم في حانوت تاع القش يعني نبيع القش تاع النساء، حمد الله كان عاجبني الحال المهم نخرج من هذاك الروتين لي كل يوم يفوت عليا غير مشاكل.
المهم دخلت نخدم تعرفت على وحدة تخدم معايا يعني جارتي هي فالحانوت لي مقابلني وسمها وداد، معندي منقول فيها رجعت حبيبتي لانتيم حبة حلوة وتقسمها معاي علما انو عندها حبيبها باقلاوة ياجدكم كان كل يوم يجيبلها  لغدا وتجي تقسم معاي ههههه،  هو يخلص ونا ناكل هو عمرو لا شافني كنت غير نشوفو من الحانوت كي يدخل يتمعشق مع المهبولة تاع وداد علما انها تموت عليه.

الحلقة 02

خطرة مجاتش وداد تخدم عيطتلها نسقسي عليها، الو وداد وينك يالكلبة خليتني وحد الله لاتربحك

وداد: صحيت زيديلي الهم لي فيه كملي عليا
انا: واش بيك غير الخير؟
وداد : لا زيدي ادعي عجبوني الدعاوي تاعك

حلوفة ضحكتني ايا زدت عايرتها ايا قلتلها سيبون وينك علاش مجيتيش
قاتلي اني فالسبيطار
يالاهوييي وداد وش بيك وش صرالك
وداد خخخخخخ والو جاتني لي غاڨل لوجع تاعها قتلني مقدرتش نحملو هبطتني ماما لسبيطار دارولي تشكة وسيروم هكا شوية ونخرج
انا :اوك ساعة على ساعة اني نعيط نسقيي عليك
وداد: ههههه علابالي تحبيني اوك ايا منبعد باي وكوبات
هي كوبات من والبقلاوة تاع حبيبها جاي عندها من مسكين مشوكي كي لقاها مبلعة
هكا شوي نلقاه متجه الي ياويلييي
دخل للحانوت
سلام ، انا سلام
هو : معليش نسقسيك اختي
انا: تفضل خويا، زعمة لاعباتها منعرفوش
قالي:الطفلة لي تخدم فالحانوت لي ماقابل فيك تعرفيها ولالا
قتلو واه نعرفها علاش غير الخير
هو : لا غي سقسيتك حتاجتها برك
باين من هدرتو محابش بفيق بلي راه حبيبها ياو قيو نعرفك
هو : نخليك ختي وسمحيلي بلاك ديرونجيتك
انا : في قلبي زيد ريح كون مجاتش صحبتي وحدة متديك مني
سماح سماح خويا مكان حتى ديرونجمو راك غي سقسيت

الحلقة 03

هيا هو راح من وانا جبدت تيليفون من
ودااااد حبيبك مسكين جا للحانوت لقاك مبلعة
هي: احم احم كلوش علابالي يعشق فيا خخخخخ ايه اني غدوة نجي اوك حبيبتي نتلاقاو باي حبك
انا: الزهر يالزهر شوف الزين ولاطاي والزهر...

حقا مقلتلكمش كيفاه داير البقلاوة عينيه عسليين شعرو كحل داير بوك عندو وحد لاطاي سبورتيف تقول غلطو فيه برك في بلاصة مايديروه فالترك غلطو فيه داروه فالجزاير واسمو شهاب، وداد تدلعو شوشو، ايا حبطت لدار لقيت ماما دارتلنا لفتات ياعمري لفتات نموت عليه، على كل نموت على كلش.
تعشينا لقيت علوش جا قالي انتي

انا: واش جابلي ربي رانا في نفس الكارني فامي مجابتنيش مرا خلاف تعرف اسمي ياو.

وياتيني كوثبي من حيث لا ادري مؤخرتي حسيت بيها طاحت قالي كي نهدر معاك مترجعيش الهدرة ايا حملتها وقعت حفت لايزيدلي بونية ويولي فمي بناء فوضاوي.
قالي اسمعي الخدمة هاذيك تحبسيها، انا علاش واقيلا انت بابا وانا لاخبر ويجي يعطيني كف نلقا بابا حبيبي دخل، ياولد تقيسها نجيفك
خخخخخخه وانا ضحكت هذيك الضحكة الصفرة تعرفوها تاع شح فيك
قتلو بابا ونتعلل ونزيد فيها زوج دمعات وبابا نومتو مغناطيسيا واش تحسبلكم العلولة تاع الدار ديما هي المفضلة عند باباها اكرر عند بابها
بابا قالي متزيدش تخدمي
قالو بابا شوف اسيدي كي تجيب بنتك احكم فيها
تزيد تحل في فمك صحابك خاربين الدنيا وانت اختك تصرف عليك وتزيد تقولها متخدمش
ايا خويا تبهدل ودارلي هديك الاشارة تاع تخلصيها غالية ههههه ياو قيو

الحلقة 04

الصباح رحت للخدمة كي العادة
فتحت هك شوي نلقا الكحلوشة تاع وداد تفتح فالحانوت مسكينة باينة مشبعتش الرقاد عينيها منفخين تقول عليها شامبانزي
خمس دقايق نلقاها دخلت عندي ووجهها مقلب 180درجة
وداد وش بيك، وتطرطق بالبكاء
خلعتني ياجدكم تقول حلوف كي يولي يشخر لخناوين وش نقلكم
شهاب
وش بيه شهاب
قاتلي تفارقنا
منكدبش عليكم محسيتش بالحزن بزاف، ومعلاباليش علاش في عوض نبكي معاها حسيت وحد الاحساس تاع حمد الله لايكون عجبني
بعدها فقت لروحي وداد حبيبتي ومنقدرش نشوفها هكا
وداد نعرفك قوية واش كنتي تقوليلي عمري ماننزل دمعة على راجل
لميا مقدرتش نحبو نعشق فيه
اوك وداد نلقاو حل متخمميش
قلتلها مي مقلتيليش علاش تفارقو
قالتلي وليد عمي جا عندي للحانوت حكمني وباسني ومعرفتش علاه دار هك ندور وجهي نلقا شهاب مشوكي خرج بلا ميقول كلمة
انا: وهذا الحيوان تاع وليد عمك واش قصتو
قالتلي بلي منين واحنا فالسيام وهو يقولي نحبك قالي كون منديكش في لحلال نديك في لحرام وانتي خيري

الحلقة 05

بكيت و بكيت وترجيتها تسمعني حبيت نفهمها بلي راجلها هو لي رخيس بصح ما سمعتش مني ، قلتلها انا لي نخرج من هاد الدار ونتي ابقاي فيها بصح صدقيني انا ولله ما غلطت مع راجلك و ما درت حتى حاجة نوصيك ماديريش فيه لمان خافي منو عليك و على ولادك مايستاهلش ثيقتك فية ، رفت قشي كوارطي ودراهمي وكل شي ورحت كريت ف اوتال فتحت السكايپ و عيطعت لختي صوفيا لي راهي في فرنسا حكيتلها حكايتي و فهمتها كلش و صدقتني و قالتلي بلي حتى صونيا راهي مصدقتني غير حبها لراجها وخوفها على تفكك عايلتها خلاها تكذبك و تصدق راجلها قالتلي بلي قعادي فلوتال ماشي حل لازم نوجد كوارطي باش نطلع لفرانسا نكمل قرايتي و نبني حياتي لتماك ، انا وافقت على كلامها و شفت بلي هادا آخر حل بقالي ، نضت صباح وجدت روحي لبست سروال جينز ، شميزي بيضة ، فاست كوير ، و چوداس نواغ رحت لسفارة تاع فرنسا في دزاير باش نخرج شي وراقي وصاتني عليهم صوفيا ، بعد ما فريتها خرجت من السفارة و حطيت يديا ف جيبي مسيت تلفون حسبتلي تليفوني مبعك تفكرت بلي تلفوني راه داخل الساكودو انا غير جبتو و تحبس قدامي طنوبيل كحلة فيمي طلعوني فيها بسيف انا نعيط ونقول : اتلقوني خلوني واش درتلكم وين تعرفوني مبعك واحد فيهم عطاني كف دوخني بيه وكي فطنت نصيب روحي ف كاراج مضلام  يديا مربوطين رجليا مربوطين فمي مسكوتشي ، مافهمتش علاش راني هنا شكون خطفني زعما يكون راجل ختي لالا محال راجل ختي ياربي يقدر يشري كيلو بطاطا منين راح يجيب هاد الرجال باش يخطفوني ؟ منين راح يجيب طنوبيل كيما هاديك نن ماشي هو لي خطفني ، بصح شكون لي عندو مشكل معيا ؟ زعما التلفون لي كان في جيبي عندو علاقة؟ ايه سور ، تعمن هداك التلفون ؟ واش جابو لعندي؟ بديت نعيط و نبكي و فمي مسكوتشي جا راجل مرجال لي خطفوني و رفد تليفونو و قال: سلام السي "اياد" راهي فطنت نتهلاو فيها ولا نستناوك حتى تجي، مبعك كوپا تليفونو وبدا يخزر فيا خزرة تاع وحش لقى فريسة انا فهمت بلي راح يغتصبني و يدير فيا لي مايندارش بصح علاش واش هو ذنبي مبعك رجع خطوات للور وراح وخلاني انا ما جيت نتنفس الصعداء حتى ...

الحلقة 06

مبعك رجع خطوات للور وراح وخلاني انا ما جيت نتنفس الصعداء حتى يزدم عليا وحش وحداخر طاح فيا ضرب وأنا لا حول لي ولا قوة، أمر رجالو يخرجو و يخلونا وحدنا ماقدرتش نهدر وانا فمي مربوط ماقدرش نقولو شكون نتا علاش راك داير فيا هاد الشي وحتى وجهي ماشافوش هو كي لكلب لمسعور طايح فيا ضرب حتى فقدت وعيي كي فطنت عرفت بلي كي فقدت وعيي فقدت معاه شرفي غتصبني دمرني درمرلي حياتي ماخلاليش شئ نقدر نعيش على جالو ، صونالو التلفون وجاوب لتماك عرف بلي راه غالط و الشخص لي كان لازم يدير فيه هاد الشي هو ماشي انا خرج مل كراج و أمر رجالو يجيبوني ، وصلنا لفيلا كبيرة و حبسوني ف شمبرة مشنابرها وبعد شويا دخل الوحش لي غتصبني حكمني من شعري و طلعلي رأسي وقالي : شكون انتي او وش جاب هداك التليفون لعندك ؟ ومع طلعلي رأسي قعد غايس فيا قالي : هاد العينين شايفهم هاد الخزرة نعرفها شكون انتي ، جاوبيني ... طبعتو ورحت قعدت في كوانة نبكي و نغطي في روحي ونتمتم ونقول: علاش صرا فيا هاد الشي علاش الدنيا تقلبت عليا كنت كي الأميرة وسط والديا علاش ماتو وخلاوني علاش مداونيش معاهم وتهنيت من هاد الدنيا فقدت والديا وفقدت عين من عنيا و فقدت حنان العايلة فقدت شرفي فقدت كل شي فقدت كل شي كل شي
هو كان واقف ويسمع ف هدرتي حس بتأنيب الضمير و قرب مني و حاول يبررلي موقفو بصح انا مارضيتش نسمعلو لانو مهما كان مايديرش ف طفلة هاد الشي علابالي بلي ماكنتش المقصودة بصح هادا مايبررلوش دير هكا فاي طفلة خرج من الشمبرة وغلق الباب بعد ساعة عاود رجع فتح الباب وحطلي صاشي فيها لبسة جديدة و قالي هاوليك الدوش دوشي 🛀 و كي تكملي راح نعوضلك بواش حبيتي و نطلق سراحك و انساي بلي صرا معاك هاد الشي وخرج ... رفدت الصاشيات ودخلت ندوش نضفت روحي وكنت ماهما نضفت نحس روحي معفونة واش نغسل واش نخلي نغسل فمي و ما رضى يتنحى منو اثار العض نضف صدري و ما رضى يتنحى منو الاثار الزروقية نضف شرفي و مارضيت نتنضف خرجت مدوش وقعت نخمم كيفاش راح نقدر نزيد نعيش دقيقة فهاد لحياة لي مارحمتنيش ؟ واش من مصيبة راح نزيد نلقاها ؟ خممت و خممت مبعك خديت القرار لي راح يريحني من هاد التخمام ربطت كل قطعة قماش قابلتي مع بعضاها وخدمت بيها مشنقة و قررت ننتحر ونروح لعند والديا لي ماقدرتش نعيش بلا بيهم طلعت فوق الكرسي دخلت رأسي فلمشنقة و ...

الحلقة 07

خممت و خممت مبعك خديت القرار لي راح يريحني من هاد التخمام ربطت كل قطعة قماش قابلتي مع بعضاها وخدمت بيها مشنقة و قررت ننتحر ونروح لعند والديا لي ماقدرتش نعيش بلا بيهم طلعت فوق الكرسي دخلت رأسي فلمشنقة ورميت الكرسي داق فيا النفس وشفت ماما و بابا واقفين قدامي فرحت بشوفتهم و رحت نجري لعندهم و عنقتهم وهوما مافرحوش لشوفتي و قالولي« يابنتي مزال وقتك، پلاستك ماشي هنا عندك حياتك لازم تعيشيها ، عندك شي راه يستنى فيك فدنيا و لازم تعيشي على جالو ، روحي يا بنتي روحي » حتى راحو وخلاوني ومنين فتحت عينيا نصيب هداك الوحش و فمو في فمي و يحاول يرجعلي فالنفس فرح كي شافني فطنت و نوضني وعنقني شغل انسان يعرفني وقالي : علاش درتي فروحك هاد الشي ياك وعدتك نعوضك و نخليك تروحي علاش حبيتي تقتلي روحك؟
جيت ننطق ونقولو علاش خليتلي سبة نعيش على جالها؟ علاش الشرف يتعوض ؟ علاش المال هو كلش فهاد لحياة ؟ بصح مقدرتش ننطق على خاطرش راحلي صوتي كي شنقت روحي احبالي الصوتية نضرت و اكتفيت بالبكاء باش نعبر على لي بيا
قالي راح تبقاي هنا حتى تتحسن حالتك
إياد هو جان في عمرو 28 سنة طويل و سمر عينيه نوزات و عنود شوية لحية كحلة زاداتو زين و حلاوة وفيه كامل مواصفات الجمال كيما تتمناه أي وحدة و أكثر ، هو بطبيعتو سريع الغضب و قاسي بزاف من برة، وحنين بزاف من داخل و مايضلمش الناس بصح ايدا غلط كاش واحد في حقو مايرحمش و مايعرفش يتحكم فل غضب ديالو ، الشي لي خلاه يكون هكا هو انو بنى روحو بروحو و ماتكل على حتى واحد باش وصل لشي لي راه واصلو هو من اهم رجال الأعمال و اقواهم بصح علاش عندو هاد الشي كامل و ماعندوش عايلة علاش هاد الخير كامل و راه عايش وحدو ؟
جازو 5 أيام و انا محبوسة ف هديك الشمبرة المشية نسيتها كيفاش عاملة لحوايج لي كنت لابستهم لسقو فيا حبيت ندوش بصح ما عنديش واش نلبس مانقدرش نقولو اشريلي لبسة أصلا انا منحكيش معاه و آخر هدرة دارت بيناتنا كانت نهار لي حاولت ننتحر طليت من التاقة شفت حوايجو منشورين جاتني فكرة علاش مانحيهمش و نضربها بتدويشة و نلبسهم لوقت لي نغسل فيه حوايجي و ينشفو نعاود نرجعهم أصلا وين راح يفيق عندو بزاف لبسة ، خرجت من الشمبرة نمشي بلعقل وبلا ما ندير حس خرجت لجنينة و نحيت لحوايج ملحبل و عاوت طلعت لشمبرة اوووبس تمت المهمة بنجاح

الحلقة 08

اوووبس تمت المهمة بنجاح دخلت لشمبرة باش ندوش وهو لحقني يجري دخل عليا ولقاني ب ما لقيت ما نغطي قالي : شفتك فل كميرات حسبتلي راح تهربي مبعك نحيتي لحوايج ملحبل قلت بلاك راح تعاودي تنتحري ، وأنا يبست في پلاستي معرفتش واش ندير حتى فهم روحو وخرج يا الزح لوكان تنشق الأرض و تبلعني ماشي خير اليوم 6 نضت صباح بعد ما تحسنت حالتي كيما قالي الطبيب لي كان يعالج فيا و بعد ما رجعلي صوتي قررت نحكي مع السي إياد ... حبطت لعندو لقيتو مريح ف الصالون
قلتلو: راني حابة نهدر معاك
قالي:ايه تفضلي
قلتو الشي لي درتو فيا ماعندو حتى مبرر خطفتني غتصبتني و بكل بساطة قلتلي نعوضك على الشي لي درتو فيك باش راح تعوضني ؟ ترجعلي شرفي؟ تقدر ترجهولي ؟ تفضل عوضني و رجعهولي
نطق و قالي: نقدر نعطيك واش حبيتي دراهم ذهب طنوبيل دار ..
قاطعتو وقلتلو: مانسحقش نسحق شرفي لي ضيعتهولي حتى والديا لي كنت رايحة لعندهم رجعتني في نص التريق علاش ؟ جاوبوني !!
قرب مني وحكمني من شعري وقالي: انا ماكنتش قاصدك و مادام راكي طايحة عليا بل أسئلة لي مافيها حتى فايدة جاوبيني على سؤالي تشو التليفون هداك واش كان يدير ف جيبك اه ؟ بركاي ما تلعبي فيها شريفة مكة ونتي سرقتي تليفون جبتي بيه مصيبة لروحك لوكان ماسرقتيهش ماوصلتي لهنا، طبعني و طحت فلرض مبعك
وقفت و شديتو من حوايجو و قلتلو: يالرخيس انا مشي سراقة و التلفون هداك كاش واحد حطهولي ف جيبي بلا مانفيق ماسرقتوش
مبعك طبعني و رفد شاك قالي: عمريه باش حبيتي و جيبي نسينيلك فيه
رفت الشاك و قطعتو و رميتو في وجهو و قلتلو مادامك قادر تبيع وتشري شرف الناس علابالي بلي تقدر تشري المحامين ولقضات و مكاين حتى عدالة رح تنصفني وتجيبلي حقي بصح كاين عدالة الاهية حسبي الله و نعم الوكيل فيك و صدقني مراحش تربح في حياتك يا ضالم يا حقير وخرجت نبكي و نوكل في ربي عليه بصح وين راح نروح؟ ماعنديش بيها وين !
إياد قعد يخمم فلهدرة لي قالتهالو صبرينال وقاعدة دور في راسو كل ما يحب ينسي روحو فيها و فكلامها يلقى روحو يخمم فيها كثر وكثر كل ما يغمض عينيه يتخايل عينيها و خزرتها لي فيهم حقد وخوف و صدق وهو يخمم فيها حتى ...

الحلقة 09

وهو يخمم فيها حتى تدخل عليه ، حسب روحو يتخايل بصح مكانش يتخايل كانت صح واقفة قدامو عينيها حمورة ملبكا وجها صفر و باين عليها التعب رجت لعندو وحالتها كي حلة الجندي لي رجع خاسر من المعركة ، وقف إياد وهو كلو تساؤلات علاش رجعت ، قرب لعندها و هي دموعها على خدها و قالت : ما عندي بيها وين ما عندي بيها وين نطق إياد وقاللها : تقدري تبقاي هنا حتى تصيبي حل لروحك
رفدت راسها تشيرلو بلقبول وقالتلو شهر برك قيس ما نخدم فيه كوارطي و نروح لفرنسا
قاللها : لي تساعدك
هاد الشهر لي راح يتبدل فيه كلش ، هادا الشهر لي راح يعيش فيه إياد و صبرينال قصة حبهم ❤ وتتكشف فيه كامل الحقائق
دخل إياد لشمبرتو وقعد يخمم ايدا غلط في حقها ولا لالا علاش كي كانت تقولو مسرقتش التلفون حس بلي مراهيش تكذب علاش رفضت الشاك مالغري كانت قادرة تدي بيه ثروة ...
علاش خزرتها فيه كانت تخليه يرعش ؟ علاش كل ما يشوفها يحس روحو شايفها ؟ قال هاد الاسئلة كامل لازم نلقالهم حل لازم نتقرب منها لازم نعرف حكايتها
وفنفس الوقت لي راه يتسأل فيه إياد كانت صبرينال قاعدة تتسأل مام هي وشنو هو الشي لي خلاه يغضب لدرجة يضربها بهديك الطريقة ؟ وشنو هو الشي لي خلاه يغتصبها ؟ مالغري ماشي هي لي قصدو يدير فيها هداك الشي، وشنو هي السبة واش حكاية التلفون لي تهمها ب سرقتو؟ وشنو هو السر لي كان فيه ؟ قالت لازم يجاوبني على اسئلتي لازم نتقرب منو ونعرف حكايتو
حبطت صبرينال للكوزينة طيبت العشا و كي وجد حبط إياد وقعد يتعشى قعدت مام هي تعشات كل واحد فيم كان حاب يحكي و يسأل بصح واحد فيهم ما تجرأ ، كملو تعشاو و رفدت صبرينال لماعن و غسلتهم وعاودت طلعت لشمبرتها وبقات تخمم كيفاش راح تحكي معاه فلموضوع و كيفاش راح تلقى اجوبة لأسئلتها ، ونفس الشي مع اياد ، كان كل يوم يجوز بنفس الطريقة كل واحد فيهم يجي راح يحكي بصح يتراجع، حتى جا نهار دخل إياد لدار وصاب صبرينال لابسة رپة بيضة حد الركبة جاتها على حساب لاطاي ديالها وداخلة فيها كي لملاك رمى واش كان رافد فيدو وراح يجري لعندها و عنقها و بدا يعيط بشكل هستيري أسيل أسيل ، صبرينال مافهمت فيها والو وبدات طبع فيه و تحاول تخرج من بين يديه بعدها فاق لروحو وطبعها وقاللها وعينيه شاعلة فيهم النار: وين جبتي هاد الرپة شكون عطاك الإذن تلبسيها؟ شكون عطاك الإذن تدخلي شمبرتي و تخربي في حوايجي ؟ ...

الحلقة 10

شكون عطاك الإذن تدخلي شمبرتي و تخربي في حوايجي ؟

صبرينال خافت منو بزاف و خزرتو فيها خلاتها تتفكر وحشيتو نهار لي غتاصبها

جاوباتو وهي ترعش وتتلعتم فهدرتها وقالتلو بلي دوشت وكان لازم تلبس حاجة محوايجو حتى لقات هاد الرپة و لبستها مبعك طلعت تجري لشمبرتها تبكي
إياد قعد و شد راسو وبدا يبكي ، الرپة لي لبستها صبرينال عندها قصة وكي شافها لابستها فتحتلو الجرح لي مزال مابراش منو ، خرج وبعد ساعة رجع لدار رافد صاشيات فيهم لبسة ، طلع لعندها و دقدق فلباب ودخل ، قرب ليها وقعد قدامها وقاللها: أسيل هي ختي التوأم و هاد الرپة لي راكي لابستها هي أفضل رپة عندها ومبعك سكت و الدمعة محجرة في عينيه
سألاتو وقالتلو : وين راهي أسيل ؟
سكت و دور راسو وهو يحاول يخبي دموعو
بعد صمت طويل قال : 19 اوت لي فات كان أسوء يوم عشتو في حياتي 19 اوت دارت اسيل اكسيدون مع سيارة عائلية  قاطعاتو و قالتلو: طنوبيل رانج روفر كحلة ف الطريق لي تدي للمناج هو تخلع خزر فيها خزرة كلها تساؤل ، و قبل ما يسألها جاوباتو و عينيها غارقين فدموع 19 اوت أسوء يوم فحياتي كان عيد ميلادي وخرجت مع والديا فالطونوبيل باش نحتفلو حتى زدمت فينا طنوبيل رانج روفر كحلة داتلي اغلى شي عندي فحياتي داتلي والديا سلكت ملحادث بأعجوبة دخلت غيبوبة 11 شهر وكي فطنت فهموني لحكاية و فلحادث فقت عين من عنيا و تبرعولي بعين وحدوخرة على هاد الشي عندي عين عسلية و عين خضرا
نطق إياد وقال مستحيل عينيك نعرفهم خزرتك نعرفها، أسيل .. أسيل وصات كي تموت تتبرع بعينيها و هادي عين أسيل هادا هو الشي لي خلاني نحس روحي نعرفك قرب منها و باسلها عينها وقال مستحيل تكون هادي صدفة ...

الحلقة 11

اياد صاب اجوبة لأسئلتو بصح صبرينال مزال صابتش الأجوبة للاسئلة تاعها
قالتلو: نتا غتصبتي وكنت ناوي تقتلني علابالي بلي انا كنت الشخص الغالط بصح وشنو هي السبة لي خلاتك دير هداك الشي في طفلة مهما كانت او واش حكاية التلفون
تنفس إياد نفس طويل و قال : التلفون تاع الشخص لي تسبب في موت ختي أسيل ، ختي موتها مكانش حادث و الشخص لي تسبب في موتها هو مول هاد التلفون انا كنت نترصد فيه حتى وصلت لعندك بعد ما فرغت فيك نص زعافي عرفت بلي ماشي نتي مولاتو بعد ما حكاو وتكشفو كامل لحقائق وتوضحو الامور ، راح الحقد لي كانو يكنوه لبعضهم ، وتصرفاتهم مع بعض تبدلت وعلاقتهم تحسنت لدرجة وين ولاو يحكو حكاياتم لبعضاهم و معاناتهم فهاد الدنيا وحتى فشلهم و نجاحهم
قريب يخلاص الشهر و صبرينال بدات تفري وراقيها و بقالولها يمات قلال توجدلها الفيزا و تروح لفرانسا
إياد و كي لعادة ربح اسهم جديدة فالشركة و بهاد المناسبة راح يدير حفلة صغيرة فل فيلا تاعو يحتفل فيها بنجاحو
دخل إياد لدار و جاب معاه ساشي كبيرة فيها غوپ سواغي كحلة تهبل مع صباط تالون وعطاهم ل صبرينال و فهمها بلي كاين حفلة هاد الليلة
جا وقت الحفلة و صبرينال وجدت روحها جبدت شعرها الطويل ولي والفت دايمن تخليه مبوكلي و دارت مكياج خفيف بان على وجها پاسكو هي مديرش مكياج جمالها طبيعي و هديك لاغوپ جاتها تهبل داخلة فيها كي لحوتة غوپ نواغ طويلة جاتها سوغ طاي مشلوقة حتى لفخضها و يديها طايحين على كتافها
قريب يوصلو المعازيم و طلع إياد لعند صبرينال باش يقوللها غير فتح الباب تفاجئ و بقى واقف و مدهول فيها ماعرف ينطق حتى كلمة غير يتأتأ و يتلعثم فل هدرة وهي تاني مل حشمة تلفتلها
قاللها: الضيوف قريب يوصلو تقدري تستقبليهم معايا
قالتلو: ايه معلوم هيا نروحو وشدها من يدها وحبطو باش يستقبلو الضيوف إياد تمنى لوكان الوقت يحبس بيه فهديك الدقيقة و صبرينال حست بلي قلبها راح يحبس وهي شايدة يدو
وصلو الضيوف و ستقبلوهم احسن ستقبال إياد كان يضحك و فرحان على غير العادة و الناس كامل روماركاوه ، دار حفلات من قبل وربح اضعاف ماربحو ليوم بصح مكانش فرحان لهاد الدرجة ، و السؤال لي حير الناس كثر و كثر شكون هي الاميرة مولات العينين المختلفين لي راهي معاه ؟ زعما حبيبتو ؟ زعما مرتو المستقبلية ؟ ولا صديقة عادية ؟ هاد الاسئلة كامل وجهوها ل إياد لي كان يتجنب يجاوبهم عليها

الحلقة 12

هاد الاسئلة كامل وجهوها ل إياد لي كان يتجنب يجاوبهم عليها وكي كترت عليه الاسئلة قاللهم بلي هادي ضيفتي ، صبرينال كانت تتمنى يقول كثر من هكا و هو تاني بصح واحد فيهم ماقدر يقولها
ومدام قال إياد بلي هادي ضيفتو ماشي كثر من هاد الشي ، فتح لباب باش يطمع كل واحد ملحضور فيها وكل واحد كان يستعرض فروحو قدامها باش يلفت انتباها ، فراس اكبر واحد حط عليها عينو، فراس رجل اعمال ف 30 من عمرو شباب شكلا بصح فعايلو ماشي شابين ملي بدات الحفلة وهو يحاول يتقرب من صبرينال كان يتعامل معاها بلطافة و صبرينال بادلاتو نفس المعاملة إياد كان يراقب فيهم ملبعيد ومكانش عاجبو الحال حتى شاف صبرينال رايحة لتولات لحقها باش يحدرها من فراس و كي لحقها حكمها من يدها وقاللها ، صبرينال فهمت بلي إياد راهو غاير من فراس هاد الشي لي خلاها تزيد تتقرب من فراس و ثير غيرة إياد ، دعى فراس صبرنال باش تشطح معاه و قبلت و معلابالهاش بلي فراس حيوان في ثوب انسان بدات تشطح معاه وهو يتلمس فيها، يديه من خصرها بدا يحبط فيهم لما تحت ضهرها و يبوس في رقبتها هي حاولت طبعو بصح ماقدرتلوش ، بدات تعيط عليه وتقولو اتلقني بعدني وهو كي العلقة لاسق حتى جاه إياد و جبدو عليها و عينيه حمورة مزعاف قالو ماسمعتهاش واش قالتلك قالتلك بعدني و يعطيه دبزة طيحو فلاپيسين و الناس كامل نشوف وهي خايفة و تبكي كانت تستنا فيه يعطيلها دبزة و يطيرها مام هي على جال رأسها اليابس و رايها التالف قال للضياف راهي خلاصت الحفلة تقدرو تروحو راحو الضياف و إياد قعد يخزر فيا بعين حمرة و قلب شنايفو عليها راحت لعندو باش تطلب السماح بصح ماحبش يسمعلها نحات سباطها و طلعت رپتها وقدت فلحافة تاع لاپيسين و تلعب برجليا فلما جا إياد وقعد قدامها ، خزرت فيه و حبطت راسها وقالتلو: سبني عيط عليا ماتبقاش ساكت ، طلعت راسها وخزرت فيه باش كاش ما يقول حتى دنالها وباسها بوسة خفيفة من فمها وعاود جبد روحو ، هي يبست في پلاستها وبقات تخزر فيه كي ستاتو (تمثال) مبعك شدنها من رقبتها و طاح عليا بلبوس و هي تفاعلت معاه معلابالهاش علاش حست بلي راهو ينفخ فيها روح جديدة حست بلي راه يبعتلها شي جديد تقدر تعيش على جالو حست قلبها يخبط لأول مرة في حياتها بعدها عنقها و زير عليها و قاللها : راكي تحسي واش راني نحس؟ فهديك الدقيقة ضعفت قدامو بصح عاودت ستجمعت قوتها و طبعاتو و هربت لشمبرتها ...

الحلقة 13

فهديك الدقيقة ضعفت قدامو بصح عاودت ستجمعت قوتها و طبعاتو و هربت لشمبرتها خافت يكون احساسها غالط خافت تكون الشهوة تاعو غلباتو خافت تتقبل هاد الحب و يضيع من بين يديا كيما ضاع كلشي حباتو غلقت الباب بل مفتاح وتكات عليه ودموعها على خدها لحقها و قعد عند الباب ويقول صبرينال علابلي بلي راكي تحسي واش راني نحس حنا ماتلقيناش صدفة حنا مقدرين لبعضانا صبرينال خلقتي باش تكوني معايا رجعتي زوج مرات من لموت باش تعيشي معيا ، جاوبيني راكي تحسي بلي راني نحس بيه ؟؟ ايدا ماراكيش تبادليني نفس الاحساس نوعدك منزيدش نجبدلك سيرة على هاد الموضوع
هي كانت مور الباب شادة فمها و تبكي ونفس ترجع فيها غير بسيف مسحت دموعها و قوات روحها و جاوباتو...
إياد ماراني نحس والو من جيهتك قالتها وهي تكذب مع روحها قلتها وهي تخدع فروحها قبل ما تكذب و تخدعو هو رفد روحو و راح لشمبرتو و ف صباح ناضت وجدت القهوة وقعدت تستقهوى حتى دخل للكوزينة تبسملها تبسيمة خفيفة و قاللها صباح الخير و قعد يستقهوى كلي شي ما صرا، كمل قهوتو وراح للخدمة ، طلعت لشمبرتها وجدت روحها وخرجت تجيب الفيزا لي اخيرا وجدت ، بعد ما جابتها ، كانت راجعة قاطعتلها طنوبيل طريقها و خرجولها منها زوج رجال خطفوها و غير فطنت قابلها الوحش تاع فراس واقف قدامها سكران و شاد في يدو قرعة شراب ، كان سكران لدرجة وين ماقدرش يوقف على رجليه قعد قدامها وبدا يقول : ليوم نهاري ليوم ننتقم من إياد ... إياد هو الكونسار لي صاب حياتي ، اول شي دخل السوق وكان يربح كل صفقة يعقدها و دالي پلاستي و كامل عملائي خلاني نتراجع ونخسر شويا بشويا ثاني شي تقربت من ختو وخليتها تتعلق بيا بصح ماحبيتهاش شفت فيها صلاحي برك و ثالث شي كان الكارثة

الحلقة 14

مسح منو كامل الادلة لي دل بلي تلفونو و تخلص منو كي حطو ف جيب وحدة جازت عليه ولي كانت هي صبرينال .
و اخيرا قدرت صبرينال تكسب ثيقة فراس و تفاهمت معاه باش يتافقو و ينتاقمو كيف كيف من إياد و الخطة هي انو تكمل تعيش مع اياد و تخليه يطيح في حبها و يتزوجا مبعك يكتبلها املاكو وتغدرو وتتقاسم الاملاك مع فراس و يبقى إياد يتسول على طرف خبز يابس يسكت بيه جوعو ، و حذرها لوكان تسيي تخدعو راح يقتلهم في زوج .
ومن جيهة وحدوخرة إياد كان قاعد و يستنى ف صبرينال لي طولت ما ولاتش ، تقلق عليها بزاف و خاف كاش ما يكون صرالها ، وهو يخمم فيها حتى تدخل عليه ، وجها صفر فمها ناشف الخوف لي كان فعينيها ماشي عادي تقول هربت من يد الغسال ، قاللها و هو حاير و خايف كاش ما يكون بيها : صبرينال راكي مليحة ؟ صبرينال كاش ما صرالك ؟ و هي تخزر فيه خزرة الم و خوف و حب، حبت تعنقو وتقولو واش صرا معاها واش عرفت او واش راه صاري مور ضهرو بصح خافت تقولو و مايعرفش يتحكم فلغضب ديالو، خافت تقولو الحقيقة و فراس يأذيه
نطقت وقالتلو : ما بيا والو ليوم راحت نجيب الفيزا و لقيتهم زادو عطلولي فيها هدا مكان
طلعت صبرينال لشمبرتها وقعدت تخمم كيفاش دير حل للموصيبة لي طاحت فيها ، خممت و خممت و خرجت بحل واحد ولي هو تكمل في لعبتها مع فراس و تسجلو فديو و هو يحكي و يكشف في روحو مبعك تسلم الفديو لشرطة و يحبسوه بلا ما إياد يتورط معاه و تخلاص لحكاية بقاتل و مقتول .
صباح ناضت صبرينال وبدات تنفد في خطتها راحت لعند فراس بدات في تمثيلها بصح هاد المرة اصعب خاطرش فراس راهو صاحي ولازم تكون حيلية كثر منو... دخلت لعند فراس وبدات تحكي معاه وتحاول تخرجلو الهدرة من فمو و ديرلو فديو بصح فراس مكانش حاب يدي ويجيب معاها فلهدرة پاسكو الموضوع حكاو فيه وخلاص ، وقد ما سيات تنطقو ماحبش ينطق ، بقالها حل واحد باش يحكي و هادا آخر حل كان ممكن ديرو بصح كان لازم عليها ضحي على جال حبها ، الحل الاخير لي بقالها انها تمشي بما تشتهي الرياح ، يعني فراس واحد نسوانجي (يحب النسا بزاف ) كان عليها تغريه بجمالها و تخليه يجاوب على كل أسئلتها بدات في خطتها وبدات تتقرب من فراس وهو عجبو لحال و تقرب منها پاسكو ماقدرش يقاوم زينها خلاتو يدنا ليها و يبوسها يعنقها يمسها و كل خطوة كان يخطيها معاها كان يجاوب على أسئلتها بعد ما ستغلاتو و صورت واش كانت حابة ...

الحلقة 15

مسح منو كامل الادلة لي دل بلي تلفونو و تخلص منو كي حطو ف جيب وحدة جازت عليه ولي كانت هي صبرينال .
و اخيرا قدرت صبرينال تكسب ثيقة فراس و تفاهمت معاه باش يتافقو و ينتاقمو كيف كيف من إياد و الخطة هي انو تكمل تعيش مع اياد و تخليه يطيح في حبها و يتزوجا مبعك يكتبلها املاكو وتغدرو وتتقاسم الاملاك مع فراس و يبقى إياد يتسول على طرف خبز يابس يسكت بيه جوعو ، و حذرها لوكان تسيي تخدعو راح يقتلهم في زوج .
ومن جيهة وحدوخرة إياد كان قاعد و يستنى ف صبرينال لي طولت ما ولاتش ، تقلق عليها بزاف و خاف كاش ما يكون صرالها ، وهو يخمم فيها حتى تدخل عليه ، وجها صفر فمها ناشف الخوف لي كان فعينيها ماشي عادي تقول هربت من يد الغسال ، قاللها و هو حاير و خايف كاش ما يكون بيها : صبرينال راكي مليحة ؟ صبرينال كاش ما صرالك ؟ و هي تخزر فيه خزرة الم و خوف و حب، حبت تعنقو وتقولو واش صرا معاها واش عرفت او واش راه صاري مور ضهرو بصح خافت تقولو و مايعرفش يتحكم فلغضب ديالو، خافت تقولو الحقيقة و فراس يأذيه
نطقت وقالتلو : ما بيا والو ليوم راحت نجيب الفيزا و لقيتهم زادو عطلولي فيها هدا مكان
طلعت صبرينال لشمبرتها وقعدت تخمم كيفاش دير حل للموصيبة لي طاحت فيها ، خممت و خممت و خرجت بحل واحد ولي هو تكمل في لعبتها مع فراس و تسجلو فديو و هو يحكي و يكشف في روحو مبعك تسلم الفديو لشرطة و يحبسوه بلا ما إياد يتورط معاه و تخلاص لحكاية بقاتل و مقتول .
صباح ناضت صبرينال وبدات تنفد في خطتها راحت لعند فراس بدات في تمثيلها بصح هاد المرة اصعب خاطرش فراس راهو صاحي ولازم تكون حيلية كثر منو... دخلت لعند فراس وبدات تحكي معاه وتحاول تخرجلو الهدرة من فمو و ديرلو فديو بصح فراس مكانش حاب يدي ويجيب معاها فلهدرة پاسكو الموضوع حكاو فيه وخلاص ، وقد ما سيات تنطقو ماحبش ينطق ، بقالها حل واحد باش يحكي و هادا آخر حل كان ممكن ديرو بصح كان لازم عليها ضحي على جال حبها ، الحل الاخير لي بقالها انها تمشي بما تشتهي الرياح ، يعني فراس واحد نسوانجي (يحب النسا بزاف ) كان عليها تغريه بجمالها و تخليه يجاوب على كل أسئلتها بدات في خطتها وبدات تتقرب من فراس وهو عجبو لحال و تقرب منها پاسكو ماقدرش يقاوم زينها خلاتو يدنا ليها و يبوسها يعنقها يمسها و كل خطوة كان يخطيها معاها كان يجاوب على أسئلتها بعد ما ستغلاتو و صورت واش كانت حابة ...

الحلقة 16

من جيهة لوخرة كانت صبرينال قاعدة وتستنى إياد يجي و يعطيها حياة جديدة مادام صرات معاها هاد المعجزة عرفت بلي قدرها تعيش هنا مع اياد تحت سقف واحد
وصل إياد للمطار الدولي وعلابالو بلي موحال راح يصيبها وسط هاد الغشي لكبير و باش يختاصر وقتو او جهدو راح لعند الادارة وفهمهم بلي لازم يخلوه يدير نداء بل ميكروفون و يحوس عليها ، دخل إياد لغرفة النداءات ، شد الميكروفون وقال: صبرينال .... صبرينال علابالي بلي راكي تسمعي فيا ...
صبرينال هاد الشي ماشي صدفة ، قصتنا ماشي صدفة ، هاد هو مكتوبنا ، مكتوبنا نكونو مع بعضانا حياتنا مقدرة لبعضنا البعض ، اعطي فرصة لقصة حبنا ، راني نستنى فيك فل مدخل الول
بعد ما سمعت صبرينال إياد ناضت كي لمهبولة تجري لعندو تجري و تزدم فناس تجري وتحوس عليه في وسط الناس كي التايه فصحراء يحوس على قطرة الماء ، وصلت لعندو و عينيها غارقين في دموع الفرحة، صوطاو على بعضاهم وتعانقو عناق الام لي لقات وليدها بعد سنين، عناق الجندي لي رجع من لموت ، عناق الطفل الصغير لي بعدوه من سدر يماه والناس كامل فرحانتلهم و تسفقلهم اخيرا جتمت صبرينال مع إياد اخيرا رجعت الروح للجسد ❤ اخيرا تكتبت قصة حب جدية قصة ماشي صدفة، قصة مقدرة باش تكون
صبرينال نوضي سكتي اسيل الله يسترك
إياد خليني نزيد خمس دقايق هداوين تغمضو عينيا
نوضي توجدي القهوة، أصلا نوضي ترضعي بنتك راهي جيعانة
اوكي هاني نضت نرضعها
ايه وانا وين راهي تاعي ؟؟ اه !! وين راه حليبي؟ 😍
إياد اخطيني هو كامل شويا حليب راح تزاحمها فيه 😑
اصلا انا جيت قبلها انا لي نسال فيهم 😡
إياد يا الغيور بعدني بعدني أي آي ااااا ...

النهاية
هل اعجبتكي الكرونيك؟